#رجل_تحت_الحظر
#الحلقة_السادسة_والأربعون
#للكاتبة_ريم_محمد
#لايك_كومنت
ساره:رنت علّيا نسرين حكتلي. قعدت في نار وجوي شين وعقلي يدوي. علي محمد.
وسبم: ساره. تقدري تخيطيلي. كم سوريتي.
ساره: حاضر. مسكّت. يده. نحيط. في. البطمه.
وسيم: قعمدت نحكي علي المعهد والمصنع.
ساره ساره تسمعي فيا
ساره: ها محمد
وسيم: نعم. ها من. فكيت يدي
ها من. من امبدري وانا نحكي وحضرتك من معايا سارحه. تاريتك في محمد. ربي فضحك زلقتي في اسمه
ساره: وسبم. اهدا ارجوك. واسمعني.
وسيم:: معندي ما نسمع. سمعت وخلاص سارحه فيه. وتفكري. فيه شن نبي نسمع اخري.
انا طالع ومرات نطول.
ساره. :: ياربي زمق هذا. ناقصني. انا.
اوووف. قعدت. متواصلة. مع عصام لين عرفت. اللي صار. كله. زدت انشغلت. علي محمد
بس تذكرت. اللي طلع زعلان. رنيت عليه.
وسيم: طالع من العصر. مخطرلهاش ترن تنشغل الا توا الساعه 10 مبيتش نرد عليها. زدت. عندت وقلت منيش مروح انوريها البرود مشيت. لاحمد وكسدت. شوبه. بعدها. طلعت. الساعه 11بدري مزلت نبيها تنشغل وين. نمشي وين وووووين. اه تمام. مشيت كسدت حنب شباب اصحاب. يلعبو في كارطه ويسهرو. قعدت معاهم. خداني. الوقت. للساعه 2:30 بحتت في تلفوني. عررررم مكالمات ومسجات منها
ساره: قعدت مشغوله عليه نرن ومحد يرد. دزيتله مسج
ياعيوني رد حرام عَلِيك
سيمو. رد علّيا. راني في نار
لو زعلان مني انا اسفه مش قصدي. وتعال ونشرحلك لَيش. كنت مشغوله عليه
وسيم::روحت
ساره: كنت في الدار. طلعت نجري
وين كنت لعند توا
وسيم:: كنت وين ماكنت. شن دخلك
ساره:: عنجد شن دخلك وسيم رد علّيا كويس. شغلتني. عَلِيك وين كنت
وسيم: واجد انشغلتي. علّيا حسيتك مشغوله طالع من العصر. ومخطرلكش تنشغلي الا الساعه عشره
ساره: مو انت عطيتني العلم تبي اطول قلت خليه علي راحته ومش داعي نزعجك
وسيم:: بس طلعت زعلان منك. مفروض تزيدي ادوريني مش تفوتيني. جو ملح. ازعل ولا تطربق
ساره:: لالا عَلِيك. بطل تفسيراتك. الهبله. ياحبيبي انا كان عقلي مشغول بمحمد. صاح بس لان محمد صارت معاه كارثه وبروحك لما تسمعها راح تنصدم
وسيم: مبيتش نعدل عليها وخشيت الدار نغير.
ساره:: لحقته.
سيمو. انا اسسفه افهم القصه قبل.
وسيم: مبيتش. نعدل. غيرت دبشي. وخشيت الحمام
ساره: ياربي كالعاده طبع معفن فيه. يصكر وذانه وعيونه. بعد يزعل.
طلع من الحمام. جيته اخري.
عاد. اسمعني ولو مره. وبطل. حركات الاطفال. هُذِّا. وسيم.الطبع اللي فيك هذا منحباش طبع شين وظالم يعني. افهم قبل وبعدين أسم. غلطت فيه. ومش حاجه عار وكبيره درتها يعني
وسيم: مبيتش نرد وخشيت للفراش
ساره:: عطاني ظهره خشيت جنبه
علي يعبرك باهي. ملح معش بنعدل عَلِيك
برمت تغطيت. وعطيته. ظهري
اووف. نعرفش نرقد هكي. انا قعدت نتقلب
وسيم:: لو. سمحتي. اثبتي وبطلي حركه
ساره:: لو. سمحتي. عنجد طروحك. طفل
وسيم: تمام. تحركي براحتك. مخليها لك الدار
خديت مخدتي وطلعت للصاله.
