عشق ليليان 💥💕

💕50💕

- سالم : ليلييان ... ارواحي هناا ... تقدري تفسري وش هدرتي ... شكون عطاك الحق تهدري ... و هداك الكلام كامل تاع مستقبلك بلاك حابتني نصفقلك عليه
- راحت وقفت قدامو كتفت يديها : ايييه لازم تصفق عليه ... اسمعني مليييح سي سالم يا كبير العايلة ( دور بينهم و تشوف معاهم بالواحد ) .. نتوما صح تحكمتو فحياتي ... من الطفولة و نتوما تمشيو فليليان .. تحكمتو الماضي ( شافت مع مهدي ) حتى الحاضر تحكمتو فيه ... بصح مزال كاين مستقبل و هداك انا نرسمو بيدي ...
- سالم : ههههههه واقيلا تحلو عينيك ... احلمي على قد ما تقدري ...( حكمها من دراعها يشوف معاها و حتا هي عينها ف عينو تتحدا فيه ) تبقاي تحت سيطرتي
مهدي كان راح ينطق ... كان راح يحبس جظو بصح سبقتو ليليان ... دزتلو يدو و هزت صبعها فوجهو ... كامل بقاو يشوفو مستغربين و مخلوعين حتى مهدي ما توقعهاش ديرها
- ليليان : بلاك تزيد تمد يدك ... خلاص عهدك راح رااااااح ..( تبسمت و دورت طلعت لشومبرتها حاطة يدها على قلبها و تتنفس ) ... اوووف خلعة خلعة ... سترني ربي مرة الجاية يدفني
مهدي تبسم و فرح كي راهي دافع على روحها ..
- مهدي : جدي نقدرو نحكيو ..
- سالم : ايه ارواح البيرو ..
- مهدي : جدي حبيت نسقسيك و نشاله ما تخبي عليا حتى حاجة
- سالم توتر : ايه ايه تفضل
- مهدي : ليليان ... ( سالم عقد حواجبو ) ... بواش راك مهددها ؟ ... متقوليش والو ...
- سالم : ااا مهدي ولدي علاش تقلق فروحك بيها ... اخطيك منها تحب المشاكل و..
- مهدي : جدييي جاوبني ولا نروح نسقسيها هيا ..
- سالم قعظ على الكرسي و حل الكرافات : اوكي ... مهددها كون تعصيني نفضحها .. و نقول للناس كامل بلي طفلة غير شرعية
- مهدي استغرب : برك؟ .. و علاه راك تعدب فيها !!
- سالم : لانو هي السبب فحيات عمك الي تخربت ... هي و يماها
- مهدي : راك تغلط
- سالم وقف و يعيط : ؤاك واقف معاهاااا ... شفثت عليها ؟ ولا حبيتهاااا .
- مهدي : جدي مش هكا بصح.
- سالم : بصح واااش ... وااااش من وكتاه تناقشني و تعتارض على خدمتيي
- مهدي : خلاص راني فهمت ... بصح ننصحك ما تتماداش معاها راح تخرجني من صينتي و نوقف فوجهك