#رجل_تحت_الحظر
#الحلقة_الثانية_وخامسون
#للكاتبة_ريم_محمد
#لايك_كومنت
~>~~
سحر: مشيت الكوافير. وجهزت نفسي.
خطمت علي محل الورد. اللي جنب العياده. واخترت باقه ورد. وحطيت معاها. كرت. كتبتها بيدي
وقتله ركبه له وسلمه له بيده وهذا رقمه ون عليه
روحت. للشقه وجهزت العشاء علي مهلي. اها هنا اليوم. مناوب عندي وقت كافي كلمت. ساره وهدرزنا وحكتلي علي ربيع ونصحتها تفوت
عبدو:خطمت علي محل. وخديتلها حديدة ذهب عمري ماهديتها وهي اللي. تهديني مش خساره فيها خشيت عملي. وانا بنحاول اندور حد. نبدل معاه الليله. بس للاسف كلهم محد ساعدني.
قعدت ولاول مره. نشتغل بدون رغبه نبي نروح بدري اليومين تلفوني امتاع الورد طلعتله في الممر. واستلمته منه كانت باقه شهدددددارررررره كبيره وحمرا بدن التعليقات من الدكاتره
خطمت وداد ورعش جسمي من نظرتها
خشيت للمكتب. وقريت الكرت
مساء الخير ياحبيبي
عبدو زوجي حبيبي دكتوري وبات وليدي اليوم اسعد يوم في حياتي ذكره زواجي منك ياغالي مرايف عبدو ونراجي فيك تروح علي احر من الجمر.ربي مايحرمني منك ولأمن طلتك علّيا يااحلي زوج انحبببببك لاخر. يوم في عمري واخر ساعه واخر دقيقه واخر ثانبه
عبدو: ابتسمت وزدت قالق. نبي نروح.
رنيت عليها وحكينا. وكانت في قمة الرومانسيه. لسانها اليوم كله عسسل
عبدو::.خلاص. الليل طويل نبي نروح
سخر:: امالا انا شن نقول. نراجي قاعده ومجهزه نفسي والشقه ومجهزه دارنا يارب يعبجك حبيبي التغيير
عبدو: اي شي منك نحبه ويعجبني. سحورتي. بكرا. انا خلاص نبدا اجازه. ونبدو نلمو. دبشنا نحطوه عند هلك ونسلمو الشقه وعلي كندا يامددددام
سحر:: عبدو افرض جتني الولاده في الطياره
عبدو: ههههه معايا العده نجيبك مش مشكله
سحر: تعرف اني
مكنتش حابه نسافر قبل الولاده لاسباب عرم
عبدو: عشان امك وهلك
سحر:اها واعره بكريه وبعيده عليهم
عبدو: انا معاك متخفيش بادن الله نعوضك غيابهم
سحر: عارفتك متقصرش. حبيبي انت
بس السبب الثاني هوا كنت. متمنيه نجيب علي ايديك ووليدنا انت تقطع الحبل السري امتاعه
عبدو: نجيبك في الخوش. مش مشكله ونقعد معاك متخفيش
سحر:: لالا نخاف. ههههه
عبدو:: خوافه قتلك. كلمتيش ساره
سحر :: نرن. متردش بدو. جوهم. اكيد. عاد حاجزين هوتيل. وفيلو. وجو الجماعه صدقو روحهم زفتهم
عبدو::ربي. يهنيهم ااااه
سحر:: شكلك نعست
عبدو:: اه. شوي. تي مفش حالات. وكساد
سحر: تعرف ارقد شويه باش تروح ناشط.
عبدو: ههههههه تصبحي علي خير ياعروس بعد ساعات زفتنا انحبك
سحر: ربي يخليك ليا ولابحرمني منك طووووول العمر
عبدو:: طلعت الكافي البنقلا طلبت قهوه خطمت شفت وداد. حاولت تجي تحكي صديتها ورديت غرفتي
وداد: زي مااتفقنا حط هذا مال قهوه دكتور اوكي
البنقلا: اوكي
وداد:: ربع ساعه وخش عليه تأكد. رقد ولالا ونعال قولي
عبدو: عَلِيك. بدل ماتنشطني. القهوه زدت دايخ اخخخ
فردت. جسمي. علي. الكرسي ومعششششش نندري. علي شي
وداد: تاكدت. رقد. بسرعه هيا رقد.
حودي اللقطات بطريقه. مقنعه انه واعي تمام
الممرضه: حاضر هيا را حد يشوفنا
وداد: خشبت للمكتب درت لقطات بطريقه عاطيه ظهري ونازله عليه ويديه ماسك علي رقبتي. كانت مهمه صعبه
خصوصا ان المنوم قوي المفعول
لقطات عررررم درناهن
ممرضه:: دكتووه عيب شن اديري
وداد: مش شورك. انتي صوري وبسسس
فتحت بطم سوريتي وحطيت راسه علي صدري.
