أسوار : ولكن ا جدي ياك قلتي..
سي أصلان : سالا الإجتماع ... بقا اسوار كايشوف فجدو و فأرسلان هو متأكد خوه غاتكون عندو يد فهادشي .. ضرب فالطبلة و خرج من تما
غابريال : انا محتارم قرارك نخليكم دابا .. أعمامهم و ولاد عمامهم و خلاو غير أرسلان و سي اصلان
سي أصلان : دابا جات نوبتك .. ماهضرتش معاك على الحرب قدامهم باش ماينوضش صداع ولكن دابا بغيت شرح مفصل على هادشي لي وقع .. لاح يديه على الفوطوي و نطق بهدوء
أرسلان : شنو نشرح ا جدي
سي أصلان : اش وقع حتى خسرتي هاد الحرب؟؟
ارسلان : لي وقع هو *************** ... فاش كان كايعاود ليه اش وقع كان سي اصلان مراقب حتى نبرة صوتو لي كانت صااادقة تماما .. أرسلان اصلا ماكايكدبش على جدو ولكن فنفس الوقت ماكايقولش كلشي يعني ماعاودش ليه كلشي .. عاود ليه غير اش بغا و خلا داكشي لي بغا
سي أصلان : المهم كانبقاو خارجين منها بخسارة
أرسلان : هادي بالنسبة ليا ماشي خسارة
سي أصلان : شرح لي مزيان
أرسلان : الحرب لي دازت كانت تمهيد للحرب الجاية لي فوزنا فيها مضمون
سي أصلان : غانعاودو الحرب معاهم؟؟
أرسلان : حرب ولكن حرب من نوع اخر
سي أصلان : يعني؟
أرسلان : حرب التكنولوجيا
سي أصلان : هممم مثير للإهتمام ولكن كيفاش هادشي
أرسلان : *******************
سي أصلان : ( بفخر ) ماكاتخيبش ليا امالي فيك
أرسلان : عارفني كانخسر ايلا ماكانتش عندي شي فائدة كبر ا جدي؟
سي أصلان : عارف ولكن هادشي ماخاص يوصل لحد من غير حلفائنا الموثوق فيهم
أرسلان : هادي حاجة طبيعية
سي أصلان : قبل ماتجي كنت سيفطت دعوة خصوصية لرئيس إسرائيل باش نقوليه اش وقع فالحرب
أرسلان : و اش وقع!!
سي أصلان : لفقت خسارتنا فالحرب لمؤسسة مورغان بلي هي السبب فخسارتنت و هادشي راجع للإنتقام لي بغاو ينتقاموه منا بسبب مشاكل قلال كانو بيناتنا دابا الباقي هو غايتكلف بيه و ينشر هاد الإشاعة
أرسلان : همم باغي نهضر معاك فواحد الموضوع ... قرب منو جدو حتى ولاو عينيهم مقابلين
سي أصلان : خطبتكم ماغاتتأجلش بلا مادير لي المبررات لا نتا لا خوك .. واخا كنت هنا ولكن نتوما ديما تحت عيني و عارف اش واقع .. ماغانخليش مغربية مسلمة دير لي مشاكل بين حفادي و عنداكم يسحابلكم ماوصلنيش الخبار فاش نضتو تقاتلو عليها و هادشي غادي تدفع ثمنو غالي ( رجع لبلاصتو )
أرسلان : ( بهدوء ) كنت باغي نهضر معاك فموضوع اخر
سي أصلان : موضوع اخر؟؟؟
أرسلان : ********** .. بقا كايهضر معاه و جدو كايتغيرو ملامحو شيئا فشيئا
سي أصلان : ( بعصبية ) حسابي معاه هو اللخر ... سالاو هضرتهم و خرج ارسلان من تما مع سد الباب شنق عليه أسوار من القاميجة
أسوار : هضررر اش قلتي لجدي؟؟؟؟ هادو فعااايلك انا متأكد .. نطر ليه يديه بجهد
أرسلان : الوقت لي غانضيعو عليك فالخوا الخاوي زايد فيا بغيتي تفهم اش واقع دخل سول جدي
♔ في المغرب
ناعسة فوق السرير و عينيها فالسقف .. تحلات الباب و دخل سي راضي و فيديه فادي و ريناد و اليد لاخرا فيها واحد الفاليز مع تحلات الباب مشاو كايجريو لعندها
ريناد : ختييييي ...
