#رجل_تحت_الحظر
#الحلقة_الواحدة_وثلاثون
#للكاتبة_ريم_محمد
##لايك_كومنت
ساره:: اوووف هذا ناوي النكد. هكي.
نطلع وراه ولا نخليه يهدا. ياربي شن ندير
تأ. قررت نطلع نحكي معاه ونحاول نحكيله بشويه توكلت علّي الله وطلعت.
وسيم:: اتكيت حطيت يدي علي راسي. وحاس روحي متوتر. حسيتها مصبيه فوقي. بعطرها الفايح
ساره: نزلت راسي وحبيته علي راسه
حبيبي تعال تمدد في الدار. ونحكو.
وسيم:: هكي متريح وكلام عنديش راس نحكي خشي دارك
ساره::وسيم بطلها الحركه هُذِّي مهما يقعد بينا جو تحرج وتاخد مخدتك ترقد برا مش حلوه.
وسيم: مش حلوه. عندك بس عندي هكي أريح.
خشي دارك
ساره::. حاضر توا نخش. داري. بس. قبل. نخش نحب نقولك شكرا علي الفرصه اللي عطيتها. لهلك يشمتو فيا
بس قبل نخش نبي نقولك انا غلطت صاح. اللي نسيت نمسك التلفون في يدي ونفطن للمكالمات وهذا اعتراف مني بس في اي شي ثاني انا مغلطتش. عصام قالي جاي الساعه 11 ولو مش مصدقني اسأله هوا قدم الوقت هك. بجوه انا شن عرفني. اول ماخش مسكّت تلفوني شفت المكالمات. ووقتي رنيت عليك وصدقني مشفتش شي. طلعت الحمام لين انت جيت مش ذنبي انا. بس للاسف انت. مش واثق. فيا وحياتنا هك. بنتعبو فيها. انت علّيت صوتك وعيطت في الشارع علّيا وانا حقي نزعل. باي حق تعيط. عشان طلعت جنبه الراجل عريس وطالع بمراته وانت رنيت وقت طلعته كنت مخمره ولا شافني ولاعرفني. بس انت حطيت روحك في موقف شين وحطيتني معاك. قدام الصاله خوتي والاقارب وحركتك مش حلوه وانا اللي زعلانه توا منك انا اللي شايله توا منك. نجيك ونتحمل ونتقرب وانت تصدني.خليك متريح مكانك بس انا مش علي مجازك تعصب وتكسر وتقول كلام بعد تهدا وترايف تجيني ترضيني بكلمتين وانا العبيطه نرضا. حركتك آليوم كسفتني. ونكدت علّيا. اصلا خلاص بديت نمل. من تصرفاتك. وحفظت طبعك. تمام تجاهلني وسيم. ودير روحك راقد ومش معدل. بس صدقني.مش راح نمشيها لك بالساهل. اها ونعطيك العلم قبل نجاح وامها يوصلن الموقف غلط. انا مفطنتش لما خش محمد صبيت بنلبس وشاحي وتقابلت معاه شافني وكملت طريقي.
وسيم:: حولت. يدي ونطيت. نعممم. شافك. وصدفه. لالا. الموضوع مقصود. معناها. انتي
ساره؛ قربت يدي.من فمه وقتله. اسسسسكت. انت قاعد تتسرع. وتخرب حياتنا. قاعد تنهي فيها بإسلوبك وكلام الغير موزون. انا بنت متربيه ومحافظه علي اسمك يازوجي الواثق فيا سيبته. مصبي. يبحت فيا. مصدوم مني.
خشيت الدار. طبقتها. صبيت علي المرايا ومسكت مزيل المكياج. قعدت. نمسح ونبكي. نكد علّيا مجنون ومتخلف.
رديت وتمددت في فراشي. قهرني ببروده. تجاهله ليا واسلوبه عصبيته وجنونه
بين عيوني مر. مواقف اليوم.
محمد ودمعته. قديششششش وجعني. لقيت روحي نبكي.