خديت الصور مع تسجيل. قديم ولقيتها فاتحه فايبر. دزيته. لها
سحر:: صكرت. منه ودزيت مسج. لساره. اجعل ليلتها ضاويه. وسمايلات طوووول الوقت معش با. يمشي جاني مسج فايبر
اووووف هُذِّي شن تبي مثقلها
اول شي جاني التسجيل
كان يلح عليها تجيه المكتب مرايف
بعدها مسج. شوفي زوجك كيف يحتفل كان ههههه
وبعدها صور فتحت الصوره انصدمت قعدت نرن. عَلَيْه ميردش. وبعدها دارلي مشغول انفتح الجهاز. عنده. وسمعت صوت. ضحكتها وبسرعه. صكر
نار ركبت فيا. ملقيتش روحي الا. مغيره دبشي وغاسله وجي.من المكياج وطاااالعه. نجري. ركبت سيارتي. ومدققتش. في الساعه عمري مادرتها نطلع نص الليل نسوق بس النار. تاكل. فيا
طلعت بسرعه جنونيه. الطريق فاااااضيه والشوارع هااااديه وصوت قلبي ودقاته حاسه كل اهل المدينه. ممكن يسمعوه. وصلت للعياده ونزلت بسرعه
وداد:عرفت انها جت. خشيتله نوضته. صبيت علي راسه ميه
عبدو:: انفجعت نطيت شنو هذا حاس بدوخه وجسمي. مرتخي
انت شن درتي اطلعي برا. برا
وداد:: حبيبي انت ناديتني وين نطلع كنك
عبدو:اطلعي مش متحمل نشوفك
وداد:قربت منه ومسكت يديه بالقوه.
حرام عَلِيك. انا انحبك
ونموت فيك. انت حبيبي
سحر:: فتحت الباب بالشويه شفت. اللي صدمني ورا مكتبه لاصقه فيه. ماسكه يدي. شعره وجسمه ميه يبحت فيها وهي تحكي في كلام حلو.
عيطت. وخشيت.
مااااشاءءءاالله. برررافووو. يادكاتره.
برافو. يازوجي يلي مستخيل. نفكر نخونك. فعلا مستحيل. تخوني. وفعلا ياوداد انا زي ماقلتي غشيمه وعبيطه
صدقتك وحاولت. نسكت شكوكي حاولت نمسك نفسي ونهدي روحي ونقول هُذِّي من افعالها تبي تفرق بينا. بس للاسف الاخ متجاوب معاك عندك حق
عبدو:فكيت يديا وقربت منها دايخ
سحر وطي صوتك وانا نفهمك انا كنت راقد كنت في حالي ونعد في ساعات باش. نجيك تفاجأت بس صبت علّيا الميه صدقيني
سخر: صدقتك ووووووووووووووواجد وامنتلك وووووووووواجد بس للاسف انت خاين بعت حبي للطاهر. النظيف اللي حبك بدون مكائد ولا نجاسه
لوحده رخيصه. خايلين علي بعضكم علي فكره
طلقني عبدالرحمن. طلقني. وبالثلاثة وعيش حياتك واحتفل بيوم كااااان زواجك. بيوم اشهار حبك الجديد مع الحبيبه القديمه
برمت طلعت. نمشي بسرعه. ودموعي ينزلن بغزاره مش شايفه حد جنبي ولاقدامي كانت صدمه قوووووويه. عليا
عبدو: سحر بنطلع حسيت روحي مزلت مش متوازن ودايخ.
وداد: قربت مسكته راك اطيح ههههه
عبدو: دفيتها ونزلت حفيان. سحر. سحر. وقفي. واسمعيني
سحر: حاطه يديا علي وذاني ونمشي
عبدو: ياحبيبتي اسمعيني. انامظلوك
سحر:: قعدت نسرع في خطواتي وظهري. ليه.
عبذو:: زي المجنون. قدام الناس نمشي حفيان ودبشي مبلول
قعدت انادي. صكررر الباب. متخليهاش تطلع.
سحر:: افتح الباب بنطلع
عبدو:: جيتها نجري مسكتها
انتي فاهمه غلط. انا كنت راقد
سحر: انت خاين. انت كذاب
عبدو: مسكّت يديها. صدقيني مظلوم صدقيني منها الخقيره وانا مستعد نثبتلك
سخر:: بالصوت عندي التسجيل اللي يثبت
بالصور عندي. الصور اللي نذبح.
انت ضحكت علّيا وتمشي فيا عشان بس نجيب
ليششش. انا شن نقصت عَلِيك. عشان نستاهل.الخيانه
انت طعنتني. في ظهري وكسرت قلبي.
عبدو: انا انحبك ومستحيل نخونك
سحر:: فكيت يديا منه وانا من اليوم نكرهك ومنقرفه منك
برمت فتحت الباب. وطلعت
عبدو: ليششش تفتح. ليشش.
ياسحر صدقيني مظلوم. مظلووووم
سحر: قطعت بدون مانركز. ووووو
عبدو:: سسسسسسسسسسسسسسسسسسسسسسسسسسسسسسحرررررر
سحر::
عبدو:: جيت مسكتها. سحر. ردي علّيا. انتي تسمعي فيا سحر. حبيبتي ياعيوني ردي علّيا
سحر:: قتلك ااانم وووت. ل و خنننتني
غبدو:: انتي راح تعيشي راح نثبتلك اني مظلوم
سحر: مسكّت يده العيل. يتحرك ببببببببيينزززل. قاااعدد بببينززل. ولدددني. عبدو علي يديك.
عبدو:: بحتت حالتها متتحملش طبيعي مفش جهد عندها.
