#رواية بنت التونسية لكاتبه🌺 najah_alhaj (مكتملة)💚

35

روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
           🌸الادمن#لـــــوليــــتا👑
#بنت_التونسية
#الحلقة_35 .
~~~~~~~~~~~~~~~~~~~~~~~~~~
لايكااتكم قبل ماتقروااا
والتعليق بعد تكملوا..
_____________/_____________/___________/
انا_لا لا لا مستحيلللللل ياااااربي لا...
طلعت ع وفاء تجري
لقت ياسر حاضن يزيد ويبكي ويزيد مايتحركش بكل
ياسر_نوووض نووووض ...ماتسيبنيش م نوووض ماتسيبنيش نوض معنديش غيرك
خدت ع وفاء يزيد من ياسر _نوض سلم ولدي نوووص وليدي نوووض يارب يااارب ماتحرمني من ولدي ياارب..
وصل ع فرج فك يزيد منها ورفعها وعيط علي ياسر_قيييم معاي خووك بسرعه نسعفوه....قام ياسر ورفع يزيد مع عمه وحطوه في السياره ومشوا بيه...البنات يعيطوا وينقزوا وع وفاء تدعي وتدعي انه مامات
جدي_كان وجهه اسود ويتنفس بصعوبه جديده وصلت لعتبة الباب وقعمزت معاش قدرت تتكلم ...
جدي_اسمعووووا ...سواء عاش يزيد ولا ربي خدي أمانته حنقولوا للناس انه فؤاد وكنته ماتوا في حادث سيارة كان رافعها لحوش عمها وداروا حادث ماتوا..
ع وفاء_ف ستين داهيه ..اصلا خلاص ماتوا بالنسبه لينا غير ينوض ولدي بس
طق الباب ماحد قدر يفتح فتحت أنا..خش عمي فرج
ع فرج_ان لله وان اليه راجعون..توفى في مكانه الرصاصة  كانت قاتله...
وبدي العياط وع وفاء _ع لسانه الا لا اله الا الله ..لا اله الا الله....
بدت الناس اتجي وقلنا للكل انهم ماتوا ف حادث سيارة مع بعضهم...
انا ماقعدتش هلبا ف حوش عمي حدهم الثلاث الايام الاولى ومعاش مشيت اخر كلام قلته ليه محسسني بالذنب ..حتى ولده ماقدرتش انشوفه وهو طول الوقت يبكي ايسخف وكأنه حس باليتم من هو صغير...
ياسر ماشفتاش من اول يوم للوفاه
ربا _حاولت تتأسف مني بس انا ماعطيتهتش المجال لانه لا الوقت ولا الظرف يسمح لاي كلام زي هدا..
.....
فات شهر والعيله كله محاوط بيها الحزن صح تداركنا الفضيحه وماحد سمع بيلي صار حتى لاميرة وريما ماحكيتش انه عمي هرب مع كنته وانه يزيد انتحر ..السر قعد بين الي عرفوه بس  حوش عمي فؤاد وجدتي وجظي وع فرج وانا بس ...ولا حد غير عرف ..حتى ياسر ماحكاش لصاحبه عادل الي صار ..
......
عادل يتصل كل يوم بهدايه يطمن عليها ويصبر فيها...ولانها كانت محتاجته تعلقت بيه هلبا وحباته رغم جفافه واسلوبه البارد لكن اهتمامه ف هالفترة ..خلاها تحبه...
.....
روابي وربا التوؤم الي كان طول الوقت يناشبوا ويخططوا هدوا وكل وحده مخيم عليها الحزن صدمه كبيره او بالاصح صدمات الاولى بهروب بوهم الي كان عندهم احسن شخص ف العالم مع مرت يزيد ..والثانية يزيد خوهم الي بالرغم من اخطائه و مصايبه الا انه كان حنون فيهم هلبا هلبا...يزيد الي من هول المصيبه انتحر لانه مش قادر يوجهه الواقع فاختار اسهل الطرق ونهي حياته.الثالثه ..وادم الولد الي ماليشي ذنب الا انه جي للاب والام الغلط...والرابعه ياسر خوهم الي طول الوقت يشوفوا فيه مثال للقوة و الصلابه انهار قدام عيونهم يبكي ويزيد ميت بين يديه
.....
