لعنة 🔪 الحب

part 12:نار الغيرة

part 12
ل

عنة الحب

انثى 💜 ملائكيه

في بحرَ عيّنيكِ هامت كُلُّ أشواقي
‏يارّبة الحُسن هل تنوينَ إغراقِي
‏ما كنت أؤمن بالعيون وفعلها
‏حتى دهتني في الهوى عيناكِ
‏ عيناكِ بحرٌ تاهت به سفني
‏وتزعزت به نبضاتُ قلبي وأنفاسي
‏أنا الذي لا يهزني برقٌ ولا رعدٌ
‏أعينين متلألأةٌ تهزمُ ثباتي ؟

........................

نور ..عمتي ظلت يمي تقرالي ايات واني أفسر الأمور بعقلي معقولة وصلت الأحلام بيه لهذه الدرجة وتصورتها واقعية معقولة هيج حلم خلاني بوسط ذهول شنو هاي تجربة ابتعدت من حضن عمه ومسحت وجهي بتوتر واني اردد استغفر الله استغفر الله ..

رائد..دخلت للغرفة واشوف نور تفرك بوجها بتوتر باوعت لامي واشرتلها تطلع اتقربت من نور وگعدت يمها هي حست علية ورفعت راسها باوعتلها وجها صاير احمر بلعت ريگي بتوتر وكتلها بصوت مشحرج..نور انتي بخير ..

نور..هزيت راسي بأي..اي بخير ..اباوعله بقى ساكت ويباوعلي بنظرة ماعرفت افسرها فركت ايدي بتوتر وتنفست بصعوبة ..رائد شنو تريد ..باوعتله تمدد على جراباية واخذ دبدوبي وخلاه بحضنه ويباوع لسگف تنهد تنهيدة طويله ..اوووف ..

رائد .موو أووف وحدة هوواية أووف ..

نور..باوعتلة بستغراب سحبت المخدة وخليتها بحضني ..شنو المضايقك ..

رائد...رديت بحزن....كولي شنو المامضايقني ..

نور...گلبت عيوني وكتله بمزح ..كافي تحجي بالألغاز ادخل بصلب الموضوع ..باوعتلة ندار عليةورفع تك حاحب عكس ايدة وخلاها جوا خدة ...ابتسمت ونصيت عيوني اخذت خصلة من شعري وخليتها ورى اذني كتله بخجل..شلون راح تظل تتأملني ونگضي الليل واحد يباوع على ثاني ..

رائد..بدون تفكير ..تصير احلى لليلة بحياتي..

نور ... رمشت عيوني بعدم استيعاب ..

رائد ...بضحكة ..حبيت امازحج شبيج نگلبتي حمرة على صفرة المهم ردت احجي وياج بموضوع شوفي نور اني جان عمري ١٦سنه من توفى والدي الله يرحمة ..

نور ...بأسى ..الله يرحمة ..

رائد..امين يارب ..اني بوقتها نجحت من ثالث متوسط وابوي وعدني يطلعني نتعشى برى المهم اخواني ميثاق وفارس رادو يجون بس ابوي كلهم لا اليوم لرائد اريد اونسى طلعت وي والدي اشترالي ملابس واخذ كيكة ورحنه للمطعم اتعشينى وحتفلنا واخذنا صور رجعنه بالطريق وجان تمطر الدنيا صدفة والماسحات عطلت انريدها تشتغل ماكو فأبوي بالوصله يمسح ويرجع يسوق يعني بوقتها صار سيارات مزارك كلمن يريد يوصل بيته وابوي خطية تبهذل بالطريق ف احنه جاي نمشي وتصير كبالنه عائلة جاي ينزلون من سيارتهم ويعبرون لسايد الثاني ابوي داس الفرامل بسرعة ونگلبت سيارة بينه على سايد الثاني وانصدمت بنخلة وصارت صدمة بجهة ابوي الله يرحمة المهم ناس فزعت وسيارات اسعاف واني اجتني حالة من صدمة وخوفة ..

نور..هوا يحجي واني نزلت دموعي ..

رائد..اوف اوف ليش تبجين لج بابا داسولف واياج حتى اشوفج شلون نسيت معاناتي مو حتى ابجيج .