رفعتها وخشيت. نجري. بيها حطيتها علي الباريلا
بسرعه غرفة العمليات. بسررعه
كلمو. الاشعه. كلمو دكتور العظام كلمو جميع الدكاتره بسسسسرعه تحركوووو
عبدو: قعدت نحاول نمسك. يديها وهي تفك فيا
خشينا العمليات. واول عمليه نخاف منها اول عمليه نحس بالرعب والرهبه منها.
دكتور:: في نزيف. عندها
عبدو: كيف. اندير. والنزيف انا مش عارف. شن اندير. انا مرتبك
بنج نصفي دير. احسن.
جيت قدّامها ومسكتها كتفتها. ززززين
سحر: حول نبيكش نبيش نفسك
عبدو: حبيتها علي راسها غصبا عنك. نفسي متعلق بيك.
توكلت. علي الله. بديت فيها. يديا. يرعشن من. التوتر والخوف
طلعت العيل. بحتت. فيها وابتسمت
سحر : جيبه نبي نشوفه
عبدو: قربته منها. شفتي. من كثر ماتحبيني جا شبهي.
سحر:: جيبه خاطري نرضعه
عبدو: راح ترضعيه ياعيوني ساعه ونعطيك ترضعيه.
كملت العمليه. ونزلتها العنايه
شنو دكتور
الدكتور:: ادعيلها دكتور انا درت اللي علّيا. بس السكر عالي الضغط عالي
عبدو:: باهي هذين. مضاعفات طبيعيه يعني. باذن الله نحاولو نسيطرو. عليهن
دكتور: دكتور ارحم. عيونك. دموعكً. منشفنش
عبدو؛ انا السبب انا السبب. نحساب بطريقه هُذِّي نقدر ناخد اللي نبيه ونستفيد
نسيت ان. النزين متنحطش جنب النار. وان الوسخه طول عمرها تقعد وسخه
وينها الحيوانه. وينها بنت الكلب.
الدكتور. عدت شفتها طلعت.
عبدو:: تلفوني نرن علي هلها
مسكّت تلفوني ولقيت روحي نرن علي وسيم. نرررررن ميردش. تذكرت. انه اليوم. عيد. زواجه واكيد مش لاهي.
~<>>>
نجوي:: عليوه مش فاهمه انا ساره كيف جت لمحمد
علي:: حتي انا مش فاهم. بس تعيط باسم ربيع واجد. وتقوله قول. الصدق قال عصام
نجوي: ربيع لا شن ربيع عشان يشيلها. الموضوع فيه لغز
علي:: هاااي اي. لغز. رد. بالك. تحطي. ولو. واحد في الميه نسبة سك في خويا ومرت خوك
نجوي: اكيييد صدقني مش شاكه وعارفه اخلاق ساره كويسسس بكل
علي: استفقدت عبدو وينه.
نجوي:: تصدق لهيت ونسيت نرن. عليه. اصلا. ربيع. رن قالي متشهدريش زياده توا يهدا والموضوع. ينحل
علي: قلتيلي. اخري ربيع من الاخير خوك هذا مش زارطه وحاس وراه المصايب
نحوي:انا منسمحلكش تحكي هك عن خويا
علي:: بالله عَلِيك. هذوما هل امك. في عز المشكله تطلع في كلام عيب علي خويا تي كلام كذب وافتراء. منها لله
نحوي:: ماما عصبيه مش قصدها. توا تهدا. وتنكر. الكلام
علي: نجوي. اسف وعارف مهما كان. هذوما هلك بس للاسف هلك غريبين
نجوي:: ياربي وسيم مزال قافل تلفونه
علي: الصراحه منلوماش موقف صعب. انحط فيه من شقته وغرفة نومه اوووووف
نجوي:: فتحت الفيس شفت منشورات تاق لسحر وعبدو
هااااه ااااه يارب
علي:: بسم الله كنك شن في
نجوي:: سحر في العنايه
علي: ترا لا اله الا الله.
رني عليه رني. علي خوك
نجوي: رنيت. وكان. منهار. مقدرتش نتحمّل.
خلينا نعدو منقدرش نسيبها توا
علي:: الفجر. بيطلع يانجوي. خليها. الصبح نشيلك
نجوي:: مدخلنيش. توا شيلني توااا
علي::هيا باهي عَلِيك يوم صعب
نحوي:: لبست بسرعه ومشينا
اول ماشافني انهار وقعد يبكي ويقول نجاح وداد قتلنها.
علي:: لاحول ولاقوة الا بالله اهدا. ياراجل باذن الله. تنوض طيبه
نحوي: البيبي سم صحته
عبدو: كويس خدوه في الحضانه
نجوي:: ياربي. شن اللي صاير اليوم. استغفرالله يوم مشؤوم. العشيه وسيم وساره وتوا انتم
عبد::وسيم كنه. شن في
نجوي:......
عبدو::وصدق. الغبي صدق تي هذا ملعوب. من اختك وخوك هذا الحقد. اللي مالي قلوبهم ساره مديرش هكي انا عارفها
علي:وصدقني ولا خويا الاثنين طاحو. في خدعه حقيره
~>~>>>
ساره:: نضت الصبح علي رنت تلفوني. مسكّت الجهاز وابتسمت
الو
وسيم: عروستي صباح الخير
ساره::صباح الخير الساعه كم
وسيم: 11.