مسحت دمعتي بسسسرعه. دمعت شنو هُذِّي ياهبله. كنك. انتي. عليش تدمعي. حولي الافكار الغبيه من. راسك امحي صورته. من عقلك. ياساره. مسكّت تلفوني وولعت علي قرءان. وحاولت نغمض عيوني. ونرقد
><~~
وسيم:: خشت وسيبتني. قعمزت حطيت يديا علي وجي. مسحته بعصبيه. لاحول ولاقوة الا بالله العلي العظيم
صبيت توضيت وصليت ركعتين. رديت لفراشي وكلامها في وذني. بس هك قلبي مش قادر. اخخخخ
><~~|
رنده:: طلع محمد وانا خلاص. عيوني. معش قادرات يدسن رديت علي طاوله جنب اخت حسام ونحاول نجامل ونحكي بس الدموع ينزلن بدون ما نفطن
اخت. حسام.. كنك رنده عيونك دموع
رنده::يي. حساسيه نتحملش الكحل انا
نعمه:: حاسه بيك شعورك مجربته. يابنت بطلي مكابره
تحبيه ووووو ااااه من حب من طرف واحد
رنده:: فنصت فيها وارتبكت
اخت حسام:: باهي رنده حسام يرن برا. الف مبروك عليه وعقبالك قريب
رنده: تسلمي وعقبالك ان شاءالله.
~<|>|
حسام:: شنو رنده منظرها
اخته:عسوله بكككل وذوق ياحسام
حسام::اها. وشنو جوها في خشت العريس لابسه حجاب ولاعاديه
اخته: لا لبست. اصلا هوا رن عليها قال توا خاش
بس تعرف تحسها مزالت تبيه. وو.....
~<~>,
محمد:: وصلت الشقه.
تفضلي ياعروس
نوران:
محمذ: تي كنك قالبه وجك من اول ما ركبنا السياره وانتي تنفخي
نوران::ومزال عندك عين تسأل.
جايني ترفع في الطرح وعيونك دموع. علي حبيبت القلب. ساره. وتقولي كنك
تي كويس اللي تظاهرت بالسعاده قدام الناس.
محمد:: تنهدت ورفعت راسي للسقف. يااارب.
نزلت راسي وقعدت نبحت فيها
نوران::شفت نفس الدموع
مزالن يلمعن في عيونك. لقاء صعب طبعا. القدر ضدكم. وحاس الدنيا شينه. لحظات تمنيت وتخيلت جايها ترفع في الطرحه لها. سمحه كانت صح عيونك عليها طول الحفله تدور بين الناس. وانا الغبيه اللي مقعمزه مليش اي اهميه.
محمد:: نور. نوووووور ارجوووك. خلاص كلام في ساره وذكريات ساره. ااه لَيش النكران انا لحظات صعبه كانن علّيا. اه انا غبي وحمار كنت ندور عليها. اااه كنت متمني الزفه لها مش راح ننكر. بس هي باعتني. برخيص. هي كسرتني وجرحتني. انتي بيدك تشريني منها. انتي بيدك تقدري تلمي الكسر وتجبريه. انتي بيدك وقلبك وحنانك. تقدري تداوي الجرح. وتعقميه.
نور انا اسسسف. حقك علّيا. نور انا معاهد نفسي. نحبك ونقدرك ونكون مخلص لك في التفكير والقلب
نور:: للاسف. انت اللي جرحتني اليوم. جايني بدموعك علي حبيبت القلب. أربكتني معاك تصرفاتك غريبه. احرجتني قدام هلي وصحباتي. خليت التساؤل في عقول كل الحاضرين. الكل. حس. بنظراتك في ثواني ولحظات. اللقاء. بينكم. مسكّت رنده لك. وهي تجر. فيك. تركب ليا. باين كأنك نادم وبتهرب ركبت. باين عليك ترعش طيحت الباقه. ودبله وباين الارتباك عليك.
مخمد:: نور انا اعترفت. وجايك تايه ضايع. زي الطفل. فاقد هله ومحتاجلك تمسكي يدي وتعوضيني.
نور: اسفه محمد حركاتك اليوم. أزعجني وانا مش طايقه وجك ولا صوتك.
ولو سمحت. خليك بعيد علّيا.
محمد؛: كانت جافه. ونظراتها حقيره تحكي بصبعها وتبحت فيا من فووووق لعند لوطا. رفعت الفيلو. وخشت الدار صكرتها
قعمزت. مخنوق. حولت ربطة العنق. وسلحت الجاكه.طلعت البلكون ندخن وننفخ. قعمزت نفكر في يلي صار.
