#رجل_تحت_الحظر
#تابع_الحلقة_الثامنة_وستون
#للكاتبة_ريم_محمد
#لايك_كومنت
اسماء:: سمعناش راي العروسه بطلو. ضحك. وخلونا جديين
ها. رنده حبيبتي. موافقه علي احميده
رنده::قعدت ساكته ومنزله راسي
عصام:: علامة الرضا. خلاص طايحه بوجها
عماد:: خلاص عصام انهي خلي في احترام. بوجود الكبار
نعمه:: اسمع كلام الكبار. ياعصام شفت الشخصيه
عصام:: يناعليا. هههه
عماد:: نعممممه.
نعمه:: نزلت راسي سكتت
عصام::ههههه خوافه
نعمه:: هذا. اسمه احترام بس هههه
محمد: ممكن. معلش نحكي معاها بروحنا شوي
عماد:: اكيد حقك
محمد:: خديتها ومشيت مكان بروحنا
قعدت نبحت فيها وساكت
رتده:: لَيش محمد تصرف هك. تحرج فيا وتحرج في هلك
محمد: لاني انحبك ومعش عرفت كيف ندير. معاك راس مصكر. وانا تعبت نبيك معايا ومفش مشكله تبي تحرجيني. اوكي تقعدي وقتها كملتي علّيا. درتي الضربه القاضيه. ونهيتي محمد وديما يقولو فيها الثالثه ثابته والمره هُذِّي خلاص نعرف اني معنديش حظ وبخت. وعلي طول راح نحجز ووجي معش حد يشوفه
رنده:: مش هكي يامحمد بس انا خايفتك يجي يوم وتندم خايفتك تمل مني. محمد انا مش بنت طبيعيه. شايف وضعي
محمد:عارف وشايف وانا خلاص مش صغير يارنده انا راجل نعرف نفكر ونقرر وماجيت طلبت يدك آلت اني مقرر صح
رنده::
بحتت فيه وقعد ساكته
محمد:: متبحتيش هك
تي انحبك. ياهبله وشايف حياتنا حلوه حتكون
رنده:: احميده خلاص خلينا نطلعو
محمد:: نبي جواب رنده شنو تهربي مني
رنده:: عطيني فرصه نصلي استخاره ونرد عَلِيك
محمد:: كم يوم يعني
رنده:: بطل تقعد مرعوش
محمد:: تي وين ماشيه. تعالي
~<~<~
ساره:: مبروك ياعيوني الف الف مليون مبروك
رنده:: الله يبارك. فيك.
رنده:: لبست فستان توب سكري طويل. درت طوق ورد وشعري مفتوح. مش دايرين حفله قرو الفاتحه. وجاي ياخدني حوشهم عزومه بسيطه للأقارب بس
عصام:: شوفي الكرسي هذا. مزين بالشاش والورد.
رنده:: شكرا ياعصومي. يهبل. بكل
عصام:: اسمعي راني هديت عليه الثلاجه. مش تلعبو. فيها تكمل يومين ونمر عليكم. ونجرد
رنده: ههههه حاضر
نعمه:: صوت محمد وصل.
عصام:: قصدك جاي هوا بياخدها تي نحن نزفوها غادي
ساره:: لالا هوا يأخدها عليش هل الطروح. والمشاهد خش وخششها ودره كبد
قوله يخش للصالون وتوا نطلعها
~<~>
ساره:: خلاص ياعروس انتي هكي جاهزه.
ربي يسعدكم ويهنيكم.
رنده:: مسكّت يدها
يعني مش شايله علّيا ولازعلانه ان قلبي تحرك وحب محمد
ساره:: حبيتها علي راسها.
ياهبله. خلاص مية مره نقولك. ماضي وطياش ومراهقه وعدت. والخمدالله. كله تحت عيونك احترام موجود كان صح
وتوا انتي مراته حلاله. وانتي اكثر حد حبه.
رنده محمد طيب طيب بكل. ونيته حلوه ولما يحب يحب بصدق.
وهوا يحبك توا مش داعي تقعدي تفكري في حاجات عدن ولا حتي تحكو. فيهم ماضي يارنده وتوا الحاضر.
رنده:: وانتي امتي تنسي. الماضي. وتعيشي. حياتك ساره حرام عمرك. يعدي تربي في عيالك انتي زايده سماحه
حرام ساره تقعدي علي اطلال وسيم
ساره:: رنده. عشان خاطري انا مبسوطه. اليوم مش حابه سيرته. تستفز فيا. ترعش فيا نتوتر منها
رندوش انا توا بس همي مؤيد. انتي شايفه وضعه. حبيب امه. مش طبيعي.
شايفتيه بس في يدي ونهز فيه الم يبيش يوقف عنده والدوا معش دار مفعول
رنده:: ساره صاح كنه العيل اليوم عيونه صفر
ساره:: مش عارفه. يارنده. مش عارفه
محمد:: ياجماااعه مراتي وين.
