عشق ليليان 💥💕

175

- ليليان : ياااا صح نسيت ... واو حبيبي يعنس نولي نروح معاك للشركة ... رووووعة
- مهدي : هههههههه ... و درك نوضو ولا نزيدو شوي ؟
- ليليان : من وكتاه وليت فنيان و تحب الرقاد ... هيا نوض نوض حبيبي راح الحال
- مهدي : من نهار وليت نرقد معاك ... حبيت الرقاد ...(ناضت و خلاتو على ظهرو فتح يديه و يهدر ) ... وليت نعشقوووو
- ليليان : ههههههههههه ... حبيبي عندي ليك سوربريز اليوم العشية
- مهدي : اوووو ... شوفي انا البارح رجعتك خطيبتييي .... وش رايك اليوم نتي ترجعينا متزوجين ... ؟؟
- ليليان : هههههههههه .... مهدي نوض نوض من الفراش راه اتر فيك بزااااف
ليليان و مهدي بعد ما فوتو نهار كامل فالشركة مع بعض. .. ليليان كان النهار هداك استكشاف للبنات لي يخدمو تما .... و حاولت تبين روحها و تفرض روحها و خاصة تعرف بروحها ... #خطيبة_مهدي ... كانت نهار كامل فجنبو ... عجبتها الشركة و الجو ... و البيرو لي كان فجنب بيرو مهدي ... بعد ما خلص النهار كانو مروحين للدار
- ليليان : حبيبي روح للمطار
- مهدي : وين ؟ ... علاش
- ليليان : روح برك حبيبي ... نوريلك حاجة تما ..
- مهدي : ليليان وش كاين تما اهدري
- ليليان : حبيبي كاين وحدة نعرفها ... راهي جاية من دزاير .. و جابتلي حوايج من عند مروة
-مهدي : اممم اوكي
- ليليان : ههههههههه
- مهدي : ظحكيني معاك
- ليليان : مواح ... والو حبيبي
- مهدي : بديت نشك فيك اليوم ربي يخرجها على خير
وصلو للمطار ... نزلت و لحقها مهدي ... وقفت منين خارجين الناس و تشوف بعينيها ... لمحتهم من بعيد هزت يدها و تلوح بيها ... مهدي يحاول يشوف لوين راهي تشوف ... فجأة شاف والديه ... ايه ام و اب مهدي ... باقي واقف و يشوف معاهم حتا وصلو ... غير وصلو راحت ليه يماه عنقتو اما هو كان جامد ... و باياه والو .. ما شافش معاه حتا ... شاف مع ليليان ... تبسمتلو ...
- ليليان : وش رايك فالمفاجئة
- مهدي : امشي لدار ...
- ليليان : اوكي ... (دورت ليهم) ... يالاه نروحو للدار باينة عياكم الفواياج