ساره: غريبه هُذِّي النوضه
وسيم: لالا نايض بدري مشيت العمل غير. توا قلت انوضك. خلاص تنشطي سادك نوم
ساره::شن ورأيا خليني راقده
وسيم: وراك شغل ياعروس. الساعه سبعه نمر. ناخدك.
ساره: حاضر. هيي صبيت
وسيم: ديري عيونك زي الزفه قطوسه مكاره
ساره: ههههه عجبتني منك حاضر
وسيم: خلاص صبي عَلِيما. فطرتي. ومش قلتي تبي سوق
ساره: انا. قلت نبي سوق
وسيم: اها. قلتي تبي تاخدي. هديه. ههههههه
ساره: ااااهههههه. لا منيش واخده بس صاح نبي سوق توا نمشي مع عصام
باي توا
صبيت فطرت وبرمت علي الخوش.
نجاح:: طالعه انتي
ساره: اها عندي سوق. وبعدها ماشيه الكوافير
نجاح:: دايرين سريب انتم وعات عبدو. علي عيد زواجكم
ساره: فرحتنا مبالغه. فيها ممكن بعدين مو احتفلتي قبلنا
نجاح:: بس عماد مش امتاع. جو رومانسيه وهك
ساره:: حرام عَلِيك. عماد اكثر شخص. رومانسي
يلا انا طالعه عصام يبيب
نزلت مشيت للسوق شريتله ساعه وموبايل غلفتهن ووقتله. خلاص حطني في الكوافير.
عصام: ذكرتيني بيوم زفتك شلتك الكوافير.
بس في اختلاف في الملامح يومها كنتي تبكي وعلامات الانكسار والحزن مرسومه عَلِيك بس توا مبسوطه ورايقه
ساره:لو كنت. نعرف اني بنتريح هك مكنتش حزنت ولاحاولت نعارض نصيبي
عصام: ربي يسعدك
ساعه كم نجيك
ساره: توا يروح بيا ربيع
عصام:: ساره فكك من وجيجه توا نجيك انا
ساره: تطمن العيل كويس قعد متخفش علّيا
نزلت للكوافير. وكان زحمه. وبدت فيها درت تسريحه ومكياج كامل. تلفوني في الشنطه مفطنتش بكككل
وسيم:: طلعت من العمل. بدري علي الحلاق ومنها روحت. الشقه. خديت. دبش. . والفيلو
تدوشت وجهزت نفسي. لبست. بدلة جديده. وطلعت نطلع في الشناطي في السياره
ربيع:: اووو. أناقه وهبززز. عريس رسمي
وسيم: ههه اهو. نسجلو ذكره حلوه بدال هذك اللي لعبتوها علينا
ربيع: لا حقاتك. وعقبالي
وسيم:شن صار فيها. البنت. المسكينه
ربيع:: لاخلاص. ليا واجد. نهيت علاقتي بيها امي صعبه ونبيش نظلم البنت
وسيم:: مرات كلامك صح امك فعلا صعبه وغير تزيد. تكدر البنت
ربيع:: تي علي من تتصل وفايتك اللي تنفخ ههههه
وسيم:: علي ساره. بس شكلها مزالت مش. فاضيه. يلا. انا طالع. ورأيا حاجات
طلعت للهوتيل. نجهز في الغرفه اول. ماخشيت تذكرت يوم زفتنا وكيف كانت منقرفه مني. بس توا متاكد. انها تموت فيا. ياعيني. علي الثقه ياسيمو. ههههه
تمام الغرفه هك. توا نمشي. ناخد الهديه.
طلعت وخديتلها سلسه ذهب
ساره:: ياااي شكرا. بكككل مدام المكياج يُجنن احلي من زفتي زمان. خصوصا القطوسه المكاره. هههه
رنيت علي ربيع وقالي هي جايك
وسيم:: جاني. اتصال من رقم. غريب رديت كان صوت راجل قالي كلمتين وصكر
الاتصال: خلاص وسيم. راحت عَلِيك. وسارة. ردتلي.
وسيم:: الو. الووو صكر حاولت نرن مفش رد ركز في الرقم. اها هذا شبه اللي كان يرن وساره قالت نور رديت رنيت. عليها. ردي ياساره. رددددي
حطيت. خماري وطلعت رن تلفوني وسيم خفت وقعدت مرتبكه معرفتش شن انقول ربيع قولي مع عصام. طالعه ساعه ونروح
وقتله زي مقالي ساعه وتعال مزلت عندي مشوار
حي علّيا تقول حس اسألته. غريبه
ربيع: لاعادي وين بيعرف. اصلا شويه ونرن عَلِيك تنزلي
مسكّت تلفوني ودزيتله. مسج انا مجهزه من قبل وتوا رسلته
خديتها مني وهي اصلا ليا وتوا ردينا لبعضنا حبيت انقولك ونخفف الاحراج. عليها لان حبيبتي متحبش تزعل حد وشايله هك. كيف تخبرك وسيم انا محمد. وحاليا ساره عندي في الشقه اختصرها. عليها وسيم وطلقها
الشقه شارع. دبي وراء عياده المروه عمارة رقم. الدور الاول الشقه علي اليمين اسسسف بس ساره تعبت تحاول توضحلك وانا حبيت. نختصرها وانت تنهيها
وسيم: حسيت بيدي ترعش. رديت. رنيت عليها. متردش
زادت النار فيا ركبت سيارتي وطلعت بسرعه. علي العنوان
ربيع: هذ العماره . انزلي الدور الاول. الشقه اللي علي اليمين
وخودي هُذِّي باقة ورد مديها لها.