ساره::اووف. حاولت نرقد مقدرتش. صبيت. بخيت عطري وطلقت شعري وطلعت. خشيت. جنبه
وسيم:: تي شنو هذا. تي تي اوووف حولي بطلي براده ياساره
ساره:: مبيتش. نعدل عليه. خشيت جنبه ومسكت فيه.
انحبك
وسيم::ساره قتلك حولي خلاص
ساره::وأنا قتلك انحبك حرام عليك بطل تبهدلني انحبك انحبك انحبببببك
خشيت فيه وقعدت نبكي
وسيم:: ياقلبي وانا نتعب معاك. بشتي مشاغبه رايحه تجرح وتداوي
ساره: مو ياعيوني انت تتسرع وتسمعش للاخر ديما بسرعه تحكم وتعصب
وسيم::كان عقلك مشغول به
ساره: ماتعبتش وسيم مقتنعتش اني نسيته وانت وبس حبيبي خلاص سسسسنه زواج قربنا نصكروها. ومزلت تغير وداير وجيج من اسمه
ياحبي عاد تقعدش زي المعقد حسام. متخليكش. زيه
انت غير. شخصيتك غير. انت متفاهم وجنتل
مش كيف هذك متخلف. وغبي
وسيم:: ايوووا لسنيني وكولي بعقلي. حلاوه.
ساره:: تي انت الحلاوه. انت الطعامه انت حبيبي. السسسسمح.
وسيم:: تي نموتتت انا فيك########
><~~
ساره:: دزيت مسج لعصام ها شن صار حصلته
عصام:: عديت للمزرعه. لزني يبيش حد
وسيم:: طلعت نمسح في شعري ونحكي خششي. بسرعه سيبت الميه دافيه
ساره:: وسيم محمد طلق مراته
وسيم:: نزلت المنشف وبحتت فيها انتي شن عرفك.
وشن دخلك به طلق وترمل
ساره:: هدا سبب. انشغالي. به امبدري. الموضوع واعر اكتشفها تخون. فيه. وجايبه واحد في الشقه.
وسيم: شنووو. معقوله يعني قصدك. شافها. ولاسمع
يعني خيانه خيانه ولاكيف بالزبط
ساره:: خيانه خيانه
اسمع انت حط القهوه وعليما. تدوشت. وخلينا نقعدو رايقين نحكو. تمام
وسيم:: شكله. موضوع شيق. خشي بسرعه. الميه تسرف
<~>>~
ساره: عليش فاتح الروشن صقع
وسيم: خليه شويه. انحرقت مني القهوه غببت الشقه
ساره:: وكيف صار وين عقلك.
وسيم:: نفكر في محمد وكيف خيانه
ساره:: شفت. يعني. موضوع عقلك ينشغل عادي. معش ادير طروح. وتمسك علّيا
وسيم:: امسكي. فنجانك. واحكي هي
ساره:: ...... وهذا اللي صار.
وسيم: يعني انتي شايفتها من يوم فرح لَيش ماحكيتي راني. نصحتك شن اديري حرام يقعد مخدوع ثلاث شهور.
ساره:مفش دليل. هي. شاطره شكت. اني نحكي لعلي. وحست. بتصرفات نسرين. ودارت حسابها. بس. في الاخير. انكشفت
وسيم::ووووواووووو موعرها. ياااه. مراتك. مع واحد في شقه. الله يعنيك. يامحمد
تي هُذِّي مصيبه
ساره:: ولا اللي تقهر. مخلوش يعطيها كف. يمسح كبده. علي. لزها وقاله يدك الطاهره حرام تتدنس بوسخها
وسيم:: مفروض لو انا منه نرميهم من البلكون. لالا البلكون. متجيش. هوا في الدور الكم راه يطلع الاول. ههههه
ساره:: نعرفش أصلا مش شايفتها شقته ههههه
وسيم: حمار مفروض معدلش علي حد وضرب الرصاص فيهم. تي القتل. وشويه عليهم
ساره:يلا توا هوا. نفسيا تعبان وزايد. زعلان من عصام وعلي ومني انا عشان ثلاث شهور وهوا. يعاشر فيها ومخدوع ولا. يدز في الديلفري يوكل في عشيق مراته. ويشري في الهدايا. علي اساس لراجل صاحبتها وهي يذوقها له وتاخذ في حاجته. وتهدي
وسيم:: الله يعينه مسكين حسبت ظل من الساس عاكس
ساره: بسم. وسيم كنك. تبحت شن
وسيم: طلعت نجري ندور. مفش حد. اوووف. هرب. الحيوان. رديت. للشقه
في حد كان. تخت الروشن. شكله في سراق في الجنان ومن صوتك. فطن. هرب
ساره:: ياماما رن. علي نجوي وربيع. يفطنو
وسيم: رنيت. علي ربيع طول مارد وقالي راقد شن تبي. قتله. انت كنت. في الجنان أنكر. طلعنا دورنا. ولقينا. اثار. سلوم هارب ناط. علي الجيران
~<~>~>
عبدو:: اشااااعاااات يادكتور. اشااااعاتت. انا متجوز. ومراتي الكل. عارف. قصتي معاها وكيف نخاف. عليها مستخيل. نفكر. في وداد. هُذِّي
الدكتور:: بس الكلام. كاثر. عَلِيك. خصوصا بعد كلام سحر. اخر مره. وعياطها الممرضين والدكاتره حسوو انك انت ومداد. في بينكم شي.