نور..مسحت دموعي بطرف ردان ايدي ..اووف شسوي گلبي يوجعني من الحلم وانته دسولف لصار وياك ما تحملت ..

رائد..بضحكه ..خرب شوفي صار بيج ...

نور..بأستغراب... شبية ..

رائد..ولج صرتي حمرة دم خدودج وخشمج شنو انتي بشر لو فرولة..

نور..بصوت مخنوگ .. انطيني لكلنكس على الميز ..

رائد..اخذت جيس وشمرته عليها واهي اخذت تمسح بوجها يربي حسبالك طفلة ..احمم المهم اكملج سالفة ..

نور...اي كمل ..

رقية ..رائد ابني ..

رائد..هاا يمه ..

رقية ..حبيبي ماتروح تجيب معلاگ وصمون اسوي لخالك عشاا حتى يشرب علاجه ..

رائد..اي يمه صاار ..

رقية ..نور روحي ويه غيري جو ..

نور..بدون مادير وجهي عليها كتلها ..صار عمة..

رائد.. كومي غسلي وتعاي وياي..

نور..لا روح انتَ اني مابي حيل ..

رائد..لزمتها من ايدها وسحبتها..لا تصيرين متشائمة گومي نغير جووا ..

نور..بنزعاج اوووف ..

رائد...بلله وين لاگيتلج أبن خاله هيج حلو وكيوت ويطلعج يونسج امشي ..

نور..تمام بس خلي اغسل وابدل ..

رائد..لا امشي هيج ما تنزلين من سيارة..

نور..لا حتلو زحمة ..

رائد..تمام .رفع سبابه يهدد..بس مو تتأخرين اضوج من هاي سالفة ..

نور..رفعت تك حاجب وشمرت عليه ليكلنكس ..هااا يااساالفه منو مضوجة حضرتك ههههههه ..

رائد...هههههههه ..

نور..طلع رائد واني رحت غسلت وجهي ورجعت طلعت فستان حلو وناعم ومزين بالورد الاصفر لبسته واخذت جنطه صغيرة خليت فوني رحت للمرايه باوعت وجهي صاير اصفر وخدودي وعيوني صايرة حمر تنفست بعمق واخذت كحلة خليت لعيوني ومسكارا وخليت احمر شفاه وردي لعقت شفتي ودرت وجهي رائد واگف وايدة على خصره وايد الثانيه متكئ عليها ..

رائد..بهدوء ..كملتي ..

نور.. ابتسمت ورديت ..اي كملت ..اخذت جنطة وتبعته طلع سيارت أبوي وصعد صعدت ويه ..

رائد..اني شغلتي يمكن مطولة بالعراق لازم اشتري سيارة ..

نور..ابتسمت بوجها جان يباوعلي ويرفع حواجبة هزيت راسي وكتله..شكوو ..

رائد...لبسي أحزام الأمان ...

نور....بضحكة ..ماحب ألبسة ..

رائد...بنبرة جدية...نور ألبسي ما تحرك اذا ما تلبسي ..

نور...ياااا ...لبستة واني اضحك تحركنه واخذني نفتر طلعت راسي من جامة واشتم هوى واغمض عيوني حسيت براحة نفسية وصدري يتسع التفت واشوف رائد يباوعلي بعمق رفعت حواجبي وكتله ..رائد نتبه على طريق..

رائد..ضحك بفشلة ..هههههه تمام انتبه بس دخلي راسج لا توتريني .

نور..تمام راح أكعد عاقلة ..

رائد....ههههه ..

نور..نزل رائد جاب صمون ومعلاگ وبعدين اشترى عصير طبيعي وگف گدام مطعم وباوعلي ..

رائد..نزلي ناكل ..

نور..لا خلي نرجع هواي تأخرنا واكيد ابوي يريد يتعشا خطية .

رائد..تمام راح اشتري وناكل بالطريق شتحبين تاكلين ..

نور..بكيفك ..

رائد..تمام ..

نور...راح رائد شويه وصفت دراجة بصف سيارة من جهتي شخص لابس خوذة...

نزع الخوذة ورفع شعرة ندار عليه وانصدم ليوو فتحت عيوني بهذول ..