ساره:: تتحركش
ربيع:: شوفي مفش مكان ندرس. خليني نعبئ بنزين ونرد عَلِيك
ساره:: امبه. متاكد. قاعده
ربيع: اها متاكد قاعده اركبي بس
ساره:: نزلت نخب. لحماري نعمش
><><?!?
محمد: جاني اتصال. واحد يبي يشوف الشقه اتفقت معاه ومشيت للشقه. نراجي. فيه.
رن الباب. قلت هما. فتخت مرا مختمره
ساره:: محمدانت شن جابك. هنا
محمد::هُذِّي شقتي
ساره:: معناها غلطت ممكن البنت الشقه المقابله
محمد:: اللي مقابلين مسافرين لهم شهر
ساره:: كيف حي. علّيا غلطت في العماره معناها
رنيت. علي ربيع
ربيع :: ساره انا في الزحمه. راجيني قدام العماره كان هذا
ساره:: طلعت شقة ولد خالي
ربيع:: خلاص كويس راجيني شوي خير ماتقعدي في الشارع
ساره:: قعدت مصبيه
محمد: خشي عَلِيما جاك
ساره:: لالا خليني. قعدت نرعش ومرتبكه وبديت بنبكي
محمد:: رن تلفوني الراجل اللي بيشري
ساره. مش حلوه. وقفتك هنا. خشي. الدار. عندي واحد جاي بيشري الشقه
ساره:: لالا توا ننزل. خلاص
محمد:: يابنتي عَلِيك. الامان وخشي وتردي لراجلك. سليمه. ياهبله. مس محمد اللي يغدر. ولا محمد اللي. يدمر حياة حد. ربي يسعدك وانا حاليا منتمناش غير السعاده لك رن تلفوني اهو ركب. شكله
ساره: باهي. نخش المطبخ
محمد:هما يبو يشوفو. صرف الصحي. للحمام والمطبخ خشي بس بسرعه ويطلعو
ساره::خشيت داره وانا متوتره وجسمي عرق. حميت رفعت الخمار
وسيم:: ركبت. للعماره. ورنيت الشقه
فتح محمد
محمد:: وسيم شن اللي قاعد يَصير.
وسيم: ساره وين
محمد: ساره شنو. بطل هبال شن يجيبها عندي
وسيم: دفيته وخشبت. ندور
محمد: تي ساره شن بيجيبها.عندي
ساره:: سمعت محمد يعيط بس مفهمتش شن صاير. زدت خفت طلعت تلفوني نرن علي ربيع مقفل
زدت نرعش.
انفتح باب الدار. وشفته
وسيم: صبيت مصدوم
محمد:: وسيم جابها خوك غالط في العنوان ساره متعرفش شقتي
وسيم:: برمت عليه. مسكته مع رقبته انت شنو تحاول تلعب علّيا توا جاني مسج منك توا قتلي قاعده عندي توا دزيتلي العنوان
ساره: وسيم حبيبي صدقني انا منعرفش بلكي. هوا متنفق معاه بس انا منعرفش
وسيم:: برمت عليها لا بعرف وتعرفي انتي وسخه ونجسه
انتي حقيررره.
محمد:: سيبها ياوسيم متمدش يدك. عليها انا منسمحلكش. تمد يدك عليها
وسيم:: انت تسكت. ياواطي. نفس الفراش اللي خناتك فيه مراتك.تبي تخوني مع مراتي عليه
محمد:: انت جاهل وتافه افهم قبل. تحكم وتهترس بالكلام
وسيم:: ضربته. شن نفهم. بعد جايتك من للكوافير. شن نفهم. بعد. جايبه الورد. معاها احمر لعشيقها
ساره:: شراه ليا ربيع صدقني. شراه عشان صاحبته
وسيم:: اااسكتي ياكذابه كل شي بتحطيه في ربيع.
ربيع سيب البنت. وانتي مزلتي علي نفس الكذبه.
محمد:: ياراجل افهم. عيب اللي تقول فيه
ساره: وسيم وين ماشي. وسيم. خودني معاك. انا. حامل. وسيم
وسيم:: ساره انتي طالق طالق. طالق
محمد:: انت متهور. غبي شن درت. ليششش هكي
ساره:: لا وسيم متسيبنيش. وسيم تعاال
قعدت نجري وراه وهوا يدف. فيا. حسيت. بالدنيا سووووودت. ومعش نندري عاي شي. الا وعصام فوقي
محمد:: طاحت. علّيا ارتبكت رنيت. علي عصام وعماد.
عصام كان قريب. وجاني بسرعه. قعدنا نحاولو انوضوها بالعطر والميه
ساره::فتحت عيوني عصام وسيم وينه انا. نبي نشوفه فهمه انا مظلومه عصام. رن عليه. شفت محمد. عيطت
انا مزلت قاعده. هنا انت. حقير. متفق معاهم انت متفق معاهم علّيا ليششش محمد ليشش
محند: صدقيني منندري علي شي. اتصل. بيا واحد. يبي الشقه
عصام:: محمد مدخلاش ياساره واضح الزفت. هذك نبهتك ياساره نبهتك منه
ساره:: نبي وسيم عصام. عصام انا حامل بتوم. خليني نقوله. توا. يفرح ويصدقني.
