- ابتسام : ليليان علاه راكي تجري .. و علاه خارجة هكا
- ليليان : راح الحال ابتسام وين راح اسامة ... لازم نحوسو على مهدي
- حطت يدها على كتف ليليان : ما تقلقيش روحك اسامة ناض بكري و راح ... مبقاش بزاف و يرجعو يقولولنا وش دارو فيها
- ليليان : و علاه ما دانيش معااه ... علاش خليتوني راقدة
- ابتسام : بش ترتحييي ... و زيد راح للحبس يشوف عبدو ... متقدريش تروحي تما
- ليليان : اممم اوكي ... و كاميليا كش خبر ؟
- ابتسام : راهي فدزاير و ملقاوش وين ... مختفية احتمال 90٪ هي السبب
- تعمرو عينيها بالدموع : مهدي ... راح تديه .. اااه راح يخليني و يروح معاها
- حضنتها ابتسام تهدي فيها : اششش مكانش منها هادي ... و راح يلقاوها و يرجعو مهدي ما تعرفيش نتي اسامة الا حطها فراسو يجبدها من تحت اللرض
- ليليان : ان شاء الله
- ابتسام : و درك تروحي تدوشي و تلبسي حوايج من عندي بلاك يجيوك و تنزلي تفطري ... شوفي حالتك كون يجي اسامة و يلقاك هكا يقتلني ... ترضاي نتمرمد ؟
- ليليان : هههههه لالا منرضاش ... و حقا خاتمك شباب ... قرب العرس ؟ ... هاا مرت خويا نلعبلك دور اللوسة الشريرة اسناي برك نرجع لعقلي
- ابتسام : هههههههههههههههههه .... ايه نشوفوها يا لوستي
بعد ما خلصت ليليان ... نزلت كيما قاتلها فطرت و قعدو فالصالون يستناو ... بعد مدة دخل عادل و قالهم وش دار ... ليليان مزالت معلقة املها باسامة ... فقعدتها تفكرت كل لحظة مع مهدي .. اصلا ما نساتش ... بداو دموعها يسيحو و هي ساكتة ... ابتسام و عادل شافو مع بعض ... مقدرو يديرولها حتى شي ...
_____________
قاعدين فصالة بيت صغيرة و فنص طابلة ... 2 كراسة ليهم و حارس فوق راسهم ... يستناو فيه يشرف ... شاف كريم مع اسامة
- كريم : راح يتعاون ؟
- اسامة : مشكيتش مي نجربو
جايبينو 2 حراس و يديه بليمينوت وراه ... شافهم تبسم ... قعد و حارس نحالو ليمينوت ... حط يديه فوق الطابلة و شبكهم
عشق ليليان 💥💕
De Meroua16
كرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غ... Mais