محمد..ببتسامه..هلاوو ..

نور...ببتسامة..هلاوات ليوو شنو جابك هنا..

محمد.. رفع تك حاجب..اني هنا ساكن انتي شنو جابج هنا..

نور..اجيت وي رائد نشتري عشاا ..

محمد...هااا بالعافية ..

نور..الله يعافيك ..نزل من دراجة وراح بتجاه المطعم طلع رائد وبيدة الاكل خلاه بسيارة واجه صعد ابتسمت بوجها ..

رائد..بعد محتاجة شي ..

نور...ضحكت ورديت ..اريد حلويات ..

رائد..تمام ذاك سوبر ماركت راح اشتريلج ..

نور..لا خلي اني اروح ..طلع محفظته ..لا عندي فلوس ..

رائد..هههه اوكي هاج جيبيلي وياج جكاير ..

نور...ضحكت ..ههههه يااا رائد من شوكت تدخن ما صارلك جم يوم يمنه شبساع دخنت ..

رائد..ههههههه شبيج واذا ضايج واريد ادخن .

نور...بس ابد مو زين على صحتك ..

رائد...ولج دروحي شتري تأخرنا والاكل برد..

نور..رايحه رايحه..نزلت من سيارة وصار ليو بوجهي ..

يباوعلي هوا عاقد حواجبة ابتسمت واني متيقنه راح يردلي الابتسامه بس اشو دار وجهة ولا عبرني ضجت ودخلت للمحل باوعت عندي عشرة اخذت كرزات وجباسه وشفت جيس اخضر ونفسه اصفر رفعته مكتوب اندومي وطريقة تحظير سهلة اخذت اربعة ثنين بطعم خظار وثنين بطعم دجاج اخذت هواي شغلات صرفت العشرة كلها هههههه اخذت جكاير وطلعت ما اشوف الا ليوو صار بوجهي سحب ايدي وجرني ورى دخلني الفرع ودفعني على الحايط شهگت مصدومه وحتدت ملامحي ..ليووو شبيك ..

محمد..بعصبيه ...شبيه يعني شبيه أحترگت أحترگت وصرت رماااااد ..

نور..شهگت مصدومه ولزمت ايدة وسحبتها ابوع عليه بخوف ..اسم الله وين محترگ شبيك ..سحب أيدي بقوة وخلاها على صدرة بجهة گلبة وضرب ايدي على گلبة بقوة حسيت بدگات گلبة القاسية ...

محمد...سمعتي حسيتي بي شلون يدگ گلبي لج ردت أنجلط وانتي مطلعه راسج من جامة وهوا صافن عليج حتى ما نتبهتي لوجودي لج حترگت بناار الغيرة مو گتلج ابتعدي عنه اني ما تحمل اشوفج ويااا فهميني ..

نور...ارمش بعيوني والخوف مشى بكل مسامة بجسمي عاصر أيدي حيل حسيت بألم بيها واهوا يضغط أكثر ويحجي بعصبيه انفاسه الحارة ختلطت وي انفاسي وعيوني دمعت حجيت بلگوة ..ليوو الله يخليك أذيتني اخخ أيدي ..

محمد...نتبهت لنفسي وبتعدت عنها لزمت ايدها وبستها ..اسف يعمري موقصدي أأذيج بس ماعرف شنو صارلي من شفتج ويه ..

نور..حجيت بغصه .. طبيعي شوفني ويه هوا من عائلتي وعايش ويانه يعني ترديني أنفي من حياتي ..

محمد..نصيت عليها وطبعت بوسة على جبينها... أعتذر يروحي ..

نور..ماعرف شصارلي من تقرب مني وانفاسة الحارة ضربت جبيني حسيت بشفايفة لامست بشرتي ومعدتي تقلصت حيل وگلبي صار يدگ سريع حسبالك صارلي تماس كهربائي بشرتي كلها رجفت نصيت عيوني بخجل وايدي واحدة تفرك بلاخ حيل توتر ..

ابتعدت ليوو سمعنه صوت طفل يبجي عمرة تقريباً خمس سنوات وابو المحل طلع يصيح عليه ويعنفى ركضت ولزمت طفل وحتدت ملامحي وصحت ...شبيك ليش هيج تسوي بطفل حرام ..