ريما_تمشي لحوش عمي
انا_لا ...بنمشي لامل
ريما_علاش
انا_نبيها.....
....
حطتني ريما عند أمل ومشت لحوش عمي..
...
طقيت الباب فتحلي قصي..
انا_هلا قصي شن الجو
قصي_تمام نوما خشي خشي...
انا_قاعده امل
قصي_ايه..
خشيت
انا_السلام عليكم
عميمه_وعليكم السلان ..مرحبتين بنوما..
انا_رحب بيك عميمه كيف حالك
عميمه_الحمد لله. .وين معاش جيتي لخوش عمك
انا_معاش قدرت نمشي...وين اموله
عميمه_في دارها هالبنت مش عاجبتني بكل..
انا_تو انشوفها ..شن امبدله شكلك طالعه
عميمه_ايه بنمشي لحوش عمك ..
انا_باه انا بنخش لامل..
طقيت ع الباب
امل_خشي ماما ..
خشيت
انا_مش ماما انا
امل_نوممماااااا هلا هلا ..وسلمت عليا..
انا_شن هالجو الكئيب ف الدار افتحي الشباك خلي تتهوى الدنيا..
امل_فتخت الشباك..وسكرت عيونها وتنهدت
انا_خيرك اموله مش عاجبتيني
امل_مافيش اخبار ليا سنه ومافيش اي اخبار عليه
انا_معاش اتصل ولا راسلك
امل_من قبل لاتسافري لفرنسا واخباره مقطوعه وغصت بالعبره_خايف ايكون صاير شيء ليه خايف يكون نساني ..مستحشاته موت خاطري انشوفه ولو حتى طيف ...ولو ف الحلم..
انا_حبيبتي...ماتغشيش روحك ...الا ما يوصلك خبر عليه
امل_ان شاء الله...شن رايك اديرلنا كيكه ..
انا_شن جايه باش نخدم انا...مادخليش انا ضيفه
امل_نوضي بلا براده ديري وحده من كيكات السماح الي تعلمتيهم في مقهى خالك..
انا_واااااك ..وين نمشي نخدم..
امل_عظم شقا من يومك..
انا_عارفه روحي ...حتى فرنسا الي ع اساس ماشيه سياحه خدمت فيها لين مديت لساني
امل_اما هادي عندك فيها الحق ههههههههههه وين تمشي تخدمي..
...
نضت ودرتلها كيكه الجزر كيكه خفيفه وبنتها حلوة..
شربنا قهوه
وكلينا الكيكه..وخطمت عليا ريما وهيا مروحه
....
وفاتت اربع شهور ثانيه وع اساس ع وفاء رمت عدتها..ع اساس عمي
..........
في حوش ع فؤاد
ع وفاء_كلم صاحبك كان كمل حوشه يعجل ف العرس مش قبل يبي يتزوج بداية السنه وتو احني ف الصيف وقاعد ماحدد العرس كان مايبيش ينهي هالخطوبه الي سماطت ..
ياسر_شن غنته العرس الي تو وشن بتحكي علينا الناس ..متوفينلهم تلات ومعرسين ..
ع وفاء_ طز ف الناس واحني عارفين الحق بوك وهديكا الكلبه قاعدين حيين...وخوك ربي يغفر له . ماعندي علاش بنحزن   ساد ماصار لتو ..نبي الفرح يخش لحوشنا
ياسر_ هو من قبل مايتوفى يزيد يبي يعرس غير صار الي صار وتو انشوفه..
....
