الـسـلامُ عـلـيـكـم🌻🌼
طاقة تحمل
الكاتبه_العباديه
البارت_12_ج2
مَـتَى يَشْـتَفِي مِنْك الفُؤادُ المُعَذَّبُ؟
وسَـهْمُ الـمَنَايَـا مِـن وِصَالِك أقْـرَبُ
فبُـعْدٌ، وشَـوْقٌ، واشْـتِيَاقٌ، ورَجفَـةٌ
فَـلا أنْــت تُدنِـينِي ولا أنَــا أقْـرَبُ !
~~~~~~~~~~~~~~~~~~~~~~~~~~~~~~~~
زهراء
صعدت وي سيف ووصلنا للبيت لكيت عمي ابو سجى نايم بالفراش مريض على عائلته التهدمت بيوم وليله بس السعلوه ان المصايب ..
محد بالبيت بس حماده الصغير وحاله حال يبجي ووالوصخ ماخذه والبيت يلعب النفس .
تحزمت ونظفت البيت وطبختلهم رجعت بيه الروح وعمي يباوعلي بنظرات رضا ومدمع خطيه كسر گلبي.
اتصل موبايلي شفته محمد حضرت نفسي للرزاله..
اول مارديت اجتني العواصف الرعديه تهب من كل مكان . اول شي يغلط ويشتم واسمع ويعيط اذني انطرمت لزمت الموبايل وغلقته !
رجع إتصل ومارديت ظل يدز رسائل تهديد ويريدني ارد. اخر رساله دزها
محمد.. راح أتصل وإذا مارديتي وحق الحُـسين نص ساعه واني يمج !
خفت لايجي ويسويلي مشكله بالبيت والعالم مفضلين عليه.
إتصل ورديت
- وين إنتِ؟؟؟؟؟؟؟
- تقنعني متعرف بمكاني؟؟
- لااعرف بس اريد اسمعها منج حتى اجي اجنزج تجنز
- يعني بعدك على إسلوبك وتصرفاتك
- بس گليلي اليوم وين تروحين مني وحسابج عسير على غلق النقال بوجهي شوفي شأسوي بيج
- محمد وعلي وعلي وعلي هاي قسم مكرر عليه تلث مرات إذا إتضربت ضربه وحده اتطلگ وماابقى يمك لحظه وحده !!
عاط بعلو صوته ومبينه الحرگه بيه .. اكيد لان مراح يعاقبني ويجنزني مثل مايگول ويدري بيه إذا حلفت خلاص.
- حححححقققييييرررررره اني اعلمج تطلعين وي سسسسيف تدريين بيه احبببه اطيييقققه؟؟؟؟
- بس هوَ الماطردني كلهه طردتني واول العالم إنتَ واضطريت ارروح لهيفاء رغم ماخذه وعد على نفسي بعد مااوصلهم وحتى لو اروح ماابات على اخر موقف سوته وياي وخلت عقلك ينگلب عليه.
- إسمعيني راح اجي هسسسه اخذج كلمه مااسسمعلج قسم بالله بس تحجين كلمه مااضمنلج اسيطر على نفسي. اوكف بالباب واتصل عليج تصعدين بالسياره عميه وطرشه وخرسه.
- الله يستر
عاط
- فهمتتتتتتتتيييي؟؟؟
- فهمت فهمت.
ربع ساعه وإتصل عليه عبالك جاي ببرشوت مو سياره .. اخذت جنطتي وطلعت لاگاني سيف استغرب كال
- ها وين ان شاء الله خير؟؟
- محمد إجه عليه
عكد حاجبه مزعوج
- وليش يجي عليج شنو هـٰذا مو بيت عمتج قابل غريبين
انحرجت منه كتله بمجامله
- لا مو نريد نروح للسوگ محتاجه كم غرض
- كايلتلي وآني ماخذج
- مو هوَ المسؤل عني ميقبل احد يأدي واجباته غيره
- هـا ماشي براحتج بس تذكري عندج بيت عم وبأي وقت تحتاجيني اني موجود عسى ما تردين القمر انزله الج بإيد وحده
- ههههه حتى باتمان ماسواهه
ضحك من أعماقه وراد يوصلني للباب هـٰذا الدهر واگفلي بالباب هسه بس يشوفه يتخبل.