عصام:: منبيش نوصيك لاني عارفك. وشايف الفرحه في عيونك
محمد:: رنده في قلبي
تطمن عصام. انا بس مش حاب تقعد شايل مني ولأمنها. نصيب ياعصام مش لك
عصام:: هههههه. من جدك تبي تحكي معايا انا وتعرفني النصيب
احميده مش من حقي نشيل عَلِيك ولا عليها
ربي يهنيكم ويسعدكم ويرزقكم الذريه. الصالحه.
بس عشان خاطري اول عيل سموه عصومي. ههههه
محمد:: ههههه وعد اول عيل. اسمه عصام هيا بس كلم المرا ياراجل.
رنده:: طلعت لابسه. عبايه وخمار
ساره:: خلاص جاهزه. نزلها وعدو
وانا توا نركب مع عصام. عدو انتم بس توا
محمد: تمام. هي مدام. رفعتها. ونزلت. بيها نجرررري
حطيتها في السياره. ارفعي الخمار. مفش حد
رنده:: رفعته.
محمد: الله اكبرررر. شن السماحه. هُذِّي ياناس
مسكّت يدها وحبيتها
رتده؛: ربي يخليك ليا
محمد: اميييين وبخليك ليا.
اسمعي ساعه وناخدك باهي
~<~><
عصام : ساره كنك تبيش تمشي معاهم.
ساره:: مؤيد ياعصام مش طبيعي. حرارته نار ووجها اصفر. لالا جسمه كله اصفر.
عصام: فعلا العيل مش طبيعي.
هيا بسرعه. جيبي نسعفوه
طلع عنده كسل في وظائف الكبد. خدوه مني وبدا مرحلة علاج. وادويه وابر.
عصام::
يارب يارب
ساره: عصام خلاص روح. انت انا قاعده معاه
عصام::
لاوين نروح ونخليك. قاعد معاك.
ساره:: يارب. اجبر بخاطري ماتكسرني في عيالي.
يارب اشفيه وفرحني بشفائه يارب
عصام: امين. يااختي امين. تعاالي. ساره تعالي في حضن توأمك. ابكي. ياساره. اشكي. وأرمي. همك علّيا
ساره: خشيت. فيه وقعدت نبكي. بعبرتي.
انا تعبت. الدنيا. هُذِّي شينه. مستحيل نفرح ديما تكسر فرحتي. شبابي. كله. قهر ودموع. عدا
من اول. زواجي. لعيالي. عصام. نحن لَيش يَصير. معانا هك عصام زعمك. نحن دايرين ذنوب وربي يعاقب فينا
ولا نحن. مكتوب عَلِينا. القهر.
عصام:: نحن. زي الناس ياساره. كل الناس. عندها مشاكل
محدش متريح. بس الفرق نحن. نصبرو علي مصائبنا. ونرمو همومنا علي الله. ومهما صار. بينا. ولا صار فينا. عمرنا ماشكينا للعبد ولا بينا شن في عندنا
نحن شكوتنا لله عزو وجل. ثقتنا فيه كبيره. نحن تربينا. علي أيدين. ام.عمرنا ماشفناها تشكي ولا تتململ من الحياة ولا من اي مصيبه
وديما جامده الله وتشكره
صديقتي ياساره. الا ماتفرج. ونردو. حياتنا زي زمان
بس ربي هك يبي يختبرنا يبينا. نتقربو منه
نحن أيتام ياساره. وربي يحبنا. ومايحبش. نشيلو. ذنوب علي كتوفنا يتفكر. فينا. بمصائب عشان. نزيدو. نتقربو. منه.
توكلي علي الله. وباذن الله مؤيد. راح يصح.
ساره:: ونعم بالله. ااه
~<~<>
محمد:: خشيت بيها شايلها للشقه
رنده:: لافه يديا علي رقبته. ونبحت فيه
محمد:: سمح يعني. اللي تبحتي هك
رنذه:: من يومك سمح.
محمد: من يوم حبيتك. احلويت
رنده:: هههه ياعيني
محمد:: ههه عجبتني احلويت.
نزلتها علي ظهرها
رنده:: نزلني. وقعد يبحت فيا
رنده:: كيف انقلبت العدوه. توا انت تبحت
محمد: قربت يدي من وجها
كبرتي يارنده ملامح الطفله تغيرن. انتي جميله.طالعه ملاك زي عروس البحر. نزلت عليها وحبيتها
رنده:: كان يحكي وعيونه يلمعن كان هادي. وريحته. ترخي.
حبني علي خدي. وفطن. صبا
محمد:: احمم. مش هكي اتفقنا صاح
رنده:: ههه صاح
محمد:: غيري. دبشك. انا برا نغير
رنده:: حاضر
محمد:: طلعت غيرت دبشي. وجهزت العشاء
حبيبي. كملتي
رنده: شويه حبيبي. لحظه بس
محمد: شنو. كنك تبي مساعده
رنده:: لالا تمام لحظه بس.
سحبت بصعوبه الفستان. لبست بجامتي. شرت قصير. وردي وعليه. كت. وردي. والديشمبر. موف جيبير.
