الكاتبه انثى ملائكية
للعنة الحب
ااااخ وينك؟؟
خل اسولفلك تعال.
براس اذاني شگد داگه حجاياتنه.
احنه عشرتنه مثل خبزه_ويتيم
يعني بس الله يطب بيناتنه...
#شصار؟
#ليش؟
#شلون؟
#معقوله!!
#محال.
ما اصدك تختلف_نياتنه.
ذني: #راحن
ذني: #طاحن
ذني: #هيج
خلي نحسبهن عدل حسراتنه
واكفه بنص عيني ذيج الذكريات
وجدمي واكف يم اثر خطواتنه
احنه واحد كلمه صارلها سنين
منين طلعت كلمه اثنيناتنه ...
🖤💔🖤💔🖤💔🖤💔🖤💔🖤💔🖤💔
.
.
.
نور ...شمرت نفسي على جربايه واني تعبانه جان اليوم جد متعب وثكيل عليه اتنفست بقوة واني اسحب الهواء حتى يملي رئاتي وينعش جسمي الي خدرت اطرافه وتعب من كافة أنواحي النفسيه والجسديه انتبهت لما تبباوعلي وهي ايدها على خدها ضحكت بس عيوني بيها خيط حزن دفين خليت ايدي على خدي وسولفت الها لعنة الحب الي اصابتني وخلتني ضحية غبائي لاني ثقيت بشخص غريب وهي قابلتني بردود ما مصدكة وشي دافعله..
لما ..معقوله يغدر بهاي سهوله زين اذا ما يحبج ليش سوا وياج علاقه وخلاج تحبي ..
نور ..مررت اصابيعي داخل شعري واني اسوي مساج احس راسي نار وصداع قوي ..صدكيني هواي اسئله بعقلي ومحتاجه الها أجوبة تعبت حتى من تفكير تصدكين من شفت الفستان تذكرت عيونه الي مثل البحر كلما جنت اشوف عيونه أخذ نفس عميق واستعد للغوص داخل نظراته يعني للحظات اكتم انفاسي واني اباوعله واتعمق بنظرات عيونه الزرك صار لوني المفضل من اول لحظه شفت لونهم الي يأسر الأنفاس..
لما ...أوووه واصلة مرحلة من العشق انتي غركانه بحبه ...
نور...ميته بحبه وما كاعد أكدر اعيش كلما اصفن أتذكر عيونه وشكار رموشه وحواجبة وخاصه من تصير عليهم شمس يلمعون مثل سما بيوم مظلم والنجوم تلمع وبريقها يسطع مرات أريد الزم وجها واتلمسه واتقرب منه حتى اتنفس انفاسه شي بداخلي يكلي انتي مخبله والله ابتعدي عنه عيب وهواي أشياء تمنعني عنه ..
لما ..همزين ضليتي بعيدة وما سويتي الأشياء الي بالج والا هسا تعضين اصابعج ندم الي سوا بيج مو قليل صح اني انطي مبررات اله بس ما يعني أني احبه وادافعله انتي هسا مكسور كلبج ابتعدي هاي الايام ولا تفكرين بي ..
نور ..إن شاء الله احاول ..درت وجهي أريد أنام وضليت اتكلب ماعرف شكد مر وقت يلله نمت ...
.........................
أيمان..اليوم خروجي من المستشفى ونفسيتي تعبانه هواي مديت ايدي وخليتها بأيد امي وايد ثانيه بأيد اخوي رفعت نفسي من سرير ومشيت وياهم طلعت المستشفى واني اتنفس الصعداء صعدت بسيارة ونطلقنا للبيت دخلت وابوي ذبح ديج جوا رجلي واخذني بحضنه باسني ابتعدت عنه وسلمت على هدى واخواني دخلت للغرفه نمت على دوشك وهدى كعدت يمي..
YOU ARE READING
لعنة 🔪 الحب
Romanceالتقت اعيونه حسيت نفسي غصت بين عيونة زرق الغامقة مثل موج البحر العاصف وبي لأالئ حلوو هواي ويسحر المقابل بلعت ريگي بصعوبة بالغة وهوا يركز بعيوني سحب نفس عميق حتى يهيئ نفسه للكلام .. محمد..احب شي لگلبي أبلدي الأم مجتمعين سواا .. نور..ابتسمت وكتله ..ما...