رد عليه وهوا يحجي بغضب ..بواگ هذاا يوميه يبوگ بالمحل وهلمرة شفته ولزمته ولك بس تدخل للمحل اكسرلها لرجليك حيووان ..

نور..محمد بتعد حيل من اجة رائد بتجاهي وهوا ضايج ..

رائد..نور وين رحتي..

نور..نصيت عيوني ..هناا اني ..باوعت لطفل ومسحت دموعة وبتسمت ...تريد حلويات ..
هز راسه بأي .فتحت العلاكة وگتله .. اختار وشنو تريد أخذا ..اخذ نستلات ثنين وجبس ..

رائد..تعال اني اشتريلك عندك اخوان ..

نور ..دموعه تجري وهز راسه أي ..شنو ضروفكم وليش دتبوگ صار يحجي وهوا يشهگ ..

بابا مريض وماعندة فلوس يشتريلي حلويات ..

نور..ياعيني هسا نشتري الك حلويات ..رائد بصفي نصه على طفل واخذه يشتريله باوعت ليو ابتسم بوجهي وراح صعد دراجته واني بتسمت حيل حبيت ستايله وشكله هوا لبس الخوذة وفحط دراجتة وراح ..

رائد...يلله نروح ..

نور..هاا اي نروح طفل وين ..

رائد..دخل للفرع ليش ..

نور..اريد اشوف وين بيت أهله حتى اساعدة

رائد..تعاي ..

نور..مشيت اني ورائد ودخلنه الافرع نتبع الطفل شفناه دخل بيت قطعته صغيرة حيل يمكن خمسين متر ..

رائد..هنا بيتهم ..

نور..اني صراحه اذا أجي مرة لخ ماندله حيل بعيد على شارع ..

رائد..اني ندليت هسا أمشينه ونجي غير مرة ..

نور..تمام ..جاي امشي ولزم أيدي ويمشي وياي باوعتله وحركت حواجبي بمعني ليش ..

رائد..حتى لا تعثرين ..

نور..ضغط على أيدي أكثر ومشينه صعدنا بسيارة ورجعنه للبيت حضرنه الاكل وكعدنا ناكل كملنه وشلت سفرة اغسل المواعين كملت تنضيف المطبخ فتحت شباك مطل على الحديقة واسمع رائد يصيح بس بغير لغة وحيل ومنفعل دخل للمطبخ وما انتبه الوجودي..

رائد..حيوانه أدبسززز ..

نور..رمشت عيوني وشهگت ..هااي ليش ..

رائد..مسح وجها بتوتر ورد ..مو عليج يابه اعتذر صارت بوجهج..

نور..غمزتله وكتله ..ييي منو مضوجتك وخلتك تنفعل ..

رائد...نور لا تصيرين حشرية ضلي حبابه وخليج بغموضج ..

نور..ضحكت واني ارفع راسي..يااا منيلي غموض انته ابو الغموض ..

دخل ابوي وهوا يبتسم ..

ابو نور..بنتي سويلي جاي ..

نور.. تدلل بابا .

ابو نور.. حجيت وياها ..

رائد ..لا والله بعدني..

نور..باوعتلهم ..شنو تحجون وعليمن ..

رائد.. خالي بنتك صايرة حشرية .

نور..يااا منيلي شبيك وياي رائد ..

رائد..لا تزعلها كلشي ولا زعل نور ..

نور..حضنت بابا وبسته من گصته ..اروحلك فدوة حبيبي ..طلعت لساني رائد..اممم على عنادك ..

رائد..بضحكة ...هههههه وثول ..

نور..لميت شفايفي بزعل ورحت اسوي جاي وهم يسولفون قدمت جاي واني رحت سويتلي القهوة وگفت على طباخ باوعت بابا طلع بدون ما انتبه درت وجهي وجلب رداني بالدلة مشيت ماحسيت غير رائد ليزمني ويسحبني صرت بحضنه و وگعت القهوة على طباخ وشوي عليه رفعت راسي وصار خشمي بخشم رائد وانفاسه ثنينه ختلطت بلعت ريكي بتوتر وهوا صافن بعيوني حسيت على نفسي والموقف ودفعته من صدرة عدلت نفسي ورحت اخذت وصلة مسحت الطباخ هوا مسح وجها بتوتر وطلع انس لعبت نفسي من الي صار عفت كلشي غسلت ورحت لغرفتي تمددت تصلت على ليو ما رد خليت راسي على المخدة وضليت صافنه على سقف ..