- لا سيف ارجع والله محمد هنا واگفلي بالباب ميحتاج تتعب نفسك ارجع
- لا ميصير لازم اوصلج خاف بعيد عن البيت
- لا اكللك كلش واكف بالباب مو بعيد
- حتى لو لازم اوصلج
عرفته يريد يحرگ گلب محمد ومبين مخاصمه من نظراته اول ماطلعنا بالبا وشاف محمد ظل يخزر بيه ويضحك بأستهزاء وذاك ميت وناط وجهه احمر ويرص على أسنانه من الغضب .
النوب لاطش بجنطتي شايلهه الا هوَ يشيلهه .. طلبت منه ينطينياهه وانطانياهه بس تقرب عليه حيل بحيث إيده لامست أيدي..
محمد دگ هورن وظل ضاغط عليه عبالك إنذار يمكن حتى الجوارين طلعوا.
ركضت بسرعه صعدت قبل لايسويلي فضيحه بين الناس.
اول مادخلت السياره نزل بيه رزايل
محمد.. بعد ماكملتوا تمثيل المسلسل الهندي؟؟
اني ساكته ولاحجيت لان هوَ گال ،عميه، طرشه ،خرسه وصرتهن كلهن.
محمد.. ذكرتوني بالهنود من ينلزگ بيهه وتوكع عليه ويظلون صافنين عشر ساعات واحد يباوع بعيون الثاني !
اتي بس ساكته واباوع من الجامه وهوَ يتحرگن وبس يغلي ويريد يطلع حرگته بيه
- بعد مالمس إيدج فد نوب ليش مستحين
نزيت من صفنتي على صوته صيحته بيه
- ماااااتتحجييين انخرسسستي؟؟؟؟
صفنت عليه ؟!! شبيه هـٰذا نسى نفسي شگاللي قبل لااصعد !!
اشرتله على عيوني ومسحت عليهن بدلالة عميه ومسحت على حلگي وعلى إذاني هم..
تنرفز مني حيل واعصابه برزن
- احجي لاتبقين ساكته
رفعتله بمتوني وعوجت حلگي بدلالة (ماادري)
تخبل
- احجي مااريد خرسسه بس احجي
اشرتله على إذاني عود مااسمع
مات من الحركه وكف السياره ولزمني من فكي حيل ويعصر بحلگي
- احچي احچي احچي من اشتعلوا احججججججيييي
ظليت ساكته خزرني وعيونه حمر دم.. تحلف بيه كال
- بسيطه اعرف شلون احچيچ
ظل يسوق بسرعه جنونيه ويدري بيه اتخبل من السسرعه واخاف حييل.
عطت بصوت عالي
- محمممدددد اوكككف كلبي راح يمممممه كلبييي راح يوووككككف
وكف السياره بسرعه يمكن طخت بالارض.
باوعلي بأنتصار رفع حواجبه
- حچيتي لو لا؟؟ هـه صايرتلي مطيعه إلى ابعد درجه خب والله لا تطيعيني ولا شي بس عناد تعانديني لان كتلج احجي
- مامعانده بس انتَ گتلي صيري عميه وطرشه وخرسه وصرتهن كلهم
- بطلي عناد ونعيش بخير
- مبطله
- استغفر الله يربي
- ارجع ارجع بدربك اخذني للسوك
- شكو خير؟
- اريد اشتري ملابس للمدرسه لان ضحى امس مشتريه يجنن مالاتهه
- ووين شفتيهم مالان ضحى؟
- غير هيَ دزتلي الصور
- لازم غردتي الهه بزعلاتج
- لا عيني لتخاف مااطلع سري
- اي مبين كلشش امينه حييل
- ديلا ارجع
رجع ورحنا للسوك اشتريت ملابس والاكثريه على ذوقه وسووه تجديد حضرته لملابس النوم .. عبالك معندي كله على ذوقه يشتري ويحط بس شنو ذوقه يفلشش.
رجعنا للبيت رجع هادئ اخ ياربي بس لو افتهم شنو من تقلبات عنده حتى المناخ مايتقلب هيج.
إستمر اليوم بهدوء لاانطخيت بيه ولاانطخ بيه.
مـر شهر الاحوال هادءه وماكو شي هوَ يحچي وياي بس بطرف خشمه عود زعلان لان رحت وي سيف واني هم ماحاولت اراضيه مغلسه.
اليوم كعدت من الصبح احضر بملابسي لان ساره راح تجي اليوم عمليتهه قررت اجيبهه يمي لان محد الهه اذا تروح لبيت اهلي منو يعتني بيهه قابل هيفاء.
