#رجل_تحت_الحظر
#الحلقة_الواحدة_وثمانون
#للكاتبة_ريم_محمد
#لايك_كومنت
ساره:: هههه. حاط عطري. زمان لانكوم.
رنده:: لَيش حاط منه اكثر من علبه. تي مش جايب عطر غيره
ساره:: طروح منه. بمعني. معش تغيري عطرك
ساره:تعرفي واجعني. مسكين هوا صار معاه ....
رنده:: يي ساره كلميه. اسالي علي امه. واشكريه علي الهديه
معقوله مزلتي ماكلمتي.
ساره:: بايخه بلكي في حقي يحسابني. بديت نهدأ ونتلصق فيه
رنده:: تي بالعكس. ساره بطلي غرورررررر درهتي كبدي عمري ماشفت. زي كساحت راسك
فعلا راس مصكر.
هيا ردي ساره. تسهفت علي جوك وايام زمان لما تهدرزي. عليه وانا ونعمه نكملوها ناكلو زيتون تذكري.
ساره:: ياعيني. يامسكينه ههههه انتي اللي تعالي هنا. كنكم طولتو ياطروح. ياخيه
انا اللي قاعده ناكل. في الزيتون المخلل منكم
رنده::يي يي أسكتي. درت في حمادي مقلب معصب مني
ساره:: ياسخيفه. فطنتلها. هههههههه
رنده: ههههههه
><~>~
عصام:: احميده صبي شيل معايا للطاوله
محمد:نقانك ارفعها انت وعلاء. ظهري. انا
عماذ:: الله يعينك. واعر رفعها صح بطنها كابره. وثقل جسمها. ماشاءالله عَلِيك باجره يارب
عصام:: احممم لا بأجره نقاااانه باجره قولي مزال يوجع فيك ظهرك
محمد:: بحتت فيه كنه يحكي هك هذا
اها شويه توا نروح ندير لصقه
عصام:: كان تلبس. تيشرت رقبتها عاليه شويه عشان يجيكش برد هههههه هااهااا
محمد: ارتبكت تحشمت من عماد. قعدت. متخزرط في روحي
علاء:: ههههه ياحمار اسسكت. تي تحشم
عماذ: تي كنكم.
عصام:: اطلق النظر. وشوف علي العموم البودره ملبزه التيشرت. هههههه
محمد:: صبيت جيت. عليه كتفته ياامسسسخ. اسكت. ازح.
عصام:: غم علي نفسي بديت نعيط.
تقتلني يادبه حووول.
محمد: عشان تبطل مره ثانيه تتحنط وبعد درتها مروح اقعد فيها
عصام:: لا خلاص اسف هاه نسكت احمبده بطل براده. فكنا من الزعل عاد
علاء؛. تي سمطها نقولك الف مره عيييب لسانك. حصانك. افهم ياغبي
جنيله:: تي محمد مزال بدري خليكم
عصام: قعدت نمشي وراه. نجدا فيه
خلاص اسف تي وين خاش خليك محمد
محمذ:: ناخد رتده بنروح كرهت. الجيه. بكل باهي
عصام: لا خلاص اسف. هاه نسكت ومعش نبحت فيك
غير اقعد وهاه راسي في الوطا
محمد: هههههه تي حل عني ياراجل. مطرشق
عصام:: هههههه غير تعال نهدرزو. مش عصومي بيخطب
محمد:: اووووو من العرايس طيور الجنه ديمه ولا لين. نههههههههه
علاء:: لا الاوزعه. هههههه
عصام:: علاء تمسكش فيها معش نتحمّل. راني فيهم
محمد:: في من
عصام:: في الكوبيده هههههه
~<~>
ساره: سبحان الله بدو يردو ينسجمو. بدو يلتمو. ويضحكو من القلب. معش في حسس. عيلتنا ردت حلوه يارنده صح
رنده:: باذن الله ترد احلي بعد يقعد بينا حبيبك وعيالك زي ولد علاء توا فوقه ولا زي عماد حاضن ولده راقد علي صدره
تخايلي المشهد ياساره. تخايليه زي ماانا ياما تخيلت. وحلمت. بنظرات احميده هذين ليا
ساره:: بحتت في محمد ينابش فيها
سرحت في كلامها. وتخايلت كيف لو هوا قاعد معانا
انسحبت وركبت داري
~<~~
وسيم: كنت راقد رن تلفوني
ساره
ساره: الو.
وسيم: اهلا ساره. كيف حالك
ساره:: نوضتك راقد
وسيم: اها كنت راقد حطيت هلي في المطار وروحت نوووم
ساره:: الحمدالله. علي سلامة ابله ناديه
كيف حالها توا
وسيم:: مزالت تعبانه. قصه ياساره سمعتي. اخر عمايل نجاح
ساره: حقيره طول عمرها وسخه وحقوده والمواضيع. هذين ممتازه في تنفيذهم
وسيم:: عمي محموذ مش شوره اختي البلا. لو امي بس تفهم
ساره: توا تفهم بادن الله لان الظلم واعر بيكون علي عمو محمود
وسيم: واعر ظلم الحبيب.مجربتيه انتي صح
ظلمتك انا وقهرتك
ساره: غيرت الموضوع
شكرا ياوسيم علي الهديه
وسيم:: عجباتك.
