#قصة-هوانا
بقلم:-
ضي-الدليمي
نور...
مرات الدنيا تجبرنا نسوي شغلات مجانت بالحسبان، ولا علبال، ولا علخاطر، مثلي الشي الي سويته اني، لزمت موبايلي، ودكيت على مهند، صار يدك، وفتح الخط...
مهند...الو؟.
نور... مهند، العرض الي عرضته عليا بعده جاري.
مهند...شبيج نور.
نور...مهند جاوبني...
عرض الزواج بعده جاري.
مهند...اي.
نور...موافقة.
مهند...نعم.
نور...مهند اني موافقة.
مهند...شبيج نور، انتي صاحية.
نور...مهند اني موافقة اتزوجك، بكامل قواي العقية اكول اني موافقة، موافقةةةةةةةةةة، ياناس يا امة، يدنيا، يا عالم، يا امة محمد، اني موافقة اتزوجك.
مهند...مدا اصدك، واخيرا اقتنعتي...
نور...
خلصت اتصالي وي مهند، واعلنت موافقتي عليه، مر على هاي الشغلة اسبوع، واني مموافقة داخليا بس اني وافقت حتى اكسر شوكة كلبي، مهند قرر يجيب اهله يخطبوني بشكل رسمي، واهلي دروو بالموضوع، وصار النقاش...
ابو اسيد...نور انتي نوافقة على هذا الشاب، لو لا؟ لتخجلينا ويجون من الموصل لهنا وانتي مراضية.
نور...لا بابا لا، اني موافقة.
ابو اسيد...خوش لعد، الله يتمم البي الخير.
ام اسيد...امين.
اسيد...اكو نور.
نور، شكو.
اسيد، يدرون بشغلتج ذوله الجماعة.
نور، اي يدرون.
ابو اسيد، خير ان شاء الله، بس نحنا همين لازم من يجون نحجي وياهم علمود هاي الشغلة.
نور، اوك ماكو مشكلة.
مهند...
بعد يومين اروح لبغداد اخبطها واريّح كلبي واغفى واني مرتاح، ممصدك انه نور راح تصير، وراح اخلص من عذاب كلبي، والي احبها حتصير الي، مرت اليومين واني اعد الدقايق حتى اشوف بت كلبي، وفعلا رحنا وتمت الخطبة بس تفاجئت من ابوها كال...
ابو اسيد، ابني مهند انت تعرف بوضع نور، تعرف بانه هي ميصير عدها اطفال.
مهند، اي ادري عمي، ادري.
ابو اسيد، ابني اسمعني زين انت ربك عطاك بنية والله يحفظها الك وتتربى بعزك ودلالك، بس بنتي ربي مرازقها بذرية، فولهذا اريد بنتك تعيش وياكم انت ونور، حتى نور متظل بعازة الضنه، واني اكفل بنتي انه تربي بنتك احسن تربية، ووالله العظيم ماكو اطيب من كلب بنتي بالكون.
مهند، عمي اني ادري بطيبة كلبها، وان شاء الله نور بنتي تعيش ويانا.
ابو اسيد، بس اني عندي طلب غير هذا.
مهند، ادلل عمي اني من ايدك هاي لايدك هاي.
ابو اسيد، ابني ترا اريدك تتخذ قرار نهائي بخصوص الزواج، يعني ماريد تتزوج وبعد فتؤة تكللها اريدلي ولد يشيل اسمي، وتتزوج عليها، ترا بنتي مابيها حيل ينكسر كلبها اكثر من هيج.
مهند، لاعمي لا، ان شاء الله ماتجي هاي الافكار براسي ابد، متكول عندي نور بنتي ونربيها اني ونور يعني مراح احتاج شي.
ابو اسيد، عفية تليك ابني ربي يكثّر من امثالك.
نور...