♔ في المغرب
ناعسة فوق السرير و عينيها فالسقف .. تحلات الباب و دخل سي راضي و فيديه فادي و ريناد و اليد لاخرا فيها واحد الفاليز مع تحلات الباب مشاو كايجريو لعندها
ريناد : ختييييي .. ناضت عنقاتهم بجوج و رسمات على ثغرها إبتسامة خارجة بزز فقط باش مايحسوش بيها خوتها
سي راضي : كي بقيتي دابا ا بنتي؟ ... حدرات راسها و بدات كاضحك
ريماس : هههههههههه فرحانة لأقصى درجة من مور الصدمات لي سمعتهم وحدة من مور وحدة
سي راضي : بنتي خاصك تفرحي نيت
ريماس : و علاش لي مانفرحش و انا سفكت دم ولاد بلادي بيدي؟؟؟ و غانتسبب فخسارة بلادي
سي راضي : الحرب سالات
ريماس : ( ضورات وجهها ) عمي راضي عافاك بلا ماتفكرني بلي..
سي راضي : ربحنا الحرب .. ضارت لعندو بالزربة
ريماس : ربحنا الحرب؟؟؟؟؟
سي راضي : ( بإبتسامة ) وي بنتي ربحنا الحرب و هادشي بفضل مجهوداتك ... بقات كاتشوف فيه و كاتخرج لها الضحكة بوحدها و تعاود تجمعها ماحسات براسها تا طارت عنقاتو
ريماس : ماكاتكدبش عليا ياك؟؟؟؟ ماكاتقولش هاد الهضرة باش تريحني؟؟؟
ريناد : ( ببرائة ) ختي بصح ربحنا الحرب .. بعدات عليه و بقات كاتحط يديها على فمها و شوية على راسها مامصدقاش بلي فعلا ربحو الحرب
سي راضي : و ماشي غير هادشي لي كاين .. خاصك تجهزي راسك حيت كاين حفل تكريم ليك خصيصا و عاد ليا و لمراد و للأشخاص لي ضحاو بروحهم من اجل بلدهم ... رجعات جلسات فبلاصتها و الفرحة ديال انهم ربحو الحرب غطات على تأنيب الضمير لي كاتحس بيه ... شدات ريناد و فادي من يديهم و بدات كاتهضر معاهم بصوت ضاحك
ريماس : و اخييرا و اخيييرا خدينا حقنا من لي كانو السبب فموت واليدينا و اخيييرا .. قربات لها ريناد و بدات كاتلمس لها فوجهها
ريناد : و لي خداو منك شخصيتك الحقيقية ا ختي لي خداو منك ملامحك و خلاونا مانقدروش نتعرفو عليك .. حطات يديها على يدين ريناد
ريماس : و لي بعدوني عليكم ولكن من دابا الفوق عمرنا نبعدو على بعضياتنا
فادي : وعد ا ختي
ريماس : ( بإبتسامة ) وعد
سي راضي : بنتي ريماس خاصك تشوفي شي وراق و تسيني عليهم
ريماس : ( بإستغراب ) اينا وراق؟
سي راضي : جلسي باش تركزي معايا ... جلسات و جلسو حداها خوتها ، حل الفاليزا و جبد منها شي وراق عطاهم لها شداتهم
ريماس : ديالاش هادو؟؟
سي راضي : هادو فيهم شهادة الحياة و شي وراق ديال الهوية ديالك لي كايثبتو بلي راك على قيد الحياة
ريماس : و ملامحي لي تبدلو؟؟
سي راضي : تكلفنا بهاد الموضوع و ثبتنا بلي راك باقا حية و عاودنا قادينا لك جميع الوثائق ديال الهوية ديالك من كارط ناسيونال حتى لبيرمي ... شداتهم و بدات كاتتفحصهم لقات كلشي كامل جميع الوثائق ديالها و الشواهد الدراسية و كلشي
