#رجل_تحت_الحظر
#الحلقة_الخامسة_والأربعون
#للكاتبة_ريم_محمد
#لايك_كومنت
شكرا يابنات علي التعليقات. واعذرني لو قصرت. ولما منزلش متزعلنش اعرفن اني قاعده نحاول نكتب ونبي انزل. ثاني يوم. منقدرش والله نغيب عليكن وعلي أبطالي. واجد. المهم توا نبي رايكن في يلي صار. وركزن يااااابنات في اي حرف في حلقاتي. لان لاحظت بنات واجد يحسابن علاء ومحبه خوت وانا موضحه. وفِي حاجات يصيرن ركزن فيهن. ونبي انطباعكن
~<~~
علي:: قعدت انا وعصام. شهور. في مهمه مراقبة مرت محمد بس محصلنش شي عليها.
علي::ياراجل شكله مفش شي واختك ضالمتها كم لنا ومقدرنا نمسكو. عليها. شي
عصام:: بس هي شبه اعترفت لساره بتهديدها يعني لو مظلومه بتسكت لساره تي راهي قالتها لمحمد وكبرت الموضوع لالا واضح. كلام ساره صح
علي:: تي انا مليت. كل يوم. متشعبط. وفاة كاميرا وحاط الثانيه شي يوم يكبسني حد وتقعد فضيحه
عصام : حتي انا مليت. وانا نشوف في محمد خاش بأكياس وطالع بأكياس. وتسهفت ازح خوك. مافي مطعم ما واخد منه اسماء مطاعم اول مره يمرن. عليا
علي::: ههههههه موسع. باله وعليك دلع مدلعها.
عصام:: مشي شويه مفش شي
علي: قعدت نمشي في الكاميرا.
عصام: وقف وقف
علي :: تي بنات سم نبو فيهن
عصام:: تي انا نبي. حول.
ارفعن راسك. خلني نشوفكن.
اوووف خشن.
علي: تي روح ترا. ناقصني. نتفرج علي اي حد. اممممممم
مفشششش شب. كأنه خلاص نفوتو وخلاص طفيها
عصام: هلي قولتك. هي
علي ::اصبررررر. منو. هذا
عصام؛: مش باين.
علي: فتحت الباب. طالعه تحكي معاه. حي امه
الحقيررررره
عصام: هذا خو صاحبي.
قربها قرررب. اااها. هوا. هوا
علي:: بس. خشت وهوا قعد مصبي
عصام:: الصوت مش واضح كنها.صوتها واطي. مفهمتش
علي:: محمد طلع يحكي معاه شكله. يعرفهم. بلكي جارهم
عصام: اول شي مش جارهم. نعرفه الراحل. وين يسكن
علي: بس محمد خششه شقته ورحب به
عصام: بس ياعلي. هذا من زمان كان داير علاقه بنور وانا شايفهم زمان. وبعدين هوا تجوز شن صاير. بس انا مش فاهم.
علي: شن اسمه. بس وانا نمص من محمد. من هذا.
ومنها. نحاول نعرف قصته
~<~>>
محمد:: اها وليد ال. يقعد. زوج صديقة نور. . تعرفنا علي بعضنا في تركيا. وقَعَدنا علاقة قويه. يعني. يعزم فينا ونحن نفس الشي. مراته. زي اختي ونور زي اختها نتقابلو. واجد.
علي: قصدك مراتك. عادي تقعمز معاه
محمد: في وجودي اها. نقعدو نحن الاربعه
علي: اها واثق يعني فيه ومخششه حوشك
محمد: الراجل. محترم وخدوم
علي: محترم صار وخدوووم. في عقلي. الباين انه يخدم. من وراك وانت عبيط وعلي نياتك
مشيت لعصام. وقررنا نراقبو الراجل نفسه
عصام: توا نعدي. وندير روحي مخطم ونهدرز معاه
مشيت. وهدرزت في الشارع معاهم لاحظت. في يده الساعه هُذِّي ساعة محمد بعد. فرح. علاء كلمني يسال. بلكي مرت عَلِيك.
مشيت لعلي وحكيتله.
علي: اممم هكي. القصه واعره وصدمه علي محمد راح تكون يعني راجل. مخششه بيده. لحوشه. وسامح. لمراته تقعد معاه وحاط الثقه فيها وفيه والاثنين. من وراه. عشاق كارثه هُذِّي
خويا راح يعدي فيها. محمد يستر الله منه.
انا منبيش نفضحها بطريقة. يدير هوا ردت فعل يضيع نفسه.
عصام: كيف يَصير. معناها
علي: مو قتلك. قصه. عويصه هك
ربي يستر. وخلاص
عصام: اصبر. نخلي ساره. تشوف الشاب لو. قالت هوا وتأكدنا. يبقي خلاص. امسك خوك. واحكيله. لازم يعرف
علي::هوا هك.
~<~|
عصام:: شلت ساره قدام حوش صاحبي ومبيتش نقوللها هذا اللي شاك. فيه. قلت نشوف تركز وتعرفه بروحها ولالا خير ما انا نقوللها. ومرات. تتوهم انه هوا
نزلت رنيت وقلت نبيه اخترعت موضوع درت روحي جاي نبيه فيه رديت للسياره
ساره: نزل عصام. برمت بحتت. شكيت انه هوا. يشبهه. بس مرات تهيالي الضي كان ضعيفة. ممكن جسمه بس.
عصام: ركبت.
ساره: عصام صاحبك خطر. عليا الراجل اللي شفته مع. نور
عصام:: متأكده
ساره: خطره علّيا
عصام:: هذا هوا ياساره. تذكري. لما قتلك نور كانت دايره علاقه مع خو صاحبي
ساره::اها.