حاولت نعذرها ونقول ممكن كلامها صاح حست بالاهانه
تعوذت من الشيطان. وخشيت دقيت علي الدار متردش
فتحتها. مظلمه الدار. وراقده
فتحت دولابي خديت بجامه وطلعت. لبست وتعطرت. وخشيت جنبها قربت منها. حبيتها علي كتفها. انا اسف
نور انا عارف انك واعيه. حبيبتي انا اسف وزي ماقتلك. نبيك تخليني مهبول. نور. ابرمي علّيا خلينا نحكو.
نور:: مفش بينا كلام وقتلك انا معصبه منك. لوسمحت اطلع
محمد::مش هكي يانور انا تأسفت وجيتك نعتذر وماانكرتش بالعكس. ومزلت نعتذر واللي تبيها حاضر.
نور::انا نبي رد اعتبار وشي يبين انك فرحان بيا وطاير بيا قدام صحباتي وأقاربي
محمد:: اللي تبيها حاضر. بس ابرمي خلينا. نحكو.
نور: برمت عليه ومسكت. لحيته.
اللي. نبيها حاضر وترد اعتباري اكيد
محمد::اكيد. حبيبتي. بس توا خلينا نصبو. نتعشو. ونصلو. ونكملو. يومنا زي اي عرسان. احلي ليله وذكره نبوها نبيش تقعد ليلتنا نكد. ممكن
نور:: ممكن. بس بعد توعدني انك بكرا تمشي. تقدم علي تأشيره. لايطاليا وعليما روحنا من تركيا تقعد طلعت نسافرو من غادي. وهكي يقعد رديت اعتباري. شهر. عسسسل طويل
محمد: بسس.هكي واجد علّيا فلوس من وينلي انا يانور. انا مزلت في بداية حياتي نكون في روحي. اللي عندي حطيته بين الشقه. والفرح ودوبك نقدر. اسبوعين تركيا
نور: حبيته علي فمه انا منرضش غير هك. وبعدين تقدر. تاخد من باتك ولاخوك. لانك تستاهل . ونكدت علّيا. وزعلتني
وشكلك ناوي تزعلني اخري. لانه واضح خساره فيا. لو ساره راهو. مكلوب ماشي تحجز
محمد:؛ لَيش توا سيرتها بسس.
وبعدين كنها تركيا. احمدي ربك عاد
نور؛؛ وخرت منه وصبيت
يبقي ليلتك سعيده وانا بنرقد في دار الثانيه.
محمذ:تي كنك. عاد مصرش شي. للدرجة هُذِّي.
نور:: ولا راح يَصير. شي بينا. لين. تدير اللي قتلك عليها
><~<~~
ساره::نضت. الصبح. مش قاعد. طالع ومنظف جنون أمس اللي داره. غبي خرب المدخل والطاوله. اااه غبي
. درت قهوه لروحي ورنيت. علي نعمه. طولت وانا نهدرز معاها.
صكرت منها. رنيت علي رنده طولت نحكي معاها. يي الساعه 12 وطلعتش دجاج اصلا. شن ندير الغداء
صبيت رنيت علي ماما وقعدت تقولي شن. انحط وندير.
درت طاجين بطاطا. وخشيت الدار غيرت لبست شرت امريكي وبدي نص البطن. بخرت الشقه. وقعدت علي التلفزيون.
فتح الباب خش.
وسيم:السلام عليكم
ساره؛؛ رديت بدون مانبحت فيه
وعليكم السلام
وسيم: خشيت الدار. غيرت وطلعت الحمام.
ساره::صبيت حطيتله غداء وغطيته ورديت علي التلفزيون نتفرج
وسيم:: قربت منها.
وين الغداء
ساره: مرديتش عليه
وسيم:اظن نحكي انا. بدل تتفرجي يامدام. مفروض مصبيه. حاطه حاجه. لراجلك.ولا كالعاده مش مطيبه
ساره:: رفعت عيني وبحتت. فيه
صبيت. وأشرت. علي الطاوله. غداك. ومشيت سيبته للدار
وسيم: حسيت روحي بايخ. مشيت. للطاوله. قعمزت
ناديت عليها.