ساره: اها مكنش في داعي تكلف روحك
وسيم:: ميغلاش عَلِيك شي.
ساره:: شن قصة العطر
وسيم: نعرف انك ذكيه وتفهميها وهي طايره.
بس نوضحلك.باش تزيد تركزي
العطر. هذا معش يتغير. نحبه عَلِيك اصلا لو انا مالك. الشركة نمشي. نقوللهم. سموه عطر ساره
ساره:: كالعاده. هديت مع صوته.
وسيم:: ساره وينك الو الو
ساره: ااه معاك معاك.
وسيم:: هههههه صوتي كيف نايض مزلتي زي زمان تحبيه ويأثر عَلِيك صح
ساره:: لا ولو سمحت خلي في خدود في الهدرزه. انا مكلمه نشكرك ونتطمن بس
وسيم::هههههه باهي خلاص اسسف. ياستي كل سنه وانتي طيبه
ساره:: وانت طيب
وسيم: وانت حبيبي قولي
ساره: تأ انت تملش اسمع وسيم انا بس مكلمه نشكرك. ونسال علي امك. بس اي شي في بالك تحلمش
فأرجوك. خلينا عشان عيالنا اصدقاء وبسس. متكثرش كلام يستفزني ويخليني نمل نرن عَلِيك
وسبم: ماشي الحال بطلنا نحلمو علي المهم.
خطيبك شن جابلك عيدك
ساره:: مصر تتسمط صح غبيه اللي كلمتك اصلا
وسيم: الو. الو ساره هههههه صكرت
<><~
ساره:: مستفز. مصر. يتمسخر. علّيا شنو يعني انتي كذابه. قصده. بارد.
نعمه كنك مصبيه خشي نشوف فيك.
كنها عدت تجري هدي
فتحت داري مفش
طلعت
فاطمه. نعمه وين قالت تحت في الجنان
يي شكلي تهيالي.
><~>~|
نجوي:: علي مهما كان هلي مفروض عندي
علي: اوووهووه عَلِينا من امس وانتي نفس الاسطوانه. مليت انا تفهميش. نقولك اختك بعد اللي دراته. محرم عليها حوشي. ولا انتي اصلا بعداللي صار نبيك لا تتصلي. بيهن ولا تمشيلهن خلاص نجوي علاقتك انتهت بيهن
نجوي:: اسمع علي مهما كان امي واختي غلطانات بس هذا ما يعطيكيش الحق تمنعني عليهن
علي:: لا يعطيني الحق امك واختك مايشرفنيش يخشن حوشي
تي اصلا انتي مفروض تتحشمي تتطلبي مني نستقبلهن
تي اختك داهيه تي اختك امسسسسخه. تبي هكي كلام مش تصكري. فمك
نجوي:: علي احترررررم. نفسسسسك. احترمني. وقدر وضعي هذوما هلي عشاني تحمل. لو تخبني خليني نكلمهم. حوش بنتهم اولي من البرانيه
علي:: اختك عندها فلوس هي وامك يعدن يأجرن ولا ينحرقن. بس حوشي ميخشنش ولو سمعت خششتيهن يانجوي وقتها تطلعي معاهن سمعتي. لو خششتيهن تحرمي علّيا
~<~>~~
عصام: عدو هلي خطبوها. وهلها. قالو بيسألو علّيا.
محبه قوليلهم راهو. كان مظلوم. عندي حتي. ورقه من المحكمه. اني براءه
محبه:: قتلهم. وبعدين من معرفش القصه وجا بارك
متخفش اسألتهم هُذِّي طبيعيه. بادن. الله يردو. موافقين
بس انت شايفها كويس عصام مش عشان. تعزني تخطب من طرفي وخلاص. هذا زواج لازم تتقبلها وانا نتذكر انتم الاثنين. كنتم متطيقوش بعضكم
عصام: انا مصلي استخارتي ومتريح.
بس حقي نبي رؤيه شرعيه
محبه؛: حقك. اكيد
~<~<
ميرا :: ردو هلي بالموافقه. واليوم الرؤيه الشرعيه
لبست فستان اسود طويل.كم ووشاح ازرق
خشيت مطبسه راسي
محبه: عصام انا في الممر احكو انطلق خود راحتك بس متسمطهاش
عصام:غير اطلعي راهو نسمطها
طلعت محبه.
ارفعي راسك
ميرا: رفعت راسي. قعدت نبحت فيه
عصام: كنك متحشمه. صدقتي ولاشنو
ميرا: بجد عصام انا حاسه روحي مرتبكه
عصام: شفتي وعدتك ووفيت
ميرا:ربي يخليك ليا يارب
باهي امتي العرس.
