#رحل_همي_حين عرفتك
،،،،،،بقلم زهراء امجد،،،،،،،،
الحلقه _35_
ازل بصوت ناصي :- رحم الله أمراء عرف قدر نفسة.....
شهاب :- شكللللللتيييييي...
ازل :- كلت
ما كلت شي ولا حجيت
كافي أريد أروح لأهلي......
شهاب :- نجبي ولي من وجهي تريد تروح لأهلها... تهي بهي...
ازل :- على شنو باقية يمك بلة مكافيك رزايل وحجي بزعتني ما تريدني رجعني لأهلي وانتهت.... ليش ضال هيج تتصرف وياي باول اسبوع زواج اذا بقيت اكثر شسوي.....
شهاب :- انجبي روحة بأحلامج تبقين هنا وتسكتين..... بلا لغوه ماريد وجع راس.....
ازل :- نزلت دموعي بعد ما تحملت
اسكت.....
والله كلبي يوجعني اني مو عدوانية ولا أحب اتجاوز عليه.....
ولا هاي تربيتي بس ماكدر اسوي شي
وهو يهني ويضربني.....
استهضمت والله بجيت بكل حركة بكلبي
كعدت بالكاع.....
واني ابجي......
حضنت نفسي مو متحملة الاذية وكلامة القاسي.....
شهاب حباب كافي والنبي اني مامسوية شي
وعافية بابا لا مراسلة حيدر ولا حاجية وياة
ولا حتى دازة صوري.....
وداعة امي يا شهاب من يوم الي تركني حيدر ما باوعت عليه ولا شفتة بعيوني بعد... ولا يهمني
عديتة إنسان ميت بالنسبة الي....
اني ما أحاول ابينلك نفسي ملاك بس عزة نفسي ما تسمح لي.....
احجي وي شخص عافني...
ولا تربيتي علمتني اخون اني قسمتلك بالإمام راح اصونك واحافظ عليك.....
ليش هيج تشك بي
صرت اشهك بسمة واكول.....
مو انت واعدتني اتكون مثل بابا.....
شهاب بابا عمر ما ضربني شوف انت شسويت بية
شوف هاي خدودي الي جنت تبوسهم صاروا زرك بسبب ضربك.....
تذكر شكد كلتلي عيونج السود عالمي
شوفهن شلون متأذايات بسببك
باباتي والله اني متاذية منك
ليش ما تصدكني......
شهاب :- هي تحجي وتبجي كطعت كلبي اني غيران ومحترك نار.....
يا عالم هاي زوجتي هاي حبيبتي هاي ملاكي
شون يكشف عليها غريب.....
اي ابن خالها غريب عنها شون ما تخبل واني ادري......
جان يحبها.....
وهي هي تحبة جانت انهيارها كبالي عذب روحي
عليها......
برائتج يا ازل شون بيها ولج لا تبجين كلبي رجيج عليج سحبتها لصدري......
ادري اني الي ماذيج....
بس هذا وطنج ابجي على صدري حتى لو غلطانة انتي .....لا تبعدين......
خلي دموعج تطفي نار غيرتي....
بقيت امسد على شعرها لحد ما ختفت حركتها
خفت اغمى عليها رفعت رأسها الضاهر غافية
خليتها عالجربايه ونزلت......
فهد وسامي مادري شيسون بالمطبخ
دخلت......
عليهم فهد مكابل الحاسبة وكاعد.......
وسامي يحظر بالأكل.......
التفتوا عليه اثنينهم اشرلي فهد اكعد يمة....
YOU ARE READING
رحل همي حين عرفتك
Romanceقصه حقيقيه..... اتعبت قلبي.... وياقلب بك ابتلى.... رضيت بنصيبي.... ولم يرضى النصيب بي... تعذبت تألمت والاهم من كل شيء صبرت فبعد الصبر بشرني ربي بك..... انت لي وانا لك انت ملكي وكل انش املكه لك..... اعشقك يامن خلقني الله من اضلعك.....
