(مرحبا حبايب شلونكم؟؟؟...
شخباركم...
ان شاء الله تكونون بخير...
وان شاء الله المطر الي نزلت اليوم بأرض العراق الطاهرة تكون مطر خير ورحمة، وسعادة وراحة لكل العراقيين...
خلونا نترحم على الشهداء والضحايا الي استشهدوا على اثر التفجير الارهابي الي صار بناحية القيارة بمحافظة نينوى، حسبنا الله ونعم الوكيل...
#كلنا- العراق...
احب اهديكم باقات ورد محملة بعطر الياسمين من ارض الموصل الحدباء لكل محافظات العراق...
تحياتي).
#قصة- هوانا.
بقلم:-
#ضي-الدليمي
نور...اهلا، منو حضرتك.
-ما عرفتيني؟.
نور...لا والله بلا صغرا بيك، معرفتك اعذرني.
-انا مهند...
مهند الي جنت وياج بالكلية.
نور...اهلاااااا، اهلاااااا بيك، اووووف يالله شكد مر وقت على شوفتك، الله يرحمها لذيج الايام شكد جانت حلوة.
مهند...ههه، شكلج نسيتيها.
نور...لا والله ما نسيتها، ليش منو ينسى ذيج الايام الحلوة.
مهند...شنو قابل راح نظل نحجي هنا تعالي نكعد بكفتيريا نحجي.
نور...ماكدر خليها على غير مرة، اجيت وي ريم بنت خالتي وحاليا دتشتري كفر لموبايلها.
مهند...اي مو مشكلة تجي تكعد ويانا.
ريم...هلا نور كملت ترا (باوعت ريم باتجاه نور وعلى وجهها علامة استفهام، دتتسائل منو هذا).
نور...جبنا سيرة القط جاينا ينط، ريم، اعرفج بمهند زميلي بايام الجامعة اذا تتذكرين مرة اخذتج وياي للجامعة جان عدنا سفرة وكملتي تلعبين وياه طوبة، تتذكري لو لا، صارلي ثمن سنوات مشايفته.
ريم...اهااااا تذكرته، اهلا بيك اخي.
مهند...بالمهلي ريومه، اكول، ترا نحنا ميصير نظل واكفين ثلاثتنا هيج ونحجي، خلي نكعد بمكان.
نور...مهند خليها على غير مرة.
مهند...منو يكول راح اشوفج غير مرة، تعالي نكعد بكفتيريا والله ما ااخرج.
نور...ماشي.
نور...
مرت سنين وسنين، ثمن سنوات تقريبا مشايفته، اخر شي عرفته عنه انه اتزوج بعد تخرجنا، شفته صدفة بالمول ويا محاسن الصدف، رجع بيا الماضي الى ايام الجامعة، الله على ذيج الايام شكد جانت حلوة، ياريت ترجع، بس شيرجعها، لو بيدي ارجع الماضي، بس الماضي ميرجع، كعدنا بكفتيريا المول، طلبنا عصير، وكعدنا نحجي اني ومهند، وريم كاعدة ويانا بس ولا يمنا، حاطة الهيفون باذانها والموبايل بيدها ولا على بالها شي...
نور...احجيلي شخبارك شنو جديدك، مبروك زواجك ولو اجت متاخرة شوية.
مهند...هواي مو شوية، ولو ما كايلتها احسن.
نور...يااااا، ليش.
مهند، انفصلنا اني وزوجتي.
نور...اوووو، اسفة.
مهند...لا يمعودة على شنو تعتذرين، احجيلي انتي شخبارج.
نور...بيانه مصيرنا متشابه.
مهند...شلون يعني.
نور...مو مهم، معندك اطفال.
مهند...بلى عندي، عندي بنوتة عمرها 7 سنوات.
نور...الله يحفظها.
مهند...متزوجتي، مصار عندج جهال.
نور...لا تزوجت، واطلكت بس معندي جهال.
مهند...شنووووو، اطلكتي، شنو ويمته وليش، شو بالله احجيلي، منو هذا الي صدك وردة مثلج.