خليت. الطوق. وجبت شعري علي جنب
خلاص كملت
مخمد:: فتحت الباب. وابتسمت.
رنده:: نظراته. تحرج فيا. نحس بياكلني بعيونه. نزلت راسي
محمد:: قربت منها ونزلت علي رجليها
حبيتهن
رنده:: رفعت راسي مصدومه من حركته
محمد:: انتي مش عاجزه. انا رجليك. انا سندك.
صدقيني رنده عمرك ماراح تندمي علي ارتباطك. بيا ومتاكد. ولاانا راح نندم عارفه لَيش.
لانك مكتوبه ليا ومكتوب لك. باتي قال من وانتي بيبي لما
عمتي جباتك. انا كنت صغير. وكبدت. فيك هههه
كنت كل مايخشو الدار يلقوني نبوس فيك وماسكك. مع انك كنتي. نفس عمر نسرين اختي. بس انتي مسكّت فيك
كانت الله يرحمها. تنابش. في باتي وتقول . محمد لرنده ورنده لمحمد
وباتي يقوللها. ولدي نبيلاش اقارب
وفعلا. كنت قريب منك بس عمري مافكرت تكوني زوجتي. وكنت. نرفض وجرحتك. وووواجد.
بس توا نادددددم. علي كل يوم. فكرت فيك بنظرة الاخ وهبال اللي درته. ومن. اللي يصحله يتزوج. رنده. وتكون. حلاله.
ويشوف الجمال هذا والانوثه. الكامله.
رنده:: يعني. اكيد احميده تحبّني
محمد:: تعرفي. تسالي السؤال هذا مره ثانيه نزعل
ولآخر مره راح نجاوبك
انتي روحي انا مش بس انحبك انا مش عارف كيف نعبر من كثرة. ما فرحان انك قعدتي حلالي.
رنده:: مسكّت راسه
انت عارف انت شنو بالنسبه. ليا
محمد:: حبيت. يديها
عارف بس حاب نسمع منك.
رنده:: انت مش بس حبيبي وزوجي. انت كل دنيتي. محمد انت بابا وماما وخويا واختي. انت دنيتي كلها. انا ربي يحبني. عشان انت زوجي
احمبده. عمري مانسيتك. احميده. في شي انت لازم تعرفه
محمد:: شنو حبيبت احمبده
رنده: انا انحبك من ايام انت علي علاقه بساره. من لما تجي تقولي. احكي معاها. مهديلي الطريق.
ايامها. كنت نحس بزي الغيره. بس كنت نكذب في روحي اسس ياهبله. محمد خوك. وكنت كل مقابله انت وساره ولا تعطيني شي نمده لها كنت نزعل وبسرعه ننتبه لنفسي. أن شن هل المراهقه راك فرخه ومحمد خوك
محمد:: وامي. كانت حاسه بيك. وكانت تقولي معش تعامل البنت هكي. راهي مراهقه. وتتعلق بيك
رنده:: طبست راسي.
لا مكنتش. حاسه بيا امك. حطتني في راسها. من لما. خشت دارك ولقتني. نحضن. في مخدتك.
وقتها كنت باديه ثانيه ثانوي وبدت تتغير. معاملتها. معايا
محمد: ههههه. كنتي تحضني في مخدتي
رنده:: هزيت راسي اها
محمد:: قربت منها
معاك صاحب المخده. احضني خلاص بعلك توا
رنده:: هههه يابارد حول
محمد:: هي نطلعو نتعشو. ونكملو. هدرزتنا. وذكرياتنا
~<~<,>>>
#روايات_منقولة
الصبح
محمد: رنده بطلي نباش بنرقد
رنده: نوض حلاص حمادي. عارف الساعه كم
محمد:: ان شاءالله ساعه 20منيش نايض.
رنده:: ووواووو ساعه. عشرين. شن الرومانسيه. اللي مقطعه بعضها عندك
هذا بدال ماتنوض قبلي. وتجهز. فطور وتجي تنوضني. مراتك مسكينه نايضه بدري. وجعاته. . مشلوله. ياروحي
محمد:: فتحت عيوني
كذابه يامراتي. اصلا. توا بس ناضت.
تي ياروحي. انا مليش واجد راقد وانتي اطخي في النوم. .
رتده::احميده اللي صار حقيقه ولاحلم. انت صاح جنبي توا.
صاح انا مراتك. مش مستوعبه. فتحت عيوني شفتك. راقد ماسكني. تخيلت اللي صار الليل
محمد: برمت. عليها وحبيتها علي راسها لا مش حلم هُذِا واقع واقع حلو. استوعبي انك زوجة حبيبك اللي حبيتيه.من طرف واحد سنين. انا جنبك توا وبكرا وبعده وطول العمر.
انتي مراتي. وحياتي
رنده: انحبك.
محمد: مش اكثر. مني صدقيني.