عصام: خلاص مزالت مستمره معاه ومعرفته علي محمد. الوقحه
انا توا نبي نعزمهم علي الشاليه. ندير. سهره ونعرف منه كيف القصه
ساره: يناعليا يامحمد. ربي يستر. ربي يكون في عونك. في صدمتك
~<~<~~
عصام: درت سهره. وكلمت فيها علي والشباب. وطبعا صاحبي مايعرفش. اصلا علي ولا يعرف محمد يقعد ولد خالي
علي: قعمزت قلبي غل عليه. خاطري نمسكه نفرغ. سلاحي فيه ولا نحنقه بين يديا
صوته مستفز. شكله مستفز. مش قادر نجامل. نفسيتي متوتره من شكله
عصام: عليوه كيف الجو. مرنتش عَلِيك. كساد وخاطري. نكسدو زي هذك اليوم
علي: لا متعارك معاها.
عصام: ياجماعه هذا متعرف علي وخده. فيها جو يهدرز معاها في كل حاجه واللي. يبيها اديرها. ولو تعرفو. شنو متجوزه.
شاب: متجوزه معقوله. عندنا. الجو هذا في بلادنا الخيانه الزوجيه
وليد: ابب المتجوزات توا هنا اللي يخونن
حتي انا متعرف علي وحده متجوزه. صديقة زوجتي. ولا. راجلها غبي واثق. فيها لين سماطه
تي تذكر البنت اللي الانجليزي ديما تخطم تشوفني معاها تقعد تتحنط
عصام: اها نتذكر. زمان متعرف. علي وحده. تقرا في الانجليزي شنو.تجوزتها
وليد: لا مصرش طلباتها واجد وتبي وتبي وانا موظف. مش تاجر. وديما عرايك سيبنا بعضنا تجوزت. بنت. جيرانهم وتقعد صاحبتها
بس توا صدفه تلاقينا.
عصام::كيف صدفه تلاقيتو
وليد:: في تركيا. وهي في شهر. العسل. تلاقينا صدفه وحكينا وطلعت راجلها مش تمام معاها مش طايقها علي قولتها متجوزها ويبي غيرها وطول الليل. يحلم بيها وبعد يرقد معاها. كانه بس. مكر. في الثانبه يعني احساس معاها مفش. خلاص قعدنا في الاول نحكو. وبعد فتره.
. الموضوع قعد علي كبير. يعني مش بس مكالمات والسلام
علي: عصرت يدي. علي كبير. كيف
وليد: يعني نمشيلها. رقدنا مع بعضنا مرتين في تركيا.
وكم مره جيتها الحوش وراجلها في العمل
علي: . قربت منه وخنقته. واطي انت وياها كلاب انجاس
انت تستاهل الرجم. للموت. انا. راح. نقتلك ونمسح اسمك ياكلب من الدنيا
عصام: انفجعت بردت فعله الشباب كلهم. قعدو يفكو فيه منه والراجل انسود وقريب راح فيها
سحبته بعيد. وقتله انت مجنون ناوي. تفضح خوك. ناوي. تشهدر ببنت خالتك. وخوالك. مهما كان. تصرف بالعقل. وأحسبها قبل تتهور
علي : مش قادر ياعصام الحقير اللي طعن خويا وطعنا قدامي. الشخص. اللي حوش خويا ونجسه قدامي كيف بنمسك. نفسي بسسس
عصام::خلاص خلينا نروحو ياعلي.
علي : ونخليه. حر. طليق نخليه يمشي هك. بسهوله
عصام:: بكرا اناوياك ناخدو محمد ونحكوله . القصه كلها وخليه هوا يتصرف بروحه هوا يراقب مراته.
~>>~~
محمد: انت شن تحكي ياعلي. كلامك مش مفهوم وملخبط
اها انا نعرف وليد هذا وقبل سألتني عليه وجاوبتك. كيف تعرفت عليه
عصام:: محمد. من الاخير. خوك متحشم يحكيلك ويلكلك خايف عَلِيك تنصدم داير روحه يبي يمهدلك. بس خودها مني صدمه وتتصرف وتحلق علي عيشتك ولا تقعد. مغشوش طول عمرك
مراتك تخون. فيك مع اللي اسمه وليد. من ايام انتم في شهر العسل. في تركيا. ويجيها الحوش وقت انت في العمل.
محمد:: هااااي. انت تخرف. عصام. كلامك كبير. ومنسمحلكش تحكي علي هلي وعرضي.
علي:: مسك عصام مع رقبته وقعد يعيط عليه. فكيته منه. وكتفته. وقعدت نحكيله بصوت عالي.
تي سيب. الراجل وركز. معايا. مراتك تخون. فيك والكلام اللي قاله عصام. صحححح وأنا. متأكد. منه. وتقدر. بروحك تتأكد. توا. انت اللي تقدر تكشفها لان انا حست ان حاط نسرين نراقب فيها فغيرت. شكلها مكان. اللي يتقابلو. فيه. كانو. في شقتك وانت في العمل. وساعتك اللي تدور فيها لابسها هوا. في يده.
عصام:: كانت علي علاقه به. قبل فرحكم وانقطعت العلاقه وبعد تحوزتو. ردتله بحجت انت. مش مشبعها عاطفيا.
محمد: اااااااسسسسكت اسسسسسسكت
انا مش مصدق. مسسستحيل نصدق.
علي: لا صدق صدق. يامحمد. لازم تصدق. وتتخلص منها الوقحه.
عصام: محمد محمد. حي عَلِينا شن صارله. هذا
علي: حي علي امه. احميده ااااحميدددده شن درنا نحن شن صار ياربي شيله معايا بسرعه
شلناه المستشفي.
عصام:: طريقتنا غلط اغبياء ياريتنا تصرفنا بطريقه. ابسط من هك.
علي:: اسسسسكت متزيدش توترني. نبيش نقعد السبب في دمار. خويا. ياربي اشفيه يااارب
الدكتور:: ناض توا. ودرنا كشوفات. وصور مفش الحمدالله اي اعراض جلطه ولا شي شين لاسمح الله.