عبدو: تركزش معاهم. فوتهم. المهم انا شنو. وعارف نفسي. كوووويس الباقي. منيش مدورهم ومراتي. فاهمه اسلوب التلقيح والطروح. امتاع الصبايا الفاضيات
><~~|
#روايات_منقولة
عبدو::: شفتي. اخر هبالك وتهورك وين وصلنا. اهو الكلام اللي هي تبيه. صار. هاه تريحي توا
سحر:: عارف انا كرهت العياده نفكر. نسيبها ونجي معاك.
عبدو:: يستحسن. هك يَصير.
المهم. انا متغدي. عند هلي وانتي كالعاده خليك عند. هلك.
سحر:: عَلِيك قصه قعدنا يوم اللي انت تتغدا عند هلك انا عند هلي
عبدو:: بلكي. بعد تولدي. امي. قلبها. يحن عَلِيك يلا. نتلاقو. اللليل. باي توا
عبدو:: مشيت حوش هلي. امي مش متقبله سحر وانا نبيش نخلط الامور انا نواصل. امي. وخوتي. وسحر. كرامتها. عندي مهمه. يومي نخليها عند هلها. وهي متقبله ومحترمه قراري. تغديت. والعصر جتني مكالمه
عبدو:: الو. ايوا خير. عليش لازم نجي.
حاله مستعجله. توا. يعني شن انقولك انا عندي مواعيد مرتبط. بيهن تمام. خلاص راح. نمر. عليكم. حاضر
قصه توا نمر. تطلع. وداد في الصوره وتجي سحر. تقلب الدنيا. اوووووف زعمك نرن. عليها
تي عليش انا نشغل في بالها خليها. تغير في جو. مع هلها. هي ساعه. نشوفو. الحاله. والليل. نحكيلها.
توكلت. علي الله ومشيت للعياده. ركبت قسم النساء. وتفاجأت بيلي شفته القسم. مزين وحلويات. وجميع الدكاتره موجودين. اهل المريضه والمريضه موجودين. انبسطت بيلي شفته. فرحت. بشوفت التوأم مع امهم.
وزير الصحه موجود. دكاتره. اساتذتي موجودين. كلمات شكر من الطقم الطبي من المريضه وسام شرف. مهنه. شهاده من وزاره الصحه
وداد: مبروووك دكتور. تستاهل.
عبدو:: الله يبارك. فيك شكرا وداد. عرفت. انك اللي اقترحتي التكريم. هذا.
وداد:: واجبي عبدو. وانت تستحق توجيه النظر لك. اللي كيفك لازم يقغد مشهور علي مستوي البلاد. ولازم. يتطلب بالاسم.
عبدو: بصراحه جيت وزير. الصحه هُذِّي كبيره. بكل وكلمتك. في حقي وكلام الدكاتره. حسيته عجبته . يعني عطاني موعد. وقالي يراجي. فيا.
نقابله بكرا
وداد:: ماشاءالله مبروك. وللعلم وزير الصحه يكون راجل. خالتي. وانا زي بنته.
عبدو:: تحكي جد
وداد: جد الجد
سحر:: كنت عند هلي متغديه وجوي حلو. رنت ممرضه تباركلي وقالت افتحي الفيس علي صفحة العياده وشوفي . فتحت الفيس شفت. صور وفيديوهات . من. المصحه. يحدث الان. تكريم الدكتور. عبدالرحمن.
