عشق ليليان 💥💕

😘60💕

ركبو فطونوبيل و مشاو ... ليليان تتفرج مع الطريق و تتبسم ... مهدي مركز مع الطريق ولا نقولو داير روحو مركز مع الطريق و هو كل مرة يخطف نظرة ليها فرحان لفرحتها بصح حاسها تخبي حوايج كبار عينيها يبينو حزن كبيييير وصلو للكافي الي دلتو عليه نزلو مع بعض هي تمشي و هو وراها قعدو .. الي يشوفهم و يشوف لبستهم يفكر بلي مرتو و تتوحم فنص الليل ... جاهم ڨارصون ...
- مهدي : 2 كراب نوتيلا
- ليليان : 3 ... جيب 3 ... مهدي يخبي فظحكتو و قال لڨارصون على 3
- مهدي : ليليان راكي مليحة ؟
- ليليان استغربة سؤالو ... ضيقت عينيها فيه : ايه لباس ... كشما كاين ؟
- مهدي : ههههههههههه لالا مكيش لباس تاكلي 2 ماشي بزاف ؟ و تخلصيهم ؟
- ليليان : ههههه شكون قالك 2 ؟ ... 3 هدوك كامل ليا
- مهدي : اااه ؟ ... لالا منخليكش تاكليهم كامل ... هبلتي؟؟
- ليليان : ههههههههههههههههههههههههه ... نتمسخر برك وشبيك تخلعت
- مهدي مركز مع ظحكتها و قال بصوت حنيين و هادي : ابقاي دايمن تظحكي ما تخليش الدنيا تبكيك
ليليان حبست الظحك و تشوف معاه ... تفكرت وش راهو يستنى فيها راح يبعد عليها .. نسات على روحها و تشوف معاه و تخمم ... فطنها كي قالهم ڨارصون بصحتكم .. زربت هبطت عينيها و لمت دموعها بش ما تهبطش ... مهدي حس بيها و ما حبش يجرحها ولا يفسدلها فرحتها كتر ...
- مهدي : هيا كولي كولي قبل ما تاكليني انا
- ههههههه
بداو ياكلو هي غاطسة و تتبنن كملت اللولة و ديمارات فالتانية ههههههه... مهدي خلص و قعد يتفرج فيها و يتبسم وحدو كي المهبول .. جبد تيليفون و صورها بلاما تحس عليه و خباه ... خلصت هزت راسها و تتبنن
- بصحتك... خلاص شبعتي ؟ .. ولا تزيدي ؟
- اوووه نهدرلك الصح اني حابة نزيد ما نشبعهمش الله غالب ... بصح خلااااص معنديش وين نزيد نحط
- ههههههههههههههههههههه
- وشبيك تظحك ... تسقسيني و مبعد تولي تتمسخر بياا ... كتفت يديها و دورت وجها ( تغششت ههههه )
- هههههههه متعرفيش تمسخيير... ديجا نتي لي جبتيها لروحك .... هيا امسحي عليك و خلينا نروحو راح الحال ...