رنده:: باهي ممكن تساعدني نخش الحمام
محمد:: حاضر. صبيت. رفعتها
رنده:: بس حطني. في كرسيي نعرف نتصرف
محمد:: خودي راحتك . وانا نجهزلك الفطور واليوم فري . نخليك تشربي القهوه
رنده: خشيت. الحمام درت شغلي.
نجه ليا حوض واطي بالمرايه
غسلت وجي. ومشطت شعري
محمد: كنت بارم ندير في القهوه
رنده:: خشيت. جنبه ومسكت يده حبيتها الله علي القهوه وريحتها والله علي احلي صباح
محمد:: برمت عليها. صباح الورد وألفل والياسمين. علي احلي زوجة.
شنو حبيبتي. قدرتي تخشي
رنده: انت مجهز كل شي. خاص بالمعاقين. صح. هذا حمام. مش طبيعي. هههههه
محمد:: هههههه
ملاحظ انك نازله عَلِيك الحناطه علي الصبح
رنده:: يي نسيت. انت من جماعه. صبح لاتكلمني
محمد: هههه
شيلي السفره عَلِيما. غسلت وجي
رنده:: اوكي. مسكّت السفره. ومشيت الصاله
محمد:: نرفعك. نحطك جنبي باهي
رنده:: ياريت
محمد:: تمام هي.
صبي انتي القهوه
رنده:: تمام
محمذ:: بنسألك ساره كنها امس. نحس فيها حايسه.
رنده:: ولدها تعبها. العيل مش طبيعي تحسه.
تصدق انها مجتش. ورانا. زي ماقالت
حي زعمك زعلانه منا عشان تزوجنا
محمد:: بطلي هبال.
بس الغريب. صاح حتي. عصام مجش تعشا معانا
رنده:: زعمك. مؤيد تعب. خليني نرن عليها
ساره:: الو ياعروس. صباحيه مباركه ياقلبي
رنده:: ساره وينك امس. فقدتك. قعدت حايسه من. غيرك
ساره:: اسفه يارنده بس. انا مكنتش في حاله. نقدر نمشي ونحضر. كنت نجامل. ونراجي. فيكم تطلعو. نبيش انكد. عَلِيكم
مؤيد كان تعبان جسمه اصفر. وحرارته عاليه.
مصدقت طلعتو. وانا. مشيت بسرعه اسعفته. وخدوه مني.
رتده:: معقوله. ياروحي. وكيف حاله توا
ساره:: قاعد حبيبي. بهدلوه بالتحاليل كل شوي يسحبو. دم
عنده انسداد في قنوات الصفرواويه. ويعطو فيه علاج.
محمد: هاتيها.
ساره. اول. شي ربي يطمنك عليه
ثاني شي جهزي روحك. انا نحجز. تمشي معانا. خير
ساره:: يَصير. خير توا بس يقعد كويس ونحاول نطلع به
<~<~~
عصام:: اوووو. مكتب. وسياره فخمه. حي حي نظفنا ياربوعه
ربيع: عصام. انت كيف طلعت من السجن انت هارب
عصام: لا بس. مسكو. القاتل الحقيقي وافرجو. عني. كيف مسمعتش
ربيع:: مسكو. القاتل.
عصام:: اه مسكوه لَيش مستغرب. ربك ميرضاش بالظلم
وال12 سنه هوا بياخد بدالهن اعدددددام. او مؤبد
ربيع: زمطت ريقي. باهي وانا شن دخلني. جاي تحكيلي
فكني من شركم. كل يوم واحد من خوتك طاب علّيا يعيط
عصام:: لا خوتي معش يجوك. لان حسابك عند رب العالمين. و متخفش عصام مستحيل. يلوث يديه بيك.
انا بس جاي نقولك. شكرا. انك خلصتنا. من حسام.
وشكرا. انك رميت الاتهام. علّيا
انت مش عارف شن درت فيا من خير.
انا بسببك. حافظ. جزء كبير من كتاب الله. وتبت علي كل شي. تافه. درته.
انا بسببك. كونت شخصيه جدبده.
علي المهم سلام توا ونتلاقو. يوم الحساب عند ابواب القيامه
باذن الله انا من باب الجنه. وانت من باب جهنم
~<~>?<<
نعمه:: يوسف حبيبي تعال ماما.
عماد: خليه ياروحي. يلعب الجو حلو اليوم
نعمه:: مو خايفه يخش في الغرس
عماذ:: تي خليه. زمان نحن ياما لعبنا في الطين وكليناه حتي والوكال واهو. قاعدين رجاله
نعمه:: يي اععع عنجد ياكل. طين هكي زدت. كرهتني. يلعب غادي هههه
عماذ:: هههههه.
بعد درتيها. توا انا نشيله يلعب في الغرس
تعال يابابا
نعمه:: مجنون. انت صح عماد اععع طين ويطلع يلبز الارض
عماد: مش شورك. انتي خليه. يلعب معش تقيديه
سلحت تيشرتي ورميته عليها
اسلح حبيبي عنجد ملبسته كويش في الحوش
نعمه:: تي نبيه ديما منظم وانت شي مصر. تخلي ولدي متشرد
عناد:: نبيه. حمش. مش بلبول.