عصام:: وووووه وووه منك تي بارده. في الاول. خطبه. وتوا بتسكن بالعرس
><~>>
سحر:: شرا شقه كبيره خدن فيها دارين وحمام. حطن. دبشهن وبدا الاستفزاز
عبدو:: تحملي. عشان خاطري تحملي.
سحر:: تي لو مسكينات عندهمش نتحمّل بس ياراجل كنك عاد امك واختك توا غنياااااات عندهن مش فقيرات
اشريلهن جنبنا قريب منا بس مش معايا في حوش واحد
تي مقدرت نتحملهن وانا عروس بننسجم معاهن توا بعد البغدد اللي درنه فيا وفِي خوك ومراته
عبدو:: عشششان خاطري. لو تحبييني تتحملي
سحر:: اوووف حاضر ياعبدالرحمن. عشان خاطرك بسسس نتحمّل.
عبدو: غلايا انتي حاجه صقع تي انتي مفش منك
سحر: هههه الحس عقلي. يلا. بس لساني مدخلكش. به سمعت
عبدو: حاولي تمسكيه. شوي
سحر:: ههههه نوعدكش.
عفاف:: عبدو. ياعبدو
سحر:: اطلع ياعبدو. امك تناديك
عبدو:: صبيت رميت فيها المخده.
تحنطي تحنطي.
>>~,
عبدو:: نعم ياامي. كنك
عفاف:: كنك مع اختك خف عليها. افردها مسكينه تلاقيها من من ولأمن.
عبدو:: ياامي. بنتك غلطت بنتك دارت شي كبير.
كيف تتبلا علي الراجل. تي عيب ضيعت المرا قاعده في حاله
وحشمتني مع الراجل. تي متحشم. نشوف محمود. الراجل مقصرش. مخليكن عنده.
وسبم. عداه العيب ضايفكن عنده في الوقت اللي انا مفروض قاعد متحملكن
عفاف:: اسمع متجيش علي اختك. صار اللي صار. بعدين اختك مسكينه. الشايب حاول يضحك علبها
عبذو: امي عاد حرررررام تبلي حررررام
ياامي متعبتيش. حقد وسوس
متعبتيش مكائد وتبلي علي الناس.
متعبتيش تجبر. وظلم
تي ربي يمهل ولا يهمل. الصلاة اللي تصلي فيها شن فايدتها
والصيام والاستغفار
تي صلاتك ياامي مش صادقه لربي. انتي متصليش صح
علرفه. ليشش.
نقولك لَيش لان الصلاة تنهي
وانتي مستمره في المنكر. والظلم والتجبر
عفاف: انت كيف تحكي. معايا هك هُذِّي مراتك معبيتك عَلِينا صح
من يوم روحت وانت مانك طايقنا خايف من كلام الناس بس كان هذا راميني في العجزه صح
عبدو: خايف من مراتي وراميك في العجزه
هذا تفسيرك لاني شايل
ياامي انتن هججتني من البلاد كلها. تي مراتي خشت للموت بسبب حقد بنتك وانتم جيتو. علّيا وملقيت حد يصبي معايا
تي حتي العيل قعد شهور. عمرك ماقلتي حفيدي ومشيتي. خديتيه
تي انا شايل منكم بسبب عمايلكم مدخلش مراتي.
بس مش عشان الناس واخدكم ولا ممكن نرضا نحطك في العجزه. لانك امي ومستعد نتحملك وندعي بس ربي يهديك
<>|~~>>~
بعد مرور شهر
ساره:: ييي. عسسسسل نجيه.
محبه تعالي شوفي
محبه:: شنو
ساره: علوأه.
واخدها الترتيب الاول. في افضل طيار شاب
مسابقه. دايرتها شركة الطيران
محبه:: ييي حبيبي. عسسسل طالع
ساره: تعالي شوفي التعليقات.
محبه: طح سعدهن. اللي معلقات أغلبهن بنات
ساره::اها ههههه مسكّن. عاد الليبيات ولد بلادي ولد بلادي
محبه: شوفي هُذِّي شن معلقه
حولي خليني نرد عليها.
ساره:: هههه شن بتردي ياعبيطه
مخبه:: نقوللها. احترمي نفسك انا مراته شنو تغازله هك
ساره:: ييي تعالي شوفي هههههههههههه
مصرع ما طلعن صفحته. علي الانستا
محبه:: بعدك خوك عطيها لروحه يعشق صور السلفي
فرحان بسنونه
ساره:: غيره ههههه
محبه:: خليني نرن عليه يقبلش اضافة جد.
