#رحل_همي_حين عرفتك
،،،،،بقلم زهراء امجد،،،،،،،،
الحلقة _ 38_
ازل :- باااشتي شوووف الفستااان الشتريته... حلوووو.
رفع راسه شهاب وضل صافن يباوعلي..
ماحسيت غير
تقدمت خطواتة
نحوي...
ممممم شهاب شبيك....
شهاب بهيام :- هاي شطالعة مفصل فصال عليج يحلوة وين جاي تلبسيه....
ازل :- بخطوبة جوري غير....
شهاب بهمس :- كل عقلج اخلي غيري يشوف
شوفيلج غير هذا اللبس احسن مااشكه...
ازل :- شهاااب شنو السالفه هوه منو شايفني حباااب والله كلها بنات وبس عبد الله يدخل والبس عباية بوكتها.....
شهاب :- بنوتي ليش تعاندين كتلج كلمة خلللص هذا اللبس ميلبس لغيري فاااهمه....
ازل :- وخر مني وهاي حتى الفستان راح انطيه لجوري ماريده.....
شهاب :- اويلي الفصعوونه زعلت.... بطلي عناد حبابه وتعالي نتفرج فلم......
ازل :- عفت شهاب ونمت..
كعدت ثاني يوم نفس الروتين محد بالبيت والشغل اني وحوري وجوري بدت تحضر الخطوبتها....
مرت الايام واجه يوم الجمعة.....
كعدنة من الصبح حتة نلحك نكمل البيت كلشي واروح اني وجوري للصالون.....
كعدت لملمت البيت ونضفته وكعدت جوري....
وسوت ريوك صارت حدود ساعه 10 وبدو يجون الخطار خوال وخالات جوري وبابا وماما هم اجوي....واسيل وحسن لان عزمنه صديقتنا اسيل.....
جوري :- كعدت لكيت ازل مكمله كلشي تريكت وطلعنة للصالون وكالتلي ام الصالوم شسويلج اني عجبني مكياج خفيف مااريد طوخ ميلوكلي....وتسريحه ناصيه واغلب شعري ينزل احبه لان شعري كلش حلو وطويل....
رسمتلي عيني وضلال ذهبي مثل الفستان وحمرة بيجي ولبست عدسات عسليات كلش حلوو طلعت.... كملتني حدود ساعه ب2....
ازل :- اني بس شسورت شعري ومكياج خفيف...وحضرت فستان طويل مال محجبات لان شيخلصني من شهااب ميقبل.... كملنا ولبسنا عبينا واجه شهاب ياخذنه.....
رجعنا للبيت الخطار تارسيه ترس وكالو ب3 يجون الخطابة علينا بسرعه رتبت البيت والتهيت....
صارت ب3 وكالوووو اجوووي....تحضرنا دخلو النسوان تهلهل ويسلمن علكل اكو الاعرفهم واكو الي اول مرا اشوفهن... سلمن عليه... وكالو هنيال شهاب بيج حليوة زغيرة....
جوري :- وضلنا للبيت وضليت انتضر وكل سع رساله من عبد الله يريد اشوفه نفسي ولوو يموت مااطكله صوره خليته يلوووب هههههه وراها صارت ب3 ووضلووو وكع كلبي بيدي كلش خايفه مرتبكه كعدو خوالي وعمامي ويسولفون علحاضر والغايب 10/10 وكملو كل السوالف وجايبين الشيخ وياهم فصاحوني.... ونبهتني ماما اخر مرا ياله اكول نعم اني موافقه....
بده الشيخ يردد كلام واردد اني وعبد الله وراه لحد ماعاد عليه هل تقبلين بعبد الله زوجا لكي.....
عادها ثالث مرا ياله كتله نعم اني موافقه... بس بداخلي خوف وقلق وخجل ماعرف بساعتها شصار بيه...
وبدت الهلاهل..... والمباركه الي.....
