#رجل_تحت_الحظر
#الحلقة_الثلاثون
#للكاتبة_ريم_محمد
#لايك_كومنت
الله الله يابنات في التشجيع والتعليقات. 😍❤
رنده:: كنك تبحتي فيا هك
ساره:: انتي اللي حاستك مغصوصه نحس فيك مش طبيعيه
رنده:: انا عاديه غير الناس تسيبني في حالي. عيونهم علّيا خلاص بننفلق منهم
ساره:بس كأن عيون وكلام. الناس صاح انتي مقهوره رنده. واضح عليك بس تكابري
رنده:: لالا. انا عاديه عاديه بكل لَيش بننقهر.
اسماء:رنده. افردي وجك وفكينا من اسألت الناس وطروحك. خليك عاديه ولامش داعي تحضري كان بتديري وجيج
ساره::عميمه كنك. شن دارت البنت تحكي معاها هك حرام عليك
اسماء:من اول ماجا سلم عليها وماشي للقاعه وهي قالبه وجها وباين النكد عليها.
تمسك روحها ولازم تقتنع هوا اللي رافضها نور بس اللي جذباته. ونساته جرحك. وانانيتك ياساره
ساره:. باهي ربي يهنيه. بس كلامك مش داعي. منه. البنت مش شايفته ولا تبيه. وجوها نكد من اسلوبك ونظراتك اللي بياكلنها ومقيدات تصرفاتها
رنده:: انسحبت. واختفيت. نبيش نشوف حد.
~<,|
ساره: قعدت ندور عليها في الحوش مختفيه. عديت داره
خشيت داره قربت من دولابه مفتوح
بدلة عرسه. مسكتها ربي يسعدك ويهنيك. يااحميده
حلوه البدله.
اااه بس خايفتك تقعد جنيت علي روحك. نبيش نقعد السبب في تعاستك عشان تنساني. تخطب نور.
نور مش لك يامحمد. ياريتك قعدت مع رنده. عشان ضميري يكون راضي ومتطمنه عليك
انا اسفه محمد. اسسسفه بجد. عارفه روحي قهرتك وصدمتك
بس ربي مش كاتبنا لبعضنا. ونصيبي مش فيك
رنده::خشيت كانت سارحه وحاطه يدها علّي البدله
قربت منها حطيت يدي علي كتفها
ساره:: نطيت انفجعت
اووف نحسابك نجاح.
رنده: عليش الدموع.
ساره::حاسه بالذنب. حاسته مش راح يرتاح. نور مش لمحمد
رنده:: ادعي ربي يسعده ويهنيه هوا اختار وهوا مش صغير. يعرف الصح من الغلط
ساره:: متعدليش علي كلام اسماء
أنت تقرأ
رجل تحت الحظر"مكتمله"
Spiritualرواية منقوله من قبل الكاتبه ريم_محمد# رواية تمتلك أحداث رائعه@ أثمن لكم قراء ممتعه#