ريماس : الصراحة ماعرفتش كي غانشكرك والله
سي راضي : مزال ماساليت ... جبد وراق خرين
ريماس : ديالاش هادو؟؟؟
سي راضي : هادو ديال الأملاك لي خلا لك الأب ديالك و حتى الوصية الحقيقية كاينا معاهم .. بدات كاتقلب فيهم و تتحقق منهم لقاتهم كلهم كاملين .. البوتيكات ديال الام ديالها .. الشركة ديال الاب ديالها و الفيلا و طوموبيلات ديالهم كلشي رجع لسميتها و سمية خوتها ولكن حيت هما قل من 18 يعني غاتكون هي ولي الأمر ديالهم
سي راضي : بقاو اخر وراق هما هادو ... عطا لها واحد الوراق و ستيلو
ريماس : ديالاش؟؟
سي راضي : قرايهم و غاتعرفي ديالاش ... بدات كاتقراهم و العافية لي فقلبها كاتحس بيها بدات كاتطفا شيئا فشيئا .. ماتردداتش تسيني على دوك الوراق لي كانو ديال الدعوة لي ترفعات على عمها و مراتو على ود التزوير و النصب و تضليل القانون
ريماس : كانحس بالعافية لي كانت فقلبي طفات الفضل كلو كايرجع لك ا عمي راضي و اخيرا رتاحيت و عاودات دخلات لقلبي السعادة من جديد و اخييرا سالاو لي مشاكلي كانشكرك بزاف على هاد الوقفة لي وقفتيها معايا .. عائلتي لاحوني و نتا لي ماقريبش ليا بزاف وقفتي معايا
سي راضي : غاتقلقيني منك انا معتابرك بنتي و نتي كاتقولي لي غريب
ريماس : ههه ماشي هاكاك ولكن فعلا وقفتي معايا فالوقت لي كلشي تخلا عليا خيرك عمرني ننساه
سي راضي : هادا كان جزء من العقد لي سينيتي عليه بلي غادي يرجع لك كلشي فاش تنجحي فمهمتك واخا كنت باغي ننفذ هادشي قبل ماتنجحي و ندمت ندم شديد حيت انا السبب فهاد المشاكل لي وقعو لك مؤخرا
ريماس : الغلط ماشي ديالك ا عمي راضي الغلط ديال داك الغدار صاحب حاجتو مصطفى ولكن خدا العقاب لي كايستاحقو
ريماس : غانغرقهم فالحباسات
سي راضي : بنتي ريماس ماتوحشتيش داركم؟
ريناد : حتى حنا توحشنا دارنا بزاف ا ختي
ريماس : ها حنا غانرجعو ا حبوبتي اليوم
فادي : ( حدر راسو ) غانرجعو للدار لي عشنا فيها مع ماما و بابا ... عنقاتو بيد
ريماس : غانكون الأم و الأب و الأخت ليكم ماغانخليكم تحتاجو لوالو .. ماقالوش لك ايمتا غانخرج من هنا؟؟ خنقاتني ريحة الكلينيك
سي راضي : تقدري تخرجي من دابا ... هاكي ها شي حوايج لبسيهم بيدما مشيت نكمل شي معاملات
ريماس : واخا ا عمي راضي ... خرج من تما و هزات الحوايج بغات تدخل تبدل
ريناد : ختي نقدر ندخل نعاونك
ريماس : لا ا كتكوتتي غير جلسي راني بيخير
ريناد : واخا ولكن فاش تبغي تمشي شعرك خليني نمشطو بليز بليز بليز
فادي : حتى انا ا ختي عافاك عافاك
ريماس : ( كاضحك ) ههههه واخا واخا وا تسناوني هاني جايا ... دخلات للدوش و بدلات حوايجها و خرجات لعندهم
ريناد : ختي واخا هاكاك باقا زوييييينة ... مشات جلسات حداهم