رحنا للمستشفى موعد عمليتهه بالـ9 الصبح .. لكيناهه هي وكرار منتظرين الدكتوره ..
شويه واجتي الدكتوره دخلت ساره للعمليات وماخايفه بس تتمضحك وتحشش.
ساره.. اني اذا يطلع بيه ولد سموه دعبول وإذا بنيه سموها چقه
كرار.. شهالاسماء الفيطي
محمد.. ليش انتم لهسه ممحددين جنس الطفل؟
كرار.. لا حضرة ساره متقبل الا تجيب وتشوفه بعينهه والنوب اني طول هالفتره قلقان عليهه تصيح بطني ثگيله وعاندت ماراحت للسونار .. بس اني اتمنى تجيني بنوته تطلع على فقاريتي ولساني كلشي ولا لسان امهه
ساره.. اريده ولد يطلع صاك مثل امه
كرار.. خو مثل ابوه
زهراء.. ولكم بس هههه روحوا الدكتوره تصيحكم .. هسه انتِ چنچ تردين تجيبين عبالك رايحه تلعبين رياضه مو تجيبين
ساره.. يلا عيني جاو بعد لحظات تصيحولي ام دعبول
ظلينا نضحك بس القلق واضح بوجوهنا .. دخلت لصالة العمليات واحنه نتسلوگ قلق ..
بقيت 3 ساعات وجابت ركض كرار مامصدگ يسأل بالدكتوره انصدمنا من كالت توأم بنيه وولد بعد ماكو داعي يتعاركون .. كرار دمع من الفرحه وبسرعه حضن محمد خطيه إشتبه عباله ساره . كبروا بأذانهم وخابروا عمي يحضر الذبايح.
بقينا فتره ودخلنا لساره من كعدت من البنج .. وجهه تعبان وگوه تحجي .. كالت بثقل
ساره.. ولكم بشروني دعبول لو چقه؟؟
كرار.. ابشرج دعبول ودعبوله
ساره.. صدگ؟؟؟؟؟
زهراء.. اي سرو حبيبتي اجاج توأم حضري روحج للنويص
- إذا يبچون كرار موجود اني بريء إلى يوم الدين
- ههههه الحمد لله ع السلامه
- الله يسلمج
بقت يومين وطلعت اخذته لبيتنا وزارونه عمتي وعمي.
عمتي لحت الا تسموهم ..زينب وحسين ..
هم ماگالو باطل سموهم زينب وحسين .. طول الگعده تباوع بيه صفح وتكول
- ان شاء الله اشوف جهال محمد وافرح بيهم
اني ساكته ماعلقت اي شي
محمد.. يوم زهراء تعالجت
ام محمد.. يعني شنو؟؟
- يعني يصير عدنا اطفال لتاكلين هم
- ان شاء الله جا اني مااتمنى والله ودي اليوم قبل باجر يصير عندك جاهل
- ان شاء الله ربج كريم.
- والنعم بالله
لحظات والبيت انگلب گلاب من كل مكان يجينا خطار .. اجتي هيفاء تبارك وتتلوگ حتى ماعرفتها من كد ما صايره فقيره.
امي هم اجتي تبقى يم ساره منطيهه زوجهه مهله 15 يوم .. هم زين من عنده وقبل لو غيره يوم مايخليهه تبات عنه وخصوصاً هوَ يموت عليهه..
اني ومحمد كلامنا كله رسمي وعن الطبخ والتقديم ماكو شي جديد.
ساره لاحظتنا وسألتني سولفتلهه لعبت بيه لعب
ساره.. إنتِ إلى متى تبقين هيج؟؟ يعني اني اعلمج لو انتِ تعلميني ؟؟ زهراء تره اني گلبي طاگ منج ف كيف هوَ .. ولج رجلج راح يصيرله شهر ونص زعلان ماتراضينه والله ياكرامتج ماتسمحلج؟؟؟ والله من انعل ابو الكرامه هسه تفوتين تبدلين وتروحين لغرفتج تصالحيه.
- ياا خطار عدنا
- محد يبات كلهه تطش
- بعدين
- زهرررراااء لابعدين ولاشي اني مترصدلج اليوم هنا .. ماكو خطوه وحده أذا ماتصالحين محمد وراح ابقى على گلبج شهر بس تعاندين والله العب بيج طووبه
- اي
سكتت.. وگومتني بالتگرص.
