#رحل_همي_حين عرفتك
،،،،،، بقلم زهراء امجد،،،،،،،،
الحلقة _37_
بنوتي....
ممممم....
احببببج ازووولتي....
واني هم باشتي....
فدوووة رحتلج يعمري نطيني المشط اني امشطلج....
ضل شهاب يمشطلي ......
ازل :- وراها رحت نمت لان تعبانه ونعسانه وبنفس الوكت فرحت لان برائتي طلعت وصدك شهاب بس ضجت من حقارة مرت حيدر وبت خالتي شسويتلهم.... هاي فوك ما حته سحر امهم سوتلي حته تخرب علية عيشتي....
المهم محيت كل هل افكار واني بحضن الباشا مالتي.... حضنة عبارة عن امان قربه الي كلش يفرحني ويريحتي حسيت بيه نفس حنيه بابا نمت وللصبح مااحس بشي... بس كعدت عله بوسات شهاب ووكاحته ميكعد راحه باشتي....
شهاب :- صباح الحب يااحلى حبيبة مكافي نوووم مشتاااقلج....
صباح الورد حبيبي.... هوا وين نمت مو الليل كله وكاحتك وهم ساعه 10 شتريد مني....
ممم شريد منج هسه اشووووفج شريد منج هههههه كعدت ادغدغ بيها الحد ماكامت تدمع من الضحك....
كاااافي شهاااب حباب كافي والله متت كايمه كايمه..... بس عوووفني....
هاي حته توبين بعد متسويها ههههههه
هوه شمسويه عوفني تعبتني ههههه
عفته وكمت نزلت جوة.... لكيت جوري كاعده...
جوري :- هلا بمرت اخوي اليوم وجهج امورد
ازل :- ههههههه
جوعانه اني شتردين نسوي ريوووك....
اي والله اني هم جوعانه واريد اسوي لشهاب ريوك منتضرني فوك....
اي لعد خل ندز فهد يجيبلنه كيمر... وجبن ونشوف شنسوي بعد....
ازل :- اوك لعد رايحه لفهد.....
رحت لغرفت الولد دكيت الباب....
فتحلي الباب فهد....
فهد :- هلا هلا اشرقت وانورت خير ياطير شتردين مكعدتنه من الصبح.....
عابتلك ولك امشي صحصح وجيبلنه من الاسواق كيمر وجبن اريد اسوي ريووك وكافي نوم حته كلنا نتريك....
فهد :- اي مو اكلج مجايه علينه مصلحجيه تجين بس من تردين كراويج التعبانه عمي امري لله اكوووم اجيب لايجينه الغووول من فوك وشيخلصنه منه بعد.... اذا ملكه ريوك....
اي هيج صير حباب وبلا حجي زايد ههههه
راح فهد جاب ريوك وخدرت جاي وعمتي جانت طالعه لاربيل واليوم تجي الضهر خليت الكيمر والجبن وسويت بيض وطماطه كلي.... وصحت للولد والشهاب وجوري كاعده بس تطكطك صور وتظحك عله عبد الله ههههههه ميدري هيه البيضه اذا طكتها تحرك نفسها ههههه.....
كملنه ريوووك ونضفت البيت اني وجوري... وصعدت لشهاااب... هم رتبت غرفتي وراها اجتي عمتي نزلت تلكيتها باوستها وضلت تسألني شكو ماكو شلوني والكل طلع من جحورهم هههه وسلمو عليها....
سويت غدا جابو سمج شوي بس سويت التمن احمر والزلاطه ومر اليوم بشكل عادي....
بالليل خابرت بابا وماما مشتاقتلهم....
وراها اجه شهاب....ونمنه...
وجوري بعدهي تواصل ويه عبد الله.... كاللها بعد اياام يدز امه....
مرت الايام بشكل عادي وطبعا متخلة من حنية شهاب وحبه الي يوم عن يوم يكبر بداخلي...
صح جنت اعاند واجاسر بالكلام بس حيه وحنيته محت كلشي ماعرف انام الا بحضنه واغمر راسي بصدره مثل الطفل.....
اجة يوم الجمعه وكمنه تنضيف وشغل بس اشوووف جوري مو طبيعيه بيها شي متلبكه...
ولج جوووري شبيج شو تحوصين....