بعد ايامات حددو العرس بعد شهر
وفات الشهر بسرعه ..وانا ف الاول مش حنحضر بعدين لعنت الشيطان وقررت نحضر ..
المهم اليوم السهريه والحنه ..
جونا معظم بنات ونساوين العيله طلعوا من عندنا وف الاخير جهزت روحي لبست جمب سوت اكحل كله لمعه وكندره عنابيه واكسسورات عنابيه في الاكحل وطلقت شعري ولميت شويه ننه بمساكه وكان طوله لنص فخدي ..ودرت مكياج هادي مع رسمة عين  وروج عنابي.
وريما قفطان  كم وكم لا قصير.لونه ازرق مع كندرة فضيه واكسسورات فضيه وشعرها دارته تسريحه خفيفه هلبا بس لميلتلها كل شعرها علي شكل فيوكه ونزلتها قصة حفاريه كثييفه ..
....
ف حوش عمي
ع وفاء_ربااااا رباااا يامصيبه
ربا_نعم نعم ...
ع وفاء_أمشي سكتي ولد خوك وبدليلها..
ربا_شن جبته ونسيته انا ..وتعرفيه ما يسكتش بكل..
ع وفاء_ضربتها ع فمها_مزال اتقولي هك لسانك انقصه حرام عليك يتيم ولد خووك هدا من عنده غيركم .
ربا_ديما انا حاصله فيه...ومشت تتأفف..بدلتله وحطاته في كروسته ...وطلعاته للخيمه باش يلهى ويتفرج ع الصغار ويسكت...
...
وصلت انا وريما والصغار ماشاء الله أربعه انا في يدي قيس ..وهيا ماسكه رنيم الصغيره
ريما_انا بنخش
انا_حطيت قيس ع اول كرسي _خودي عبايتي معاك مانبيش انخش
...
قعمزت ونسمع في بيبي يشمق وتنفض فيه العبره..
مشيتله وكان في
انا_لا حبيبي لا ياروحي ..وقمته ولقيت معاه فوطته مسحتله وجهه وكان يهبببل شدوق منكته وعيون واسعه بلون اسود وشعر كثيف نفس لون العيون ..تبارك الله عليه..
اول ماشافني سكت وكانه
انا_خيره الحلو من مزعله ..
رجع يبكي ..مشيت عليت ف صوت النظومه وكانت اغنية عبد الفتاح قريني الهنديه فان...
ووقفت وطبست عليه في الكروسه وبدت نغربش فيه بشعري بدي يضحك وبديت نرقص بكتافي وهو يضحك ونميل ع الجنب اليمين ومره ع اليسار ووهو الي يضحك..
....
ياسر_كنت مقعمز برا مع ولاد خالي وكيف صلينا المغرب سمعت المنضومه صوتها علي خشيت بنقولهم يواطوا ف الصوت عشان مزال الوقت ..وكيف بنخش شفت وحده مطبسه علي كروسة عيل انا ماشفتش الوجه شفت بس الجسم والشعر  قعدت واقف ومتنح هدا حلم ولا علم من هادي وقفت لكن للاسف انها عاطتيني بضهرها وبدت تهز في جسمها بالشويه والشعر يتحرك معاها..ف حياتي ماوقفت وتنحت في بنت لكن هادي غير  غير..كنت بس نبي نشوف وجهه..وكيف بنتكلم باش تلتفت ..سمعت صوت نساوين وراي بيخشو..وخرت وطلعت...قلبي وعقلي قعد واقف غادي..من هيا من هالبنت والولد ليها والا قريبها...وبعدها تفكرت..الكروسه لادم ولد يزيد ..طول اتصلت بربا
ربا_ايوه
ياسر_هلا ..وين ادم
ربا_في الخيمه خيره
ياسر_كيف ف الخيمه من شاده
ربا_في كروسته
ياسر_طلعهولي نبيه( كنت بس نبي نتأكد انه هو نفس العيل الي شفته معاها)
....