ساره:: تي منزلات صورة ملاك ويوسف. ومصدومات إنهم عياله
محبه:هكي قبل معناها. الغبييي
نهاره
صبيت رنيت عليه
علاء: لوبي البطه. شن المفاجأه هُذِّي اتصال غير وقتنا
محبه: دايرين مسابقه وانت فايز
علاء:: اه كلمني صاحب. توا قالها. نندريش عليها انا
محبه: علاء اسمع صكرت صفحتك فكني من الفرخات
علاء:عليشً. شن ياهبله. تحسابي جو شهره كلها مسابقه
محبه: لالا في وحدات. حطن عَلِيك وانت قبلت صدلقتهن. ونازلات في صورك
علاء:. ياغيوره. صفحتي مفتوحه
تركزيش ساعات وينسو.
محبه: صكر. صفحتك توا هل الوقت
علاء:: حاضر
محبه: علاء خلاص. فكينا منه جو البعد هذا روح واشتغل في بلادك.
علاء:: وهل تعتقدي لو كنت في بلادك راني متمكن زي توا
يابنتي حتي. الطيران غير.
محبه:: كيفك كيف غير. روح ياعلاء عاد تسمطهاش
علاء: مش ملاحظه روحك رايحه كل مكالمه. ياتشكي. ياتزني
محبه: لاني تعبت. ونبيك معايا
علاء:: خلاص محبه توا عندي شغل الليل نحكو
محبه:: علاء مشيت الدكتوره الصبح
علاء: حبي الليل نحكو توا مشغول. باي توا
محبه:: صكر علّيا قعدت مخنوقه
ساره:: كنك
محبه: رايح مهمل فيا
عارف عندي موعد دكتور. ومكلمش يسال
وبعد توا انا جيت بنحكيله شن صار معايا قالي صكري وخليها الليل نحكو
ساره:: وجعاتك منه صح
محبه:: نزلت دمعتي.
مش متعوده منه هك
ساره;: نبيش نعاود كلامي لانه مش وقته
بس متخفش راهو يحبك ومش اللي في بالك
مش علاء اللي تخش. مرا غيرك قلبه ولا يبحت زي ماانتي تفسري
بس هوا تعوذ علي الراحه والحريه وراحة البال.
لا عمره. سعف عيل ولا عنا مع مراته برود من ناحية. المسؤوليات بسسس ومتزعليش. لانك شاركتي في الشي هذا
~>~>~
علاء:: حي علي امه كل هذين بنات
اوووف صوري منتشرات في صفحات. الليبيه
حي علّيا اكيد محبه في نار
عصام: خشيت عليه. فايبر
كابتن. سنونك. ان شاءالله تجيهن سوسه تلعب في القاطع اللي من فوق
علاء: بسم الله كنك بعيد السو. علّيا
عصام:: تي بطل. تتبوسم.
نقانك طرف من الاخير. طالع كليت الجو. عليا
علاء:: هههههه اسمع
جني طلبات صداقه من عررررم بنات كيف ندير. نخلي صفحتي مصكره الطلبات
نفهمش انا فيهن
عصام:: إيوا ركز. راه يصيرلك مراهقه متأخره نوعك يخوف
علاء:: عنجد نوعك يخوف. روح ياقرد
عصام:: اسمع محبه بدت تنفصل. عَلِيك راهي
علاء:: تي فوت مش عليها انا بس مش حو وجيج انا بس
عصام:: صدقت الصراحه
اصلك شخصبه بكل.
علاء: عصام فكني من الحناطه. المهم
نعطيك صفحتي. ودير اللي قتلك عليه
~<~<~~
::وسيم:: اليوم خميس واخد العيال.
لاحظت طبع مؤيد شين خواف وجبان دره كبدي مش هكي انا نحب ولدي يكون
رنيت. عليها
ساره: كنت في النادي. رن تلفوني من جنبي بعدكملت.
فطنت
يي ربي يسترما العيال فيهم حاجه
وسيم: تي ساعه ياساره نرن كنك متردي.
