Malamig ang simoy ng hangin. Halos lukubin na nito ang init na nagmumula sa ating katawan. Dahil dito, hindi na nakapagtimpi ni nakatiis pa si Tin at dumiretso na siya sa Kusina upang magtimpla ng kape.
"It's so cold naman yata ngayon? Unlike kahapon na very hot! What happen sa tag-init? Hay!" Wika niya habang nagtitimpla ng kape sa baba.
"Sadyang napuspos ng init ang aking tiyan ah! I feel na refresh na ulit ako." Aniya at dumiretso paakyat ng hagdan.
"You shoot me down, but I won't fall.. I am the titanium!" Kanta pa niya habang dahan-dahang inihahakbang ang kaniyang mga paa papaakyat habang tangan-tangan ang tasa na naglalaman ng kape sa kaniyang kaliwang kamay.
"Oh! Is that Henry? Ang early niya pala gumising?" Wika niya sa kaniyang sarili ng mapadako ang kaniyang tingin sa lalaking nakaupo sa may terrace habang tangan-tangan nito ang isang tasa. Minabuti niyang lapitan ito upang makipagkuwentuhan.
Naglakad siya papuntang terrace habang diretsong naglalakad. Hindi man lang siya nagpalinga-linga. Nang makarating siya rito, humawak siya sa may railings nito at dinama ang bawat pagdampi ng hangin sa kaniyang balat habang siya'y nakapikit.
"Alam mo ba Henry, hanga talaga ako sa angking katalinuhan mo. Akalain mo iyon? Halos maperfect mo yung Final Exam natin sa Integral Calculus! Unlike me, muntik pa akong bumagsak!" Pagsasalaysay niya habang nasa ganoon pa ring puwesto.
"Isa pa, maraming tao ang naiinis sa akin dahil ang arte ko raw magsalita. Social Climber daw ako na papansin like that." Dagdag pa niya at idinilat na niya ang kaniyang mata habang nakatingin pa rin sa langit. Hindi pa rin siya sumusulyap sa binata.
"At dahil doon, konti lang ang aking maituturing na kaibigan at ang buong seksyon lang natin iyon. Alam mo naman, sa panahon ngayon na marami ng plastik na nagkalat sa paligid kaya ingat-ingat din. Haha!" Aniya at humagalpak pa ng tawa. Napansin niyang hindi man lang kumikibo ang binata kaya naisip niyang hindi ito interesado sa ikinukwento niya kaya naisipan niyang magtanong na lang.
"Ikaw? Magkuwento ka naman about sayo." Wika niya at dahan-dahang nilingon ang binata.
Nagulat siya at tila nandilat bigla ang kaniyang mata at napanganga siya bigla sa kaniyang nakita. Siya'y tila naumid at bigla na lang niyang nabitawan ang hawak niyang tasa kaya nalaglag ito sa sahig at nabasag.
Wari mong mahirap talaga ang pinagdaanan ng binata lalo na sa kalunos-lunos niyang pagkamatay.
Napatakip na lang bigla ang dalaga sa kaniyang bibig at napaupo sa sahig. Ramdam niyang patay na ang binata sapagkat dumadaloy ang dugo mula sa butas sa kaniyang noo pababa sa pisngi nito. Nakita niya rin ang kamay nito na butas sa gitna sa mismong palad na wari mong ipinako ito sa Krus. Dilat na dilat din ang mga mata nito na nakatitig sa kaniya.
Napaurong at napasandal na lamang siya sa may railings habang nanginginig sa takot. Nais niyang sumigaw kaso parang may pumipigil sa kaniya.
"Good Morning Tin!" Bati ni Mia pagkalabas nito sa kaniyang silid at nag-inat-inat pa. Napansin nitong balisa si Tin kaya minabuti na niyang lapitan ito.
"Uy Tin! Okay ka lang ba? Para kang nakakita ng multo ah!" Wika nito habang naglalakad papalapit sa dalaga.
"Oh my God!" Wika ni Mia ng makita ang walang buhay na si Henry na nakaupo. Napahawak siya sa kaniyang dibdib na parang biglang kumirot at bigla na lamang siya bumagsak sa sahig at nawalan ng malay.
"Mia!" Sigaw ni Tin at nilapitan niya ito at humingin ng tulong.
"Tulong!" Sigaw niya at isa-isang nagdatingan ang kaniyang kasamahan.
Naunang dumating sina Xiara at Nikka na magkasunod.
"Anong nangyari kay Mia?" Tanong ni Xiara na nagkandahikahos sa pagtakbo.
"No! Why Henry? Why?!" Wika ni Nikka at niyakap ang malamig na bangkay ng binata.
"Ang daya mo! Bakit mo kami iniwan kaagad? Hindi pa nga tayo nakakapagbonding masyado eh!" Aniya.
Dumating sina Roxette, Arianne at Ginny ng sabay-sabay at agad na inagapayan si Mia.