هوا ساكت وحتي. الاجابه علي الأعراض اللي يحس فيهن يبيش يرد. نصيحه خودوه للدكتور نفسي ممكن محصل صدمه نفسيه قويه مأثره عليه. لان واضح. انه متوتر. من يديه. ونظراته
عصام:: نقانه صدمه. كبيره حصلها ربي يعينه
ومزال الاصعب
علي:: يعني نقدرو نروحو به يادكتور
دكتور:: اها خلاص بس نصيحه تصرفو زي ماقتلكم
عصام:: خشينا عليه. كان مقعمز يلبس في كندرته
علي:: شنو. احميده توا كويس
محمد:: بحتت فيه
عصام: محمد رد. انت كويس
محمد:: طلعت وسيبتهم
علي: كنه هذا. طلعنا. وراه نحكو. وهوا يبيش يرد. عَلِينا
عصام: شن رايك تروح. تبات. معايا. احسنلك.
محمد: هزيت راسي
منبيش حطني في الشقه امتاعي
علي: اوووف واخيرا رديت لنا ساعه نحكو خوفتنا عَلِيك.
محمد:: حطني في الشقه والموضوع. اللي حكيتوه. ياريت معش نسمعه. من حد
عصام:: يامحمد. انت لازم تسمعنا
محمد:: ننزل. ناخد تاكسي مثلا قلت تسسسسكتو. عليه
حطوني في الشقه وركبت
نور:: وينك طولت. نرن. متردش مش عارف اني عندي لمه اليوم
محمد:: كان عندي. شغل. مهم.
نور:: مية مره نقول ولو عندك ايششش نرن رد علّيا. منحبش. التجاهل امتاعك واللا مبالاة منك
محمد: حبي معلش قتلك شغل. وعشان نعتذر علي. تعطيلك. جهزي روحك. نطلعو. نتعشو. في مطعم. شن رايك
نور:: ييي. من جدك بتعزمني بدون زنين مني
محمد: ههه اعترفتي انك زنانه وسكانه
نور: عشان ناخد حاجتي. ههههه
محمد:: خطرها مش مرت وليد. موصيتني علي كوادرو. جبته لها نمرو نعطوه لهم. ولا نكلموهم يتعشو معانا. وتمديه لها
نور: امم. عادي يعني لو نكلموهم يتعشو. معانا. تغيير جو.
محمد: خلاص كلميها ولا انا نكلمه
نور: لا انا توا نكلم مراته.
محمد: تمام انا. خاش ندوش وانتي كلميها لو يبو يجو نرن. نحجز طاوله
تسحبت للحمام. وخليتها ترن
قعدت راد الباب ومصبي. حسيت ىكأنها تحكي مع واحد
فكرت نطلع نفك للتلفون. بس في نفس وقت فكرت هذا مش دليل.
طلعت
شنو صار معاهم
نور: اها. رنيت وقالت تمام توا تقول لوليد
محمد: تمام جهزي روحك.
|>|>~
نور: اهم جو
محمد: شفته جاي ناحيتنا. عصرت يدي. وحسيت بتوتر
وليد: اهلا احميده. شن اخبارك
محمد::الخمدالله. انت كيف حالك. مدام كيف حالك
نور: شنو نطلبو.
محمد:: اكيد. خودو راحتكم
طلبنا العشاء وانا تركيزي عليه وعليها. حسيت في نظرات. وابتسامات. انا الحمار كنت. نمشي فيهن. كنت نحساب. مستحيل. مراتي. تخونني ومع من مع شخص وثقت فيه وخششته حوشي. حمار. يامحمد. حمااار
بحتت في مراته المخدوعه حرام شن ذنبها. بنت جيرانهم وصاحبتها تطعن فيها. كانت مش مركزه في النظرات والكلام. كانت زيي في الاول عبيطه.
اول مامراته ونور قالن يبن يمشن للحمام. صبيت. انا في نفس الوقت وقلت نبي. دخاني من سيارتي. سيبت تلفوني تسجيل وصبيت لان متوقع. راح. ترد
نور:يي. مجبتش. تلفوني بنصور. راجيني حبيبتي نجيب تلفوني ونجي
رنا:: تمام
وليد:: طالعه عسسل
نور:: فكنا توا من الكلام.
ملاحظتش. نظرات محمد غريبه
وليد:: لا. عادي حسيته. عليش صاير شي
نور:: لا. بس نحس في نظراته ليا استهزاء. ويسرح فيا واجد مفهمتش
وليد:: لا تركزيش مفش شي
اسمعي. بكرا. نتلاقو واجد راني مرايف عَلِيك.
نور:: مو. قتلك خايفه حد يطب عَلِينا الفتره هذي
وليد:: دخلنيش. بيك بكرا عيد ميلادي ونبي نحتفل. به معاك
نور:؛ نوعدكش لو محمد. طالع نقولك كان. هذا اعذرني.
وليد:: خلاص محمد جاي شورنا.
نور:: اوووف وين تلفوني. ياربي. معلش وليد ممكن تشوفه
محمد؛: كنك حايسه شن في
نور: تلفوني مختفي.
محمد: اهو تلفونك تحت الشنطه واضح
نور: عَلِيك عقل وساعه ندور فيه. وهوا. جنبي.
محمد: نور بسرعه خلاص بنروحو.
~<,>
نور:: شنو تبيش تنزل
محمد:: اركبي انتي انا نبي نمر. علي واحد صاحب منطولش
نور: تمام.
محمد: وخرت السياره. وفتحت التسجيل. غمضت عيوني. الحقراء اخخخ. نركب نقتلها انا ولا شن اندير بسسس.
لالا اصبر لبكرا. وخود حقك. هكي مش فشت. خاطر ولا تمسح عارك
مشيت حوش هلي. وركبت دار علي. قعدت نفتش. نبي سلاحه. تمام لقيته. حطيته ورا ظهري. ونزلت بسرعه
نسرين:: احمبده. كنك
يامحمد محمد
كنه هذا اطرش
~<~<>
~<~~
#روايات_منقولة
علي::ركبت داري حسيت. الأدراج مقروبات اوووف
نسسسرررين. شن قايل انا يافرخه. دراي منحبش حد يخشلها
نسرين: شن دخلني انا مخشيتش. شوف خوك اللي خش. انا مدخلنيش
علي: محمد جا وخش. داري. حي علّيا. السلاح. لالا. ياربي. مش قاعد. امتي جا هوا
نسرين:: أمس الليل وانت ماسك. في العمل
علي: خديت تلفوني وطلعت رنيت علي عصام.