ساره: مش جنبي التلفون ووطي صوتك. عليشً تعيط
وسيم: فطنت لروحي
معلش حقك علّيا
ساره: باهي كنك ران
وسيم:: انتي وين بس صوت دوشه
ساره: توا مروحه من النادي
وسيم: نادي. رياضي
ساره: اه
وسيم: وشن فيك مايتنقص ياساره
ساره انا نبيك تسمني مش تموتي
ساره: وانت من. عشان تبحت في جسمي
توا عليشً مكلم انت العيال فيهم حاجه
وسيم: تي لسانك هذا هك. كلاشن كوف
ساره:: عشان معش تتجاوز. حدودك
وسيم:: حدودي حافظهن
وعلي اللي يعبرك
وخلي خطيبك. يعبرك باهي
ساره: ييي علي سيرة خطيبك
انت كنك زي الشياب تعلق في الكلام
وسيم:: اصلك مش مخطوبه. صح
عارفك. يا طروح تبي توزعيني وخلاص بس انا علي قلبك ياناخدك يانقتل
ساره: قطعت عليه
هذا اللي ناقص تقتلني. انت فعلا متخلف رايح
وسيم: وهوا انا نقدر ولا تهوني علّيا
انا متخلف من حبك تي قريب نقعد في الشوارع مهلوس
ساره ساره بشتي. بشتي
حرام عَلِيك عاد. حسسسي بيا ياراس مصكر. ليني شويه عاد
ياره:: انت متملش
وسيم: انا انحبك
ساره: وسيم شن تبي ران لاني بنصكر وزياده كلام في موضوع الممل. هذا نصكر
وسيم: ياحبي
ساره:: وسسسيم عاد خلاص
وسيم: اووووف منك باهي نكدددد
ساره:: خلاص اوكي بنصكر
وسيم: راجي راجي
بنقولك غريبه مش حاطه العيال في روضه
ساره:: عليشً مزالو صغار
وسيم: تي مؤيد. ياساره رايح طبعه شين وبكاي وخواف
ويستغرب اليوم شلته معايا لصاحبي قعد يتبكا وماسك فيا
زعم كبدي. لازم. يتنشط ويختلط
ساره: نخاف عليه انا ياكل حاجه ولا حد يضربه طفل مزال
وسيم: ياحبيبتي
ساره: وسسسيم
وسيم:: اوووكي
ياطليقتي. العيل سنه مناسب اربع سنوات توا هما صح
ساره:: اها
وسيم:: خلاص كويس ويفهمو.
اسمعي في روضه جنبنا ممتازه. حط فيها عبدو ولده كلها انجليزي وترفيه. ويعطوهم قرءان
شنو نسجلهم
ساره:: نمشي. نسال ونخش بروحي نشوف الفصول قبل
وسيم: حقك تعالي ونمشو
ساره: نعم. تعالي ونمشو ممسح وجك
وسيم: ههههههه. باهي عدي انتي وسحر. توا توريها لك
ساره :اها توا نشوفها
خطرها كيف حال امك
وسيم:: تي خلي عندك رقه وقولي عميمه
ساره: عندي رقه بس قدام اللي يستاهل. رقتي
وسيم:: يعني انا منستاهلش. تي انا سيمو. حبيبك
ساره:: باي وسيم. انا نسوق ومش رايقتلك
~<~<>
><~<>>
بعد مرور ساعات
ساره:: رن تلفوني نص الليل اووف ايوا وسيم نعم
وسيم: تعمدت نرن نص الليل
الو
ساره: هممم. تعبتش انت ترن اليوم خلاص عاد راهو نحرش خوتي
وسيم: متعبتش. وعارف انتي مش راح تعطي خوتك لانك ترضيش فيا البهدله. غير منك. صح هههه
ساره:: وسسسيم حرام عَلِيك ليل نايضه بدري بنرقد.
وسيم: باهي توا نصكر. بس
حبي اي واحد دوا. نور
ساره:: الاصفر
وسيم: بشتي
سلره:: همم
وسيم: كم سانتي نعطيها
ساره: خمسه اربعه
وسيم: هههه خمسه اربعه باهي. تعرفي اني
انحبك ونموت فيك
ساره:: وسيم صكر انت متملش اووف منك
وسيم: صوتها ناعسه وساره بعد تنعس وتكشخ عبيطه.
لا منملش حبيبتي تخايلي توا راقده جنبي. وعلي صدري
ويري مرايف انا وانتي مرايفه صح
ساره:: حاسه روحي نسمع في صوت هادي. وعيوني. مغمضات واعيه ومش واعيه مش فاهمه. روحي
نحكي بس مش مركزه في كلامي
بس بين عيوني احداث قديمه احداث حلوه
وسيم: ساره رقدتي
ساره: ناعسه انا
وسيم:: ههه
تحبيني مزلتي
ساره: حبيبي بنرقد انا
وسيم: هههه
باهي حبيبتي تصبحي علي خير
صكرت منها هههههه
فتحت التسجيل. نسمع فيها. مش مركزه. راقده العبيطه
~<~~
سلره :: نضت الصبح التلفون طايح جنبي مسكته. وقعدت نركز.تهيالي رن امس صاح ياربي تي لالا كنت نحلم بسس
اها نحلم
صبيت لفيت شعري وخشبت للحمام
جمياه: صباح الخير ياماما
ساره:: صباحو مامتي
وين عصوم
جميله: نايض. نشيط يسيق في الجنان
ساره:فرحان بدفعه عاد ربي يهنيهم
جميله:: عقبالك.
معش حكا معاك وسيم
ساره: لا. ونبيش يحكي معايا
جميله:: يناعليا من راسك المصكر
انزلي شوفي مرت خوك تخليهاش تقرب شي.
ساره: ماما علاء سمطها. مفروض يسقر هنا.