جوووري :- ولج ازل اليوم العصر عبد الله يدز امه....
هههههه اكول شبيج مو عله بعضج اي وشكو بيها عادي.... لديرين بال ان شاء الله خير.....
جوري :- هسه اجه دوري اعرفكم عله نفسي اني اخت شهاب مواليدي 1998 ازغر من ازل بسنتين خويفه كلش وفاهيه هههه ومواصفاتي عاديه مثل اي بنيه
حبني ابن خالي وانعجبت بيه وحبيته
لمن خطبنا لشهاب وخوالي كلهم اجوي....
عبد الله ابن خالي جان مسافر يعني بأربع سنوات هو بروسيا يدرس مشايفني.....
اجة قبل خطبة شهاب بأسبوع واجة وياهم الخطوبة.....
شافني وضل يتغزل هاي شنووو وصايرة تفاحة
وفدوة الخدود مادري بعمتي عدها بنية هيج وكبرانة.....
زعجني بنظراتة جدا جري.....
فمن رحنا للخطوبة واجينا احنا بسيارة
أمه كالتلة يوم الي اخطبلك بي ومثل هالجمعة تكون الك شنو رايك.....
كالها يوم الله وايدج بس انتظري انتظري اتأكد من شغلة ان شاء الله
تكون الفرحة مو بعيدة
يحجي ويباوع عليه....
غلست عنة اجانة ورة للخطوبة هم مرتين...
بس ابد ما حتكيت بي لحد يوم الحنة.....
جانوا الولد كلها تدك وتركص بليل محتفلين بشهاب.....
وقسم منهم مخبوصين وي امي بالخطار
هو جان كال البنات طفن ضوء الإستقبال
وباوعن منه.....
اني كلشي ما شوف عفت يحجي وتسحبت من ورة.....
ورحت للدرج بدون محد يشوفني
عدنا فتحة بالستارة مال السطح يعني اكدر اشوف كلشي براحتي وبدون إزعاج
وفعلا صعدت فوك كعدت اباوع مندمجة
اشوف.....
الولد شون يركصون يالله شون حلوين....
والرادود يقرأ قصائد جنن انوب كام يجر موال
مخصوص لشهاب.....
صافنة ونجريت من كصيبتي
شهكت واني اشوف عبد الله واكف ورأي...
عبدالله :- شعندج فوك اني مو كلت باوعن من الاستقبال.....
جوري :- محد يشوفني هنا وعادي إذا صعدت
بالاستقبال ما شوف.....
عبد الله :- جورية دنيا ليل وانتي بنية وحدج على السطح ممكن تخوفج بزون
لو تكببج فأرة وساعتها ما تفيد الشجاعة....
جوري :- اني ما خاف....
عبد الله :- اها صدكتج بالشهكة....
جوري :- معليك حتى لو أخاف...
عبد الله :- جريتها من زندها ما يلوكلج الوكاحة
ملامحج فاهية......
سبحان الي خلة على خدج نجمة....
جوري :- هاا شنو...
من ها ليوم وهو بقى ملاحكني
دائما يتصل.....
من رقم مرت خالي بقى مهتم بية بكل الطرق
لحد ما اليوم اتصال من مرت خالي جانت أفراح تريد تحجي وياي.....
حاجيتها
وهم طلع عبد الله....
جوري :- نعممممم شرايد...
عبدالله :- اف اف مشتاق والله...
جوري :- شتريد...
عبدالله :- إذا ممكن نجمه سودة بنص فضاء ابيض....
جوري :- وين اكو نجمة سودة وفضاء ابيض انت مصخن.....
عبدالله :- خدج فضائي الناصع والنجمة شامه...
جوري :- دخيلك ربي زلم ما يستحون يحبون الشام
انت واخوي انجلبتوا على الشام.....
عبد الله :- ايييييي بالله خبلتنا شامات
جورية نطيني فرصة وحبيبني وإذا تفاهمنا
اتقدملج......
جوري :- شوف هو بصراحة اني عاجبني
الموضوع ملحتك عليه....
عبد الله :- وال....
جوري :- يمكن بديت انعجب بيك بس هذا مو معناها تبدي تتمادى أكثر
ترى اكول لشهاب عليك.....
وهكذاا حبينة بعض وخابرني كال راح يدز اليوم امه وكلش خايفه.....
