عشق ليليان 💥💕

119

- ليليان : قتلي وجدي روحك لازم نروحو و انا كي البهيم ما لقيت وكتاه نمرض ... راك مربوط هنا معايا و تقولي معطلتكش
- مهدي : ليليان مش راح نخليك وحدك و فحالة هادي و نروح ... و اي حاجة تستنى معليش المهم كي تبرايلي نتي
- ليليان : اممم قولي وش هي هاد الخدمة ؟ و شكون لي كنت تحكي عليه صباح ؟
- مهدي : هداك انسان راه حاسدنا على فرحتنا و ناوي يخرب بيننا و يبعدنا
شهقت فرد شهقة و حطت يديها على فمها تشوف معاه وعينيها تعباو دموع ... زربة رمات روحا فحضنو و هو استقبلها بحب و ضمها ليه كتر و كانو يدخل فيها بسن ضلوعو
- مهدي : اشششش متخافيش راني معاك مكانش لي يقيسك ولا يقدم ليك
- ليليان : متهمنيش روحي انا عادي يقتلوني ادا حبو ....( بعدت راسها ظنو و تمشي فيديها على وجهو بلهفة و عينيها يلعبو على كل تفاصيل وجهو ) .. تهمني نتا ... غير نتا لي منقدرش نشوفك تتعدب ولا تعاني ولا تتقاس ... فيا ولا فيك يا روحي
- يفوت فيديه على شعرها و يحكي بصوت ضعيف و ظغري بش تهدا : اسكتي منحبكش تعاوديها الهدرى هادي و مكنش لي ينجم يقيسنا ... راح نقضي علسه قبل ما يدير اول خطوة ... غير متخافيش يا عمري .. قتلك خليها عليا و ما تخمميش بزاف .... هيا يا روحي مكليتي والو اليون و فات وقت الغدا لازمك تاكلي اي حاجة
- حطت يدها على كرشها : ايه مت بالجوع
- مهدي وقف و يشوف معاها متعجب مبعد تفلق بالظحك : ههههههههههههههه ... هيا حبيبي تاكلي خيرمن تاكليني
- ليليان : هههههههههه اظحك بصحتك ... درك نجي اسبقني حبيبي
مهدي راح لكوزينة يشوف وش ياكلو يسخن وش بقا من العشا .. ليليان فرزت اموراتها و نزلت عندو
___________
-اسامة : ملازمش يعرفو المصدر
- كريم : باينة هادي مش راح يعرفو و كل ما يهمهم هو الدليل
- اسامة : راح يستغرقو وقت بش يقبضو عليه
- كريم : وي لازمهم الخبير ياكدلهم انو الفيديو مش مزور و كاين اجراءات امنية تانيك ... يعني منا الهشية يهزوه عادي
- اسامة : مليحة ... و كفاش مهدي ؟ مهوش يخدم
- كريم : وي راهو يتغيب هاد اليومين
- اسامة : نتوقع راح يهز يدو من شركة العايلة ... ميشرفوهش ناس كيفهم