قعدت نفتح ومنصدمه. يضحك معاها وجنبها مصور.
صور. عررررررم. ملقوطات هما جنب بعضهم
نار. ركبت. فيا صبيت زي الهبله. ركبت سيارتي ومشيت. المصحه
خشيت بسرعه
نسيت روحي اني حامل نسيت وضعي اللي مايتحملش كثرت. حركه. الأسانسير اوووووف طول. معنديش صبرررر. ركبت. بسرعه من الدروج. للدور الرابع. بطريقه. متسرعه نتجلب في الدروج. وصلت للقسم. اصوات ضحكاتهم واصل لبداية الممر. الباب عريض وشفاف زجاج. صبيت قعدت. نبحت. فيه. مصبي جنبها ويحكو. عادي. ولا اي انفعال منه. كانهم احباب واصدقاء ولا كأنها اللي تجري وراه ولا كانها اللي قال يكرها. كانو. علي مكتب بروحهم. يحكو. مدتله. هديه. قبلها
نزلن. دموعي. معرفتش. نتصرف. نحش ولا ننزل.
الممرضه: خشي دكتوره لَيش مصبيه.
سحر:: هزيت. راسي. لا. انا انا
الممرضه: دكتوره كنك. انتي شايفتني
سحر:: هزيت راسي. عيوني. يبرمن. شعاع اسود. يطلع علّيا ويختفي. عصرت عيني. وحاولت نمسك. نفسي.
سوسو. شن اندير. شوفي. كيف واخدين. تركينه. شوفي كيف تتصرف. شوفي هوا كيف ناسي روحه. علي اساس. انه جدي ومايحبش يضحك مع النساء في العمل.
الممرضه:: طروح منها صدقيني هوا مسكين. مصبي عادي وهي اللي تتلصق. هي شايفتك توا وعندها عيون. تراقب فيك. هي تبيك تنهاري وتخربي حياتك.
سحر:: صح هي حركاتها. كانها شايفتني وتبي تغيضني اوكي. انا. راح. نخش. بس معاك. كحل. وبودره نبي. نخلي وجي طبيعي نبيش نبين. باكيه
الممرضه:: انتي تبي تقهريها صح
تعالي معايا بسرعه
سحر:: خلتني مسكينه ندير. في وجي ونزلت. هي
المشتل. جاية باقة ورد. كبيره.
سحر:: شنو لَيش الباقه
الممرضه. : باقه ورد. تخشي بيها لزوجك وتهنئه منك
سحر: امممم انتي قصدك. نركب وكاني جو فرحانه
الممرضه؛: وتشكريها علي تشجيع. زوجك
سحر:: تمام.
ركبت. وخشيت من الباب الثاني.
كان هوا مصبي جنبها. وعطيني ظهره
مبروووووك يادكتوري
عبدو:: برمت زمطت ريقي. سحر
سحر:: مبرررروووك. تستاهل. عبدو انت دكتور. ممتاز انت دكتور. مبدع انت تستاهل. أكثر من هك
بجد شكرا دكتوره. توا. عرفت انك المنسق للتكريم. هذا
وداد:: اااه. العفو
سحر:: ميلت راسي. الباقه خودها كنك مصدوم. ههههه
عبدو:: اااه هههه شكررررا. دكتوره
الأطباء. :: اوووووووووو. جايبتله باقه.
سحر:: يستاهل. اكثر لانه رافع. راسي
عبدو:: تسلمي شكرا.
كمل اليوم سمح. بمشاركه. الدكتوره. شريكتي. في حياتي وعملي. اللي لولالها بعد ربي ماوصلت للنجاح اللي انا فيه. من. يومها الداعم. الإيجابي ليا وديما. تعطي فيا ثقه في نفسي. اني راح نكون. دكتور معروف في يوم من الايام
سخر:اممم. تعاااال. بسسسسرعه . صووور ووثق كلامه. ههههههههه
عبدو:: وعندك شك. يعني
سحر: اممم بالمناسبه. الحلوه هُذِّي انتم معزومين كلكم يازملاء يوم الخميس. علي العشاء. بمناسبه الحلوه هُذِّي
وداد:: باهي. انا بنروح خلاص. مبروك. دكتور. مبروك مع السلامه
سحر:: راك. تنسي الخميس. العشاء
وداد:: للاسف. مرتبطه بموعد الخميس. مره ثانيه نتلاقو.