وتلاقينا نرنو عليه يبيش. يرد
عصام:: الحل. هوا نصبو.نراقبوه شوفو عليش ناوي خلي نسرين ترن عليها وتعرف هي وين. وهوا وين.
علي:تم. صح كلامك
رنيت علي نسرين رنت. عليها وعرفت انه في مشرق وطلع من الفجر
عصام: تمام. واضحه. هذا داير دروحه كمين. وتلقاه. يراجي. في وقت. العمل زي ديما. خلينا نمشو جيهت المكتب
علي:: فعلا كلامك. اهي. سيارته مدرسه. ورا المكتب.
عصام:: خلاص. نحن نراقبوه توا
علي:: . انا خليني نمشي بسرعه نجيب مفتاح اللي عند باتي الاحتياطي من شقته
عصام: تمام.
عدا علي وقعدت انا نراقب. فيه وفعلا طلع. ركب سيارته ومشا. للشقه. وركب ورا امتاع المطعم.
رنيت علي علي
علي:: ندور في المفتاح معش لقيته.
عصام:: بسرعه ياعلي. ركب راهو
نسرين:: اهوووا مكتوب عليه شقة محمد
علي:: تمااام. جاااي. جاااي
نسرين ادعيلي نلحق عليه.
نسرين:: ياااارب يااارب
خليني نرن علي ساره. نحكيلها.
~<~|
محمد:: روحت.
نور قتلك لو. يجي حد من هلك بكرا ولا نحطك. عندهم لاني طالع من الصبح ومش مروح الا الليل. عندي طلعه لمشرق شغل
نور: اها لا خلاص توا نكلم هلي بجوني
محمد: تمام. ومتخليهمش يتعبو. روحهم. توا ندزلك. دليفري.
نور: اوكي.
محمد: اوكي. انا نخش نرقد ورأيا نوضه بدري
خشبت الدار وهي كالعاده تسهر علي النت.
اكيد تحكي معاه امسسسك روحك. هل الساعات.
قعدت نتقلب وحاس الفراش نار تحتي. علي يرن نبيش نرد عليه عصام يرن. منبيش نرد عليه قريب الفجر. خشت هي للدار كالعاده. جنبي تبي ترقد. مقدرتش. مقعد جنبها حسيت روحي ممكن. نبرم نخنقها. صبيت وتحججت. خلاص فجر. قرب نلبس ونطلع لمشرق. بدري.
وفعلا نزلت وقعدت في السياره نلف ونلف ونلف مشيت للمكتب. وصكرت علي روحي. قعدت. في نار. والساعات يبنش يمشن. طوووول الضي باش طلع وطوووول الظهر باش اذن. القدرات نشرب ولا ناكل. متوتر ومش قادر. نتخيل اللي نبي نشوفه
الساعه 2 رنيت عليها.
محمذ: جاك. حد ولا مكسده
نور: لا جتني. ياسمين. صاحبتي.
محمد: طلبتي غداء ولا نوصيلك
نور: تمام وصيت قريب يوصل. اكيد
محمد: اوكي البسي واسع بعد تفتحي
نور:: طبعا اكيد.
محمد:: قعدت قريب من الشقه. شفت الدليفري درس نزلت بسرعه وراه عطيته حقه وقتله. رن واول ماتفتح توكل. صبيت جنب الجرس رن الحوش فتحت.هي الباب دفيتها وخشيت. طبقت الباب ورأيا. وطلعت السلاح
نور:: ممممحمممد. انت شن جابك.
محمد::حطيت يدي علي فمها بالقوه. وجريتها للدار. كان الحقير متكي. في فراشي. كان المنظر. مقرف. رميتها جنبه
وليد: محمد متتهورش انا مدخلنيش. هي طلبت مني نجي علي اساس انت قاعد. وغرتني الشيطان شاطر
محمد: قعدت نضحك. ونأشرلها بالسلاح
هههههههه قال انتي غريتيه. ههههه زعمك. شن. لابسه غريتيه. به حولي. العبايه. حوووووولييي العباااايه قلت
نور:: قعدت نهز في راسي لالا لا
محمد:: ههههه متحشمه. مني راجلك ولأمن عشيقك.
نور:: محمد اصبر نفهمك. انا في حالي هوا هواهوا
محمذ:: هوا اللي استغل. سجذاجتي عنده الحق. مفش راجل ديوث كيفي. مخششه حوشي وعزائم. سفر وزرادي
وانتم. من اول شهر. تخونو. فيا. انتي حقيره وووسخه. انتي لازم. تموتي.
وانت لازم تموت. لان حرام مراتك مخدوعه في بنت جيرانهم وصاحبتها من الطفوله
انتم لازم نموتو. وبالوضعيه. هذذذذ عارفين. ليششش
عارفين. لازم نموتو بالوضعيه هذذذذذذذ
لان الانسان يبعث علي مامات عليه. وانتم لازم نموتو في الوضع لازم نموتو انجااااسس. عشان الملائكه تنفر من عزاكم. عشان ربي قال اذكرو محاسن موتاكم. وانتم منيششش مخلي حد يذكر محسنه لكم راح نخلي سيرتكم النجسسسسه. تحط راس هلكم. في التراب.
نور:: محمد متقتلنيش نبيش نموت هك. انا اسسفه. وحقك علّيا. واللي تبيه حاضر بس موت لا. لا
محمد:: تبيش تموتي. خايفه من ربي يازانيه. انا فيش قصرت يانور. شن درت عشان نستاهل الخيانه والمنظر هدا. في حوشي.
وليد: محمد خليني نطلع محمد انا عندي جاي في الطريق مراتي في اي لحظه تولد. خرام. العيل يولد. يتيم.
محمد: توا فكرت في ولدك توا فكرت في حياته توا فكرت في السمعه اللي بتسيبها له. لا للاسف انتم ميتين خلاص وعلي يديا.
