#رحل_همي_حين عرفتك
،،،،،بقلم زهراء امجد،،،،،،،
الحلقة_7_
لاتنسون تصويت ومتابعه حسابي واتباد والتعليق على الفقرات ♥️
حيدر :- شبيج ازل ترجفين ترى بعد ماخاطبين شسالفتج
ترجفين
ازل :- حاولت ابتسم بوجه واروح
مابقيت كاعدة
اجتني ايناس....
ايناس :- ازل شبيج ولج وجهج أصفر شصايرلج يولي.....
ازل :- بنفس مكطوع ايناس صدري ماكدر أحس اكو شي بصدري ياذيني كوة اتنفس....
راحت تركض واجتي هي وهبة مرت اخوي سعد
دخلني للغرفة وهي تكلي
_ اسم آلله شجاج ولج
عاطت ايناس وهي.....
تشوف وجه ازل صار ازرك من الخنكة
صاحت بهبة...
_ولج هبه اركضي صيحي عمتي راح تموت شوف حالها....
اشوفهم كلهم صاروا يمي امي وهبة وبيبي
بس ماكدر لا احجي ولا أتنفس كلش صعب علي
غمضت عيوني بضعف ماكدر اتحمل الوجع
بيبي جانت تقرأ سورة الفاتحة على المي سبع مرات وتشربني اياه ايزيل كل الوجع
لحظات وراح الألم من صدري وكعدت طبيعي...
امل :- ايناس اليوم اخذي ازل انتي وعيسى ودوها للدكتور....
العصر اني مابية أروح وأخوتي هنا يبقون ماكدر اطلع
ايناس :- اي والله عمة هاي ثاني مرة هيج توكع خلي نشوف شبيها
خلي احجزلها من هسة احسن....
ازل :- راحت ايناس تحجزلي عند الدكتور
سمعت صوت
امي توجه بأخواني شلون يوزعون الاكل على
السفرة الساعة ب12 ونص
حاليا وكت غدة
كمت اساعدهم
واني مستغربة ماكو اي ألم بجسمي ولا عبالك قبل شوية اختنكت
اتغدوا
وهبة تصب بالجاي وكالت
هبه :- ازل المواعين عوفيهن اني اغسلهن روحي اكلي انتي مريضة
ازل :- ولج والله ما أحس بأي شي ولا أي وجع
هبة :- ميخالف عوفيهن علي....
شربوا جاي واني جنت كاعدة اشرب ببسي وماحس إلا ايناس اجتي تعفت من بعيد
ايناس :- ولج ازززل تعالي
ازل :- شوراج احجي بدون مقدمات الله عليج
ايناس :- ولج جدج حاجة عمي أحمد على موضوعكم انتي وحيدر واحرجة لطلبة وما
انطة اي حجة يعترض لذلك عمتي تريدج
عودك تقنعج باابن اخوها ما تدري انتي غركانة ورايحة......
من اتحاجيج بالبداية ارفضي
بعدين كليها براحتج ماما وافلتي عود خجلانة...
ازل :- شكد ضحكت على طريقة وصاياها الما
تبطلهن عفتها تلغي ورحت لأمي لكيتها بالمطبخ
كالت روحي لغرفتي وانتظري....
أنت تقرأ
رحل همي حين عرفتك
Romanceقصه حقيقيه..... اتعبت قلبي.... وياقلب بك ابتلى.... رضيت بنصيبي.... ولم يرضى النصيب بي... تعذبت تألمت والاهم من كل شيء صبرت فبعد الصبر بشرني ربي بك..... انت لي وانا لك انت ملكي وكل انش املكه لك..... اعشقك يامن خلقني الله من اضلعك.....