عصام:: صبي ساره. انا وياك نعدوله وسيم يحبك وراح. يفهم. منك احكيله من جابك وليش وهوا يفهم
ساره:: ااه صح. هوا يحبني وراح. يفهم
محمد:: دق الباب. صبيت فتخت كان عماد. خش محنون بدون مايفهم. مسكني وبدا. يحاول يضربني طحت علي يدي.
ساره: عماذ شفت ربيع شن دار فيا عماد وسيم يحبك. كلمه. فهمه
عماد:: ياحيوانه. يافاجره. شن جابك هنا. مزلتي. في موالك. انتي وياه
عصام:: تي سيبها يامجنون سيبها البنت حامل. سيبها.
ساره: قعدت حاطه يدي. علي بطني. وكاشه. نبي نحميهم. نبيهمش ينزلو. عماد خرام انا حامل.
عماد: خود اختك قدامي
هصام :: حول. يامجنون حضنتها ونزلت. بيها. مشينا حوشهم وكان ربيع موجود ونجاح.
ساره: شفته. جيته نجري انت ياحقير. لَيش درت فيا هكي حرام لَيش. هكي فيش اذيتك انا عشان تخرب سمعتي تخرب بيتي لَيش. انا مرت خوك. ربيع انطق عدي لوسيم وقوله الصدق
عماذ:: ربيع انت خديت ساره لحوش بنت انت تبيها اليوم
ربيع:: تي انا ساره مشفتكش ليا واجد
عصام:: ياكذاب انت أمس. جيتها. انت اليوم بسيارتك شلتها. انطق الصدق ياكلب احكي
ربيع:: تي نحكي بالكذب يعني انتم اصلا علي شنو تحكو وكنها ساره عماد كنها اختك
نجاح: تي كنكم شن في ساره حبيبتي كنك
ساره:: كذذذابين. عماد. هذوما سبب اللي صار
عماد: أمشي. قدامي
ساره:: لالا انا نبي نقعد في حوشي منيش متحركه
عماد:: وين تقعدي. اطلعي قدامي سادنا عار وفضايح
عصام:: مسكّت ساره. وبرمت عليه
صدقني ياربيع. عملتك. هذ. انا نحاسبك عليها اناندفع ثمن خراب. حوش اختي. وثمن. اللي هي فيه توا بسببكً
حضنت ساره وطلعت
حبيبتي اهدي. ياساره مش قاعد خليني نحطك في الحوس ونرد نراجيه لين يجي. قدام حوشهم
ساره: الهوتيل. وسيم قاعد ففي الهوتيل. اكيد قاعد في الهوتيل
مشينا وقالو. مجش.راجينا ساعه مجش وتلفونه مقفل
عصام:: ساره ساره
ساره:: ظهري. عصام. ظهري يوجع فيا
عصام:: من التعب ساره. خلينا نروحو. وتتريحي ونرد انا ندوره ساره انتي ترعشي. لازم تروحي
روحت بيها غصب
وسيم:: طلعت بسرعه من شقته ركبت. سيارتي. وقعدت نبررررررررم ونبرررررم درست. عند الصابري. نزلت قعدت علي الصخره. الموج يضرب فيا الجو صقع. بس مش حاس بشي لَيش ساره ليشش.
هذا الشي اللي من اول زواجنا مفروض درتيه. هذا قصدك انتي لك واجد. متغيره رديتي مقرفه مني. وكارهتني. هاجرتني لك من طلاق محمد عمرك مانسيتيه انتي دمرتيني ساره دمرتيني
بعد عطيتك الامان طعنتيني. كسرتيني قعدت في مكاني. ساعات ظلم الجو. وانا مستوه في مكاني
سمعت صوت طياره رفعت راسي شفتها. تضوي
تذكرت طيارتي علي الفجر. كنت داير مفاجأه سفره. علي السويد. بعد عرفت معلومات عن امي كنت نبيها تدور معايا وتساعدني وناخد منها الدعم والامل. بسس. خديت منها خيبة الامل.
صبيت. ومشيت الهوتيل خديت دبشي والتذاكر. روحت الحوش
خشيت باتجاه شقتي.
عفاف:؛. هاااي انت وين خاش
وسيم: مرديتش. وكملت طريقي
صبيت قدام الشقه مفتوحه دبشي مطرطش. برمت عليها. من دار هك. ليششش. اديري هك
عفاف:: حبيبي الشقه نبيها. وبعد اللي ماتتسمي. خناتك. وورقة. عماد. انحرقت. نوا. حلاص. الحوش اطلع منه ملكش شي عندنا
نجوي:: ركب محمد وجه اصفر
محمد:: كلمي علي بسرعه
علي:: شن في شن صاير
محمد: مصيبه وورطه ياعلي. ..........