احفر يابابا ايوا. احفر شوف بابا كيف يدير. كوره. ويضربها. في نومه.
نعمه:: اييي. ياغجري. الناس تضرب ثلج. مش طين
عماد:: انا. غجري انا خودي. وخودي. وخودي
نعمه:: عماااد يابارد توا تشوف انا نوريك
جبت توبو الميه. وريشته
عماد:: يامجنونه. زبط ياغبيه
نعمه:: تستاهل. اغطس في الوحل.
عناد:: تي نقانها الا وحله سوده طيحتي فيك
نعمه: هكي صار. باه. خوووود.
عماد؛: كريتها. عندي.
انتي يامرا راك خلاص ام. توا اكبري واعقلي
نعمه:: شوفو من اللي يحكي انت اللي عقلك رايح صغير. وتلعب بالطين
عماد:: منك. خليتيني. مهبول.
نعمه: عماد وخر. يشوفنا حد كنك جنان
عماذ:: مفش حد غير. جنيه. قاعده تراقب. مع الروشن.
نعمه: خفت. ورفعت راسي.
اعوذ بالله. تخوف عماذ. خلاص طلقها. ياعماد.
عماذ:: تعبت منها. متبيش تتنازل. عن قرش
ومش هاين علّيا نحط مبلغ كبير في يدها. لو طلقتها. حنحس بضحكه
خلينا نخشو. خلاص حسني توترت. من شكلها
~<~<>>
وسيم:: جهزت نفسي وروحت مع هلي.
حجزنا هوتيل. ونزلنا فيه
حايس مش عارف كيف. نمشي. نواجهها.
بس لازم المواجهه. الا عيال حرام ينكتبو. علّيا.
قعدت كم يوم. مش عارف كيف نمشي. وكيف نتصرف
جهزت نفسي ومشيت حوش عمي
احمد:: من حضرتك
وسيم:: حولت النظارات.
خير ياولد عمي
احمد : وسيم
وسيم:: حمادي شن اخبارك. كيف حال . عمتي فاطمه
احمد:: عمتك فاطمه الله يرحمها.
وسيم: قعمزت علي الدروج من قوة الصدمه.
اخمد: توا جاي بتنصدم. وينك علي عمتك اللي ياما حنت عَلِيك. عمتك اللي كانت تساعد فيك وتعطف عَلِيك.
بعد كنت منبوذ. محد مدورك. الحوش هذا بس كان. يُستقبل فيك. كانت متقدرش ترقد قبل نرن تطمن عَلِيك.
كانت تقول وسبم خوك اقسم. غداك وعشاك معاه وعمرك ماتتخلا. عليه
ماتت وهي مشغوله عَلِيك انشغلت. عَلِيك واجد. وانت. تاريتك. ناظف. ومتغير. وماركات وجسم. حديد.
برمت شفت بنت مصبيه
ولا. متجوز. اخري
وسيم:: احمد. عظم الله اجرك. امتي توفت. انا معنديش علم
احمد تقريبا لها سنه.
ورباب بصعوبه وافقت تزوج. مش هاين عليها تسيبني
وسيم:: حطيت. يديا علي وجي وقعدت. نبكي.
احمد : بعد ايش ياولد عمي جاي تبكي. انا. كنت محتاجك جنبي. وقت. مرض امي. كنت. نبي خويا جنبي. بس. ملقيتش. حد.
وسيم:: صدقني. عقلي عندكم. بس كان لازم. نكون. نفسي. لازم. نروح. انسان. ثاني. لازم نروح. وسيم جديد
احمد:: فعلا انت وسبم ثاني.
بس بنسألك. انت شفت ساره شفت. عيالك
وسيم:: توترت. من اسمها. وعيطت عليه
متقوووولشش عيالك. هذوما مش عيالي. انا نبي نحسابها ونحاسب. اللي عطاها اوراقي تسجلهم باسمي
انا معنديششش عيال.
احمد:: وكنك. تعيط. كنك جاي. تعيط عندي.
عدي لساره وواجها. ترا جرب قوللها. هذوما مش عيالي. ترا جرب. عدي وصبي قدام. عيونها. وحاول تعيط عليها
متقدرش صاح. تجي تعيط بعيد عليها بس ساره متقدرش صاح.
تضعف. قدام عيونها. تصعق قدام البشه.
هذوما. عيالك. ياوسيم. العيل. شبهك. نسختك.
خرام عَلِيك سنتين. بعيد عليهم.
وسيم:: مش عيالي سمعت مششش عياااالي
انا جاي. نشوفك. وجاي مرايف. عَلِيك وعلي اخبارك. وانت مصر. تحكي علي الخائنه وتبررلها
احمد:: لانها مخنتكش. البنت انضحك عليها. البنت انغدر بيها خوك ضحك عليها
ساره جتني زي المجنونه. ادور فيك.