نوب رجعنه كعدنا واجه كعد يمي وجابو كيكه عقد قران جوري وعبد الله وكصينا الكيك وشربنا الشربت ولبشني الذهب والحلقات وطكينا لقطات تجنن.....
عبد الله :- مبروووك عليج وعليه حبيبة كلبي...
جوري :- الله يبارك بيك حبيبي....
لج هاي شطالعه بربج ....
عبد الله اسكت لايسمعوك عيب والله.....
لج ياعيب بابا دبريلي حجه امشي اريد احاجيج بالغرفه.....
لك شكوللهم عيب والله استحي.....
مااحس الا عبد الله صاح امه وشاورها....
عزززا بعينه شراح يسوي.....
ام عبد الله :- خيه ام شهاب خلي عبد الله وجوري يحجون شويه بالغرفه.....
ام شهاب :- تدللين خيه كومي يمه جوري اخذي عبد الله.... للغرفه....
جوري :- اخذت عبد الله وطبينه للغرفه...
عبد الله :- خلي ابالج نهايت هل شهر زواجنه....
ونسافر لتركيااا شهر عسل.....
جوري :- لا عبد الله حباب وين الحك....
ماكو لاعبد الله ولاحباب وهاهيه ويله امشينا خل نطلع عيب منهم.....
جوري :- جوري طلعنا....وازل شافتني غمزتلي هههننهه وراها شويه البنات ركصن وراحووو....
ازل :- بعد مراحو الخطار وكملت الحفلة بديت للبيت تنضيف من فوك ليجوة مكلوب البيت كلاب..... هلكت من التعب....
انتضرت شهااب واني ضابجه منه من ورا فستان الخطوبه....مااحس الا فتح الباب وطب....
شهاب :- هلا مريتي شلونج....
تمام محتاج شي اسويلك عشه لان اريد انااام...
لا حبيبي سلامتج ...
همزين عافني شهاب ونمت ...
ثاني يوووم خابروووني اهلي كالو بعد اسبوووع زواج حسن واسيل.... نزلت لعمتي كتلها...
وهم كلت لشهاب لان اريد اطلع للسوك اشتري هدوم للعرس.....
كملت تنضبف وغده صار العصر رحنه اني وعمتي وجوري للمولات الي بديالى اشتريت نفنون للحنه كصير ومنفوش لون وردي.... وشغلات نواعم...
مرت الايام بشكل عادي.... وقبل الحنه بيوم رحنه اني وعمتي وشهاب وجوري... بس بالكوة قنعت عبد الله تجي عيب من اسيل صديقتها لازم تجي...
طلعنه وللطريق كله اباوع علمناطق وصلنا بغداد وشوارعه مشتاقه صارلي شهر من مزوجه بس جن سنه عدت عليه مرايحه لبغداد... وصلنه ونزلنا كلنا تلكتنه ماما وبابا واخوتي...
نزلنه سلمنه عليهم لكيت خواتي كلهن جايات والاجواء تخبل وحسن يركص بجفيه ههههه... وبنص خواتي...
ازل :- لك اثكل اسيل ام المصاص مسوت مثلك ههههه
حسن :- خاب ماطيرين شذكل غير منتضر هل يوووم صار كوووومه ومن ورا ام المصاص فرفحتني.... مسويتها عليه جفاف... من يوم الخطوبه ليهسه....
نعمان :- خاب ماتنجب وبطل سوالف هاي خواتك هنا.... وتعاي ازيله يبعد اخوج وكلبه شلونج خويه...
ازل :- جنت احجي ويه حسن وماحس الا نعمانه من ورا اجاني صوته رحت ركضت عليه مشتاقتلك يبعد كلبي... الحمد لله وانته شلونك...
عيسى :- هلا اليوم العافيه جايتنا... هلا بعد اخوج...
ازل :- هلا يرويحتي انته ابوي الثاني مشتاقتلك كووومه... همزين اجيت لان لو مجاي جان اجيت لبيتك.... مشتاقتلكم كلكم والله....