نجوي :: هاااه
محمذ: نجوي عدي لحقي. فهمي خوك. قوليله انت فاهم. غلط وخوك ربيع هوا اللي حطها
نجوي: انا مش فاهمه شي
مشيت وخشيت الجنان. صوت. عياط ماما
علي: اعود. بالله منها
قدمت للشقه
وسيم:: حطيني حصتي ووعد وجي. معد تشوفيه هاتي حصتي في ورثي. لان انا بروحي معش نبيكم
عفاف:: ملكش. عندي شي. اهو بيع وشراء. من باتك. الحوش. حوشي قانونيا وانت يلا. اطلع برا. انت والفاجر اللي واخدها. قتلك من اول يوم جبتها. مصيرها راميتك
وجايني. ووقتها ملكش مكان عندي
نحوي: ماما خرام. عَلِيك انتي شن تقولي وقته.كلامك. هذا
عفاف: انتي شن جايه تبي انتي كيفه ملكش شي عندي. انا عيالي نجاح وربيع. كلا انتي. مغصوبه
علي: ياابله. عيب كلامك. علي فلوس تلزي الراجل. من. حوش باته عيب تعيبي. في مراته
عفاف: لا نعيب ونحكي. بنت عمتك. صايعه هي وخوك. اصلا انتم عيله ساقطه. مراته خناته. وتوت بنت عمتك وخوك
علي:: احتررررمي نفسك. والا. نعرف كيف نسكتك انتي ام مراتي ومزلت ماسك اعصابي
نحوي:: وسيم وين ماشي
وسيم :: خشيت خديت. اوراقي ودبشي
نحوي:: ساره مظلومه. ياوسيم. اسمعني. مراتك
عفاف:: ااايييي
نجوي:: ماما كنك حبيبتي. علي. تعال شوفها. ياعلي. ماما تتألم. تسمعش فيا
علي:: تمثل يانجوي. وهذي عندها قاب باش تحط يدها عليه
عفاف: نجوي. سيبيه لو تبي رضاي فكك منه. اللي مايحترم هلك
علي:: نجوي هيا
نجوي:: بس ماما
علي:: امك تمثل. وانا في السياره. خمس دقايق متطلعيش. نولع ونمشي
نجوي:: ماما سامحيني. بس. انا منقدرش نخرب حياتي وندمر زواجي
بحتت شفته بدا يحرك السياره يؤخر.
بختت. وخرت وطلعت نجري. فتحت السياره وركبت
علي: انا اسف بس امك.
نحوي:: سيب سيارته وعدا زعمك. عند احمد
علي :: خليه. يقعد بروحه يفكر. ويهدأ وبعدها نحكو معاه
~<~>~
وسيم:: مشيت المطار. بدري قبل. وقتي. نراجي خديت زاويه وقعدت سارح بروحي.
مرررر الوقت. نادو. علي الطياره صبيت بسرعه نبي نهرب من بنغازي وساره وحياتي اللي مليانه جحيم.
ركبت الطياره. وحسيت اني رد بيا الزمااااان وانا مزلت رجل. تحت. الحظر. طول. عمري منبوذ طول عمري جاهل ومغيب. ياريتها مافكت الحظر. عني ولا شفت الدنيا وحبيتها. ياريت خلتني في زنزانتي. ونمشي جنب الساس خوفا. من ظلم. عفاف.
كنت راجل. تحت الحظر ومازلت. تحت الحظر.
وراح نقعد طووووول عمري. تحت الحظر. بنغازي مليش فيها حد. وووعهد علي نفسي. معش نعتبها
كانت رحله طويله. قعمزت سارح نتذكر في اول مره نركب طياره. كانت معاها. كانن اجمل لحظات حلمنا بمستقبلنا. وتخيلنا شكل عيالنا. بس كان حلم فعلا واحلام اليقضه لا تتحقق
مر الوقت وانا متوتر ومش عارف علي شنو عابي في اللي ماشيله منعرفش حد وماشي بالبركه. مجرد اسم المدينه اللي هي فيها منعرفش شي ثاني
خدا في عيني النوم. نضت. مفجوع. علي شخص طاح
قالو اعمي صبيت نشوفه لقيته مروان نزلت عليه
مروان كيف. حالك. أناوسيم
مروان:: وسيم. شن جابك هنا
وسيم: قصه. ندور علي شخص. جاي. وانت بروحك جاي
مروان:: لالا. معايا بنت عمي بس هي صبت الحمام طولت صبيت نبي نشوفها لَيش تاخرت
وسيم:: اها.
قعدت جنبه نهدرز
مروان: روان طولت. البنت نفسيتها تعبانه وخايفها ادير في روحها. حاجه
وسيم:: توا نصبي ندق نشوفها. ولا نقول المضيفه
صبيت جنب الحمام. روان روان
روان: فتخت الباب مستغربه
وسيم: فتحت عيوني انتي.
روان: من انا ااه لحظه مش انت الشاب اللي شفناه في تونس
وسيم: اااه انا وانا شفتك في بنغازي في الجامعه
روان:: ممكن مش متذكره
وسيم:: انتي. كنتي تبكي
روان: شوي مضايقه
وسيم: مروان مشغول عَلِيك
مشيت معاها لمروان
روان:: يلا مروان ماشاءالله اهو. في صديق مسافر. معاك. تغير جو معاه
وسيم: الصراحه ماشي ومنعرفش شي. في السويد.
روان:: هجره
وسيم:: تقريبا.
روان::وصلت
بابا عنده فندق. راح تنزل فيه لين ادبر امورك.
وسبم:: مشكوره اختصرتي عليا البهدله.
مروان:: كيف وسبم هجره. مراتك وين
وسيم: طلقتها.