~<~>~
عبدو:: روحت. بسيارتي وهي ورأيا بسيارتها
حاير. في تصرفها. حاسها ناويه. علي ليلة سوده.
درست. سيارتي نراجي فيها ادري ونركبو. مع بعضنا بس
سحر:: كبدي غل. عليه. كذاب. يوزعني عند هلي وهوا. متفق علي حفله. تمام. ياحقير. انا نوريك. درست سيارتي ونزلت معصبه. نمشي ومش شايفه. قدامي
عبدو:: نزلت. وراها كنك تمشي هك اهدي.
تي. بشويه ياسحر. مش هك.
خشت الشقه. وطبقت الباب بالقوه.
تعوذت من الشيطان وحطيت مفتاحي. فتحته. خشيت. كانت. تبرم في الصاله.
عبدو:: شن. في. شن صاير اللي منكلبه هك
سحر: لَيش. تكذب علّيا. لَيش. توزعني وانت منسق علي حفل
عبدو:: تي منندريش. رنو. عليا. وقالو تعال في حاله مشيت. طلعت مفاجأه
سحر:: اهااااصدقت. انا
عبدو:: نحكي الصدق منكذبش
سحر:: انت. تلعب بذيلك. انا حاستك. تبي تلعب من ورأيا
عبدو:: تي. نلعب شنو. من جدك. انتي كنك. مليت وانا نقولك انتي وبس في حياتي وداد هُذِّي ماضي. وتوا زميله. تي حرام. عَلِيك نبي ثقه منك مش هكي. عاد. مللتيني
سحر:: هذا. بدال ما تعتذر. وتحس روحك اذنبت في حقي. تقولي. مليت. شفت. هذا نوع من التغيير.
عبدو:: سحر. راني مروح مبسوط. وعندي حاجات نبي. نوتيهن. بكرا. نبي نقابل وزير. الصحه. وفرصه اني. نحكيله علي النقص. عندنا في المستشفي العام. حلمي. يوفرو. اجهزه. حلمي. يجي. يدير. زياده. ويشوف. الاهمال والاجهزه القديمه. ياسحر. فرصه. يحرك موضوع السفر. امتاعنا الدنيا توا. ماشيه. بالعلاقات. والواسطه
سحر:: وانا مدخلنيش. بشي. انا حلمي. نعيش متريحه. حلمي. السوسه وداد. تختفي في حياتي. حلمي نبدا نخطط. في مستقبل. ولدي وكيف نجيبه علي الدنيا. نبي. نحولها من قدامي. فكرت. انها. تاخدك. مني. بتجننني
حسسس. بيا. حرام. عَلِيك.
عبدو:: اوووووف نقوللها. يمين. ترد يسار. ترا حولي. وخليني. في جوي متنكديش. علّيا.
~<~>~,
بعد يوم
ساره:: جاني. مسج. رقم غريب
يوم لك. ويوم عَلِيك
استغربت. جيت لوسيم.
وسيم:: من الرقم.
ساره:: منعرفش. جرب رن عليه
وسيم:: مقفل
ساره: من زعمك. حي علّيا
وسيم:: اكيد حد غالط. متركزيش. توا انا عندي موعد مع علي تمشي. معايا شن رايك
ساره:: جاي حوشنا
وسيم:: اها انظر شن يبي
ساره :: تمام. نمشي. معاك. هي
ربيع:: ساره نبيك في كلمه
ساره:: نعم. شنو.
ربيع: نبيك تتقابلي. معاها
ساره:: نتلاقو. في كافي شن رايك
ربيع:: لالا نشيلك. بكرا حوشها. ونراجيك لوطا
ساره: نشوف وسيم ونقولك
ربيع:: تمام.
ساره:: قلت. لوسيم. ورفض. وصكر. راسه. فكينا. من سريب ربيع. ياتجوزها. ياطروح مقابلات. ويحطك في الدوه. منبيش.
وصلنا حوش هلي
علي: هذا الموضوع. نبي نقرا. فاتحه ومرت بوك. رافضه قالت. لين باتك يصكر. سنه وتبي. فرح كامل. والصراحه انا ونجوي متفقين نبوش شي فاتحه وحفله للعيله ونلخدها ونطلع
وسيم:: نجوي شنو
علي:: نجوي. نفس كلامي متبيش. فرح. ونفسيتها حاسها تعبانه الصراحه كل مانحكي معاها صوت امها خاشه. تعيط. وتهزب فيها انا الصراحه. نبي نجيبها. عندي. البنت مش ناقصها فراق بوها اللي كل مكالمه. نحس صوتها باكيه. انت. عارف ان نجوي. انتقلت من. دارها لدار. بوها. نجوي حاسه بالذنب. انها. انشغلت عليه يوم البيان وسيباته. وقت طويل. بروحه يومها وامها. تزيد فيها عليها.