- كومي بسرعه هسه تبدلين
- خل يجي الليل شبيج
- يلا خوش
صار الليل وتعشينا كلساع تأشرلي واني مغلسه هوَ مايحچي شي بس هادئ .. غسلت المواعين ونظفت وسبحت ورحت لبست من ملابسي الاشتراهن الي ..
دخل للغرفه واني بعدني بالحمام ظليت استنشق شويه نوى من ملابسي التخجل وتظاهرت القوه وطلعت
~~~~~~~~~~~~~~~~~~~~~~~~~~~~~~~~
لبست الثوب الاسود اليبرز ملامح جسدها الطري وتبين من خلاله تقسيمات خصرها الفاتنه .. مزينه ساقها الجميل برسمة فراشه صغيره تتجول على عظمة ساقها الصغيره.
تمشي بإغراء لاإبراز حركة أردافها العريضه البيضاويه وحابسه أنفاسها الكالحه. كانت المشيه بأستقامه وإعتداد نوع من التحدي او الغوايه ؟!
أضطرت تتقرب من زوجها المستغرب.. وهيَ تحط إيدهه على وجهه بلمسات رقيقه وماتتمكن قرون كامله من محو هاللمسات من ذهنه .. وماتزعزعت لمساتها حتى كادت تلتصق بذهنه لتصبح صوره تأريخيه يؤهل تمجيدها..
ضحكت ببلاهه وبرزت أسنانها المتلألئه مثل اللؤلؤه الصغيره.
ألهبت خياله وحركت مخيلته وغرائزه ..
نظراته تتجول على كامل جسدها ومفتوحه عيونه مندهش ومحتار
هائم بالجمال اللانهايه له هل هيَ إحدى حور العين التي ظلت طريقها إليه ؟؟!
سحبها عليه ليشعل نيران قلبه ويطفأها بملكيته الخاصه ..
(تفضلوا بره)
~~~~~~~~~~~~~~~~~~~~~~~~~~~~~~
زهراء
كعدت الصبح فرحانه واخيراً تصالحنا وماتعذبت بمصالحته .. وادركت العناد شنو تأثيره عليه مجرد ماسويت كم حركه ذاب بيه !!
چا ليش مااحاول اسوي هيج يوميه ؛؟
قررت بعد مااعاند ولاارادده لان عرفت راح انظر عبالي الاعتذار يقلل من كرامتي بس بالعكس كبرت بعينه وظل يتعزل بيه ويمدح بيه !
ركضت لساره بشرتهه وظلت تنصح بيه والمفروض اني انصحها هه.!
ركضت لمحمد اول ماكعد اهتميت بيه لااخر درجه ..
هوَ بس يبتسم وكلساع يبوسني ..
راحوا للشغل هوَ وكرار وظلينا اني وساره نسولف بعد ما نومت جهالهه.
ساره.. شوفي شكتلج لو ما يحبج ماذاب بيج
- ههههه ظل مصدوم لهسه اتذكر شكله يبوو خجلت
- شخليتي للخجل انتِ
- هههه عابت
للظهر رجعوا محمد وكرار جهزت الغدا وتغدينا وره شويه واكفه اغسل مواعين وحسيت بإيدين حوطتني .. التفتت لكيته محمد..
طلعلي ورقه من جيبه استغربت كال
- افتحيها
- شنو شبيها
- دفتحيها
فتحتها لگيتهه ورقة طلاق !!
- شنو هاي محمد تريد تطلگني
ضحك وضربني بخفه على راسي
- ماتشوفين الاسم
قريت الاسم لكيت اسمه واسم سجى ظليت اكمز من الفرحه وهوَ يضحك عليه حضنته وابجي من الفرح صح مامأذيتني حالياً بس يبقى اسم محمد بجنسيتهه هسه ارتاحيت
اخذت فتره وصار عندي لعبان نفس وماطايقه نفسي عرفت نفسي حامل..
وصدك حللت وطلعت حامل .. محمد من دره تخبل ظل يبوس بيه وفرحان وطلعني ووزع الشارع كله دجاج جاهز غير الذبيحه .. وطلعت كلهه نذور ماادري بيهه..
كام يعتني بيه حيل ومايخليني اتحرك لان حمل متعوب.
رحنا فحصنا وطلع بيه ولد ماصدك طار من الفرح..
عوزه مايحط جناحات ويطير ويظل يصيح ياگاع ترابج كافوري.