نور...اتزوجت قبل اربع سنين تقريبا، من اخو صديقتي، وانفصلنا.
مهند...اعتذر عالتدخل الزايد، بس شنو وليش.
نور...لا ابد، عادي، بس متفقنا وانفصلنا.
مهند...معندج جهال، عندج هم لو عند ابوهم.
نور...هو من الجهال انفصلنا.
نور...
حجيتها سالفتي وفتحت جروح قديمة جانت عايشة بداخلي، بعد معرف بوضعي وبعد محجيتله عن كل الي صار وياي من البداية الى النهاية والحادث الي صار وياي، كلش انقهر عليا، وحسيت الدمعة بين عيونه، صراحة اني همين دمعن عيوني، بس حبست الدمعة ومردت دمعتي تفضحني...
نور...عوفك من مشاكلي وطلايبي، سشمها بنوتك.
مهند... اسمها نور.
نور...لا انت من صدك تتشاقه.
مهند...لا والله من صدك اسمها نور، ليش اجذب عليج.
نور...اووووه يعني اسمها على اسمي، ههههه.
مهند...حتى تدرين بي شكد جنت احبج، سميت بنتي على اسمج.
نور...مهند حاليا ما وكت هاي السوالف.
مهند...فعلا، ماكو داعي افتح جروح قديمة.
نور...يالله اني تاخرت، ماكدر اتاخر، بعدين خالتي يظل بالها يمنا.
مهند...نور اكدر اخذج رقمج؟، يعني نتواصل، او الفيس بوك مالتج، اهم شي نتواصل.
يعني اذا ماكو اشكال واذا ما اسببلج احراج.
نور...لا عادي اكتب رقمي يمك، وطبلي للفيس.
نور...
وكتب رقمي وسجله عنده، رجعنا للبيت، وبطريق الرجعة تذكرت الماضي، لمن اعترفلي بحبه وصديته، كلبي جان متعلق بادم بشكل مو طبيعي، ولحد هسة...
شكلت ما صارت مشاكل بيني وبينه بس ابقى احبه، وعندي احساس انه بيوم من الايام راح نرجع لبعض، راح نرجع مثل اول، صح هذا الشي مستحيل بس ماكدر انساه، وماكدر اطلع من دائرة الوهم الي عايشة بيها، شما زادت مشاكلي وي ادم يظل زوجي السابق، وبيوم من الايام جان المفروض يصير ابو جهالي، بس شاء القدر ومصار ابو جهالي...
ورجعنا للبيت، ومن طبيت وكانه رجع نفس المشهد الي قبل سنوات، من اخذت ريم وياي للكلية، ومن شافت مهند لاول مرة...
ريم...نور شبيج صافنه.
نور...هااا، لا ماكو شي.
ريم...شلون ماكو شي، باعي لروحج، صافنه وضاربة دالغات.
نور...دا افكر.
ريم...بشنو.
نور...بالماضي.
ريم...وشنو الشي الي صار من الماضي والي دتفكرين بي؟.
نور...اليوم من شفت مهند رجع بيا الزمن ليورا، تذكرت من جنا طلاب جامعة، شكد جانت ذيج الايام حلوة، وماكو منها، بس، ماكو شي يستمر على وضعه، تغيرنا، وتفرقنا.
ريم...حلو انه تتذكرين الماضي.
نور...واذا اتذكر ماضيي وي ادم، حلو لو لا؟.
ريم...اهوووو، همين رجعنا لادم.
نور...اي، ومراح نخلص منه.
ريم...لا لازم تخلصين منه.
نور...ريم انتي بعدج صغيرة، متعرفين شعوري، متعرفين شنو يعني اقرب الناس الج يكسر بيج، بعد ما فقدتي كلشي لاجله، متعرفين ادم شجان يعنيلي، ولحد هسة شيعنيلي.
