راح ليها جبدها من يدها و يكركر فيها موراه و هي متبعتو جثة بلا روح ... طلعها لبيتو و غلق الباب دزها على الباب و قرب ليها ... قلبها ولا يدق احتمال كبير يسمع دقاتو ... قرب منها لدرجة انفاسهم تخلطو ... جات رايحة تهدر حط يدو على شفايفها
- اشششش
باقي يتامل فتفاصيل وجهها .. الكلام الي كان راح يهدرو كامل راحلو من نظرة وحدة فعينيها ... ضعفت لقريو ليها .. غمضت عينيها .. حتى هو ما قدرش يقامها طلع يدو يمشي فيها على يدها طالع لكتفها ... هي صدرها يتهز و يتحط ... قدم شفايفو حطهم على شفايفها ... لقاهم يرجفو كمل هبط راسو دخلو لرقبتها
وصل نفسو السخون لرقبتها حست على وش راهو يصرا تفكرت وش شافت ... مرتين تشوف طفلة فحضنو ... جات تصويرتو هو و سلمى بين عينيها ... زيرت على عينسها و فتحتهم ... حطت يديها على صدرو و بعدتو عليها ... يشوف معاها بعينيه الدابلين ...
- سامحني مسيو ... انا منيش كيف البنات الي تعرفهم ... منيش تاع الشي هدا
- وش راكي تهدرييي...
- مرسي كي عاونتني قبل ... ما يهمش كان ما جيتنيش عادي ... عندك امور اهم من سيكريتير
دارت خاجة ... حكمها من يدها زير عليها حتى وجعها دورها ليه .... تشوف معاه عينيه يشعلو نار عروق رقبتو تشبحو خافت كشما يديرلها ... تجبد فيدها منو و تتوجع طلقها حرجت تجري دخلت لبيتها و ترمات على السرير تبكي حتى رقدت هكداك
مهدي ما قدرش يرقد ... راح لسلمى فبيتها ... خبط الباب و دخل ناضت مفجوعة من الفراش
- سلمى : مهدي ... وش كاين
مهدي راح ليها جبدها من شعرها
- نتي واقيلة ما تفهميش بالتهديد .... غدوة الصباح نوض نلقاك مكانش فالدار ... تلمي قشك و تقودي برا البلاد
- مهدي وشبيك ... وين نروح انا عندي خدمتي هنا ... وشبيك نتا مهبول علاه هاظا كامل
- ما نعوظش وش قلت ولا غدوة صباح نتي لي تكوني الفضيحة مش عبدو ... و مكالاه تخممي بزاف نعرف عليك كلش يا وحد ****
- عينيها تحل كلامو يخوف : هادي كامل على جالتها ... وش عجبك فيها ... بنت حرااام
هز يدو و عطاها زوج كفوف .. كف ما يشبه لخوه ( أجمل حاجة نكتبها فالكرو كاملة هههههه )
- هاديك اشرف منك يا ****
دزها على السرير و خرج ... راح لبيتو دخل لبالكون و يتكيف ما قدرش يرقد ... ليل كامل يفكر فليليان و كفاش يحل مشكل عبدو و السر الي مخبيه سالم عياا من التخمام رقد
عشق ليليان 💥💕
By Meroua16
كرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غ... More