ربا_نوما هلا شن الجو
انا_اهلين..مبارك لاختك والفال ليك
ربا_وليك ان شاء الله...ان شاء الله غير ماتعبكش
انا_من هدا يقربلك
ربا_شن يقربلي هادي..هداولد يزيد أدم
انا_جد هدا ولد يزيد
ربا_ايه بيهبلنا بعياطه
انا_بالعكس انا طول سكتلي..
ربا_غريبه احني مايسكت الا لامل وامي وياسر
انا_ههههه
ربا_خلي نرفعه
انا_خليه عادي مش متعبني
ربا_يبيه ياسر
انا_باه طبست عليه بسته وقرصت شدوقه ضحك  من جده 
ربا_اش اشي  حرام مايضحكلي
ورفعاته لعمه
...وفاتت السهريه حلوة وحنوها وروحت انا وريما
....
وثاني يومرجعنا عشان الرمي ..
وكانت الاجواء حلوة ..وانا طول الوقت وادم عندي تعلقت بيه من اول يوم شفته فيه..من امس والولد مافارقش بالي بكل واجعني هلبا يتيم زي ..وكل ماعمتي وفاء اتقولي جيبيه انقوللها لا..الاولما قالوا ياسر يبيها مديته طول..
...
وجت الحفلة ...وفاتت كل شيء بخير طلعت هداية حلوة بقفطان ابيض اوف وايت..وكان كم وظهره وكمامه كلهم شفافات وعليهم لولي ..ومنفوخ مع ديل بسيط.وباقة ورد بيضه ...

.....
عند العريس
عادل_ اووف ..
ياسر_خيرك
عادل_الهم الاحرف .مفروض ماخطبتش اختك..
ياسر_علاش
عادل_ياحمار كيف بنحكي معاك تو..وهيا اختك
ياسر_هههههه وشن بتحكي..
عا.ل_حاجات مانقدرش نجكيها لانك نسيبي
ياسر_ مهناك غيري يا اسأل يا اسكت..
عادل_اعتبر العروس مش اختك..
ياسر_هادي صعبه لكن انحاول..
عادل_انت تعرف انه جو ياحبي وحياتي ماعنديش فيه
ياسر_باه
عادل_ باه ووقت ال..مش هيا بتكون خايف ومتوتره والمفروض نهديها ..شن بنقول متلا انتي ياهو اهدي ولا ارخي روحك
ياسر_اس اس الله يحشمك ..انا تحشمتلك ..وقول حبي شن فيها فوت بيها
عادل_مانقدرش مانجباش الكلام هدا
ؤاسر_قول اسمه وخلاص
عادل_بايخه شن من اولها بناديها بإسمها
ياسر_ياهمي انا ..قول ياعيوني
عادل_لا ياخشومي..شن رايك انقول هديوه احسن شيء.
ياسر_قول الي بتقوله سهفتني ياحيوان..
عادل_ههههه برا دور علي هديكا الي شفتهااول امس
ياسر_تي فوتني وكلن تطلع متزوجه اصلا حظي ونعرفه
عادل_فعلا في الزواج حظك زي زومتك
وكمل عادل لبس..
....
وطلع لجماعته لقي النوبه تضرب وكلهم يبوه يرقص وياسر يدف فيه
عادل_كان رقصت انا ..تغني انت في عرسك لمرتك
ياسر_تي برا روح
عادل_كان تعاند عليها هادي نرقص وحتى صورني
ياسر_قصدك انت الكئيب وجه النكد بترقص
عادل_كان تغني انت لمرتك ف عرسك نرقص( وكان متأكد انه ياسر حيرفض)
ياسر_خش هيا وعليها بعناد
عادل_تو انوريك..وخش ونخى الدجاكه مدها لياسر وبدت الفرقه تضرب وهو يرقص وياسر يصور فيه ويضحك لانه عادل مش من هالنوعية من الشباب يعني مش جوه بكل ...وعارف انه شيء مايتفوتش بكل وبيمسكهاله دله..