وسيم: شن نقولك. ياعلي. انا ومرت باتي مش تمام يعني انا متسمعش. مني
علي:: باهي. خوها. شقيقها. وصلني له نحكي معاه ويقنع امه. ولو مزالت رافضه. نقرا الفاتحه. معاه وناخدها من حوشه
وسيم:: يَصير. خير ان شاءالله. اليوم نشوفه ونقولك.
عصام:: يالوكتي بطلي شن اديري
لوكا: عصوووووم بطل. عاد خلي لوكا ادير. تسريحه.
عصام:: تي يامحبه. لوووووبي تعالي امسكيها. مهزلت بيا.
لوكا:: اسسسس. بابا. يخلي. لوكا. اديرله. تسريحه. خليك شطور زيه
علي:: هههههههه عصوم. تم النشر. .
عصام؛: ياواطي شن درت
وسيم:: ههههههههههههههه حي عَلِيك. نزل صورتك ودارلك شير. بمنظرك هذ
عصام:: لالا علي بطل حناطه. عندي. ناس نبيهمش بشوفو. منظري هك
وسيم: الناس. صار.
عصام:: خزي ياعلي. هذا وانا شريكك. في. البحث في كشف الحقيقه
علي:: ههههه كشف الحقيقه صدق روحه
~<~>>
روايات منقولة
ساره:: وهذا اللي صار ياماما
جميله:: يناعليا. احميده. شيلوني له. وليدي. عَلِيك. بخت بختك. ياحبيبي
ساره:: ماما قفل. تلفونه ويبيش يرد علي حد
حميله:: حولي. خليني. نطلع. لعلي. يشيلني له
ياعلي. ياعلي.
شن دوت. محمد. شيلني له
وسيم:: تريحي بسس. بشويه. راك صاحبت ضغط
حميله:: غير طمني عليه.
علي: رنيت امبدري. علي البواب. وقالي. مرقدش الا الصبح وهوا. حايس. في الاسطبل. نظفه كله. يشغل. في روحه. كانه
جميله: شيلني له. ياعلي. احميده انا نعرفه. حبيب عمته. انا اللي مربيته. احميده. قاعد ياكل. في روحه. قاعد. معصب وكامت. تذكر. بعد موضوعه هوا وساره. شن صار. فيه
ساره:: زمطت. ريقي. وفنصت بحتت في وسيم
وسيم:: كنت. ماسك. يديها ونهدي فيها صدمتني بكلمتها وخرت يديا. ورفعت. عيني. جت في عين نجاح
رفعت حاجبها وابتسمت
نزلت راسي. وبرمت علي ساره
ويري. جيبي لماما. عبايتها. توا نحطها للمزرعه.
ساره:: ابتسمت تمام صبيت شفتها ورأيا. قلبي انقبض. منها مش عارفه لَيش ولاول. مره. يجيني شعور القشعريرة جسمي كش منها. ارتعبت
سيبتها وخشيت للدار. قلبي. يدق خديت العبايه وطلعت
عماد:: خليها وسيم. انا توا نوصلها.
هيا امي. احميده محتاجني انا ليا زمان ماقعدت معاه وفضفض.
جميله:: وسيم ياعيوني. تعدلش علي كلامي راني مرا. فتراشه علي قولتكم.
وسيم: انتي اللسان الحلو. ونيتك عارفها. وربي يطمنك علي وليدك
حميله:: نحك. ليا. عيوني
عصام. متخليش. يروح. توا. نجي. ندير عشاء
علي:: توا ساره اطيب. ههههههه
ساره: نعطيك سندوتش ويري
وسيم:: هههههه. عدي انزلي لمرت. علاء خليها. اديرلنا جو. نقانها ياعليوه. مبدعه وفيها نفس في الاكل. ابداع
ساره: بكل خصوصا. الحلو والمعجنات. ابداع. فيهم
عصام:: ونجاح ابداع في المشاحنات هههههههههه
ساره: اسسسكت. تسمعك هههههه
عصام:: بعدها. ليلتي. سوده. من عماااااد شورها. ياراجل. الملي. ولا شحن. الايفون. ياراجل. ضرب ايباري عندها هك ساهله. أستاذه في التمريض
علي:: وسيم عادي يقرم في اختك هك
وسيم: مزال. جتي انت غير تعاشرها. ياما راح تقرمها.للاسف. مطر نسكت. لان كلام صح
علي:: ياساتر.