صعدت فووك لبست فستان ماروني وشسورت شعري وخليت كحل ومرطب شفه يعني شي بسيط.....
ازل :- صارت العصرية وسويت جاي وفهد جاب كعك حضرت كلشي ورحت كعدنه اني وعمتي وجوري وفهد وشهاب وعمتي تسولفلنه عن قبل والعيشه احب سوالف الكبار تذكرني بيبيتي الله يرحمها من جانت تسولفلنه وتنطينه مواعض ماحس الا الباب اندك اكيد اجتي ام عبد الله اباوع الجوري انخطف لونها.... هههههه راح فهد فتح الباب ودخلت ام عبد الله....
سلمو فهد وشهاب عله ام عبد الله وراحوو بلاستقبال يتفرجون علتلفزيون باديه طوبة مدري فلم.... وضلينه اني وعمتي وجوري.... استقبلناها....
ام عبد الله :- شلونج خيتي ام شهاب شلون صحتج شلونج يمه ازل ان شاء الله مرتاحه شلونها جوريتنا.......
ام شهاب :- هلا بيج خيتي زارتنه البركه نحمد الله اذا انتي بخير احنه بخير....
ازل :- هلا خاله هلا بيج الحمد لله
جوري :- الحمد لله خالة...
ازل :- كومي جوري خل نشيل الغراض ونجيب ضياافه وغمزتلها.....
رحنه اني وجوري للمطبخ عدنا عصاير واشكال يوفرون بالثلاجه لان ماعدنه جاهل كل ساع يتصخر يروح لمكان فلولد يجيبون خاف يجون خطار فجأءه وماكو احد يعني حاسبين احسابهم بكلشي....
وهم خلينه خالتي وام عبد الله ياخذن راحتهن...
جوري :- لج ازل خااايفه كللللش...
ازل :- عليمن ولج انتوو كرايب يعني اكيد يوافقووون وشيلي هل خوووف
جوري :- ولج حته عبد الله كل سع يدك ادري يعني هيه امه حجت حته اكله شصااار راح اقفل التلفون... ههههه
ام عبد الله :- خيه اليوم جايتج بطلب واتمنه ماترديني.....
ام شهاب :- كولي خيه مايردج الا السانج تفضلي...
ام عبد الله :- خيتي اليوم جايه طالبه ايد بنتج جوري لوليدي عبد الله الولد كامل مكمل وهسه رجع من السفر وتخرج من الكليه وعاجبته جوري ورادها.... واتمنه ماتردوني....
ام شهاب :- صدك جذب خيه وين نلكه احسن منكم ومن عبد الله ولد ادب واخلاق اكيد نتشرف بيج وبعبد الله ان شاء الله استشير اخوتها واشوفها للبنيه وارجعلكم خبر ومايكون خاطرج الا طيب....
ازل :- سمعنا كل كلامهم ورا ماكملو رحت وديت الضيافه وكعدو يسولفون ورا ساعه راحو وعمتي صاحت الولد.....
ربيعة :- يمه شهاب اليوم ام عبد الله رايده جوري لابنها.... وهوا الولد مايعيبه شي وكتلها استشيركم انته واخوتك....
شهاب :- والله يايمه والنعم منهم عبد الله اخلاقه ورده ومابيهم عيب حته نرفض بس بقت شوفي جوري شنو قرارها اذا رايدته وموافقه فهاهيه انطيهم خبر الموافقه وخل يتوكلون.....
ها خيتي جوري شدكولين....
جوري :- خويه بكيفك لتشوفوه مناسب سووه...
شهاب :- لعد هاهيه يمه خابريها باجر وكوليلها يجون تتفقون كلشي قبل الخطوبه حته تصير كعدة ونيشان تلبيس ذهب هم
جوري :- بعد منطيتهم الموافقه نضفنه البيت وراها صارت دنيا ليل صعدت الغرفتي واني كلش فرحااانه لكيت عبد الله حارك التلفون حرك خابرته....
الوووو
عبد الله :- هلا يروووحي ولج بشري شصااار شكالولج ترا كاعد علة نااار.....
جوووري :- مممم ماعرف شكلك بس اخويه يكول ماانطيج لان انطه كلمه لصديقه قبل فترة لان صديق اخويه رايدني.....
