#الحلقة_الاولي❤️
رايكن بناااات طبعاوزي مااتفقنا. اول مانكتب انزل. راعن. ظرفي
><~~
ساره :: عماد عمود الحوش انت ياسمح
عماد:: هممم كنك
ساره::عمده خيي حبيبي ممكن اليوم تاخدني انا وماما ورنده. للبحر
عماد:: لشنووو بحررر تهترسي امالا
ساره::تي شن فيها مانهترس نبي نعدي للبحر وكلم احميده. كسد معاه ونديرو جو
عماد:: نشيل عينك اول شي اليوم عطلتي نبي نتريح ونطلع مع اصحابي
ثاني شي. اليوم جمعه. ناقصه غير. نشيلك قالولك عليا. قرون
ساره::باهي خلي عصام. يشيلنا
عماد:كلمة قلتها. لا يعني لا ولا شن رايك تشيلها. ياعصومي ههههههه
عصام:: نشيلها. ونركبها ورايا في الموتو. وفيييين. فييين ماشي. جاي. بلكي تحصل العريس ههههه
ساره:نجك ليا احلي عصومي
عماد::ههههه خلاص عدو
تي يضحك عليك ياهبله
عصام::تي روحي هذا اللي ناقص. نشيلك النخيل يوم. الجمعه يوم السناكيح .
يوم ثاني من عيوني بس اليوم الشط شباب وصدق عماد. جو قرون يقعد
ساره:: تي شن هذا ياربي خوت العازه مفيهم فايده
عصام : توا يجي راجلك ويشيلك. وين ماتبي.
ساره:: امتي يجي ويفكني من عقدكم
عماد:الخوش يرن اهو جا ههههههههه عدي حلي شوفي من
عصام:اسمعي. اطلعي قولي من ولو حتي عامل الكناسه. يقعد نصيبك هههههه
ساره:: ههههه عجبتني. نعدي نفتح.
عماد::تي هااي بطل دوا فاضيه انت وياها مش كل شي مسخره وبصاره خلو في احترام
عصام: نفسيه. انت اللي بديت تتحنط
ويلا نقولو حاضر بابا. عماد
ساره:: تي روح عقده. طلعت نجري نفتح
من اللي علي الباب
محمد:: انا السلطان
ساره::شن تبي.
محمد::باكو. الوان. ههههه افتحي
ساره: ياسامط. عجبتني بس هي نعاودو نلعبوها
محمد:: مطرشقه حلي
ساره:: ههههههه
محمد::جمعتك مباركه يابنت العمه
تفضلي خبزززه تشلط. وبريوش.
ساره:: ااه البنته تقتل. فاطر ولالا
أنت تقرأ
رجل تحت الحظر"مكتمله"
Spiritualرواية منقوله من قبل الكاتبه ريم_محمد# رواية تمتلك أحداث رائعه@ أثمن لكم قراء ممتعه#
