رجل تحت الحظر"مكتمله"

الحلقه_79

#رجل_تحت_الحظر

#الحلقة_التاسعة_وسبعون

#للكاتبة_ريم_محمد

#لايك_كومنت

وسيم: روحت بنخش شقتي

محمود: وسيم

وسيم: قربت من مدخل للحوش. عمي شن مسهرك لتوا

محمود: خش الصالون نبيك

وسيم:: خشيت وراه.

خير شن في

محمود:: هل انت تعتقد. ان من الرجوله نحطو كيدنا علي صبايا ونحاولو ننتقمو منهن معقوله اسلوبك مع مرت بوك واختك. كيف طالع خاش تهين فيهن. ترضاها في رجولتك. راني صبايا في الجنان وانت. وجوا هُذِّي الرجوله. في نظرك هذا اللي تتفلسف فيه للناس علي مواقع. التواصل الاجتماعي

تحب أنصور. اللي صاير ونبعثه

انا ليا فتره ساكت ونمشي نقول توا يحس ناديه تقول متدخلش هوا ادرا. بس خلاص سمطت الحكايه. سمطططت.

وسيم: عمي اختي ومرت بويا انا ادري بيهن. الرجوله انا عارف كويس كيف تكون انا حتي يدي مامديتها عليهن. ومخليهن عندي امانه لين يروح ولدها يستلمهن.

بعدين الدار اللي شايفها هُذِّي كويسه. انا مزوقه وشاري فرش جديد. وإقفال والليل شاهد علّيا ربي نرقد والرواشن مفتوحه مقابلهن.

الدار هُذِّي نفسها زمان كنت نتعاقب فيها بالليله كامله. نرقد بدون اكل ولا شرب. عقاب منها

الدار هُذِّي كانت بدون زواق كانت مليانه حشرات وفيران كانت بدون روشن كويس كانت تخشش الصقع ومية المطر.

كان الضي ضعيف فيهاا. كان صوت الكلاب يخش بسهوله.

كان صوت الحركه والريح مرررررعب هذا كله علي طفل. مسكين معاقب. من المسكينه توا تحكي عليها عفاف.

انا هكي داير اللي مفش راجل يديره. متقي الله فيهن ياكلن ويشربن صيانه كامله درتها قبل يخش في الدار بكل اللي درنه فيا الليل نحرس فيهن وهنا عارفات. نسهر للفجر. نراقب فيهن. يطلعن ويخشن وفلوسهن عندهم انا هكي فقت الرجوله ياعمي

قتلهن طريقكن بيضه عدن لخوالكن. بس هنا مبنش. عارف لَيش. لانها عارفه محد راح يستحملها لانها عارفه روحها كلهن راح يرموها في الشارع ملهاش غيري

حتي ولدها. خلاك من الكلام مشغول عليهن ولا قلبه عندهن ويبي يروح ياخدهن. هأ. كلام فاضي. لانه في النهايه تربيتها. دمها من أحشائها. طبع امه ضارب فيه. قادر يمكر ويكره شايل عليهن. ومايبيش. مراته تختلط بيهن.

الا العبدالله. اللي قدامك. درويش وطيب مهما حاولت نمكر طبعي اخلاقي تسمحش نرمي اختي في الشارع ولا امها