جانت احلى لمه ابد ماانساها سوالف وضحك لليل والبنات كامن سون عشه ولاجاهل ولا ثنين سرب جهال حسن طك راسه من الهوووسه عافهم وصعد فوووك لف راسن ونام مدري كضى الليل يتغزل بأسيل ولو دجه دبل اعرفها اذا كاللها حبيبتي تموع ههههههه ماتجاوب... جنه كلش فرحانين وجووري تأقلمت ويه خواتي سوالف.. لان طبعها خجوله... مدري فاهيه هههه
ثاني يوووم من الصبح رحنه عله اسيل اني وجوري لان صديقتي ولازم اوكف وياها هناك بس امها.... رحنه بعد الريوم حدود 9 الصبح وتللكيناها....وصلنا شهااب
اسيل :- هلا هلا بالضلعاااات... شلووونجن ولجن مشتاقتلجن كووومه...
ازل :- هههههه بس اليووم يخيه تشتاقيلنا باجر بحضن حسن تنسين عشيرتج كلها هههه
جوري :- عابتلج ولج اتزوجتي اخوي وطالعه عينج لتفسدين البنيه باااجر تفسد خليها اليوووم بريئه هههه
ازل :- خاب ماتنجبين علاساس هسه انتي منحرفتي من عبد الله.... سكتي خليني ساكته...
اسيل :- ايا منحرفات ولجن سكتن وامشينا حسن اتصل يله امشي نطلع نروح للصالون ماريد اتأخر من كركرتجن....
ازل :- اويلي يااابه المستعجله.... تراااا ماداعي تستعجلين خيه اليوم الحنه الحنه موش الزفه..
جوري :- هههههه خو انتي ازل متخلين كلمه متعلقين عليها امشناااا....
اسيل :- رحت وصلنا حسن للصالون وطول الطريق اغاني مشغل تجنن وكل ساع جافصله كلمه كدام البنات ومن الخجل خربانه ضحك وخدودي حمر وصلنا للصالون بدت ام الصالون سوتلي تسريحه عاليه.... وجانت بدلتي مارونيه تجنن خلتلي حمره مارونيه ومكياج ناري حلووو جان بوقتها...
ازل :- شسويت شعري وهوه كصير بس عدلتلي كصته وبقيته نازل ومكياج خفيف وحمره وردي لان فستاني جان وردي منفوش... كلش حلو طلع عليه لبست جبتي.... فوكاه...
اسيل :- اني لبست فستان طويل بيجي ردانه تور وسوتلي مكياج وحمره بيجي شعري مبروم...
ازل :- كملنا بحدود 3 الضهر خابرنا حسن اجانه حضرنه اسيل ولبسناها البركع وسترناها ومرينه للتصوير طك صور هوه وياها كلش حلوة لقطات للحنه وراها رجعنه لبيت اسيل وياها لكينه خطيه خاله هيه منضفه وكلشي كامل.... شغلنا اغاني اعراس وخاصتاا اغاني ساجده عبيد مجرد ماكاعدين وتشتغل كل جسمنه يردح هههههه
جنا غساله خربانه ههنههه بس تهتز....
صارت ب5 اجوي كل اهلي وكرايبي لبيت اسيل واجواء تجنن جانت احلى مايكون وكولات عرس...ورا شويه صاح حسن يريد يطب يحنيها
فطب وبده يلبسها ذهب وكص الكيك وحناها وكل سع مصوريهم وبس يحوووص اباوعله ههههه ويمسح عرك كصته.... خطيه صخن الولد....
كملنه وصارت اجواء تجنن وراها ب9 اغلبهم راحو وبديت انضف اني وجوري بيت خاله ام اسيل خطيه تعبت اليوم فبقينه يمها... انضف وتالي الليل نرجع اسيل صعدت تبدل وتسبح... واحنه التهينا كملنه تنضيف وخابرنا اجانه شهاااب.... طول الطريق شهاب ساكت وضايج ههههه لان عفته اليوم يمكن مشافني ابد....