ريماس : كي بغيتوني نكون خايبة و انا ماما كانت زوينة و خوتي تياتز ا دويو
ريناد : الله يرحم مامانا
فادي : انا اللول غانمشط لك شعرك
ريناد : لا انااا
فادي : لا قلت لك اناااا ياك انا لي كبر منك
ريناد : طلق ديك المشطة لهنا 😡😠
فادي : حيدي بعدي لهيه نسالي و نعطيك
ريناد : اعننننننن عطيني المشطة ... بدات كاتفارقهم ريماس و كاضحك عليهم قراب يتناتفو
ريماس : وا صافي ههههه طلق من يديها فادي طلق منها
فادي : راها كاتقرصني من لتحت شوفي شوفي
ريماس : ا هيا سليعفانة كاضربي من لتحت لتحت طلقي من خوك ... فارقاتهم و قسمات شعرها على 2 واحد من جهة فادي و واحد من جهة ريناد
ريناد : انا اللولة نبدا
فادي : مشطي غير نصك و بعدي من نصي ... بدات كاتمشطو لها و تتلمس فيه حتى جا سي راضي
سي راضي : صافي سالينا و قادينا الامور
ريماس : دابا غاندوزو للفيلا ياك؟
سي راضي : لي بغيتي ا بنتي نقدرو ندوزو للفيلا و نقدرو ندوزو للفيلا ديال عمك مع البوليس
ريماس : غاندوزو لعند دوك طماعين هو اللول حيت عندي معاهم شي حساب بغيت نصفيه و نشفي غليلي فيهم
سي راضي : واخا ا بنتي
♚ جالس فوق طوموبيلتو و فيديه الفردي ديالو .. قدامو 4 اشخاص كانو جنود من قبل .. راكعين على رجليهم و كايطلبو الرحمة منو
***** : هادي اخر مرة ا ميستر أرسلان عمرني نعاود نفكر نديرها
أرسلان : فاش تكون عندك الفرصة باش تزيد تعاودها غير عاودها
***** : هو لي طلب مني نراقبك كانقسم بالرب رحمنيي
أرسلان : فات الفوت ... تيرا فيهم ب4 واحد من مور واحد
أبراهام : ميستر ارسلان و اش غانديرو مع العم ديالك السيد داوود؟
أرسلان : هاداك حسابو مع جدي ماشي معايا
مالك : ماكانش باين فيهم بلي مسيفطهم داوود يراقبوك نتا و سي أسوار ا ميستر ارسلان
أرسلان : حاجة طبيعية ... وقف و ركب فاللوطو ديالو و كسيرا
أبراهام : تسلييييم انا و ما عقتش بيهم
مالك : الصراحة يستاهلو التعذيب حتى الموت على هاد الفعلة لي دارو
أبراهام : حتى عم سي ارسلان ماصدقش ساهل ... مسيفط اشخاص يدخلو وسط الجنود باش يراقبو تصرفاتو و تصرفات سي أسوار و غير لقا الفرصة ديال انهم كانو كايتقاتلو على ديك الحقيرة عرف يستاغلها
مالك : حاول يخصر صورة ميستر ارسلان و اسوار فعينين سي اصلان و انا نفهم علاش سي اصلان قرر يزوجهم دغيا
أبراهام : كانظن موحال يكون كايعطي لسي أصلان المعلومات بشكل مباشر
مالك : و شكون عرف يقدر يكونو من طرف سي اصلان ولكن داوود شراهم و خلاهم كايوصلو لسي اصلان غير اش بغا هو
أبراهام : كلشي ممكن ... يتبع
و دابا فهمتو اش قال أرسلان لجدو فالأخير؟؟؟ داك الحوار لي حطيت بلاصتو نجمات ... و واحد الحاجة البنات ... راه ماكانغفل على حتى شي نقطة ..