مروان:: شنوووو
وسيم: بعدين نحكو. مروان حاليا نبيش. نحكي
~<~>~~
رنده:: انا لازم نعرف قصة الاثاث اللي في الدار. خاطري نعرف شن قصة نيروز
حسام:: رنده انا طالع طلبوني في الخطوط نقدم اوراقي ومرات. نطول.
رنده: تمام عدي
خليته طلع ولبست نزلت
خشيت علي امه تعمش. تبي. تصبي
قربت منها مسكّت يدها.
امه:: قعدت. نتلمس. بنعرف من
من انتي
رنده:: انا رنده
امه:: كيف حالك يارنده
رنده: استغربت
الخمدالله
امه؛: حسام شن دابر معاك
رنده:تنهدت
كويس
امه:؛ معلش يارنده اللي مايعرفك يجهلك سامحيني يابنتي بس انتي جيتي. في ظروف قعدتي ضحيتهن
رنده:: ارجوك احكيلي
امه:: تحكيلك صاحبه القصه لو حابه
رنده:: نيروز
فيروز: اه. نيروز يارنده. نيروز. اليتيمه. ضحية الذئب حسام
رنده: فيروز انا منعرفش شي صدقيني مش انا خطافة الرجاله فهميني لاني بننجن
فيروز حاضر تعالي معايا
فيروز:: انا واختي امنا متوفيه. باتي متجوز بس شبه ميت في نظرنا لان مش مدورنا. عشنا في بيت العيله. حوش جدي. كبرنا مع عيال خلاتي.
خالتي. حبت. تطمن امي. في قبرها. خطبتنا نحن. الاثنين لعيالها وقرينا الفاتحه بس عشان انا الأكبر. تجوزت ونيروز. صغيره. مخطوبه لحسام. كان يستغل فيها وهي عشان تحبه غبيه توافق
كان يهدد. فيها يسيبها لو. قعدت. قفل. علي قولته ومعقده
قعد ماشي معاها في اسلوبه وعشمها. ويطمن فيها انها مراته شرعا. خدا منها اللي يبيه
حملت نيروز. وهوا زي مادار معاك. عيط عليها وضربها
عرفو هله وفرضو عليه خلاص الفرح يطلع. الشقه مش شقتي. هُذِّي شقتها والدبش مش دبشي. لا هذا اثاثها. كانت فرحانه. تشري. وتجي بروحها ترتب. خلاص حابت كل شي. بس مزال شنط. دبشها
وطلب منها تنزل العيل. جابلها دوا وعشمها هكي خير عشان حياتهم وهكي صدقاته خدت الدوا وكان قوي. عليها سببلها فشل. كلوي. وهي في عز. ازمتها. مزال علي الفرح فتره بسيطه طلقها ودار وجيج لهله معش يبيها. انكسرت. اختي وتعبت. نفسيا وصحتها تدهورت وهوا من كثرت الدلع هدد خالتي ياتوافق عَلِيك يااما ينتحر وفعلا دار روحه بينتحر ورعشو عليه ووافقت عَلِيك
رنده::ياربي فيروز صدقيني انا منعرفش.
انا منعرفش. كان متجوز غريب علاء مقاليش
فيروز:: ممكن مايعرفش لانه. كان ميحبش يبين. الموضوع لحد. عشان يصيع براحته. اختي ياااما. عانت. من وراه. خيانات. ووسخ وقرف
بس توا تخلصت منه
رنده:: انا مصدومه بيلي سمعته انا مش فاهمه لَيش هك كذب علّيا
ركبت. وانا خايفه. منه. وكارهته.
بس شن. نبي. اندير. لو واجهته. انا الخسرانه. حطيت يدي. علي بطني. كسرتني. ياريت ماحملت. ياريت وين نمشي بيك وبين نقعد بيك
><~<>
محبه::علاء كنك زعلان. يعني. وليد في حد يكره. بكريته وليد
علاء:: نبيها بنت. قبل ويجيب. علاء. قبلي. العيل وهوا يسمي.
محبه: تنهدت اااوه
يعني انت علي الاسم. مغرتش علاء من كلامي عليه وتقبلت. كل شي قلته وجايبني ندير. عمره عليه
جاي توا بتغير من اسم
علاء: مش. قصة اسم. بس واعره علّيا
تناديه يوسف حبيبي.
محبه: ابتسمت. يعني هذا السبب يابيبي
بجد. علاء انت. طفل بيبي.
علاء:: بيبي عينك
محبه: يعني. ياحبيبي
اللي بتقول. يوسف حبيبي
متبيش تقول. يوسف. ياقرد ياغبي. ياحمار. ههههه
علاء::نعرفش هك جا في بالي
محبه: لا. حبيبي. العيل انا بنعطيه. لامك. واتفق معاه علي الاسم سموه يوسف. احمد. حمزه اللي هواالمهم. امك. حابه الاسم
علاء:: وامي يوسف.
خطرها كنها امي مش عاجبتني حتي الطلوع مبتش. تطلع معانا
محبه:: تحلم بساره. مشغوله. عليها وتكلم. فيها متردش. رنت علي وسبم. مقفل. وعصام. رد وكل مره يقول حجه
علاء::حسك. خوفتيني
رنيت علي. عصام وعرفت. القصه. واكثر شي قهرني الفسخه. عماد
يارب مرر الساعات. بسرعه نبي نروح
~<>>>
عبدو: يارب يارب طمني عليها
الدكتور. ؟
#يتبع..