صح فرحان بس مايوصل شبر لفرحتي.
9 أشهر شفت الظيم بيهن ونساوتي صعبه حيل بحيث محمد مااشوفه بعيني وهوَ من يشوفني هيج يغندب ويظل وجهه معفوس والحواجب معكوده .. هسه قابل بإيدي..
قرب موعد عمليتي والفرحه ماواسعتنه .. محضرين غراض الطفل كلهه ومحمد حضرله غرفه وحده وسواهه كلهه لون ولادي وحضر إسمه..
رحنا للعمليات والمستشفى مگلوبه بأقاربنا واعمامي وعماتي كلهه جايه.
دخلت للعمليه وگلبي مقبوض وكلساع اوصي ساره وهيَ تبجي عليه !!
ماادري شكد المده المرت كعدت فرحانه مامصدگه عايشه وراح اشوف ضناي ..
اشوف الوجوه كلهه مگلوبه كلت بثقل وصوتي ضعيف حيل
- محمد وين ياسر؟
دمعت عيونه وطلع بسرعه !!
سألت ساره ومحد يجاوبني بس عمتي تشهگ بالبواجي !!
- شكو ماتحچوووون؟؟؟؟
كال الدكتوره.. فقدنا الطفل !!!!!
- شنووووو؟؟ ليششش مابيه شي ابني انتو قتلتوه
ظليت اعيط وابجي وضربوني مهدأ يلا نمت ..
كمت كلما افز اكعد اعيط ويضربوني ابر.
لما دخل محمد لزم إيدي وكال
- زهراء خلي ايمانج بالله قوي وبعدنا شباب والعمر طويل
ماتحملت بجيت
- شنو السبب وخلاه يموت؟
- رب العالمين ماقاسمه
- اني قبل العمليه احسه عايش
- لا طلعوه من بطنج ميت !؛
- اريد اشوفه بس لا دفنتوه؟؟
- لا لا بعدنه منتظريج تصحين على نفسج
طلبت منهم يطلعوني وبالتواسيل يلا خلوني اطلع رحت شفته حاطينه بالكاروك ولافينه بالكماط وملامحه بريئه ومغمض !!
ظليت ابجي وانهاريت
- ليش هيج يمه مالحكت افرح بيك والله بعدهه فرحتك بگلبي ليششش
ظليت ابجي ومحمد لازمني وعيونه مقرقره دموع.
- لك منو الي بكبرتي غيرك ليش عفتني بنص الطريق ليششش صار 9 اشهر حاملتك ببطني ومنتظرتك تنور حياتي
ظليت ابجي وابجي لما مليت ..
مر شهرين واني منتكسه وحالتي حاله .. كوه يلا رجعت لنشاطي بس العبره بعدهه بگلبي.
ساره جهالهه يجننون وحلوين حيل ماخذين شبه من عدهه وملامح ابوهم بس حسين عيونه عليه خضر وكبار.
سجى تزوجت المطلگ ومرجع مرته الاولى ومحتاره بجهاله يعني شابعه ظيم ..
اني حملت بعد 6 أشهر وهالمره بيه بنوته .. طلبتهه من السيده رقيه وماقصرت..
جبتهه وسميتهه رقيه لان حاجتي اخذتها من السيده رقيه.
نورت حياتنا الاميره الصغيرونه احلى شي بيهه من تنسيت بعنب .. طلع بيهه وحام بعظمة ساقها صايره عنگود عنب يجنن نازك وحلو حيل..
عنادي بطلته كوني صرت أُم ولازم ادير بالي على بنتي.
عمتي ام محمد من شافت ظيم سجى نوعاً ما رجعت طبيعيه ..
بس هيفاء الكارثه بقت هيَ هيَ نفسها ولاتغير منها شي بس لابد يجي يوم ويكسرها الزمن ماكو ظالم يبقى طاغي.
ولهنا خلصت قصتي واتمنى استمتعوا بيهه واشكركم على حضوركم المشرف لي واتمنى وصلتكم العبره والعامل الرئيسي العناد ههه قللوا بيه لان ماكو شي يصير بالعناد كلشي يلين حتى الحديد بالطرق يلين..
•زهراء
الـنـهـايـــه.
The End
خلوا الابطال ياخذون راحتهم بحياتهم وشرفوني بقصة الاوستاذ والهبله😂 اقصد البطله ثُرى
عـبـرات الـعبـاديــه🌻🌼