وصلنا للبيت طبت جوري قبلنا....
شهاب :- اي خاتونه تونستي مووو واني عايفتي حته نضره ماكو.....
ازل :- اي والله كلش اتونست....
شهاب :- اشتعلو عشيرتج اليوووم خل انام بغرفتج القديمه اني وياج...
ازل :- لااا شعدك اني انام يم خواتي انته رووح يم الولد اخوتي شسوي يمي....
شهاب :- يصير خير ازيله بسييييطه الا اطلع هل ونسه من خشمج خل نرجع....
ازل :- هههههه خربت ضحك ادري داالعب بأعصاابه هههههه يستاهل شسويله لعد غير عرس اخويه اضل مكابلته.... نمت من التعب يم خواتي هنه يسولفن واني بسابع نومه ثاني يوم هم كذلك كعدت لكيت اهلي الاغاني والسوالف والضحك...
صباح الخير ياقووووم متى استيقظتم....
الكل :- صباحج ورد كاعدين من زمان كومي يله تريكي بساع ترا اسيل خابرت يله..... ترحين وياها.....
ماشي هسه اغسل وابدل بسرعه....
كمت هم كذلك اني وجوري رحنه ولبست جبتي ووصلنه ورحنه للصالون... وبدت تشتغل ام الصالون باسيل وطلعت كلش حلوة حن لعباه بس كل سع تريد مضاض ونضحك عليها... ههههه
مدمنت مصاص متصيرلها جاره.... يمكن بس يزفها دكله جيب الكارتونه مال مصاص ويانه ههههه
كملنه واحنه هم مكيجنا ولبسنه هل مرا جان فساتين مستوره طلعنه وياها للبيت ب4 كضيناها ساعه ركص صارت ساعه 5 اجوي الزفه اهلي واخويه وبابا هم واخوتي واسيل ضلت تشبك بأمها وتبجي خربت مكياجها العوبه.... اخر شي اخوها ابراهيم سلمها لحسن وطلعنا جانت زفه كلش حلوة فرينا شوارع بغداد بعد مكملوا البوم الصور وكذلك كامره ويانا بالزفه تصوير كامل....للزفه...
اخر شي اخذ اسيل للفندق لان البيت الامه العربيه كلها بيه مياخذون راجتهم بس خواته سرب واخوته والجهال وكرايب..... ورجعنا للبيت....
وعمتي ربيعه كالت انو باجر من الصبح نرجع فرأسن رجعت نمت من التعب وخليت خواتي ونسوان اخوتي ينضفن تعبت كعدنا الصبح وتوجها لديالى....
مرت الايام بشكل هادئ وشهاب وياي احسن مايكون كلش حلو تعامله وطيبته نتعارك صح من غيرتي اذا علق بالفيس او شي اكلبها كلاب عليه مو بيدي غيرتي كلش صرت اعشقه هوا اب وام واخ وزوج وحبيب كلشي هوا صار الي الهوا الاتنفسه....
بس بت عمه تضوجني شكبرها عجيزه بلثلاثين وممزوجه وبس تلزكله فدوم هل شغلتيت اعاركه من ورا بت عمه ومن ورا الفيس اذا علق فصار يجنب هل شغلتين حته منتعارك ههههه
مرت الايام وقرب زواج جوري وكملت جهازها سوو العرس والحنه يوم واحد لان ثاني يوم يسافرون لتركياا....
تجهزنا كذلك بيت تنضيف وحملات وبيومها الخطار ملا البيت ملي وحجز بالقاعه يعني لبس مستور لان مختلط عوائلنه..... وهيه هم حجاب لبست وجانت كلش حلوة وشهاب سلمها لعبد الله وضل يوصي بيه لان جوري وحديتهم والعزيزه....