تمت الخطوبة وعقد القران الحمدلله، بس اني بكلبي مارايدته، ومامقتنعه انه يصير زوجي، بعد اسبوعين عرسنا، ومراح يكون عرس، بس يجي ياخذني من اهلي وهاي هيَ يعني مرايده عرس وهلاهل، هذا شرطي...
فكرت بيني وبين روحي يربي شلون بلوه، اني جذبت الجذبه وصدكتها، لازم الكه حل واكله عن تهوري، لزمت الموبايل ودكيت عليه...
مهند...
جنت ماسك اوراق القضية الجاية وجاي احقق بيها وادرسها عدل، ودك موبايلي باوعت للشاشة نور المتصل، ردت عليها.
-هلاو حبيبتي شونج
-زينة وانت.
- بخير مدام سمعت صوتج.
- اكلك مهند.
-كولي.
-مهند اني مجاهزة للزواج.
-نعم؟!.
-مثل مسمعت اني مجاهزة.
-ليش حبيبتي خوما بيج شي.
-لامهند لا. افهمني زين، مااكدر اصير زوجتك مو بس علورق.
-شنو؟!، شهالحجي نور، قابل شنو.
- مهند اريدك تسمعني ومتقاطعني.
-احجي.
-مهند ترا اني لمن كتلك موافقة كلت الكلمة غصبا عني، جنت توني داريه بابن ادم، موقتها ادن اجاه طفل واني من حركة كلبي صرت ابجي والطم بعدين دكيت عليك وصار الي صار.
- نور قابل احنا قشامر عندج وعد الي خلفوط،شبيج نور شبيج يعني تريديني ازوجج علورق بس علمود جنتي ضايجة. نور هذا مو منطق. شبيج نور كافي عاد رحميني رحمة لابيج(يحجي بصياح).
-مهند الله يخليك اسمعني.
-سكتي نور سكتي بالله. مابيه اتحمل حرف واحد منج.
مهند...
لا ياربي شلون والتالي، والتالي وياها مردت كلبي، يعني زواج على ورق، مو برضاتي ولا بكيفي، شني هاي، يعني وكانه رادت ترضي روحها بيا واني ولاكانه، مكالت هذا بشر وعنده احاسيس ومشاعر، سديت الموبايل منها، وبلا وعي، طشرت كل الورق الي جنت جاي اشتعل عليها، وركعت النفاضة بالكاع، وبلا وعي كمت ابجي، اي، ابجي، مو بس المره تبجي الرطال همين، من يعيش الي دا اعيشه وي نور، اقل شي يبجي.
نور..تندمت على سوايتي وي مهند، لا اني الي اكدر اعتذر، ولا اني الي اكدر افسخ الخطوبة، ولا اني الي اكدر ازوج ومو بس علورق، بزعت من روحي طكت روحي من حياتي.
مرت ثلاث ايام عدل وهو مادك وسأل عليَ ولا اني سالت عنه، كلت بعده عصبي مني خلي يرتاح، مرت اكثر من اسبوع بعده ومادك، وامي تسال شونج وي مهند وهو شلونه واني الغمط السالفة عليها، الا ماجنت كاعدة بالحديقة وحاطة الهيتفون باذاني ودك الموبايل.
مهند المتصل.
-الو.
-الو مهند شلونك ليش متتصل وتسال ظل بالي يمك والله العظيم.
- نور بلا لغوه سمعني زين، اريد اكلج...................
٧٥٩ كلمة...
YOU ARE READING
قصة هوانا
Romanceنشعر بأن الحياة تصنع لنا ما نريد، وبعدها نكتشف العكس. نحب بجنون، ونشعر بأننا سكنا قلوب من نحب، وبعدها نكتشف العكس. نصل الى نهاية صبرنا، ونشعر بأن الحياة قد اغلقت ابوابها بوجوهنا، وبعدها نكتشف العكس. ويبقى السؤال....هل القادم اجمل؟....هل نستطيع ان نج...