ساره:: انا نازله لمحبه وانتم انزلو. الجنينه.
~<~<
ساره: هذا كله نوم
محبه:: جايتني علي النوم. بكل حاسه روحي. حعانه نوم
ساره: باهي. ياهبله. افطني. مزال علي جيته اربع. ايام ومدرتيش شي. من اللي اتفقنا عليه
محبه: التورته. طيبتها وبكرا نلبسها.
والموالح. درت نوعين الصبح وبكرا. عقابهن. والشقه توا تجي بنت خالتي تساعدني فيها. بعد بكرا يقعد روحي يوم. اللي يروح. توا نزرق الكوافير. ندير. شعري. كلا وجي. منقدرش عيب قدام. خوتك وامك
ساره: اها صح عندك حق. بس اسمعي. نبي تحكيلي. ردت فعل. علاء. بالزبط. ياخيه. نحب. اللحظات. هُذِّي
محبه: ان شاءالله نعيشيهن مع حبيبك
ساره:: يااااارب
صبي. خلينا نركبو. نمرطزو شي حاجه.
محبه: هي. تعرفي. المطبخ. ينشط فيا.
توا نديرو. مكرونه جاريه. وبيتزا وخبزة. حوش شن رايك
ساره: لالا فوتي المكرونه. هريت وسيم بيها
محبه: معناها. ندير فاصوليا. شن رايك
ساره: امببببه. تهبل وسيمو. يموت فيها. بس نعرفش نديرها
محبه::خلاص ساره دلع. راك متجوزه انسي دلع ماما ادز. تعلمي. بحتي فيا وانا ندير وروحي ثاني يوم طبقي
ساره:: امبه. اسمعي انتي قولي. وانا نحط
محبه:: تمام هي.
لبست حجابي وركبنا.
وقعدت ساره تحط وانا نقوللها.
ساره: اسمعي. نعمه نراجي. في علاء يروح امها بتعزمكم
محبه:: عجبتني ياساره زعمك توافق. علي رؤوف خويا. ولا. مش جوها وهي تبي واحد ورق
ساره:: محبه. بطلي هبال. نحن منبحتوش هك
وبعدين. نعمه توا نقولك عريسها من. تعالي.
محبه: قربت من وذني وقالت عماد
لالا بعيد السو. ساره بطلي تفكير. هذا تخوفي فيا منك
ساره: عليش خايفه علي روحك. اسمعي طالما انتي هك عسسل. منيش مخربه. عَلِيك. هههه
محبه:: لا ساره. رد بالك. حرام مش. لدرجة.
ساره: غيري السيره تندمينيش اني حكيتلك
المهم. زعمك. نور. شن دايره توا.
محبه:: انا شفتها مرتين. حسيتها قويه مش ساهله
ساره:: بكككككل. خصوصا. اني شاكه هي اللي دازه المسج يوم لك. ويوم عَلِيك. تخوف. شبه المسج اللي جاني من نجاح زماااان
محبه:: متعدليش عليها. معندها متدير
ساره:: حتي انا فايتتها
المهم. عيد زواجي. نبي نجيك. نديرو. تورته. باهي
محبه:: وشن تبي التلبيسه
ساره:: خدعه. اكتبي. عليها.
محبه: نجيهم. المخدوعين. ربي يحفظكم.
لوكا. ماما انتي. هنا.
ساره: ملاك صوتها في الجنينه. مع الشباب كنك
محبه:: حسيت بحركه. في الممر.
ساره:: اووووف من غيرها اكيد. هذك اعوذ بالله منها
~<~>,
محمد:: الليل مرقدتاش نبرم. وحايس. حطيت غلي في الاسطبل. نظفته. كله.
نوم. مقدرتش نرقد. حاس. بروحي. غبي. وحمار. حاس روحي. مخديتش. حقي. حاس بروحي مليان. غضب. مش عارف. كيف. نطلعه
كنت سارح. في الشجر. كنت. في عالم. ثاني.
حسيت بحد. باس راسي رفعت راسي. كانت. عمتي.