قعدت ايام وهي تبحث عَلِيك. وكل يوم تكلم. لو. عندي عَلِيك. اخبار
ساره شريفه انت بالذات. مفروض تعرف ساره
اتزوجتها علي انها بنت غير عذراء
وبروحك شفت. عذوريتها. بروحك كنت اول راجل. يلمسها.
كلام اختك. افتراء
وسبم:: ياعالم. افهمو. علّيا طلعتها مش شقته. من دار نومه
احمد:: انت لَيش تبيش تفهم ياحمااااار. خووووك. حطها وهي تعرفش الحوش
وسيم:: طلعت من عنده. معصب.
روان:: ياوسيم. اصبر. عرفني عليه علي الاقل
وسيم:: اررركبي وانتي ساكته اركبي. قتلك
~<~<~~
ساره:: طلعنا بمؤيد من المستشفي. ورديت. شغلي.
وبديت نطلع ونخش. بسيارتي.
اليوم.عندنا ندره. . في تبيستي. ولازم. نكون. حاضره.
جهزت. نفسي ولبست عبايه.ووشاح. اسود.
مدرتش. ولا نقطة مكياج. احتراما للمكان. مليان رجاله
وصلت. للمقر.
ونزلت للمطعم نشرب. قهوه.
وهنا شفت. صدمة حياتي. وسبم. اها هوا. وسيم.
مقعمز معاها كان قلبي حاسس من يوم شفتها بينهم شي
يعرفها. كان ويكذب. علّيا. حاط يده علي كتفها.
تجوز خلاص. وانا اللي نقول. يروح نادم.
قعدت مصبيه مكاني. نراقب فيهم. حسيت روحي انسانه بهيمه اللي مزلت متعلقه به. عاش حياته. وانا الليل نبكي علي أطلاله حسيت روحي. خاطري نمشي. نجري ونبعده عليها.
بسرعه فطنت لروحي. وطلعت نجري. للقاعه. قعمزت. ماسكه روحي توترت. نبي نروح. بس انا لازم نفتتح الندوه. ونقدّم المركز. اللي نشتغل. فيه
صبيت بديت. عطوني اوراق واسماء الضيوف اللي بيلقو. كلمه
اول اسم. قريته وانا عقلي مش معايا. رديت ركزت في الاسم
وسيم السنوسي.
وسيم:: من اول ماخشيت وانا شفتها. متوقعتهاش ساره. متغيره. ناقصه. ووجها ذابل. لبسها متغير.
صبيت وقدمت. ركبت جنبها بسرعه. انسحبت نزلت
وحاولت. نلقي الكلمه. وحكيت نصايح. شويه
معش قدرت نكمل. اعتذرت ونزلت
ندور فيها بين الناس. طلعت. من القاعه. مش قاعده.
سالت. وعرفت هي موظفه وين
بعد مرور ايام
ساره:: الحمدالله صحته احسن حسيته صح
جميله: اها احسن وين حتي وجه منور.
ساره:: باهي ماما انا وقت علي العمل. رد بالك منه.
جميله:: شوفي شغلك ياعيوني. متنشغليش عليه
ساره:: طلعت بسرعه العمل.
بديت نشتغل.
ياربي شنو. هذا كلهن نبي نشتغلهن.
اووف
حطيت مق القهوه. ومسكت اول. ملف
سمعت صوت. رفعت راسي.
وسيم:: مق القهوه. نفسه. متغيرش
ساره:: رفعت. راسي وشفته.
ارتبكت. خفت. مش عارفه لَيش حسيت برعب. اول شي جا بين عيوني. عيالي.
صبيت. نعم. تبي حاجه
وسيم: امم كيف مفش تفضل
ساره:: منستقبلش في رجاله غرب في المكتب.
وسيم:: اووو نستقبله في رحاله. غرب
بس انا مش غريب انا في بوم. من الايام. كنت. زوجك هوا صح. شي مقرف انك كنتي مراتي
ساره: لو سمحت. شن تبي جاي.
وسيم:: تمام نقعد بروحي.
قعمزت
جاي ياابله. نعرف. شن قصة الفروخ. اللي بليتيني. بيهم
ساره:: بليتك بيهم.
كيف معلش وضح قصدك
وسبم:: يعني ياابله. شن يثبت. ان هذوم عيالي تنسيش. اني خديتك من شقة حبيبك
ساره:: اه يعني انت شاك صح في نسب عيالك
تصور. ان شكك في محله. هذوم مش عيالك
وسيم:: كيف مش عيالي. وانتي مسميتهم نور ومؤيد.
ساره. هذوما عيال. من
ساره:: انت شنو. عندك. انفصام شخصيه
من شوي أنكرت انهم عيالك
وسيم:: عصرت يديا وخديت نفس. رديت. فطنت لروحي.
انا نسال. جاي. تهيالي ياخاينه. طلعتك من شقة عشيقك. وحقي نشك
ساره:: وانا جاوبت مش عيالك.