شوي وندگ باب غرفتي ودخل ابوي ابتسمت وكعدت ..

ابو نور..هلاو بنتي ..

نور..هلاو بابا حبيبي ..

ابو نور.. حبيبي قبل شوي حجينه اني وارئد وقررنا تروحين لدكتور نفسي ..

نور.. باوعت لابوي بستغراب وكتله ..ليش ..

ابو نور..بنتي احسن الج وهم تحجين همومج لشخص ثاني وهوا يشوف شنو الي ديصير وياج ويعالجج ..

نور.. نصيت عيوني واني مدمعة ..تمام بابا الي تريدة يصير ..دنگ عليه باس راسي وطلع سد الباب واني دموعي صارت تجري بحرگة يعني شنو قصدهم اني صرت مخبلة اووف اني اعرف عن دكاترة نفسيين وشنو بس مرات ينطون دوى ابد موزين بحيث الواحد مايكدر يحجي ويصير هدوء عام عند الشخص يعني مايتحكم بمشاعرة ودوم يطنش اني ماحب هيج وضع واصير باردة حسيت الباب نفتح رفعت راسي وشفته رائد شايل بأيد صينيه وبيها كوابة ثنين وايد الثانيه علاگة الحلويات باوعتله واني عاكدة حواجبي وصدري يعلى ويهبط ..

رائد..نصدمت من شفت منظرها ..شبيج يولو هستوني عفتج تضحكين ..

نور..شنوو بعدك ماجيت بسم الله و وسويتني مريضه نفسيه لو تظل شهر شنو توسي تخليني بشماعية ..

رائد ..لا اتبجين افهمج ..

نور..بشهگة وبجي ...كلشي ماريد أفهم رجااءً اطلع ..عاف الغراض على الميز وطلع ..

لصبح ما كدرت أنام شبعت بجي الصبح كمت وطلعت من غرفتي سبحت ولبست ملابس مدرسة مشطت شعري ولفيته اخذت جنطتي و طلعت صار بوجهي رائد بيدة كوب جاي ولفة ابتسم بوجهي وقدمهن بتجاهي اني جاهلته وطلعت ....

...................................................

أيمان ..طلعت من البيت للمدرسه وباوعت البيت ميثم مقفول تنهدت بضيق اووف مشتاقتله حسبالي اشوفة تمشيت رحت للمدرسه ضليت منتظرة نور بس ما أجتي هااي شاطرة سچاچة الصف تغيب أكثر من مرة لعد الموشاطرة شنو تسوي ...

رجعت للبيت مثل كل يوم صليت ونمت حتى بدون ما اتغدى كعدت بليل حيل جوعانة رحت للمطبخ باوعت كلها متعشيه ورايحه الغرفها واني أجيت ابجي الاشوي جوعانه ومابيه حيل احرك ايدي دخل اخوي يبتسم باوع بوجهي وگف ..

حسين..يااا ستار شبي وجهج يلطم ..

أيمان..هفف عشاا ماكو واني جوعانة ..

حسين..غير انتي تنبل ما نوم هاي شبعي من نوم ..

أيمان...كاافي حسين والله تعبانه وجوعانة هساا شلون ..

حسين..كعدي اني اسويلج عشاا ..

أيمان..رفعت تك حاجب بستهزاء..ايي وشنو تسوي ياا شيف ..

حسين..كلمة بعد واعوفج واطلع ..

أيمان..لا هاهيه كعدت عاقلة ..

حسين .اي شطورة .

أيمان..كعدت وهوا خابص نفسه يسوي أكل اخر شي حترگ وفعلاً اني اجيت ابجي ..لككك حسين شسويت خرب حترگت .

حسين..امداج غير بومة ..

أيمان..بزعل ..ياااا اني شعلية ..

حسين..بنترا ...واگفة على راسي حتى دخت من وراج .