ريم...اني ادري بل حجي هذا، بس حبيبتي، ترا الحياة تستمر وي ادم وبدونه، الحياة عمرها موكفت على شخص، فما راح توكف على ادم، هو عافج، وتزوج، وهسة مرته حامل مثل مكلتي، فأنسيه.
نور...يا ريت اكدر انساه مثل مكلتي، على كل، خلي ننزل نساعد خالة بالعشا.
ريم...يالله.
نور...
على الرغم من صغر ريم، بس احسها تفتهمني، صح اني وهي كل ثلث سنوات او اربعة يالله نتشاوف، بس عندي اتصال وياها دائما، وعلى الرغم من فارق السن بيني وبينها، بس برأيي انه ريم صديقة قريبة بالنسبة الي، وتفهمني علطاير...
الكل ديشجعني على نسيان ادم، بس ما اكدر انساه، عقلي يريد ينسى، بس كلبي يرفض، وما بين هاي الصراعات الي دتصير بداخلي، بعدني حية ارزق...
جنت كاعدة اكلب بالموبايل بعد العشا، ومهند حجا وياي عالفايبر...
💬هلاو...
موجودة؟.
💬هلا...اي.
💬شتاقيتلج...كلت احجي وياج.
💬ههه، تشتاقلك العافية، احجي.
💬اليوم من شفتج رجعتيني للماضي.
💬حتى اني.
💬بس شعورج مجان نفس شعوري.
💬ليش شلون جان شعورك؟.
💬ماينوصف.
💬حاول توصفلياه.
💬رجعتيني لكسرة كلبي من تقدمتلج ورفضتيني.
💬مهند، حاليا اني بوضع مخيليني احجي بهيج سالفة سخيفة وقديمة.
💬سخيفة!!!...
شو انتي متهتمين لشعور غيرج.
💬مهند، اذا راح تحجي بذاك الموضوع فاسترخص اني.
💬لا هاي هي، خلاص، سديته.
نور...
مهند حجه وياي ورجعني للماضي، لسالفة حبه الي، شكله مراح يصدك انه اني مو اله، لاني لادم، وراح ابقى لادم، واذا مصار اليوم الي ارجع لادم بي، فمستحيل انطي كلبي وعقلي وكلشي الي لشخص غيره، بعدين سدينا الموضوع ولفينا السالفة وحطيناها على جنب وكمنا نحجي شوية...
💬ممكن اسالك سؤال.
💬اكيد.
💬ليش طلكت مرتك؟.
💬متفقت وياها.
💬شنو سالفتنا منتفق وي ولا شخص.
💬هاي مو مشكلتنا، ولا مشكلة الطرف الاخر، نحنا ممتفقين وي الطرف الاخر.
💬فعلا، اوصفلي بنوتك، صراحة حابه اشوفها.
💬يجي يوم ان شاء الله وتشوفيها، اسمها نور، سميتها على اسمج، بيضه، شعرها اسود قصير وي الرقبة، عيونها رصاصيات، نعومة مثلج.
💬يااااااااي، حبيبتي شكد حلوة، فدوة اروحلها، شهيتني اشوفها.
💬كتلج...
يجي يوم وتشوفيها.
💬عايشه وياك لو وي امها.
💬وياي بس متعقلة بامها هواي، مع العلم انه امها متشوفها كل 14 يوم مرة.
💬يااااا خطية، شلون تكدر مشتوف بنها الا كل 14 يوم مرة.
💬كلبها غير.
نور...
ظلينا نحجب اني ومهند، غيرت جو شوية بالحجي وياها، سالته على بنته، وقهرني عليها، وصفلي شملها وكلش حبيت اشوفها، المسكينة مظلومة، امها ولا دايرتلها بال، شنو ذنبها تدفع غلطة امها وابوها لاختياره للطرف الاخر، صعب الطفل يربه بدون ام، وبدون اب، اذا امه وابوه منفصلين، لا الام راح تعوض مكان الاب، ولا الاب راح يعوض مكان الام، والا الطفل، صعب يتربه مشرد ما بين الاثنين...
يتبع...
1172 كلمة...