داخل لبيروه شاف مع بيرو تاعها لقاها مع الاوراق غاطسة طبطبلها على الزجاج هزت راسها عمللها اشارة بيدو بش تلحقو .... شويا دقدق الباب
- تفضل
- داخلة بكل ثقة وصلت لبيروه حطتلو دوسيات : موسيو مهدي هادو لي دوسي جاو من عند المحاسب و انا عاودت طليت عليهم لازم تسينيي عليهم ..
- جاوبها و هو يشوف فدوسي : قهوتي وين راحت ... نحب هي اول حاجة تدخل عندي ....
خرجت جابتلو قهوة و سقسات سيكريتير القديمة كفاش يحبها ... مش ناوية تاخد تبهديلة تانية... رجعت عندو حطتهالو على البيرو
- بلاما يتلع راسو يشوف معاها : كش حاجة اخرى لكن مكنش اتفضلي
- عضت على شفايفها من الغزول و نطقت : وي كاين اجتماع اليوم مع المستثميرين الروسيين فالفطور فمطعم ****** و المترجم الروسي تاعنا غايب بص..( قبل ما تكمل كلامها خبط البيرو و وقف )
- كفااااش غايب راهو يخدم ولا يلعب هدا ( بالعياط ) روحي شوفي لحل بركاي ما تفرجي فيا
- خافت منو بلعت ريقها و كملت هدرتها : ايه عندي الحل .. انا نترجم صح ما عنديش شهادة فاللغة الروسية بصح نفهمها و نهدرها ( سكتت تسنا فجوابو و خايفة من ردة فعلو )
- رمى روحو على الكرسي : مكانش حل آخر صعيب ندبرو مترجم جديد بالسرعة هادي و نتكلو عليه فاجتماع بهاد الاهمية ..عندك حاجة اخرى ؟
- لالا .. اسمحلي ( جات خارجت حبست فالباب و دورت ليه ) المترجم غايب لانو مرتو فلوبيتال عندها ولادة صعيبة ( تبسمت و خرجت )
نفخ على جنب و كمل خدمتو ... ليليان راحت لبيرو و تتنفس
- اوه ليليان منعتي كنتي رايحة طيحي قدامو من الخلعة ... مي يبقا بوڨوص حتى و هو زعفان هههههههه ... غطست فخدمته
____________
- اسامة : وصل الوقت لازم نروح دزاير
- ابتسام : اوكي اسومتي ...( حكمتلو يدو ) نجي معاك
- اسامة : علاه راسك كاسح هكدا ( حكملهاوجها بين يديه ) علبالك نخاف عليك .. مستحيل نخليك للخطر
- هبطت راسها تخبي فدموعها : حتى انا خايفة عليك ... درنا كلش مع بعضنا نكملو مع بعضنا...( هزت راسها ..عينيها فعينيه ) حتى انا عندي علاقة .. قتلي تجيبلي حقي و انا نشوف
- ايه ابتسام وعدتك و ما نخلفش لازم نشوف الاوضاع لتما فالاول ... كاين خطر كبير عليك و نوعدك ما نطولش و نلحقك عندي اسنايني 15 يوم و تلحقيني ... مليح دوكا؟؟؟
- تبسمت و عنقتو : اوكي اسومتيي
- ههههه
👍 demain inchlh nkmle
Bn8 ♥♥♥💋