البنت رايحه متحسسه منه
جميله: توا نحكي معاه هذا اللي كنت. خايفه منه الغربه شينه
ربي يهديه ويصلح حاله
تلفونك. يرن شوفيه
ساره: خشيت داري مسكّت للتلفون
اوووف صبح ياربي كنه هذا
الو
وسيم:: صباح الورد. ياعيوني جمعتك مباركه
ساره؛؛ صباح الخير.بسسس. لو سمحت
وسبم:: تبيش الورد يعني
ساره:: اوووف اللي بعدها معش تقولها
وسيم: لَيش مش حابه تكون جمعتك مباركه
ساره: اوووف. اللي قبلها
وسيم:: اللي قبلها. تي ساره انا قلت عرم كلام
ساره: ياطروح. كنك متصل. توا. شن تبي
وسيم؛: بنقولك. بنجيب العيال علي الغداء.
ساره: حلك مليت منهم
وسيم: تتهزيش. منملش منهم. انا
بس اصلا. انا بروحي في الحوش هلي مش قاعدين
وجمعه هوا عرفتي عنديش غداء انا والغيال حرام جواعه.
يعني انا يمشي حالي ناكل. تن بس هما خرام
نجيبهم لكي
ساره: هههههههههههه
وسيم: كنك تبيهمش اه صح انتم عندكم دفع اليوم
حرام نجيبهم ياكلو حلو.
ساره: ههههههه. وين نجوي مدزتلكش
رسيم:: تتغدا مع عربها
ساره: عدي تغدا عند عبدو
وسيم: عنده جفاف والجنيه بنتها
نبيش
ساره:: عدي لاحمد
وسيم: احمد في مشرق
ساره:: هههه عدي لرباب
وسيم: عند عربها
ساره: صكرتها يعني.
وسيم: نوجع صاح مو لو مراتي تحن وترد معد نحتاج حد
ساره: باهي جيب العيال وتوا انزلك غداء
وسيم: لا شنو مش براده هي
ساره:: ههههه لا مش براده. خلاص مر حط العيال توا انزلك.
بس بعد نديرلك رنه تعال اصله عماد متغدي عندنا وعصام نبيش يشوف توا يفسرو غلط ويعصبو عليا
وسيم:اها يفسرو. قصه النقص. تي نحن اصدقاء. يركبونا كلام مش شورنا صح
ساره: ههههه صح باهي العيال تعبوك
وسيم:: لالا تمام بكل.
بس نور بعد صكرت منك الليل قعدت تبكي نور تبي ساره
ساره: صكرت مني
وسيم:: اها أمس رنيت عَلِيك الساعه 3 وحكينا كيف مش فاطنه.
ساره: شن حكيت انا
وسيم: هههههههه اسمعي
ساره:: نهاري ارتبكت. صكرت عليه
ياربي عَلِيك كسفه.
~<~~
جميله::ساره افطني الطنجره انا خاشه الخمام.
ساره: فاطنه ياماما. خودي راحتك
خديت صونيه وعبيتها. حطيت سلطات والمحشي
لفيتهن ونزلت بسرعه للجنان
وسيم:: رن تلفوني
شنو
ساره: خلاص جيب العيال توا
وسيم : افتحي برا انا
ساره: فتخت الباب
وسيم: سمحه والوج. صافي جمال طبيعي الله اكبر
ساره: ههههه امسك. نزل العيال
وسيم:: نخطب. اليوم
ساره:اوووف منك وسيم
وسيم: مدخلنيش. نحكي مع عماد اليوم. تبي ارفضيني مش مشكله بس نقاني بنحكي معاه
ساره: تي عدي توا يجي عماذ.
وسيم: شكرا علي الغداء.
سلره : تي عدي. خلاص
صكرت الباب وخشيت بالعيال
حسيت روحي مراهقه. حاجات مش حاستهم من قبل
خطرت علّيا ايام علاقتي بمحمد كانت كلها مغامرات
جميله:: من واكل. منه تي كنه ناقص المحشي
ساره: انا كليت جعت كليت.
جنيله: انتي. غريب
نور: ماما عطاته بابا غداء
جميله: شنووو
ساره: كنك تبحتي هك
جنيله: شن عطت بابا ماما
نور: هذ صونيه هذ
ساره:: مو ياماما. حرام بروحه وجمعه و
جنيله:: و صحيحتين
شنو رديتو.
ساره: طبست راسي
يعني نوعا مااليوم بيحكي لعماد
جميله::لوووووووليييي
ساره: لا ياماما اسسكتي
جميله: وليش نسكت تي اليوم فرحتي كبيره. ساره وعصام بيفرحوني
ساره: ماماصوت عماد. أسكتي
><~>~
وسيم: المغرب رنيت. علي عماد وطلبت نقابله هوا وعصام
عماد: تقضل وسيم خش
وسيم:مبروك عصام ربي يباركلك
عصام: الله يبارك فيك
عماد:: خير قلت تبينا في موضوع.
وسيم: باذن الله خير
الصراحه
انا جاي. بنتقدم. لساره.
