لعنة 🔪 الحب

part 27:death

آنثى 💜 ملائكية
لعنة🗡 الحب

نور ..رجعت خطوات الي ورى وكتله ..مدشوف البيت فوضى أريد أنظف..

رائد ..بخطوات سريعة تقدمت وسحبتها من كتفها وحجيت بهدوء ..وعد الحر دين وأني انتظرج توفي ..

نور ..عضيت شفتي سفليه وبعدين رديت ..زين هذا الوعد ما يتأجل ..

رائد ..تمام نور يتأجل بس راح اخذ الوعد بطريقتي ..

نور ..ترى خوفتني ..

رائد ..ههههههه امشي خلي نظف بدل الوكفه ما محصلين منها شي ..

نور ..تمام ..اخذت فرشاة الكنس ورحت أنظف وألمع الأخشاب رائد وياي يساعدني كملنا وكعدت اووف ضهري تشنج ما متعلمة على شغل باوعت ساعة بثمانية اووف بعد وراي عشا وأني نهلكت خاصه من مسحت الارض كمت للمطبخ فتحت ثلاجة وأني حايرة شسوي عشا دخل رائد وكف وراي لعقت شفايفي وضليت واكفه مثل صنم هوا همس يم أذني ولقشعريرة انتشرت بأجزاء جسدي ..

رائد..بهمس ..الحلو جوعان

نور ..بهدوء ..اي جوعانه بس محتارة شنو اسوي عشا ..

رائد..امشي نطلع برى نتعشا

نور ..ماكو داعي هسا اسوي ..خله ايدي على خصري ودارني عليه اني مدنكه وجهي

رائد ..تستنكفين تباوعين بوجهي

نور ..رفعت راسي بسرعه وهزيته برفض..لا والله بس أخجل منك يعني ما متعودة على قربك مني وتحجي بصوت هادئ وياي ..تقرب مني أكثر ولفحتني حرارة انفاسة بلعت ريكي بتوتر

رائد..تخافين تضعفين كدامي؟

نور ..فتحت عيوني بتوسع ..لا اني واثقة من مشاعري

رائد..تمام هسا ماكلتي نطلع لو لا؟

نور ..اي نطلع حابة اغير جو

رائد..يلله بدلي

نور..رحت للغرفة طلعت فستان قصير للركبة لون اسود ومزين بالنجوم بالون الأسود حليت شعري وسرحت خليت مكياج خفيف ورشيت عطري وطلعت شافني رائد مبدلة ابتسم ودخل للغرفه يبدل اني نتظرته بالحديقة شوي وطلع لابس قميص اسود وبنطلون اسود شكلة هواي حلو صعدت بسيارة ورحنه للمطعم نتعشى وبعدها طلعنا للنهر نزلنه وهوا اشترى كرزات وشبس كعدنا نكرز ونباوع تذكرت مواقفي وي ليو بعدين بعدت الأفكار من راسي ..

رائد ..تعرفين بعد اسبوع للامتحانات..

نور ..اصلا ناسيه دراسة ..

رائد ..باجر راح اجيب كتبج تحبين نروح لبيتكم ..

نور ..اي نروح ..رجعنا للبيت بعد طلعه اني سحبت وتمددت بفراشي ندك الباب واجاني صوت رائد وفتح الباب ودخل

رائد ..نور اني جد اسف بس ضهري يوجعني واريد انام يمج على جربايه نوم التخم تكسر ضهر

نور ..تمام تعال نام اني كمت من الجرباية وهوا تمدد اخذت مخدتي وسحبني من ايدي وكعت على صدرة وأني اشهك بصوت عالي..رائد انتَ شنو تسوي ..