.........
قالوا العريس بيخش لبسنا عبايتنا وظلمت الصاله كلها وخش ع اغنية حسين الجسمي
لا اله الا الله
لا اله الا الله
ألف الصلاه والسلام عليك ياحبيب الله محمد
...........
وصل عندها وهيا تشوفله وقلبه بيطلع من مكانه فرحانه هلبا
...وهو يشوف فيها وقلبه يدق بسرعه ولا اراديا ابتسم وفسر هو دقات قلبه علي انه توتر ورهبة الموقف بس. ..
....
نحى الطرحه وباسها ع جبهتها
عادل_الف مبروك
هدايه_الله يبارك فيك وحتى انت الف مبروك
عادل_يبارك فيك
وبدلها دبلتها وباس يدها..و شويه وطلعوا ...
....
روحت هالكه تقول العرس في حوشنا...دوشت من غير مانغسلةشعري لاني ماعنديش حيل نجففها ..وطحتله نووووم
......
ثاني يوم نضت علي اتصال من أميره
انا_شن حالمه بيا
اميره_نوضي يامصيبه جدي ف المستشفى
انا_حي....سكرت عليها وجري للحمام( حشاكم ) توضيت ولبست عبايتي ووشاحي وصليت ونزلت جري طقيت علي ريما لقيتها سامعه وكيف بتطلع ..خطمنا الصغار لحوش اخت عمار مفيده وفتنا لجدي ...
وصلنا وشفنا كل العيله
انا_خيره جدي
اميره_جدتي اتصلت بياسر وقالتله راه جدك داهش هلبا ..وجبناه لتو الدكتور ماطلع..
انا/ان شاء اله خير وبدو دموعي ينزلوا  لا اراديا جدي هو بوي وسندي وملجأي هو كل
طلع الدكتور كلنا قربنا منهالدكتور_كانت بداية جلطه لكن لحقنا عليه الجلطه كانت ع القلب لاكن ربك ستر ولحقتوا عليه
كلنا_الحمد لله الحمد لله..
....
وقعد جدي يومين في المستشفى وبعدين طلع...
..
وفاتوا ايامات واليوم جمعه وكلنا بنلتموا في حوش جدي..
...
في الصبح ..خشت ع وفاء علي جدي
جدي_مرحبتين بام الغالي
ع وفاء_رحب بيك ياعمي..كيف حالك اليوم
جدي_الحمد لله بخيرر
ع وفاء_دوم ان شاء الله .عمي جاياتك ف موضوع
جدي_شن هو
ع وفاء_ انت عندك كلمه علي ياسر ..وانا علي ماتكلمت نبيه يتزوج شيء مصكر راسه ..والبنت الي انقوله عليها يطلع فيها مليوون وعله..هبلني معاه نبيك انت تكلمه
جدي_ باه اليوم نكلمه...
....
التمينا كلنا تغدينا وبعد الغدي جمعنا جدي عنده..قعمزنا ونستنوا
جدي_ بعد شهر من اليوم ..فاتحة ياسر
ياسر_كان مواطي راسه رفعه بصدمه _نعممممم شنووو
جدي_اسكت انت...فاتحة ياسر علي رنيم ..
رنيم_انا وقفت من الصدمه_والله شنوووو
جدي_والي يرفض بينهم معاش نبي انشوف وجهه
ياسر_طلع طول ..وانا وراه...
خشيت لداري زمان وقعمزت نفنص مصدومه ..شن يخرف جدي...
...
ياسر _طلعت مانشوف في شيء..انا نتزوج هالمدلعه السامطه..تي حتى شكلها مانعرفه نشوفها في الشارع مانعرفها ..في شهر نتزوجها..والله حتى لو قال امل مرات نبلعها ..رنيم  الحفيده المدلله الي من شهور كانت تبكي علي حبيبها الي فاتها وواشح قاعده تحبه
......