طبست. راسي وغمضت. عيوني
جميله:: نزلت قعدت جنبه
احميده. متحرقش دمك. عليها. كلبه وعدت.
صحتك ياوليدي. صحتك اهم عندنا. باتك توا كلمني. يبكي. عَلِيك. قال. مش قادر. يشوفك. حاس روحه دمرك
محمد:: دمرني. لا. باتي ملش ذنب. ولا انتي لك ذنب
هذا اختبار من ربي. اختبار. للخيانه. هي كانت قابله للخيانه. ساره. خانتني. ساره. باعتني. ساره. دمرتني
تجوزت. رنده. وخانتني. كانت. تحكي مع حسام. وهي علي ذمتي وتطلع معاه اكيد.
تجوزت نور. هأ ونوع الخيانه كبر. كبرررررررر. وقعد مقززز. ومقرف. في. فراشي ياعمتي. علي مخدتي ياعمتي. كانت تلبسله نفس اللي تلبسه له. اععع. كان ممكن يكون. نفس اللبسه في نفس اليوم. متخيله. انتي. المنظر. اععع ااععع
جميله: محمد اها. ياحبيبي. اهدا. عماد امسكه
عماد:: احمبده. اهدا. كنك
محمد: نبي نتدوش. نبي تخرط. جسمي من النجاسه متخيل. انت ياعماد. متخيل. لما تجيها. وكانت. لامسها. حد. غيرك. اععع. اععع. نبي. نتدوش دوشي ياعماد جيب ميه وصابون. لالا. نبي كلور.
عماذ:: محمد. اهدا. كنك
محمد:: من آيام. شهر. العسل. رقدت. معاه. كنت. نلاحظ. قرفها. في الاول. مني. تاريتها. كانت محصله من. مشبعها. علي قولتها الوسخه.
ياعمتي. انا مقصرتش. كنت مدللها. غير بس شن. تبي
لَيش ياعمتي. انتن. الصبايا هك. مالكنش. امان. لَيش انتن. غدرات. لَيش انتن شواطين الانس.
جميله:: عماد هذا وين. عدا. الحقه
عماد: فكني وصبا يجري ركب الجابيه. وغطس.
يامحمد اطلع الجو. صقع. مش هكي
محمذ :: قعدت نحك في جسمي. ونعيطله
خليني نحك. جسمي. خليني نتطهر
اعععع جسمي. مقرف مقررررف.
جميله: رنيت علي علي. تعالو. لحقو. عليه رما روحه. في. الجابيه. وعماد معش. قدر. عليه
عصام:: جايين. جاااييين.
وسيم :: طلعو. حسيت روحي. موقفي. بايخ. عيب. مفروض نلحقهم. طلعت. بسرعه معاهم.
وصلنا. وهوا مزال. يعيط. وعماد يتجدا. فيه يطلع
وسيم:: عماذ. انت بسرعه جيب بطانيه. ونحن شباب. خلينا. نخشوه. رفعوه. غصب
غطسنا وهوا يقاوم. يبيش. يطلع. كتفناه وطلعناه
ولفيناه. بالباطنية. ومزال يعيط يبي يحك جسمه
اسعفناه للمستشفي. وقالو. يقعد. اليوم. عطوه. مهدي.
عصام:: امي. وتي. دار. علاء. خليه معانا.
عماذ: تي. كنك عصام راهو توا الحوش فيه صبايا برانيات. محبه ونجاح. علط يقعد. معانا ويقيدهن
عصام:: محبه. توا نقول. لعلاء ينبها وانت نبه مراتك. يومين ثلاثه. بس. يشد. روحه.
وسيم:: روحت. لساره خديتها وفِي الحوش حكينا
ساره:: حبيبي. اسمع. انا محمد ولد خالي وبسسسس توا ياوسيم. نحن. نخططو. نبو. نجيبو. بيبي. يعني. انا نبي نكمل حياتي معاك من جدك. تفكر. في ماضي. ومحمد. وبعدين انا نحاول نقلل مشي. غادي من عيوني.
بس هكي. انت مش واثق فيا. خلي الامر يمشي بالجو. نمشو. ولا منمشوش بالجو. المهم. بدون. حسس الماضي
تي نحبك. يابختي احفظظظظظظها.
وسيم:: بس نقانه. يوووووجع. الصراحه الله يعينها. صعب الموقف. اللي انحط فيه. صعب
بعد مرور يومين
Reem
#يتبع