لعنة 🔪 الحب

part 21: شَك

الكاتبة انثى 💜 ملائكيه

لعنة 🗡الحب

نور ..صعدت بسيارة بصف رائد وعمة صعدت ورى باوعتلة عاقد حواجبة ويباوع على طريق بتركيز حيل نقهرت على الوضع الي وصلناله تجيت راسي على الكشن واباوع على شارع واحس بكلبي ثكل مثل جبال تذكرت من جنه بالغرفة وصار بوقتها .

flash back

رائد ..تتزوجيني..

نور ..باوعتله بعدم استيعاب ورديت بصعوبة ..شنوو تكول.. ؟!!!

رائد ..اعرف انتِ خطيبتي حاليا بس اعرف كلبج مو الي واعرف ما ترديني بس اني حبيتج واجيت من الخارج حتى اتزوجج بس من اجيت للغرفه حتى اصارحج تفاجأت ونصدمت تحجين وي واحد بلحظتها حسيت صاعقة ضربتني وتبخرت بس كل هذا مكانتج بكلبي بعدها جبيرة واريدج اني لأن صعبه بعد اتخلى عنج ..

نور...حسيت راح يغمى عليه دخت حيل غمضت عيوني وفتحتها ولزمت راسي هوا حس عليه ولزم أيديه وكعدني على جربايه كل هذا وأني لابسه بس الخاولي حسيت بحراج وكتله بخجل..اريد ابدل بعدين نحجي بهذا الموضوع ..

رائد ..تمام والي تردي راح يصير لأن ما أريد اضغط عليج..

نور ..عافني وطلع اني سحبت التراكسود لبسته ورحت للمرايه حتى امشط ورجعتلي دوخة رجعت كعدت على جراباية..

لما ..تعاي تريكي ..

نور ..اي جايه ..

لما ..نور وجهج حيل اصفر لازم تاكلين زين مو زين عليج ..

نور ..هزيت راسي بأي ..كمت وحسيت شي ضرب راسي وصداع قوي لزمني اجتي لما لزمتني من ايدي ومشتني..

لما ..عندج فقر دم قوي لهذا سبب دوخين..

نور..بصوت خافت  ..ايي..نزلنه للصالة وجانو الكل ملتمين عليها وجدو كاعد بالنص خفت يرزلني لان لابسه تراكسود بس لاحظت بنات عمي هم لابسات تنفست براحه احس مابيه حيل اسمع كلام يغث لو ينرفز نفسيتي تعبانه لاحظو تعبي ولما ايدها بأيدي ..

سعاد ..شبيج بنتي ..

لما ..عندها فقر دم ..

رائد ..بقلق..اخذج للمستشفى..

نور..لا ماكو داعي بس اكل واصير زينه ..

الجد ..سوولها عصير شونذر كلش زين للفقر دم والغدة أكلي كرفس هواي ..

نور..تمام .كعدت بصف عمه وسلمت عليها وهي قدمت البيض كدامي والحليب بس شتميت ريحة البيض لعبت نفسي ركضت للحمام استفرغ كمزت من حسيت أيد خشنه على ضهري ..

رائد..هذا اني شبيج ..

نور ..لعبت نفسي من ريحة البيض ..

رائد ..بقلق وشك ..ليش ..

نور ..ما دري معدتي تكلب ودوخه عندي ..

رائد ..تمام العصر اخذج اسوي تحليل خاف فقر دم حاد ..