عشق ليليان 💥💕

😍67😍

- كامي : مهدي سيكريتير تاعك معيشها معاك؟
- مهدي : لالا..
- ليليان : ههههههههههه قاتلو معيشها معاك ... اسمعيني مليح .. هادي لي راكي فيها داري و انا نحب نرميك برا ...
- مهدي : ليليان وش هاد الهدرة .. كامي ضيفة عندي
- ليليان : ايه ضيفة تخلي روحها ضيفة ما تدخلش و ما ترميش هدرة زايدة
- كامي راحت لمهدي و تحكي و تتمعجن : مهدي وش كاين .. شكون هادي الجاهلة وش جابها هنا وش راهي تهدر
- مهدي : كامي هادي ليليان بنت عمي و عايشة فهاد القصر
- ليليان : شوفي راني ساكتتلك على وجه مهدي راكي ضيفتو ولا تشوفي وجهي التاني ... آخر مرة نقولهالك اوزني كلامك مليح
خرجت و خلاتهم حالين فامهم فيها .. كامي بدات طيح دمعات و تحضن فمهدي
- كامي : اهئ اك تشوف كفاش راهي ديرلي في نص دارك راهي تسمع فيا الهدرة ..
- مهدي بعدها عليها و قالها بصوت ثابت : هدرتك مكانتش فبلاصتها ... المرة الجاية تجرحيها انا نوقف فوجهك... هيا نخرجو عادل يكون خلص
- كامي : اوكي .. ( مهدي خلاها و خرج قبلها ) ... يا انا يا نتي يا الجاهلة
خرجو التلاتة يدورو برا .. ليليان قعدت فبيتها حتى وقت العشا هبطت ما لقاتش مهدي .. فهمتها مع كامي كلات من فوق قلبها و راحت لبيتها و بقات فبالكون تعس فيه وكتاه يرجع .. فات الوقت و بدات تعيا قعدت على كرسي و تستنى ... حتى بداو دموعها ينزلو ما حاولتش تحكمهم .. خلاتهم ينزلو بلاك تطفا النار اللي فيها ..
_____________،
-اب مهدي : بابا نظن عندو الحق كان جلت علابالها مش راح تبقى هنا
- سالم : غدوة فالفطور نتاكدو
- عبدو : وش راح دير
- سالم : غدوة تعرف ... هههههه مفاجئة
- اب عبدو : اكيد راح يقيسها فكرامتها ... الطفلة هديك فيها دم بن جابر على الصح ههههههه .. و خارجة لجدها قاااوية
- سالم : ههههههههه بعيد شر عليا ...
- عبدو : ههههههههههههه
- اب مهدي : اظحكو و ناسيين بلي اسامة قريب بزاف لمهدي ... راني خايف من ولدي كتر من اسامة
- سالم : ما عندنا ما نديرولو ... ما نقدروش حتا نأديوه راهو قاريها مليح ... خلي غدوة نفروها مع ليليان و مبعد نشوفو وش نديرو