انا اسف للمره. الالف علي اللي صار مني ونرد ونقول كله مني. ساره متستهلش. اللي صار فيها
اختك ونعم التربيه ياعماد
انا شاريها ونبيها نبي نكمل حياتي معاها بين عيالنا
انا عارف ان مفروض هلي جايين بس انا بنسافر الاسبوع للجاي لامي لانها مزالت تعباانه
قلت نجي بروحي شباب في بعضنا. نحكو وباذن الله نروح بامي وعمي ونجيب اللي يليق بقدرها ونخطبها خطبة تشرف
ونصكر افوام اللي جربو يجيبو سيرتها في يوم
عماد:: مش عارف شن نقولك. بس
I حسب علمي ساره مصكره علي الموصوع. يعني معش تبي
وسيم: انت جرب اسألها وانا ياعماد خلي في بالك مش راح نيأس.
راح نجيك مره واثنين وميه. لين اختك تحن. علّيا
عصام: انا راح نحكي. معاها ونشوف الموضوع
><~>~
جميله: ساره يبيك خوك
ساره:نعم عصام
عصام: وسيم خطبك اليوم
ساره:: هذا مايملش عاد
عصام: تي انتي اللي تمليش تمثيل
بنت راني مزقط ونفهم لغة العيون
تي انتي طايره من الفرحه من جوا صح
راهو مسافر. السويد. ها شنو
ساره: نبيش
عصام: نرن نقوله مفش نصيب
راهي واعره. ومرات يحسها كبيره في حقه ويهج معش يروح. تي هذا غبي ومتسرع.
ساره: نبي نصلي استخاره نبي وقت نفكر
عصام: ابتسمت.
خودي راحتك.
~>~>
#روايات_منقولة
بعذ مرور اسبوعين
وسيم:: سافرت. بدون رد منها.
طلبت وقت تفكر. وتستخير
ساره:: كل ما نصلي نحس براحه
هوا يرن زي كل يوم يحاول يحرق دمي ويتسمط
وسيم: حالة امي في تحسن. بدت تفطن وتفهم اللي صار
وقتها. لقيت روحي نرن عليها فرحان نبي حد يشاركني الفرحه
ساره:: شنو وسيم نفهمش فيك
وسيم: نقولك امي. فطنت وبدت تهدا. وحكت معايا
ساره:: ماشاءالله مبروك وحمدالله
وسيم:: الله يبارك فيك
ساره
ساره:: نعم
وسيم: انا شفت ساره اللي هنا
ساره: عليشً تشوف فيها فكني من طرووح رايفت. وعديتلها
وسيم: هههههه لا هي اللي ادور فيا
ساره:: وسيم شن نبي منك. هُذِّي. راه. تبليك اخري. واطيه هُذِّي
وسيم: خايفه علياً ولا غيره
ساره: نعرفش. بس معش تشوفها وخلاص
وسيم:: اوكي. مزال كبرياء ساره مسيطر علي قصتنا
ساره:: امتي مروح العيال يسألو مرايفين عَلِيك
وسيم: وامهم.
ساره: نور تبي وسيم
وسيم: بس صوتها تعيط نور تبي سيمو
لَيش مصره. تتظاهري بالجديه معايا
ساره كملتي استخاره
ساره: مزال.
وسيم: تي حسستيني تستخيري علي الحجاج خايفته يقطع راسك
ساره:: ههههههه.
وسيم: تي يابنيه. انا شاريك تي شعفتيني. ادبتيني تي خليتيني. زي الالف تي نحبك وتحبيني ياعبيطه. خلاص مكابره. عاد شنو ساره. نشري الدبل من هنا
ساره: مرت متجيش علّيا
وسيم: ههههه لا تجي. تجي ياساره
ساره: باهي نور تبي سيمو
وسيم: واخيررررا تكبيييرر
حي امي الجماعه هنا يقولو كنه طرشق هذا يعيط
ساره ::انت وين
وسيم: في الشوارع. نتمشا
ساره: خود نور تبيك
~<~~ww z
><~>~
نعمه:: فاطمه طاسة الخلطه جهزيها عَلِيما تدوشت.
عماد:: خشيت وراها الدار
شن.قصتك مع الكمون والخلطات هذين
نعمه: مديتله بجامته
هدي خلطه عطتها ليا
فاطمه تقوي المبايض وتخليني نحصل بنوته
عماد:: شن التخاريف هذين عشبه تخليك تحصلي بنت
هههههه. نعمه فكيني من هل الخرابيط
بعدين وبن. مرت علاء شهرها وانتي مفش شي
تسمع الشهور بدون مانع راك. وماريت مبايض اشتغلن
نعمه:: حبيبي النفسسسبه اهم شي علي قولة فاطمه انسي موضوع الحمل وماتفكريش فيه وتوا تحملي ببنت. الله ياعماد. كان نحصل بنت تشبه اختك
سمحه نضمن نصيبها. أصلا ساره من ايام الثانوي ديما الشباب يدزولها وفِي الجامعه بس انا محد معبرني
عماذ:: فتحت عيوني نعم نعم. عاودي. شن قلتي
شباب شنو يدزو لاختي وتبي زيها
نعمه:: حبيبي مششش قصدي زي مافهمت. انا نقصد. يخطبو فيها ساره ديما. يجن صبايا لامك يخطبن فيها من ايام الثانوي هههه هك حبيبي قصدي انا وين عدا عقلك اسسسستغفر الله
عماذ:: اها قبل عقلي عدا بعيد
نعمه: نظف عقلك مره ثانبه. المهم اليوم ترقدش احتمال نحصل بنت.