أيمان..بدموع ..اي ذبها براسي كول متعرف وخلص رايحه نام كلشي ماريد ..

هدى ...هااي شكوو ايمان ليش تبجين حسين شكوو شبيكم ..

حسين.تكلم برائة...أمونة جوعانة ورادت اكل سويت الها وحترك ....

هدى.. يااا ولج علمود الاكل تبجين ام بطن ..

ايمان..انتي ولي حتى ماكلفتي نفسج وكعدتيني ولا ضميتي اكل الي ما گلتو بللة نشوفها ميته عدلة.....

هدى ..اكثر من مرة دزيت مهدي عليج يكول ماتقبل تكعد وعشاج هذك بالفرن ضامته حتى زلاطة عفتلج ..

أيمان..بفشلة..اعتذر مادري .

حسين..زين شنو رأيجن نطلع نتعشى برى ..

أيمان بفرحة.....اي يلله..

هدى...بكيفك ....

حسين..يللة بدلن بساع..

ايمان.. ركضت لبست بنطرون وفوگاه قميص مقلم بأسود اخذت جنطة سودة وطلعت شوي ونزلت هدى لابسة عباية وجواها فستان لون زيتوني وحذاء بيضه وجنطه سودة ..

طلعنه فترينا بالسيارة ورحنة لمطعم تعشينى واخذ عصاير و جبس كعدنا على نهر دجلة نكرز حب ونسولف ونضحك رجعنة للبيت اني اخذت كتبي وكعدت ادرس وحسين ومرته صعدو لغرفتهم ..
.........................

هاي عود مگبعة ومترة الحجاب
ومنين ما صدينة الچ مستورة
بهيچ هيئة وساحلة عيون الوراچ
چا شلون بلبسة التنورة ؟
شلون اذا حليتي شعرچ عالمتون
والهوى يرفعة وعلينة يدوره
الا كلها تصير طلاب بوراچ
الدرس بادي وخصرچ الصبورة
ورگبة الگدامچ ويمشي على كيف
مثل كسرة حاجبچ مكسورة
وحتى رمش عيونّنا يصفُك بـ اديه
لوَن خدچ گام غنى بطوره
واني ما اتمنى بس هالمره اريد
ويا چفچ چفي ياخذ صورة
حتى اگلهم هذا چف الشمس چان
واني گدتة والتهيت بنوره 🤎...
.
.

هدى...صعدت فوگ نزعت حجابي والعباية التفت واشوف حسين واگف يم الباب ويباوع عليه هزيت راسي بمعنى شبيك قترب مني باس جبيني حسيت بتماس كهربائي مشى بجسمي فتح شعري ونزل مثل شلال لحد رگبتي هوا لونة اسود طوخ وأمرني قبل العرس ما أكصه ولا اصبغة غرس اصابيعه بشعري وسحبة وشمه بعمق رفع عيونه الذبلانه بعيوني وقترب اكثر لصق شفايفة على شفايفى وسحبهن حسيت ويه رحت لعالم ثاني ايد الخشنة على خصري حتضنه بقسوة وغرس اصابيعة بقوة وأيد ثانيه غرس اصابيعه برجلي ورفعني ايديه حاوطت رقبته ورجليه حتضنت خصرة وهوا مستمر يبوسني نزلني على جراباية...

..وعيت واني خجلانه وخدودي حمر اخذت الشرشف ورحت للحمام سبحت. بس هالمرة الالم زاد عندي واوجاع سبحت بمي دافي حتى استخري ..

..طلعت الف بشعري انتبهت لحسين كاعد على جرباية وصدرى عاري يدخن بالجكارة بحرگة وصافن على الفراغ حتى مانتبه لوجودي حسيت بگلبي يوجعني حيل معقوله يفكر لهسا ليش ماكو دليل على شرفي ....

