#رحل_همي_حين عرفتك
،،،،،،، بقلم زهراء امجد،،،،،،،
،،،،،،الحلقة الثانيه،،،،،،،
لاتنسون التصويت +التعليق على الفرات +متابعه حسابي الواتباد ♥️
تمارة خطيبتة محمد اخذوها اهلها مجرد ما انتهت الفاتحة.....
حتى اليوم السابع هي ما اجتي ماقبلوا يجيبونها
تمارة تصير بنت خالي مرة اجتي علينا وبقت كل العطلة الصيفية هي كلش حلوة وطيبة وتنحب شافها محمد وحبها تقدم لخطبتها بس أمها رفضت وعاندت.....
إلا هي تعاركت وي أمها وعافت اهلها واجتي علينا كالت ما ارجع والله شيسون خلي يسون اني احب محمد وهو يضحك ويكلها الله شكد حلوة هسة اهلج يكتلونة سوة.......
حبهم جان مثل النسمه اثنينهم
روحهم حلوة وضحكتهم ما تفارك وجوهم
ادخل بابا وعمامي وكوة يلا قنعت مرت خالي ونخطبوا لبعض
تالي خطف الإرهاب منها حبيبها
وتسلط اهلها عليها
لدرجة منعوها تحظر السابع مالته ......
صار وقت الفطور والكل انخبص يقومون بواجب العزاء....... لان رمضان....
خلص الفاتحه هاي هية انتهى كلشي بعد وخلص يوم السابع وكل شخص رجع لحياته..... لكن يبقى قلب الام ينعى لحد مماتها عله وليدها صعب من تفقد قطعه من روحها الي نازعت الموت ياله طلع من احشاءها هيج بسهوله يروح من اديها بأجرام ارهابي مو هيه الاف الامهات ذاقت لسعت الفراق.....
ازل _ بعد يومين كاعدة بالمرجوحة الي سوالي اياها اخوي الجبير نعمان.....
اتمرجح وصافنة على السماء صح الدنيا الضهر وحارة كلش لكن هالشي ما همني المهم ابقى برة ومادخل للبيت.....
البيت يخنك..... الضحكه مخفيه من كل الوجوه...
امي بعدها تبجي عله محمد وكذلك مرت اخوي فااضوج من اضل يمهم.... تنقبض رووحي....
وبيت عمتي اخاف اروحلهم.....
لأن كلساع تجي مرة على عمه
ويضلن يعيطن....
فبقيت كاعدة بمرجوحتي....
شوية وكمت اسمع صوت عياط من بيت عمتي
عبالي أحد اجة على عمة مثل العادة،
بس اتوضحلي هذا صوت عمه وهي تصيح....
رباب _ صخام بعينج انتي تردين تفضحيني كتلج اني اخسرلج كلشي بس اسكتي....
هسة خلص عزة ابني وانتي صوتج لآخر الدنيا....
سمعت سارة جنتها الجبيرة لعمتي تصيح....
ساره _ والله ذهبي بي كيلو كله انباك بفاتحة ابنج ترديني اسكت....
سكتت لحد يوم السابع كافي أريد ذهبي شنو ذنبي
ذهباتي من بيت ابوي جبتهن وياي ينباكن والله هسة تلكولي حل..... مالي دخل..... لو انتو تخسرووولي فلوسه....
STAI LEGGENDO
رحل همي حين عرفتك
Storie d'amoreقصه حقيقيه..... اتعبت قلبي.... وياقلب بك ابتلى.... رضيت بنصيبي.... ولم يرضى النصيب بي... تعذبت تألمت والاهم من كل شيء صبرت فبعد الصبر بشرني ربي بك..... انت لي وانا لك انت ملكي وكل انش املكه لك..... اعشقك يامن خلقني الله من اضلعك.....