علي:: محمد ارمي السلاح متورطش روحك عشانهم.
محمد:: خليني. نرمي رصاصي فيهم. خليني نغسسسل عاااري منهم
علي:: محمد. لو. مارميتش سلاحك.
شوف السلاح. هذا نفرغه في راسي.
محمد: علي لازم. نقتلها والا راح نعيش بلا شرف. بلا هيبه.
علي: ارمي السلاح يامحمد والا راح تخسر. خوك.
صدقني نديرها راهو
عصام:: تسحبت. من الساس وهوا مركز مع علي. ضربت يده بكراعي. السلاح طاح.
محمد: برمت.ندور فيه.
علي : نزلت مسكته. محمد خلاص. قتلك.
عصام: خديت السلاح. وقربت منهم رن علي خوك
وليد:: عصام قصدك انت اللي.
عصام: محمد ولد خالي.
وهذا خوه والسهره كانت استدراج لك. وخوه ضابط في البحث الجنائي
وليد:: عصام خليني نطلع وووعد نسيب البلاد بكل بس طلعني من هنا
عصام:: خلاص مترنش انا نرن.
~<|>~
روايات منقولة
علي:: خلاص ياامي. هذا اللي صار. مزلتي تبينا نسكتو. ونحكوش لباتي. لا. خليه يسمع
يابااااتي. يااااحاج
خالد:: كنكم شن في
علي: محمد اليوم مسك مراته في وضع مش كوبس. ويبي يطلقها.
حالد:: شن في محمد شن صاير
محمد:: لقيت مراتي وعشيقها. في فراشي ياباتي وكلمت امها جت خدتها
خالد:: اعوذ بالله من غضب الله اعوووذ بالله اعوذ بالله
اسماء::عشان خاطري. تستر عليها. يسمعها بوها وخوتها يذبحوها. تي تصير مجزره في العيله.
خالد: انتي شن تحكي وشن. تخرفي. هُذِّي زانيه. ومش اي نوع زنا هُذِّي متجوزه. يعني تررررجم حتي. الموت. هُذِّي لو انا باتها. نذبحها بيدي تستاهل الوسخه. هُذِّي من افكارك راياتك خششتي الزفته الساقطه هُذِّي حوشي الطاهر.
محمد: اسمغي ياامي. نسكت عن الفضيحه بشرط.
. اختك تخلي بنتها تتنازل عن كل شي جبته لها يردو المهر. والكباير. والذهب. من . من دبلة الخطوبه. والطقم. وذهبي كاااامل. ولآخر خاتم جبته لها. وتتنازل عن المؤخر. توقيع. منها موثق وقتها بس نسكت. علي. وسخ بنت اختك
اسماء: خلاص انا نمشي. ونخليها تتنازل المهم فكنا من الشماته والفضائح
محمد:: رن تلفوني بحتت ساره. صكرت علي وجها. وطلعت.
علي:: طلعت وراه
وين ماشي
محمد: المزرعه خلوني ياعلي. محد يرن. علّيا ولا يجيني. خلوني. بروحي.
علي: من اللي يرن وانت تصكر عليه
محمد:: هأ الخائنه الاولي في حياتي
سسساره.
علي: ساره اللي عرفتنا بحقيقه نوران. ساره اللي شافتها. يوم اللي مشينا. للمزرعه في فرح رنده نوران هددتها لو حكت تخربلها حوشها. وساره. خافت تجي تقولك انت. تكذبها زي اول ما نبهاتك. متجوزهاش. ساره. كانت تتمني. تكمل مع رنده. لانها عارفه رنده كيف تحبك
محمد:: رنده
علي:: اها رنده مش بس تحبك رنده كانت تتمني. تبادلها ولو بالغلط. الشعور. رنده حباتك. وكانت عندها امل. تبادلها في يوم الحب. بس انت كنت مصر تجرحها بكلمة اختي واخر شي. طلاقك لها بطريقه مفجعه. وخطبتك نور.
محمد: تقصد من كلامك هذا ان اللي صار فيا ذنب رنده.
يعني رنده حشمت فيا
علي: للاسف يامحمد. هك حاس.
محمد: وليش انا مخدتش ذنبي ساره. هي اول من كسر قلبي.
انا اكثر واحد انظلم انا اكثر وااااحد شاف القهر
علي: خليني نمشي نبات معاك انت مزلت متوتر
محمد: خليني لو سمحت.
طلعت للمزرعه. وقعدت بروحي. حسيت روحي محتاج رنده. مخنوق. ونبي نحكي معاها.
مسكّت تلفوني ورنيت.
رنده:: رن تلفوني محمد.
مقدرتش نرد لان. حسام جنبي
حسام: تي ردي من.
رنده:: بنت عنديش نيه نرد عليها.
جاني مسج
رنده. سامحيني. انا اسف. لو يوم جرحتك.
رنده: قلبي قعد يرعش وعيوني تعبن دموع. حسيت في حاجه. حسيت بمحمد مضايق. حسيته محتاجلي بس منقدرش نرن حسام يوريني
دزيت لساره. وفهمت منها اللي صار. انهرت وقعدت نرعش
حسام:: رنده شن. في كنك.
رنده:: بننزل بنغازي. معش نقدر نقعد. حسام. احجزلي. بننزل
حسام: شن في شن صاير. بعدين اصبري. خمس ايام ومروحين
رنده:: لالا بنروح توا. منقدرش نسيبه. محمد بحاجتي منقدرش. نسيبه
حسام:: انتي. شن تحكي. محمد شن دوته اللي بحاجتك انتي عقلك. تحكي عليه قدامي هك
رنده: حسام افهمني محمد مضايق. انا خايفه. عليه
حسام:: انتي حكيتي معاه قصدك تتواصلي معاه
رنده:: لالا صدقني. مكلمتاش. عرفت من ساره بسسس
حسام: فكيت منها التلفون. وفتحت محادثة ساره فهمت اللي صاير.
شفت مسج منه.