وصارت زفتها ورا مكملنا من القاعه زفيناها ومبقينا مكان يعتب جانت كلش حلوة رجعنا من الزفه ب12 بليل منهكه تعب... ومن وجهي كبل للنوم... حته بلا مااغزل حاول شهاب وياي اكعد ماكو قفلت ضل البيت بس اني وعمتي وفهد وسامي وشهاب يعني اني الجنه الوحيده وصار كلشي تنضيف وغسل وكلشي بالبيت اني المسؤؤله ومرت الايام بأحلى مايكون.... وعمتي زينه وياي وكذلك اني ممقصره بشي تستكي بيه مني.... ومر عله زواجته اكثر من سنه وبيوم
جنت نايمه على بطنة واللعب بالتلفون وهو كذلك لازم موبايلة بيدة ويراسل....
اني جنت أقرأ قصة
ومتونسة على غيرة البطل على البطلة
وطبعا اني الدراما اشتغلت بعقلي...
اني من النوع احب أعيش اللحظة كلش ههههههه
حجيت وي الباشا مالتي
واني معصبة
اكووووول باشا انت شوكت تحس بلة....
شهاب :- يا ستار يا ربي شكو على شنو أحس ازل إذا شي تافه... تنكتلين والله... حذرتج...
ازل :- ذبيت التلفون من أيدي وكمت واني أعقد واكلب خلقتي
كام وعدل كعدت على الجرباية تربع...
شهاب :- مازال الحواجب انعقدت يعني غيرانة بس من شنو.....
سعاد ما جايتنا....
وتعليقات لبنات ماكو.....
ولا مسوي شي يخليج تغارين شكوو... خير ياطير غرديلي شبيج.... لان تعودت عله خبالاتج...
ازل (بكاء مصطنع) :- عااا انت ما تحبني وما تغار عليه شوف البطل شلون حرك أهله علمود البطلة.....
شهاب :- ضحكت واني اكلها على شنو اغار عليج بلة هو انتي هالكدوتج حتى إذا طلعتي ماتبينين قزمه....
ازل( بعصبيه وحده) :- باااااااشا هسة صرت ما ينغار عليه مووووو ....
لعد ليش كل طلعة نطلعها تتعارك أذكرك لو نسيت الي كسرت سنونة بس لأن كال فدوة لهل الشفة....
تذكر كم زيارة خربتها... من ورة غيرتك...
كم مطعم ما أكلنا بي بس لأن حضرتك تتخيل أبو المطعم يباوع عليه....
هسة صرت مالة داعي تغار عليه...
شهاب :- غلست واني اشوفها شلون عصبت...
ادري بيها خبلة تصدك....
جاوبتها اي عادي اصلا اني اضوج اطلع وياج لذلك اتعارك حتى نرجع.... ماحب اطلع وياج..
ازل بمكر :- اوك باشا ما زال صار الحجي هيج اني أروح اشوف واحد يغار عليه تدري معجبيني هواي عاد ميقصرون....
بعدني احجي وانجريت من زندي عليه....
شهاب :- حجت هالكلمة واني انجنيت عقل مبقه براسي وهيه تدري بغيرتي شنوو... جريتها من زندها عليه
وصرت أهمس بذنها....
ليش اغار واني ضامج من عيون الكل بكلبي قبل لا اضمج بالبيت.....
ليش اغار وانتي ليلج بحضني ونهارج بين ادية......
ليش اغار واني أملك كل ذرة بيج....
ليش اغار واني اعرف كلبج ما يدك إلا الي ...
ليش اغار وادري عيونج ما تشوف غير عيوني
سنفورتي شتريد....
أتريد اهتمامي بكل وقت ...
واني احب دلالها هذا.....
ابد ما تخليني امل بروتين غبي......
همستلها تريدين الصدك اني ما اغار اني احترك بنار وتشتعل بصدري جهنم.....