عماذ:: هههههههههههه. مجنونه. ناعس راهو تطوليش
><><~~
هلاء:: الصبح طيارتي
محبه:: لو تأجل بس اسبوع. حاسه روحي ولاده خلاص
علاء: باذن الله. نقعد قاعد. قبل ولادتك.
هي رحله خمس ايام مهمه
نبيش نضيعها
من دبي لامريكا. اول مره نطلعها بصراحه لازم نطلعها حلمي نطلع لامريكا
محبه:: بس ياعلاء. مرات نقدرش نمسك روحي اسبوع. نقولك حاسه روحي قربت
علاء: لالا توا نجي قبل
وبعدين ياعيوني شن بنديرلك انا يعني. قاعده. ساره تسوق معاك لو تعبتي توصلك
مخبه:: علاء انت لَيش رايح هك.
علاء:: حبيبتي. عليشً تبكي
يامحبه مش مطول تفاءلي. باذن الله نلحق ولادتك
محبه:: علاء انت متغير رايح بس نفسك.
معش لهفتك علّيا وخوفك زي قبل.
علاء:: ااا ووو ه. شنو التفكير. هذا
محبتي. حياتي. انتي عمري ولهفتي عَلِيك زي قبل واكثر
بس شغل ياعيوني مستقبلي
انتي اللي عمرك ماكنتي هك تي انتي اكثر من يشجع فيا
وديما اصحابي. حاسديني عَلِيك. مريحتني وعمرك ماشيلتيني. هم وكأني مش متزوج واخد راحتي
محبه:: تعبت خلاص محتاجتك معايا. انقل. هنا. خليك جنبي شاركني همومي شاركني يومي. شاركني. تربيه العيال
وهمومهم. علاء انا قديش مني. بطني قدامي ونكر. ومزال. بنجيب بيبي بيقعد حمل زياده
فكنا منه سريب دبي. روح خلاص ياعلاء. روح
علاء: اوووف انتي من مصاحبه. رايحه زنانه ونكديه. راهو
نكلمك تشكي نجي جنبك نفس الموضوع تشكي. خلاص عاد واحد جاي مرايف تنكدي عليه
محبه:: توا قعدت نكديه. انا ياعلاء. وانت مش ملاحظ روحك انك اناني. و لامبالي. انت ياعلاء تحب
نفسك وبسسس مستعد عشان روحك. تسيب هلك وعيالك
لا مش تسيب الا تبيعنا
علاء:انا نفسي وبس توا طلع علاء اناني يامحبه
تي اللي درته انا مفش راجل يديره. تي علي حساب روحي. درت حاجات وتحملت كلام ومواقف تب تحملت مسؤليه مش مجبور نتحملها توا انا اناني قعدت
تمام ياستي انا اناني أنا مكار تمام هكي
وتي شنطتي الفجر طيارتي. من يوم وغادي بنقعد اناني صح توا نوريكم الانانيه. المزبوطه
محبه:: علاء انا مش قصدي اللي فهمته
علاء:: لو سمحتي اطلعي
محبه:: علاء انت معش تحبني
علاء:: محبه انا معصب ممكن تطلعي
محبه:: طلعت بسرعه خشيت دار العيال
قعدت يوم كامل. نبكي. الفجر. سمعته طلع بدون ما يمر علّيا
زدت نبكي وتأثرت منه.
جميله:: كنت نصلي في الفجر. سمعت حركه في المطبخ. صبيت طلعت
علاء كنك لابس بدلة الطيران
علاء:: رن علّيا صاحب ياامي الليل قال. في رحله. بكرا لامريكا. وهوا معتذر ورشحني مكانه
حجزت نبي نعدي
جميله:: علاء من جدك.
تسيب مراتك. تي محبه هذا شهرها
علاء :: مش مطول. توا نجي
جميله:: تي ياعلاء. أَلَمرا تبي تطلع تتمشا. تبي سوق مرات تجيها ولاده. كله ركز فيه.
غير نفسيتها. الحساسه الفتره هُذِّي
علاء: قتلك ايام بس ياامي توا نجي مابيأثر. عليها هل الايام. بعدين انا ديما معاها عمري ماقصرت. ايام بس ونجي
جميله:: الايام هُذِّي مراتك تبيك جنبك
تستغلش طيبتها ياعلاء حرام عَلِيك
علاء:: ياامي حلمي نمشي الرحله هُذِّي طويله وفيها مغامره حلوه
جنيله : نصحتك. وربي يهديك
><~>~|~
#يتبع...