انا كلمت ريما وروحت بسيارتها وقلتلها تحكي لعمار يجيها...
وصلت للحوش مصدومه كيف جدي يقرر هك منه ليه..تي جتى الولد مش طايقني حتى الشبح فيا ما يشبح...عليك حظ ..قالوا رضينا بالهم والهم مارضاش بينا...
....
في حوش جدي روحوا كلهم وقعدت ريما بس
جدي_كلمي راجلك يجيب اختك نبيها..
ريما باه
واتصلت بعمار وقالتله طق عليها وقوللها جدك يبيك..
انا نتحشم من عمار ..فطلعت معاه ووصلت لحوش جدي
خشيتله وانا طايرتلي منه..
جدي_من مزعل نومتي
انا_واحد اسمه محمد
جدي_ملعنداش حق ان شاء الله يموت
انا_شهقت ومشيتةنجري حضنته _بعيد السوء بعيد السوء
جدي_ويلوموا ويقولوا علاش امفضلها ع الكل من يحبني زيك 
انا_ولا حد
جدي_تعالي جنبي
قعمزت
جدي_تو انتي واثقه ولا مش واثقه في خوفي عليك وفي تفكيري ف مصلحتلك في اني مستحيل انفرط فيك الا لحد يستاهلك ونوثق في انه حيقدرك ويسعدك
انا_انا واثقه فيك ياجدي لاكن مش واثقه ف اختيارك لاهو يطيقني ولا انا انطيقه تي ما ايحبش حتى يشوفلي والله لو توريه صوره ليا الا ما يقولك هدي من..؟
جدي_ماتخافيش واثق انه مناسب ليك زي ماانتي مناسبه ليه...
انا_مش عارفه ياجدي مش عارفه
جدي_انتي صلي صلاة استخارة.ولو ما ارتحتي بعدها..ساهل..
انا_ان شاء الله...
.....
وروحنا للحوش
جدي اتصل بياسر
وياسر لانه يخاف علي جدي ومايقدرش يتجاهل اتصاله رد عليه
ياسر_نعم جدي
جدي_نعم الله عليك وين انت
ياسر_قريب ..
جدي_تعال نبيك..
ياسر_باه
..
وصل ياسر وخش..
جدي_هدا غير قريب
ياسر_السلام عليكم
جدي _وعليكم السلام
ياسر_نعم ياجدي شن فيه مناديني تو
جدي_ شن رايك في الي قلتهولك
ياسر_هدا مش كلام هدا مصيبه وانت عارف اني حنوافق لو قرنت هالشيء برضاك وهدا بالزبط الي الي درته
جدي_ مافيش بنت مناسبه ليك زيها ..انت بس ماتعرفش رنيم زي ما اني نعرفها
والوحيده الي حتقبل انها تربي ولد خوك عندها والي تتطمن عليها معاها لانه يتيمه ومجربه ومستحيل تظلمه معها
ياسر_وافرض انتقمت من بوه وامه فيه
جدي_مستخيييل رنيم ما اديرهاش ..قتلك انت ماتعرفهاش ..ولو تزوجتها حتجي يوم وتشكرني عليها
ياسر_وقصتها مع الي كان خاطبها كيف بنتزوج وحده وهيا تبي واحد ثاني ..وانا كنت شاهد عليها يوم روحت من عرسه تبكي بهستيريه
جدي_ تقدر انت تخليها تنساه ..انا عندي نظره ونفهم كويس انتم ورنيم مناسبين لبعض.. وكانك ادور ف فارنيم معروفه وسط العيله بزينها
....
ياسر_مش مقتنع ياجدي عطيني يومين انفكر ونرد عليك...
و #يتبع
#najah_alhaj
أراكم وتعليقاتكم تهمني