اني اتعارك من نطلع سوى حتى نرجع ومحد يلمح طولج.......
اتخبل واني المح نظرت شخص لعيونج حتى لو بالغلط......
انتي مخلوقة الي انتي الراحة الي الله جازاني بيها بعد التعب......
انتي دعوة امي برويحة حلال.....
ازل :- شهاب يحجي واني مغمضة عيوني أحس هذا عالم أحلامي الواقعي.....
رفعت راسة ابتسم.....
عيوني صارت بعيونة.....
ضحك
عاد يا باشا انت واني ندري الي تطيع زوجها تحصل....
الجنة....
لذلك اني ضرررروري اطيعك....
ضحك بصوت عالي
شهاب :- خرررب بسعاد ...
ازل :-اوي عيني ما تكول زوجتي بكاء مصطنع
والله تعبت ونعست اصلا امداية بعد إذا اغار من قصة وانت هم لا تغار عليه بطلت ماريد....
كمت الفجرية للصلاة باوعت ازل نايمة حبيت اخبث عليها....
جريت الفون وشغلت النغمه....
سويت روحي أرد عليها وحجيت.....
اني مو كتلج لا تتصلين بالليل ازل نايمه اخاف تكعد ميخالف يا عمري اني هم مشتاقلج....
كلت هالكلمه وطفرت ازل وهي ترجف جرت الفون.....
ادبسزز منو انتي اليوم اللعب بيكم لعب
باوعت على الجهاز كلشي ماكو لا اتصال ولا شي وهي بهت لونها.....
متتتت ضحك عليها
حيل صار ساعة من كتلج كومي صلي يلا ....
ازل بغيظ :- خبيث ومتضحك شكد غثيث اكو واحد هيج يسوي.....
شهاب :- تستاهلين يروحي كعدتج مثل الا دام ماكمتي شسويلج لعد.... ونقطة ضعفج غيرتج استغليتها يحلوة يلا كدامي كومي....
كامت
تطلع ملابس وهي تدردم علي
فرشت مصلاية الي والها
بين ما تسبح وتجي اقرأ دعاء الحزين كلش احبة.....
خلصت القراءة وهي كانت تعدل بحرام الصلاة على المراية.....
اباوع لطولها واحجي بداخلي سبحانك ربي
هالبنية شلون زرعتها بكلبي....
احبها حيل....
اتقربت عليه... وابتسامتها بوجه
وحجت ....
يلا حبيبي ترى إذن كوم صلي
صلينا ونمنا....
الصبح طلعت للدوام وهي غافية ماكعدتها خطية تعبت من البارحة ههه.....
ازل :- نايمه ومااحس الا
اجتي.... فوك راسي...
ربيعة وهي تحجي
ربيعه :- ولج صخيمه ازل
كووومي
كولي عمتي كاعدة وحدها
ازل :- ضحكت واني اكمل حجيها
كولي عمتج كاعدة وحدها مثل البومة لا حضيت بولد يكعد يتريك وياي ولا جنتي ألعوبة
تكعد تكابلني على الاكل
ربيعة :- كومي ام لسان لا تخليني أشد وياج واصير العمة الحقيرة
كومي خلي نتريك
ازل :- كمت ويه عمتي... خطيه بعد زواج جوري راسي من راسها بس اني وياها وخطيه تضوج بوحدها.... كمت سويت ريوووك وكعدنه ناكل....
وهاي اغلب وقتي هيج ضاله بالبيت كاعده اتابع قصص واتباد كلش احب القصص والقراءه والعصريه نتعلل اني وعمتي جاي وكعد ونفرش المدات بالحديقه ونكعد وكت المغربيه تكون بيها جو بيه بروده....
الى هنا تنتهي... قصتي.....
اشكر كلمن اتعاطف وياي
والى هنا تنتهي قصه ازل حبايبي
تحياتي لكم الكاتبة زهراء امجد
حسابي الانستا تابعوني ♥️