وسيم:: يبقي تحوليهم من اسمي
ساره:: منيش محولتهم ولا انت تقدر. تثبت. انهم مش عيالك
وسيم:: نرفع قضية. شك في نسبهم
ساره:: ديرها لو راجل. ديرها.
وسبم:: انتي لَيش درتي هك. لَيش خنتيني. في يوم كانك مفروض. عرس جديد لنا.
ساره:: توا جاي تسال. بعد مرور مايقارب. ثلاث. سنوات
وسبم:: جاوبي وبس منبيش نقاش معاك
ساره:: اه. نجاوب لَيش مشيت شقة محمد
تمام نجاوب. لاني عمري ماحبيتك. ولا طقتك وكنت بس نجامل. فيك
انت صدمة حياتي. انت خدعه. ابتليت فيها
وسبم:: حسيت العبره. خنقتني. مسكّت. روحي.
وأشرت هددتها
يبقي. الفروخ. الحرام يمشو باسم. بوهم. مش انا
ولا. الاخ. عافك. ياخاينه
ساره:: لا معافنيش.
برمت وجي. ورحبت بمحمد
اهلين. احميده. تفضل.
محند:: قعدت مصبي مصدوم.
قدمت. خشيت
وسيم:: برمت. شفته. حسيت الدم فار. في جسمي. حسيت بروحي. مش قادر. نتحكم في اعصابي. قدمت. عليه.
ومسكته مع تيشرته.
ياواطي. ياكلب. ياحقييير
ساره:: قربت منهم. نجري. سيبه. لو سمحت. هنا مكان عمل.
ارجوك. اطلع ومتسببليش. مشاكل
لوسمحت برا. برا
وسيم:: طلقته تمام. وانا مش مستوايا. ولا تنكتب علّيا درت عركه. علي وحده زيك
بس. زي ماقتلك الفروخ. تخوليهم. من اسمي. والا. تحملي الفضائح
طلعت. بسرعه. معصب
ساره:: قعمزت. نرعش.
محمد: ساره استأذني وتعالي. معايا.
ساره:: طلعت معاه في سيارته
وسيم:: كنت نراجي فيه ينزل. شفتها طلعت معاه وركبت سيارته
اثبتت. انهم. مزالو. علي علاقه.
وخرت سيارتي ومشيت
محمد:: ياريتني ماجيت. لما شافني. زاد. الموضوع. تأزم
ساره:: بالعكس انت جيتك انقضتني انت جيت في وقت الصخ
محمذ: ساره شن قصده بالفروخ وحوليهم
ساره:: جاي شاك في نسب. عياله
محمد: اوووف. باهي. خليه علّيا توا نحاول نوصله. ونفهمه راهو. مسكين. اللي شافه. مش ساهل. ساره. طلعك من غرفة نومي. اي راجل مكانه يبي يشك. اعذريه
ساره: احسن. خليه شاك بالعكس انا فرحت. نبيش يوصل لعياله. هذوما. عيالي انا وهوا يستاهلش ظفرهم
انا. نكرهه. ونكره انه يوصل. لعياله. عيالي يتربو. عندي
يطلعو. رجاله مش. بنيه كيف بوهم.
محمد:: سلره. عيب كلامك يزعل كنه بوهم. راجل. واحسن للرجاله. متخليش. حرقت. قلبك. تتحكم. فيك وتخليك. تحكي. كلام مش موزون. وتزيدي تشعلي النار
ياساره توا مفروض تقعمزو. وتحكو. حتي لو هوا. يبيش اعذريه وغصبا عنه يقعمز. يسمعك.
ساره:: وانا نبيششش نحكي معاه ولا نشوفه
خليه جاي انسان غير. يحكي. معايا بقرف.
جاي طبعا مع مراته. وليش. نحكي. معاه
محمد:: وسيم اتجوز
ساره:: اممم. تجوز. شفته. ماسك مراته. اللي كنت. شاكه. من ايام زواجنا يعرفها.
هكي. توا هوا مش خاين. وانا اللي خاينه.
محمد روح بيا العيال اكيد يراجو. فيا.
محمذ:: باهي ناخدوهم. وتتغدي عندنا
ساره:: لالا نبيش نشوف نجوي. لان ممكن. نتعارك معاها.
والكلام اللي قلته لك هي مش راح تتحمله في خوها
~<~<>
محمد: روحت الشقه. وحاس روحي مضايق. موقف انحطيت. فيه شين.
رنده: حبيبي كنك. من اول ماخشيت. وانت تنفخ وقالق
محمد:: حطيت راسي. علي حجرها صار معايا موقف حقير اليوم
خطمت علي ساره بناخد. اوراق مؤيد ندزهن
بس جيت في وقت. الغلط لقيت وسيم قاعد
رنده::
هاااه وسيم. . عليش جاي وهي متقولش سمحاته
محمد:: مو القصه. فيها هي. حسيتها مش عارف شن قايلتله. الراجل. هجم علّيا وهي تقولي. احسن خليه شاك وفرحانه ومدري شنو
رنده:: لا شن بتكون. قايله. لالا
اكيد. بس هُذِّا كلام تقول. فيه تبرد علي قلبها. وهوا ديما هك. تافه شاطر غير. في العياط
محمد: زعمك اتصل بنجوي.