"Ang OA niyo! Buhay pa iyan! Kita niyo namang si Henry itong wala ng buhay eh mas pinagtuunan niyo pa ng pansin si Mia." Pambabatikos sa kanila ni Nikka na patuloy sa paghihinagpis sa sinapit ng isang malapit na kaibigan.
"Hindi naman sa ganun Niks, syempre concern din naman kami kay Henry dahil kaklase rin natin siya." Pagpapaliwanag ni Ginny at niyakap si Nikka as a sign ng pag-agapay niya rito.
Dumating na din sila Karlo, Jake, Mark, Kian, Ethan at Tom na parang wala pa ring ganang gumising dahil bakas pa rin sa kanilang mukha ang pagkaantok. Mga wala man lang silang reaksyon sa komusyong nangyayari.
Sumunod namang dumating sina Hannah at Agatha na parang puyat naman. Kasabay nila sa kanilang likuran sila Josh, Aaron at Dion na kumakanta pa ng Paalam na.
"Magtigil nga kayo riyan!" Suway ni Agatha sa mga ito kaya tumahimik na rin sila.
Huling dumaring sina Grace at Jerome na magkaholding hands pa. Nakita iyon ni Nikka kaya nag-init bigla ang kaniyang dugo.
"Bad trip pa! Kung mayroon sa inyong gustong maglandian, huwag dito malapit sa bangkay ng ating kaklase at kaibigan! Doon kaya sa Luneta park! Magpakasasa kayo roon please lang!" Iritadong wika ni Nikka habang nagkakandatirik ang kaniyang mga mata.
"Uy may nagseselos! Haha!" Pangangatiyaw ni Kian sa dalaga.
"At bakit naman ako magseselos? Ano bang pakialam ko sa kanila?" Aniya at umirap pa sa hangin.
"Defensive masyado. Ikaw ba ang sinasabihin ng nagseselos? Kung gayon, may gusto ka nga talaga sa akin." Pangbubuska ni Jerome na lalong kinainis ni Nikka kaya bigla itong nagtatakbo pabalik sa kwarto nito habang umiiyak.
"Ang tanga mo lang Jerome! Alam mo ng mabigat ang kalooban ni Nikka sa pagkamatay ni Henry tapos lalo mo pang pinabigat!" Pagsumbat ni Xiara dito habang pinapaypayan si Mia.
"Manhid nga kasi." Dagdag naman ni Arianne.
"Guys, tama na iyan. Hindi maganda kapag nagaway-away pa tayo ngayon." Pagsingit ni Agatha.
Napatigil sa pagsasagutan ang magkabilang kampo at namayani muli ang katahimikan.
Lumapit si Agatha sa biktima at sinuri ang bangkay nito.
"Tiyak na hindi lang kanina pinatay si Henry. Maaaring kahapon pa dahil masyado ng malamig ang kaniyang bangkay." Wika ni Agatha habang iniinspeksyon ito.
"Base sa aking pagsusuri, maaaring hindi pako ang pinambutas sa kaniya. Isang gamit na ginagamit pambutas ang ginamit ng killer sa kaniya." Dagdag pa nito.
"Anong gamit naman iyon? Letter D ang nakalagay sa kaniyang noo eh so ano nga?" Tanong naman ni Hannah.
"Maybe a driller? Ayun lang naman alam kong ginagamit na pangbutas eh." Anito.
Maya-maya pa ay nagising na rin si Mia at medyo nahimasmasan na rin. Dinala na rin nila ang labi ng binata sa dapat nitong paglagyan.
Nikka's POV
Hindi ko na kayang tiisin pa ang sakit na aking nararamdaman kaya mas minabuti ko na takbuhan na lang sila.
"Nakakaasar ka talaga Jerome! Sa pagkarami-rami ba naman ng lalaki sa mundo bakit ikaw pa ang nagustuhan ko! Hindi ko alam kung bakit ba ako nagkakaganito! Marahil ay umigting pa nga yata ang aking nararamdaman para sayo. Mahal na nga yata kita!" Sigaw ko sa apat na sulok ng aking kwartp habang inihahagis ang aking unan sa kung saan man.
"Magsama kayong dalawa! Pinapasakit niyo lang ang kalooban ko." Wika niya habang binabalunbon ang hawak niyang kumot.
"Ayoko na! Gusto ko ng matahimik muli." Wika niya at itinali ang kumot sa kaniyang leeg.
"Huwag!" Wika ng isang tinig pagkabukas nito ng aking pintuan.
Killer's POV
Mukhang mas maganda kung magkakandasira ang bawat-isa para mas maisakatuparan ko ang aking plano! Haha!
Mukhang mahina nga talaga ang loob ni Mia pagdating sa mga nakakasulasok na bagay kaya alam ko na kung ano ang gagawin sa kaniya. Haha!
Ang mga boys naman, mga ayaw magpatinag kaya kailangan ko silang mabuwag.
Si Agatha naman, may alam akong sikreto na hindi alam ng iba. Bakit kaya hindi niya ipinaalam iyon sa amin? Malalaman ko rin iyan.
The rest is history! Haha! I know now what I'm going to do. Kailangang may mamaalam ulit kaya Farewell to you my friend..