#رحل_همي_حين عرفتك
،،،،،،بقلم زهراء امجد،،،،،،
حلقة 13
لاتنسون تصويت ومتابعه حسابي واتباد وتعليق على الفقرات ♥️
حيدر :- هذا جان الحل الوحيد بيدي اترك ازل
صح احبها وأموت عليها
بس ازل حالتها ما تساعد هل شي خلة امي تلكة حجة عليها
اني اصلا حتى إذا بقيت مصر على ازل ماعرف شنو نهاية اصراري
هاي امتحاناتها ضاعت عليها وهي الي يشوفها
عبالك مومياء....
رحت مرة وحدة شفتها
فقط اتسودنت من اجيت يمها لذلك فضلت الابتعاد
اني رجال مسالم رايدلي مرآة
ترضي اهلي وترضيني
ماريد اي مشاكل بحياتي
وحب ازل كله مشاكل وتعب وعلى كولة الي يكولون.....
الي يجي بتعب يروح بسهولة
وهاي اني شكد
أحاول اصحح الوضع بينا بس ماكو خط رجعا بعد
ام حيدر :- ها ولك فضيت السالفة وخلصتنا
الأسبوع الي يجي اخطبلك جيهان ونخلص من هل هم الي على كلبي....
حيدر :- ليش يمه خشيتي بخطيتي وخطية ازل
إذا صحت يا يمة ودرت اني عايفها تتخبل
أم حيدر :- اشو ما تنلصم تتخبل ولك هي خبلة
ولك حويدر حتى لو تزوجتها هسة تلكة الجن ماخذها قبلك....
حيدر :- سلام قول من رب الرحيم
جن شنووو يمه ازل مريضة من كل عقلج
ساعة سحر ساعة جن....
شنو يأخذها جن كولي بعد يخلفون جهال
شهل اللعب....
ام حيدر : دنلطم انت شفهمك بهاي السوالف ويلا امشي مني المهم خلصنا ....
نعمان :- الدنيا الضهر وحارة
دخلت للبيت شربت مي وأخذت ملابسي ورحت للحمام
سبحت وطلعت كبل لغرفة ازل
سهى نايمه وهي نايمه
حسن بعدة مجاي
الله يريحج من وجعج بعد اخوج
مددت بصفها من الجهة الثانية
كعدت سهى
سهى :- هلا خوية اجيت اسويلك غدة
نعمان:- لا حبيبة اكلت بالدوام شلونها ازل اليوم
سهى : نايمة ولا كعدت ابد بس صدك نعمان البارحة بالليل...
لكيتها خاتلة
بالزاوية ومادري شكاتبة
و تحجي
أخذت الورقة وشفت رسمها عجيب غريب
نعمان :- دكومي يا سهيوة جيبي خلي اشوف بلكت الله يفيدنا بشئ...
سهى :- هياتهن شوف شراسمة اني استغربت
ازل وردة ما تعرف ترسم
وهي بالمدرسة
جانت المدرسة تعاركها من ورة خطها لأن ضعيف
شلون هيج راسمه
نعمان :- سهى لا تكولينها هذا رسم ازل
شنو معنى؟؟
أول رسمه جانت عبارة
عن نجمه
داخلها رسم ما عرفت شنو هذا حيوان او ماعرف شنو مرسوم حولها أرقام وحروف
بشكل غريب شنو معنى هاي رسمه يا ازل
شنو إلي تريدنة...
أنت تقرأ
رحل همي حين عرفتك
Romanceقصه حقيقيه..... اتعبت قلبي.... وياقلب بك ابتلى.... رضيت بنصيبي.... ولم يرضى النصيب بي... تعذبت تألمت والاهم من كل شيء صبرت فبعد الصبر بشرني ربي بك..... انت لي وانا لك انت ملكي وكل انش املكه لك..... اعشقك يامن خلقني الله من اضلعك.....