ناضن اعصابي. ورميت التلفون كسرته.
رتده:،. هاج فيا. زي المجنون بدا يعيط ويتوعد. ويهزب. وانا ساكته منبيش نرد عليه. لان لو. رديت. ممكن يمد يده علّيا. عصب مني ونزل. شفته طلع برا العماره. لبست ونزلت بسرعه لعلاء. نبكي ونرعش.
وحكيتله. علي محمد.
علاء:: محد خبرني معقوله
رنده::ساره توا حكتلي. علاء. انا مشغوله علي محمد رن. عليه بس متقولش انا جنبك. نبيش نكلمه
علاء: وعليش. عشان حسام يارنده. متقعديش ضعيفه وهبله خلي عندك. شخصيه. محمد تفرضيه. عليه محمد خوووك
رنده: انت مش فاهم شي ياعلاء ياريت. معش تكثر. علّيا
علاء: اووووف منك.
رنيت عليه. مقفل.
رنده: رن علي عصام ولا علي كانو معاه
علاء: رنيت. علي عصام وفهمت منه
قال محمد معتزل. في. المزرعه ويبيش حد
رنده:: حي علّيا. راه يدير في روحه حاجه
علاء: متخفيش محمد مؤمن مش جاهل. بس عجبني بتفكيره. خدا منها حقه. لان. عارفها تموت في الفلوس وهذا شي يقهرها.
رنده:: الخمدالله علي لحق عليه قبل يتورط فيها ويقعد في سريب قضايا. والشرطه
خلاص انا نركب. قبل يجي حسام
علاء: خشيت منها تلفوني يرن. محبه.
الو
محبه: وينك نرن متردش.
علاء: اصبررري. توا كيف رنيتي. والتلفون في يدي راهو
محبه: احمم قصدي لَيش طولت مترد
علاء: ههههه غيرت كلامها
محبه: وليش ماترد باهي
علاء:: خشيت للمطبخ.
ليشش ماترد ياعلاء اممم. كانت عندي وحده ودعتها وصكرت الباب ورديت عَلِيك
محبه:: نعمم وحده من.هذي علاء نهارك. تقعد تصيع من ورأيا
علاء: ههههههه. اها تصيع ونقولها لك. تي رنده. ياذكيه
محبه:: اه صخ رنده اكيد الوحده هي
علاء:: شطووووره
محبه: شن ادير صوتك في المطبخ
علاء: اها جعان. ندير في دحي
محبه: امم ونحن تعشينا. فطائر. جبنه. انا درتهن وبيتزا. وبوريك عميمه. وعصومي دار. الشاهي حمر. بالنعناع.
علاء: خزي تسهفي فيا علي اساس
محبه: اها. هههههه
علاء: هذا بدال مانوجعك خزي مرا مكاره
محبه: خلاص ايام. وترد تاكل. معانا ونديرلك اللي تبيه
علاء:: خلاص هاااانت
حبي ادعيلي. بكرا النتائج
محبه:: موفق. حبيبي. انا حلمت. بيك وباذن الله حلم صادق
علاء: شنو شفتي بشريني
محبه: شفتك. طالع علي دروج الطياره. ووصلت لأعلي الدرج ورفعت راسك للسماء وتحكي لربي.
تشكر فيه فسرتها قلت اكيد راح. تطلع الاول زي ماانت. تحلم
علاء: عارفه ياوجه الخير. لو. صح. تحقق تفسير حلمك وطلعت. الاول. لك مني حاجه سمحه بكل. باهي
محبه: وانا سوا نجحت الاول ولا غيره. لك عندي. هديه حلووووووووه بكككككككل.
شريتها وجهزتها. لك.
علاء: هديه شنو. قوليلي
محبه: تؤ بعد تجي تعرفها.
علاء:: شوقتيني. قوليلي شنو
محبه: هههههه تقعدش مفاجأه بعدها المهم خلاص بطل. ززززن ومنيش قايله
علاء:: باهي مدام. وين كنتي تنسرفي النهار كله. غيرمتصل فايبر. رنيت علي امي قالت طالعه هي وساره للسوق وامس سوق شن دوتك يامرا. ان غاب القط. العب يافار
محبه: ههههه انا فاره خززي
علاء:: وانا القط خو البشه. هههههه شن اخبارها.معش رنت علّيا
محبه: امتحانات عندها.
علاء:: اها منسجمه انتي وساره قالت امي
محبه:: ساره اختي.
علاء:: نفرح بعد نكلم ويشكروك ليا ولا امي. نكملها تدعيلي. عشان تجوزتك ولا. عصام الدبه كل ماياكل. حاجه يدزلي. صورتها صقع. عَلِيك. شوف الكبيده شن دارت. الكل منسجمين معاك
محبه:: اندير في طبعي صدقني. مش طروح ولامجاملات انا نحب العيله وهلك. ناس. طيبيين ويستحقو الاحترام
علاء: نااااعليا انا ناااااعليييااااا. شن هل الكلام السمح. المنسق هذا
محبه: شنو ياماما باهي. عدي رتبي العابك. قبل
علاء: واعيه مزالت.
محبه::اها تبي تركب. لعصام وانا حابستها في الشقه
علاء:: حرام. عَلِيك خلي. البنت تمشي
محبه: مو. هوا. داير روحه يبي. يقرا وكذاب خطمت عليه نسمع فيه يحكي مع وحده
هههههه
علاء: ههههههه مطرشق مايتعبش
باهي عطيها ليا نكسد. معاها
محبه: لوكا. تعاالي. بابا يبيك
علاء: كنها حبيبت بابا زعلانه
لوكا: من لوبي. الشينه. صكرت الباب بالمفتاح وتبيش نركب. لحوش جديده فوق
علاء: مو. ياحبيبتي. ماما قالت عصام يقراخليه حرام. بعدها يكتبش الواجب. توا أستاذه يضربه ويضربه ويقع عمو يبكي ويقول. كله من لوكا. عطلتني
لوكا: هوا كبير عنده استاذ يضربه
علاء:: اها. عاذي. وأستاذه كبير يضربه
لوكا:: اهاااا لالا خلاص خليه حرام يقرا
علاء::ايوووا شطوره بنيتي.