عبد الله :- شنو رايدج بالقران احرك الدنيا عليهم انتي الي شحده الياخذج غيري اسويها امذابح وهسه اني جايكم واشوف شلون يرفضني....
جوري :- عززززا وين تجي جذب والله جذب وافقوو واصلا كيفوو يكولون وين نلكه مثلك واي هم كتلهم بكيفكم.....
عبد الله :- ااااخ منج يجوري والله لو الزمج محد يخلصج مني بسيطه عله هل مقلب اصبريلي وشوفي شسويلج......
جوري :- هههههههه اسفه اسفه لتخوفني يله هسه اروووح وباجر اهلي يدزولكم خبر لدكول لامك اي شي عيب..... باجر امي تخابرها....
عبد الله :- اي ماشي بس وين رايحه مشتاقلج...
جوري :- نعسانه والله اريد انام....
عبد الله :- يله عيني شبعي نوووم لان من تجيني تحلمين بطاري النوم هههههه يحلوة....
جوري :- سديت التلفون واني طايرة فرررح...
ازل :- بعد.منضفنه صعدت فوووك خابرت اهلي شويه.... سلمت عليهم ممتعوده عله غياابهم كلش مشتاقه لبابا.... بعدين ذبيت الفووون وشهاااب هم عافه وبده يتغزل وووووو رحنة بعالمنه الي كلة رومانسيه وحنان شهاب شكد مجنت اكول عليه عصبي ويضوجني بس طلع عكس ماتوقعته كلش حنين.... ويموت علية بس جنه ثنيناتنه نكابر وكذلك الساني اني حلكي شيسده.....
كعدت ثاني يوم نفس الروتين واجتي ام عبد الله واتفقت علحاضر والغايب والذهب وكلشي وكالوو اليوم يطلعون يشترون الذهب والجمعه التجي الكعدة.....
جووري :- حضرت رووحي العصر راح يجي عبد الله ومرت خالي لبست بنطرون اسود وبدي ماروني وشال مشجر ولبست عبايه فوكاه وخليت عطر وبلا مكياج....
ازل :- يله ولج جوري اجوووي كاعدين منتضرين بالاستقبال واني كملت هم فضينه....
جوري :- اي هاهيه خلصت....
رحنه للسوك اشترينا ذهب ب4 ملايين وفستان خطوبة ذهبي وبيه فتحه من الخلف طويله يعني تطلع الرجل وسبعه الصدر وكله لمع يجنن...
ومكياج وشغلات نواع احتاجهن تعبت من الفرفره واخذنا عبد الله وهوه وشهاب تعشينا بالمطعم واكلنا موطه.....
ازل :- اني اشتريت فستان طويل وردانه تور كلش حلو ماروني..... بس مشوفته الشهاب خليتة يلتهي ويه عبد الله ودخلت اني وجوري وعمتي ومرت خال شهاب....وعطر ونمنمات....
تعبنه ورجعنة للبيت......
رواحوو عبد الله وامه وجوري راحت اخذت غراضها للغرفه... تلكانه فهد....
فهد :- ادري وين صرتووو مدكولون احنه باقين جوعانين هنااا.....
ربيعة :- هاك ابو بطن هاي جبتلكم لفات الك ولاخوووك ادري بيك حتخرط غير جنه نشتري شتريد من عدنه....
فهد :- لا هاهيه حجيه ماريد شي بس سلامتج مادام جايبتلي...اكل ههههههه....
ربيعة :- مو اكلك ابو بطن يله الف عافيه شعدي غيركم.....
ازل :- بعد مرجعنه صعدت فوووك خليت غراضي وشهاب هم صعد.....
رحت اجرب الفستااان شلونه.....
وبقة شهاااب علجربايه كاعد ولازم تلفوونة يلكلب بيه....
رحت لبسته واني شعري قصير والفستان بس ردان تور وطويل صار يجنن عليه....
طلعت كدام شهاااب
باااشتي شوووف الفستااان الشتريته... حلوووو.
رفع راسه شهاب وضل صافن يباوعلي..
ماحسيت غير
تقدمت خطواتة
نحوي...
*
*
*
*
*
يتبع في البارت القااادم.....
تحياتي لكم الكاتبه زهراء امجد