رنده:: مظنش هي الصبح كانت. عندي. مظنش. اتصل بيها
محمد: تبي الحق. امنيتي يردو. لبعضهم. تي هوا باين مزال يبيها وهي نفس الشي. والعيال حلوع. يتربو. بين. باتهم وامهم
رند:وانا عكسك امنيتي. ساره تفوته وتجوز واحد ثاني يعرف قيمتها. ويقدرها
محمد:: زيك. هك مثلا
رنده: اكيد زيي. محظوظه. انا
محمد:: ياحظي انا بيك.
رنده:: يحظنا ببعضنا. ههههه
محمد:: هههه. شنو بيبي طالعه اليوم.
رنده:: اليوم جايات صبايا يباركن.
محمد:: وامي شنو معاك
رنذه:: لا كويسه. متغيره معايا
محمد:: باهي كويس راضيه عَلِيك.
بس علي مرت علي مزالت
رنذه:: اها. عشان مسكينه مزالت ماحملت
محمد: ربي يرزقهم ويرزقنا
~<~<>
ساره:: روحت الحوش. وانا مرعوبه. فطنت لروحي كثرت كلام.
محبه :: كيف ياهبله. تزيدي تشككيه. فيك غلط ياساره. انتي. موقفك. كان قوي. لَيش تخربيها تي حتي حرام محمد تورطيه في وجيج
ساره:: مش عارفه. هك قعدت. نبيه يرد من وين ماجا نبيش يقرب لعيالي مقهوره. منه يامحبه مقهوره ومحروقه
محبه:: خلاص اللي صار صار. انتي توا حاولي تهدي.
وهوا. مفروض. يجي. لخوتك. ويفهم. منهم
ساره:: نبيش يقرب من الحوش نبيش يشوف مؤيد. ويحسه شبهه. نبيش. يامحبه نبيش
محبه:: باهي. بعيد عن. كل اللي صار. بعد شفتيه
شن حسيتي. مزلتي تحبيه بعد شفتي مراته.غرتي عليه
ساره:: محسيتش بشي ولا غرت عَلِيه حسيت بس بكره وحقد
محبه:: عينك في عيني
ساره:: خلاص محبه. انهي. السيره. خليني. نشقا بمؤيد. حسيته ساخن. شوي
محبه:: وانا خليني ننزل نكلم علاء
ساره:: كيف قادره. تعيشي. من غيره. سمطها. مفروض. يروح. مرايفتيش عليه
محبه:: قالك. مرايفه تي بننجن. عليه
بس مستقبله. نبيش نلهيه. عليه.
ساد مسكين كل يوم يكلم. مرايف. علّيا وعلي العيال
ساره:: وانتي شن اخبار قرايتك
محبه:: لاتمام . خلاص قربت نكمل. موادي كلهن ونتريح
ساره:: ماشاءالله. بس لَيش نحس فيك زعلانه لك يومين
محبه:: عشان. بداية العام قرب
وملاك. تخش سنه اولي كان خاطري علاء هوا اللي يوصلها. اول يوم نبيها تخش زي العويله.ماسكه. في يد بوها وامها.
ساره:: ربي يخليه لها. وان شاءالله. طول عمره ماسك يدها. مجتش علي اول يوم مدرسه. البركه فيك حبيبتي
محبه:: تسلمي ياعيوني
~<~<<<
ساره:: حبايبي. اليوم شفت بابا اخري
بس ماتخافوش مستحيل. يفكر يشوفكم. انا مستخيل. نخليه. يلمسكم. انتم بس عيالي.
بابا قعد شايف نفسه. وتجوز. وحده غير ماما
لَيش روح بس. وجايبها معاه كان خلاني. راسمه. صورته في بالي. كان خلاني. عايشه علي ذكريات. حلوه. لَيش وسيم تروح. انت هكي زدت عذابي. زدت مأساتي.
انا مش عارفه انا حاقده. عَلِيك ولا مرايفه. انا مش فاهمه شي. مش فاهمه شيييي
><~<>
محبه:: خلاص حبيبتي. جهزت الشنطه. ولبستك. ارقدي عشان. تنوضي بدري وتحصلي اول درج
ملاك:: ياريت بابا معايا. هوا يشيلني
محبه:: شنو. مش عاجبتك. ماما
توا نشيلك. انا. ومعايا يوسف. شن رايك
ملاك:: سمحه. بس ياريت. حتي بابا
محبه:: شن انديرو. حبيبتي بابا شغل كلمني امبدري. وقالي زعلان عشان مقدرش يجي.
ملاك:: نعرف ان بابا طيب. بس هك عشان انحبه. ديما نبيه معايا
محبه::ياروح ماما خلاص ليل ارقدي
قعدت معاها لين رقدت.
صبيت. غيرت دبشي. وخشيت فراشي
الصبح
نضت شفت ؟؟
#يتبع...