عشق ليليان 💥💕

😍85😍

- كريم : احتمال كبير تكون معاه ... حتى هو مهوش يبان اليوم و للشركة مراحش
- اسامة : اااه ليليان عندك تتعلقي بيه عندك راح تفسدي كلش
- ابتسام حطت يدها على كتفو : حبيبي نظن جريت تحب و تعرف اللي هو مش راح يستادنها بش يجيها .... ادا حبتو خليها تعيش وش راهي حابة
- اسامة : هي تحبو مي هو ما يحيش هداك انسان يحب؟ البنات عند رجليه بالصف يمسح رجليه فيهم و منيش حابب ختي تكون منهم
ايتسام و كريم شافو مع بعض و سكتو ميقدروش يحكيو معاه كتر يشوفو فيه مقفول الهدرة معاه الوقت هدا متجيبش نتيجة
_________
داخل للقصر وجهو مقلوب و ما يتفسرش .. جات فطريقو كامي
- كامي : عبدو نسقسيك مهدي وين
عبدو مكمل يمشي و خلاها دخل عند جدو شاف معاه وجهو ما يتفسرش .. وقف سالم و يستنى فيه يهدر
-عبدو : جدي مهدي مع ليليان من البارح
- سالم : كفاش و وين ؟
- عبدو : منيش عارف وين حتى ما لقيتهمش ما عرفتش وين راحو بصح متاكد اللي هوما مع بعض من البارح فالليل
- سالم قعد و وجهو ميبينش انو مصدوم لانو توقعها تصرا
- عبدو : جدي سمعتني وش قلت ؟ ... لازم نبعدوهم مستحيل نخليهم يكملو
- سالم : عندك ديرها ... غير هادي لي ما تصراش
- عبدو : كفاش ؟ اك عارف وش راك تهدر ؟
- سالم : ايه عارف و منيش حابب الماضي يتعاود .. خسرت ولدي من قبل و منيش مستعد نخسر حفيد درك
- عبدو : يعني كلش درناه يروح فالريح ؟ ... هكا مهدي يوقف معاها و معا اسامة و حنا نخرجو بوالو
- سالم : لازم تفطن ... متخليش الوقت يفوتك كيما فاتني ... ما تكونش طماع كيما كنت انا ... كامل عارفين بلي نص الثروة لاسامة ... يطول ولا يقصر راح يديها
- عبدو : مستحيل نخرج خاسر ... و مهدي و ليليان مش راح يكونو مع بعض
خرج و خلا سالم حاير فامرو .. راح للجنينة و قعد يرحي فالدخان و فكرة تديه و فكرة تجيبو
- حابيني حياتي كامل نعيش على ظل مهدي و وش يحب مهدي ... يجي مهدي يتحكم فيا و يلعبها مدير عليا ... تجيني ابتسام في ظهرها اسامة و تهدد فيا ... حلكم واحد راح نشويكم في 2 مرة وحدة ههههههه .. نشوف وش راح ديرو
حس بيد تحطت على كتفو .. دار شاف فيها و هي تتبسم ضيق عينيه فيها
- عبدو : وش كاين ؟