لعنة 🔪 الحب

part 24:انتحار

آنثى ملائكية

لعنة 🗡 الحب

لما ..كفيت رداني وأني امد ايدي بالسطل واخذ وصلة المسح حتى أنظف البيت باجر يطلعون نور من المستشفى وجدو قرر هذا الأسبوع العرس اني حيل خايفه عليها هذا زواج بالإكراه من طرفين وهيج قرار مصيري راح يؤدي بحياتهم إلى تجربة فاشلة نهايتها اما الانفصال او تعب نفسي كملت الصالة وأني مشغول بالي حتى ما حسيت بنفسي من نظفت اخذت السطل ورحت غسلته وشريت الوصله باوعت بالسبتان كاعد قائد وبيدة كتاب يقرا تحت ظل شجرة التفاح ابتسمت عليه كأنما شخص طالع من رواية طويل وصاحب عضلات وفكه عريض وعيونه حادة مثل الصقر ولونهم عسلي بلعت ريكي ودرت وجهي من حسيت بنغزات على جتفي ..

رونق ..اشبيج صافنه ..

لما ..افكر بنور ..

رونق ..هااا بنور متأكدة ..

لما ..خزرتها ورديت ..رونق الفاهيه روحي مني لا ابتلي بيج ترى روحي بخشمي ..

رونق..على كيفج شنو كلت واكلتيني ترى اني كائن لطيف ما اتحمل هيج تهديد يأثر على نفسيتي الكيوت ..

لما ..رفعت حواجبي وحديت سنوني ..تروحين مني بهاي لحظه لو اهجم عليج وافترسج مثل لبوة غاضبة ..

رونق ..بخوف رايحه اسم الله شبيج ..

لما ..ابتسمت صفح وأني اضحك واشوفها طلعت من المطبخ تمشي سريع شكد فطيرة رجعت اباوع للبستان وفزيت من شفت قائد واكف يم الباب ومكتف ايديه ورافع حواجبة ويبتسم ابتسامه جانبية جذابة ..

قائد...لما انتي لبوة ؟!!!!

لما ..كتفت ايديه ورديت بثقة...اي لبوة ..

قائد..رد بقرف...يعععع شكد اكره الابنيه الي تشبه نفسها بالحيوانات ...

لما..فتحت عيوني على وسعهم وهوا تجاهلني ودخل للبيت عااااااا حسيت صفارات الانذار اشتغلت بأذني اني اعلمك قائد انت الحيوووووان مو أني اتنفست بعمق ورجعت اكمل تنظيف وامي ونها سوون غدا وريما تمسح الأثاث ورونق وياها كملت كلشي ورحت توضيت وصعدت دخلت غرفتي وشفت قائد ماخذ راحته على جربايتي نايم وايد جوا راسه وايد ثانيه لازم كتاب يقرا بي حمحمت وهوا باوعلي بنظرة جانبيه ورجع يباوع بالكتاب عصبت حيل وتقدمت عليه سحبت الكتاب من ايدة ..
شعندك بغرفتي امشي اطلع منه ..

قائد...سابقا هاي غرفتي ..

لما ...خليت الكتاب عالمجر و كتفت ايديه ..حاليا هاي غرفتي ممكن تطلع..

قائد..برود واذا ما طلعت شنو تسوين ..

لما ..انت ليش استفزازي ليش خال عقلك وياي ذنيج خواتي وبنات عمي ليش وياي بذات هيج تسوي ..

قائد..ببتسامه جانبيه..يعجبني ..

لما ..ضيقت عيوني ورديت ..يعني يعجبك تأذيني شوفني محروك دمي ..