تعرفي شريتلك شنطة وفيها حاجات الدكتوره. سمحات.
لوكا:: توا نقعد دكتورة ماما ونعرف ليشش تبكي في الخمام من بطنها
علاء:: ماما مزالت توجع فيها بطنها
لوكا:: اها ووواجد وعميمه ساره. قالتها ان شاءالله. نقعد زيك قريب اييي ووواعره ياماما. يابابا راهو. ماما تقرص فيا
علاء:: عطيني ماما
محبه كنك شن مزلتي تحسي قالت ملاك
محبه: لا. منحسش كويسه. انا هُذِّي تحكي. علي الايام اللي فاتن
علاء::متأكده يامحبه مزلت فيها لو. تحسي نقدر. نجيبك عندي
محبه :: اطمن. انا كويسه بكككككل بككككل. ونقعد احست لما . تروحلي طيب خمس ايام هُذين طولن معش جن الوقت. يمشي بشويه
علاء: املا انا شن انقول بسس اايه. كان. نحكيلك. علي ريافي. توا تقعمزي تبكي.
محبه:: ههههههههه. باهي شنو كملت الدحي
علاء: لا غيرت رايي. درت. توست. تن
محبه:: ههههه ياروحي.
باهي شن. تبي عشاك. يوم اللي توصل
علاء: اول شي العجبه. ونبيها وووووواجده نبي نشبع فيها
ونبي بوريك امي. والفطائر. هذين اللي ديما نسمع عَلِيك اديري فيهن ونبي ونبي. اااه نبي كفته بالذنجان سهفني عليها عصام. ونبي أفخاذ الدجاج المحشيه. اللي درتيهن اول أمس. حتي هنا. دزلي صورتهن قريب بكيت.
ونبي كل اللي درتيهن وذاقهن. عصام عاد مراتي ومش واكل منها. قد اللي كلاه الكلب عصام
محبه: ويوم اللي مراتك بتدير العجه. طبت. نجاح خربت عَلِيك. مسكين. عندكش حظ
علاء:: شفتي. كيف راجلك. حنااام يوجع
محبه: وعد نديرلك اللي تبيه يا. لولي. ههههه
علاء:: معشش تقوليلي. لولي. نحباااش الدلع. هذا كل يوم نقولك. معش تقوليه. وانتي تتحنطي
محبه:: اسفه لولي
علاء: تي معشش تقوليه كلب صاحبي زمان اسمه لولي.
محبه: هههههه
~<~>>
رنده: ركبت للشقه. وحسام طول ماجا. روح. عاددي. داير روحه. خش يهدرز. وجوه. تمام
حسام: جبتلك. كنافه. اللي تحبيها
رنده: حاولت نستغل الفرصه رائق
الله وقتها. ندير. قهوه
حسسام:: تمااام في البلكون جيبيها
رنده: حطيت القهوه وقعمزت جنبه
مسكين محمد. تصور خاناته. ومسكها في داره
حسام:: يستاهل. هذا ذنبك واللي داره فيك
رنده: حرام عَلِيك محمد صبا معايا ودار الخير. معايا
حسام: مش محمد اللي استغل وضعك معاه واغتصبك ورماك. ولو انتي متجوزه بالورقه اللي معاك شخص. غيري. راهو مطلقك وواخد. التقرير اللي عندك ومفضح بيك. ويطلع محمد البارئ اللي. رنده استغلت. جوازها منه وصاعت. مع. غيّره
رنده:: بس انا. مزلت. مش مصدقه محمد دار فيا هك
حسام:: هاه. معناها. محمد مظلوم. وانا هكي. ليا نظره ثانيه. لنا ثلاث شهور متجوزين وحياتنا اليوميه. كأزواج طبيعيه وين العلامه وينها.الدكتورتين. قالن انتي مدددام.
رنده متخليش الشك يركب فيا. وهنا راح يكون. تفكيري. غير ووقتها معش راح نتقبلك. بعدين ياعيوني انا واثق فيك. تي انتي رنده بنت نظيفه مش امتاع الوسخ
هذا هوا. محمد دار هك. فيك واضحه.
رنده: باهي لَيش ماخليتنا نروحو. مع موعد علاء
حسام: نحن ثاني بوم بعد علاء هك احسن. عنديش راس نشوف عصام ويشوفك يقعد يدحنس
رنده: عصام. عمره. ماادحنس علّيا عصام. نظراته ليا محترمه
حسام: هههه محترمه. مش علي اساس. كان يبي يخطبك.
رنده: حسام كنك تحكي معايا هك.
طلبني وانا. موافقتش خلاص سيره تصكرت
حسام: نظراته ليا. في الفرح محبيتهاش.
رنده:: يعني شنو. توا
حسام: يعني حساامو يغير. ويحب. مراته بجنون.
رنده:: وانا انحبك. بس نحب حتي هلي
حسام:: حسام هلك وبسس وعيالنا اللي يبو يجو هذوما احلي عيله
رنده:: بس نعدي نزور خوالي. عشاني حسام. لوتحبني تخليني نعدي
حسام: حاضر نخليك تمشي. بس مش ديما. بجوي انا. تمام
رنده:: تمام.
حسام: تخشي الدار.
رنده: اها
حسام: وتلبسي الطرف اللي جبته لكي امس
رنده: يي حسام لالا هذا جرئ نقدرش نلبسه.
خسام: عشان خاطري البسيه
رنده؛:اعذرني حبيبي. نبيش محبيتاش.
حسام: كل مانجيب حاجه. نبيك تلبسيها. تتقززي. مش هكي يارنده عاد. تلحلي شويه. منحبش انا أَلَمرا. االلي. تقعد تتحشم. واجد نحبش أَلَمرا العبيطه في الامور الدار
رنده: طبعاا. انت. خبره. في انواع الصبايا واللي كيفي. عندها الحشمه. والعفه مش ماره عَلِيك
حسسام: ركزي في كلامك وخلي ليلتنا حلوه مش داعي. نتعاركو. علي حاجه من حقي.وانتي. قاعده تغضبي في ربك
رنده:: بس انا منحبش. نلبس هكي نحسه زي لبس الصايعات. انا نلبس حاجه ناعمه. قطعه حلوه مش هكي
حسام: وانا نحب مراتي تلبس هذين
حرام عَلِيك. عاد ديما تكسفي فيا. تصبحي علي خير.