..رحت بهدوء وكعدت قدام الميز امشط شعري هوا انتبه وراح للحمام يسبح واني نزلت دموعي بحرارة على خدودي وصرت اشهگ يربي ليش هيج صااار هزيت راسي لاااا حرام احجي هيج حشى لله يأذي عبدا هذا ختبار الي ولازم اكون قوية الحمدلله صرت من نصيب حسين وتفهم الى غير شخص من اول ليلة يفضحني حسيت بأوجاع بطني ومغص كمت ماتحملت ورحت تمددت على جربايه طلع حسين لاف المنشفه على خصرة وشعرة نازل على جبينه وينشف بالخاولي انتبه عليه متأذيه قترب مني ونصه عليه غمضت عيوني من نزلت قطرات على وجهي ..

حسين...يروحي شبيج ليش وجهج اصفر وتتألمين ..

هدى ..بألم ..ماعرف ليش بطني توجعني ..

حسين ..اخاف تسمم صارلج لان تعشينى بالمطعم ..

هدى..هزيت راسي ..لاا الألم برحمي ويضرب على بطني ..

حسين..امشي اخذج الطوارئ.

هدى..بابتسامة باهته ..لا ماكو داعي باجر اروح للدكتورة ..

حسين..بستها بجبينها ..تمام عمري براحتج .

هدى ..باوعتله بتعد اخذ تراكسودة وراح لبسة ورجع نام بصفي وسحبني لحظنه ويعدل بعشري ..

حسين ..بضحكة ..ادري چا وين العدالة
شعرچ مغطي مخدتچ وانه كاتلني البرد..

هدى .بخجل..هههههه ...

حسين..اي ضحكي اريدج دوم تضحكين وضلين طفوليه ابد لا تخربين عيونج بالبجي ..

هدى ..ابتسمت ..حضني حيل وراسي على صدرة ..

.................

نور ..رحت للمدرسة مشي وهي بعيدة شوي دخلت الكل بالصفوف طلعت المديرة بوجهي وهي متعصبه..

المديرة ..بصوت عالي.وين رايحة حضرتج ..

نور...بهدوء..للصف ..

المديرة..باوعت على ساعة وردت ..ساعة باثمانية وربع ومشرفة حظرتج وين جنتي بلله ..

نور ..البيت بعيد و وصلت متأخرة ..
ماشوف الا صارت بوجهي وهي تخزر ماحس الاراجدي قوي نطبع بخدي على اثرها وكعت بالگاع ..

المديرة...حيووانه حقيرة وبكل عين صلفة تجذبين وجاي عيونج مكحلة امشي طلعي برى وباجر يجي ولي أمرج انتي اسمج نوور موو انتي الوحيدة هنا عيونج خضر البنات والمعلمات شتكن عليج تصاحبين ولد ..

نور...حسيت اذني صوفرت وخدي شتعل نار طلعت واني ابجي وصدريتي تربت من الگاع الوسخة وجسمي كلة يرجف نزعت جنطة وطلعت تلفون جنت خالته بين الكتب دگيت على ليوو جاوبني وهوا منعس ..

محمد..بنعاس ..هلاو حبي ..

نور..بصوت مخنوگ من البجي..ليوو انت وين تعال اخذني ماريد ابقى هناا ..

محمد...نور حبيبتي شبيج منوو وياج ليش تبجين ..

نور..اني گبال المدرسة المديرة طردتني اني هواي مختنگة وگلبي يوجعني رايحه رايحه لا تجي ..

محمد...نور نتظري ..

نور..غلقت الموبايل ومشيت على شارع أجرت تكسي ..

وين أختي ..

نور..بشهگة ..امشي وبعدين اگلك ..استمر نص ساعه هوا يمشي واني بس أبجي ..

اختي وين ترحين حتى أوصلج ..

نور..اخذني لنهر دجلة ..باوعلي وهوا رافع حاجبة هزيت راسي ..شكوو ..

بنتي متأكدة اخذج لهناك لو شنوو ..

نور..أي متأكدة ..

راح اوصلج للأعظمية وانتي نزلي للنهر ...

نور..تمام ..وصلني ونزلت للنهر كعدت وستمريت ابجي بحرگة وخدي يوجعني حسيت عظم طگ واذني توجعني حيل دگ موبايلي وفتحته..

محمد..بعصبية ..نوور وينج اجيت للمدرسة وماكوو .

نور..بالاعظمية اني ..

.............................

يتبع

انثى 💜 ملائكيه

لعنة الحب

لاتنسو التصويت وتعليق والمشاركة .