طاقة تحمل

مقتطف من ج2

طاقة تحمُل ج2
الكاتبه :- العباديه
مقتطف من الجزء الثاني

لقد قمت ذات مره بنعتي بالمجنونه الحمقاء !!! ..... هل تعرف شيئاً ... ؟؟

فعلاً أنا حمقاء !!
لأنني عشقتُ رجلاً شرقياً مثلك ..
لايفكر سوى بعقلٍ شيطاني !!!!!!

لايحملهُ قلبهُ ليلازم المرأه بحنانهِ ..

انا المخطئه ....
كوني من تقرب إليكَ

سأذهب ياسيدي ولن أعود !
فانا المخطئه بعشقك
سامحني على جهلي
                             لم أكن اعرفك !!

✍
#بقلم_العباديه
@alabadyia_09

..................

زهراء 💖

نزلت من الدرج تعبانه واجر بروحي جر كرفت البيت كله والشغل اكثريته عليه لان ساره ماتكدر تتحرك اول شهر الهه بالحمل وكرار ميخليها تلمس العوده ..

مريت ع الصاله محمد گاعد لازم موبايله وحاط وجهه بيه إجيت يمه كعدت وجهه مايگصه الطبر من ليلة البارحه زعلان لان حاسبته على طلعاته الكثرانه بالليل وميقبل احاسبه يگول شنو مره تحاسبني !!

اول ماحطيت وجهي بالموبايل سحبه لوره ظهره وعكد حاجبه وخزرني خلاني ارجف بمكاني وشكيت بيه ليش سحبه ؟

عكدت حواجبي معصبه وزجرت بصوت عالي

- ليش طلعت وسحبته  ؟

رفع حاجبه ماعاجبه كلامي وعصب مني كال

- بكيفي ماتحاسبيني انتي

اني وكفت وعصبت بقيت اشمر بإيديه واعيط

- شنو مااحاسبك ؟ اني مرتك وانتَ صاير كلشش مگلوب عليه گلاب وبس تعيط بوجهي وماتقبل احجي وياك هيَ شنو بكيفففك

يحجي ويضغط على اسنانه بقوه ويرص بيهن بعصبيه

- صوتج لايييعععلى

عطت حيل وعليت صوتي

- لا والله يعلى ونص واريد اليوم اطلع الشمس ع الحرامي

خزرني حيل حسيت عيونه انفجرت من الخزر دماراته امتدت على رقبته وقوى قبضة إيده

- اخرررر انذارررررر

عطت بصوت عالي وعاگده حواجبي بإتقان ووجهي متحول لونه احمر من العصبيه

- كاافيي محمد مااتحمل اعيش وياك عيشتيش هاي طلگنييي

ماحسيت الا راشدي قوي سكتني فكيت عيوني حيل وشهگت !! اول مره يسويها !!

بقيت لازمه مكان الضربه ومصدومه !
بلعت ريقي وتنفست بعصبيه ودموعي صبت .

شهگت بكل قوتي وگلت بصوت متقطع

- تضربني ...؟

رفع حواجبه مرتين ويهدد باصبعه السبابه

- هاي الكلمه اذا گلتيها افركه لحلگچ ففهممتيي

خلاني وطلع گعدت بالكاع مصدومه حتى عيوني مارمشن من الصدمه وبقيت اشهگ وابچي ..

ليش تغير ؟ معقوله هيچ يصير ويايه اني زهراء اليگول اتنفسج اني حبيبته اني زوجته اخخ ليش هيج والله مدافهم ..

يتبع ..

                    الـعـبـاديــه🌼🌻

انتظروا تكملة الجزء الثاني بعد قصة رشفة عشق 😊