ررنده: ياربي شن اندير. منحبش نلبس لبس مستفززهدا
خشيت. للدار وهوا قاعد علي النت
لبست روبي جيت جنبه. حبيبي. اسفه. بكرا نخاول نلبسه حاضر.
حسام: معش تلبسيه خلاص
رنده: لالا بكرا وعد. نلبسه. بس افردها. عاد
حسام: حاضر. ونقدرش. نزعل منك للاسف
باهي انا جايب فيلم. تتفرجي معايا منعرفش قصته. قالو سمح خديته
رنده: تمام. ياريت
حسام: حطيته. وقعدت. علي صدري ونتفرجو
رتده: ييي حسام هذا فيلم امسخ. طفيه. اعع
حسام: تفرجي يارنده عادي. لقطه عادي في فيلم
رنده: لالا حرام. اعوذ بالله ووووه هذا فيلم اباحي
حسام:: تي. تفرجي. بلكي تثقفي. شويه راك بكل عبيطه.
رنده: عبيطه عشان نخاف ربي عبيطه عشان نبيش نتفرج علي القرف هذا
حسام: اوووف منك معد عرفت. كيف نغيرك نكد. وخلاص
حولي خليني نرقد
><~<>>>
ساره:رنت علّيا نسرين حكتلي. قعدت في نار وجوي شين وعقلي يدوي. علي محمد.
وسبم: ساره. تقدري تخيطيلي. كم سوريتي.
ساره: حاضر. مسكّت. يده. نحيط. في. البطمه.
وسيم: قعمدت نحكي علي المعهد والمصنع.
ساره ساره تسمعي فيا
ساره: ها محمد
وسيم: نعم. ها من. فكيت يدي
ها من. من امبدري وانا نحكي وحضرتك من معايا سارحه. تاريتك في محمد. ربي فضحك زلقتي في اسمه
ساره: وسبم. اهدا ارجوك. واسمعني.
وسيم:: معندي ما نسمع. سمعت وخلاص سارحه فيه. وتفكري. فيه شن نبي نسمع اخري.
انا طالع ومرات نطول.
ساره. :: ياربي زمق هذا. ناقصني. انا.
اوووف. قعدت. متواصلة. مع عصام لين عرفت. اللي صار. كله. زدت انشغلت. علي محمد
بس تذكرت. اللي طلع زعلان. رنيت عليه.
وسيم: طالع من العصر. مخطرلهاش ترن تنشغل الا توا الساعه 10 مبيتش نرد عليها. زدت. عندت وقلت منيش مروح انوريها البرود مشيت. لاحمد وكسدت. شوبه. بعدها. طلعت. الساعه 11بدري مزلت نبيها تنشغل وين. نمشي وين وووووين. اه تمام. مشيت كسدت حنب شباب اصحاب. يلعبو في كارطه ويسهرو. قعدت معاهم. خداني. الوقت. للساعه 2:30 بحتت في تلفوني. عررررم مكالمات ومسجات منها
ساره: قعدت مشغوله عليه نرن ومحد يرد. دزيتله مسج
ياعيوني رد حرام عَلِيك
سيمو. رد علّيا. راني في نار
لو زعلان مني انا اسفه مش قصدي. وتعال ونشرحلك لَيش. كنت مشغوله عليه
وسيم::روحت
ساره: كنت في الدار. طلعت نجري
وين كنت لعند توا
وسيم:: كنت وين ماكنت. شن دخلك
ساره:: عنجد شن دخلك وسيم رد علّيا كويس. شغلتني. عَلِيك وين كنت
وسيم: واجد انشغلتي. علّيا حسيتك مشغوله طالع من العصر. ومخطرلكش تنشغلي الا الساعه عشره
ساره: مو انت عطيتني العلم تبي اطول قلت خليه علي راحته ومش داعي نزعجك
وسيم:: بس طلعت زعلان منك. مفروض تزيدي ادوريني مش تفوتيني. جو ملح. ازعل ولا تطربق
ساره:: لالا عَلِيك. بطل تفسيراتك. الهبله. ياحبيبي انا كان عقلي مشغول بمحمد. صاح بس لان محمد صارت معاه كارثه وبروحك لما تسمعها راح تنصدم
وسيم: مبيتش نعدل عليها وخشيت الدار نغير.
ساره:: لحقته.
سيمو. انا اسسفه افهم القصه قبل.
وسيم: مبيتش. نعدل. غيرت دبشي. وخشيت الحمام
ساره: ياربي كالعاده طبع معفن فيه. يصكر وذانه وعيونه. بعد يزعل.
طلع من الحمام. جيته اخري.
عاد. اسمعني ولو مره. وبطل. حركات الاطفال. هُذِّا. وسيم.الطبع اللي فيك هذا منحباش طبع شين وظالم يعني. افهم قبل وبعدين أسم. غلطت فيه. ومش حاجه عار وكبيره درتها يعني
وسيم: مبيتش نرد وخشيت للفراش
ساره:: عطاني ظهره خشيت جنبه
علي يعبرك باهي. ملح معش بنعدل عَلِيك
برمت تغطيت. وعطيته. ظهري
اووف. نعرفش نرقد هكي. انا قعدت نتقلب
وسيم:: لو. سمحتي. اثبتي وبطلي حركه
ساره:: لو. سمحتي. عنجد طروحك. طفل
وسيم: تمام. تحركي براحتك. مخليها لك الدار
خديت مخدتي وطلعت للصاله.
ساره::اووف. حاولت نرقد مقدرتش. صبيت. بخيت عطري وطلقت شعري وطلعت. خ
#يتبع...