طاقة تحمل

31

السلامُ عليكم

طاقة تحمُل
العباديه 《راقيه بأناملي 》
البارت //31//

بسرعه لفيت شال على راسي وطلعت اتگنص واشوف الاوضاع البيت فارغ وهدووء بس الاستقبال بيهه ينام جدو وهو نومه ثگيل ف تطمنت طلعت على اطراف اصابيعي فتحت الباب وشفته واكف بالشارع وايده ع السياره مديت راسي تقرب يمي كال ...

بلال : تروحين منا تفكين الحظر لاافك حياتج بسرعه !

ساره : مااريد ماافتح الحظر لو تموت

بلال : راح اصيح تره وافضحج والله

راد يصيح وحطيت ايدي على حلكه (لك هـسه افتحه بس اسكت اسكت)  ودفعته وقفلت الباب وكفت ع الباب اتنفس اخذ شهيق وزفير من الخوف ورجليه تتراعش ...
واشوف جدو كدامي وعيونه مخنزره !!!!!!!!!!!!!!!!!!

إرتعدت اوصالي وجمد الدم بعروكي اسناني كامت تصطك من الخوف وجسمي يرتجف مثل الگصبه
دموعي صبن احس رجليه ميحملني تقرب عليه جدو وعيونه شرارررر شما اوصف قليل عيونه مثل الذئب الغاضب واسنانه ضاغط عليهن بكل قوته من العصبيه
لون وجهه تحول للــ اللـون الاحمر  
شرايينه كلهه بارزه ...
بعده مواصل يمي والراشدي اجاني يفرر وگعني وراسي انردم بالكاع سحلني من شعري واني بالگاع بدون ماارفع رجليه يسحل بيه عبالك جيس شكر .
تعده بيه الصاله ووصلني لـغرفتي دخلني وسد الباب

تكرفصت وبقيت ابچي جسمي كله يرجف حلگي طگ دم من قوة الراشدي وعيني تورمت وتحول لونهه بنفسجي شويه دخل جدو بأيده صونده طويله ممليه حصو وسچينه لونهه أحـمر ناري الظاهر محميهه على نار !!

اني شفتهن الدم جـمد بعروكي من الخوف
علامات الصدمه بـاديـه على وجهي ...
خلى الصونده على الميز مال المرايه وتقرب عليه السچينه بأيده !!

إرتعشت من الخوف وجمد قوامي مااگدر أهرب أو أصيح ... بس المنظر يثير بالنفس رهبه وهلع وصل يمي واني مصدومه وفاكه حلكي حط ايده على رجلي ورفع ثوبي طلع فخذي وخله السچينه عليه !!! شاغت روحي وفرفحت من الوجع ارسد اسحب النفس ماكو بس اشهك بدون صوت وصدري صار عليه ثكل .. ظل يگلب بيهه على فخذي وبعد.متحملت نفذ صبري صدرت مني صرخه مزقت أحشاء الكون اريد اسحب روحي من جوه ايده مااگدر شبگ إيديه ويعصر بالسچينه حيل ع رجلي.حسيت روحي طلعت ضليـت اگمز من الوجع ... اشهگ بقوه .نفّـسي ضاق وصوتي غاب ..
اريد اصرخ حط إيده على حلگي يمنع صوت صرخاتي .. شويه ودخل بابا !!
معصب ازيد من جـدو وعيونه شرار گالله جدو

(هاي بنتك سويلهه چاره نزلت روسنه بالطين انه ابتليت بلوه من ربيتهن .. خلصت عمرك ماتدري بيهن وانه تعبت ماتتوب شاسويلهه ربيهه انته اني رجال جبير مابيه حيل وعضامي بايده اخر شيء جابته للبيت شوفهه شلعبت انه لحگت عليهم بأخر شي لو ما طلعت اصلي صلاة الليل چـا هسه احنه رجلينه بالشمس )