#رجل_تحت_الحظر
#الحلقة_الثانية_عشر
#للكاتبة_ريم_محمد
#لايك_كومنت
عبدو:: انتي كيف تحكي معاها هك ياسحر. تي عيب تطولي لسانك وقدامي اخري
سحر::امك اللي بدت شنو ناخد اذن هُذِّي وطريقة كلامها معايا بروحك شفته مستفز
عبدو::ولوووو ولووو. قتلك انا من اول يوم منبيش. وجيج مع هلي
قتلك مهما كان هُذِّي امي. قتلك امسكي لسانك تي شن هذذذذا طولة اللسان قدام ساره ووسيم. وانا مصبي طرطور.
تي عيييب عيييب ياسحر. راك جديده ومتخليش حد ياخد عليك فكرة انك جالطه
سخر::توا انا هكي جالطه في نظرك وامك اللي لا سلام ولاخير. ونزلت فيا بالرشاش.
وبدت فيا وانا دوبك معرفه بيها.
يعني عشان خديت حقي وقلت كلام الحق. قعدت جالطه
تمام بككككككككل بككككل واسفه علي جلاطتي قدام امك الملاك. يادكتور. سيبته وخشيت الدار
عبدو: خشيت وراها
: تي مش هكي قصدي يا سحر. انا بس منبيش حد يقول اي كلمة علي مراتي نبيك تسايري وتطنشي. يعني مرا كبيره لو. سكتي شن كان صارلك مفروض طنشتي ودرتي روحك طرشه. ياحبيبتي انا نبي صورتك. حلوه نبيك تغلبيهم بالعقل
سحر:: قعمزت. اوووووف.
هوا
بلكي مفروض سكتت بس متنكرش ان امك مزعجه وهك من وجها ادور في المشاكل
عبدو::قعمزت جنبها.
ممكن تقدري انها امي وحتي لووفي اي شي مش عاجبك تحترمي راجلك وتقدري انهم هليييي. ممكن .
سحر::حطيت راسي علي صدره
حاضر.حاضر
وممكن. حتي انت. تفك الكشوره. وتطلق روحك. مش جو بكرا في العمل تقعد قالب وجك. لان وجك. المقلوب. حكايه وشهدار
عبدو:: ههههه حاضر. حبيتها علي راسها نقانك طرشوقه وحاله
سحر:: حبك طرشقني حياتي
عبدو::ههههه
اه خطرها ياطرشوقه بكرا عندي ديوتي ماسك الليل. روحي علي هلك باهي
سحر:: تمام. وافطن يادكتور. صكر علي روحك المكتب. وفكنا من الهدرزه الزايده
وغض بصرك وانت تولد سمعت
عبدو؛:هههههه حالي وحال نبحت. في مرا جايه في وضع ربي يعينها بطلي. وسوسه ياهبله
سحر::وين نندري. انا نخش غرف الولاده ونشوف الدكتور. يخطرله يهدرز ويفتح مواضيع مع الحاله وهوا يكشف ويولد
VOCÊ ESTÁ LENDO
رجل تحت الحظر"مكتمله"
Espiritualرواية منقوله من قبل الكاتبه ريم_محمد# رواية تمتلك أحداث رائعه@ أثمن لكم قراء ممتعه#