ساره تعالي تغدي
ساره:: صكرت الدار بالقوه بدون مانرد عليه
وسيم: اووووف.
كليت شوي وطارت النيه. صبيت. لميت السفره وطلعت لباتي
حسيت بعيون عفاف تضحك
ربيع:: اوووو. الرجل. الغبي شايل مراته لفرح حبيبها
وسيم:: ترا حل عني مش جوك
ربيع:: هههههه شنو مزلت متعارك معاها بس حرام الشقه جديده كسرتها لها تي ياراجل رزق هلها. وانت تحذف وتعزق عيب عليك
وسيم؛: صكر فمك. ياحيوان. من قالك نعزق ومتعارك. بالعكس انا شلتها بطيب خاطر. لاني واثق فيها
واللي سمعته عركه عاديه بين اي زوجين مش شور محمد والفرح بكل
عفاف؛: ربيع. بطل تصنت وخلي الراجل في حاله هوا ومراته. يعني حتي ولو يغير حقه يقعد مش راجل كان محسش بالغيره.
وسيم::بحتتت فيها بغل. وبرمت بسرعه طلعت.
خشيت الشقه. قعدت معصب من روحي. علي هبالي. سمعتهم ياغبي. شمتتهم فيك وفيها اووف
ساره: رن تلفوني. سحر. تبيني نجيها نكسد. قتلها. ياريت خاطري نطلع بس متعاركه معاه ونبيش نحكيله.
سحر:: خلاص صكري توا عبدو يرن عليه هوا.
~<,,
وسيم؛:رن تلفوني عبدو وعزم حاولت نتهرب من المشيه بس حلف. نجو
صبيت. خشيت الدار. كانت متكيه وتلعب بالتلفون
ساره راهو رن عبدو يبينا نشربو. قهوه عندهم
ساره:: مبيتش نرد عليه وبرمت.
وسيم:: قربت منها
ها شنو. نرد نقوله ساره نحكي تهيالي انا
ساره:: اوووف. نبيش نمشي.
وسيم. :بس هوا حلف
ساره::عدي بروحك
وسيم:: توا مش وقت تنطنيش. نحكي معاك ردي عادي
سلره:: قعمزت وقعدت نبحت فيه ونحكي امالا وقته امتي التطنيش. أمس بجوك يعني واليوم جوك تمام نرد عليك عادي عنديش كرامه اصلا. تحسابني. غبيه وضعيفة الشخصيه.
اسمع انا شخصيتي مش زي ما تعرفها. اسأل اختك علي شخصيتي. شخصيتي. اول يوم جيتك هدي هي
تبي نردها معنديش مشكله. لاني نقدر نعيط ونصرخ وندير هبال كيفك. درته لما رفضت نتجوزك. وجننت عماد معايا
وسيم::درتيه علي الحقير وجايه بفناصة عين تقولي فيها ياوقحه
ساره:.الوقاحه. انك. عارف الماضي وعارف ومتأكد. اني مسلمتش روحي لك الا لاني حبيتك.
وتقعد تعيط وتشك وتقول في كلام وتصرفات من غير وعي
وبعدها تجي تبي الغبيه ترد عليك عادي.
وسيم: ساره تعوذي من الشيطان وتشمتيش حد فينا
ساره::لاه. توا نتعوذ من الشيطان وليش ماانت تعوذت منه أمس. شفت حتي هُذِّي وقاحه. التشميت انت اللي هديته لهم. وفرصه عطيتها. لهم اااه علي وساده. من الشمواه المخملية. صح مش هذا وصفك امس ياشاعر.
وسيم::قعمزت جنبها
عيوني انا اسف نحبك وغرت. الشيطان لعب علّيا وركبني الوساوس والجنون. حقك علّيا
ساره;: وخر. منبيش اسفك. انا مش ساهله ولا عبيطه. نرضا. بحظن. ورياف وكلامك اللي تاكل. به عقلي. لالا انا عندي كرامه وعندي احساس بالكره والغضب. ومش بالسهوله هل المره تاكلني بكلمتين
وسيم:: بشتي. تخليش قلبك قاسي.
ساره:: صبيت.
متفكرش تقرب مني واعرف اني شايله عليك وقلبي ملياااااان منك
طلعت للصاله وسيبته
وسيم: حطيت يديا علي راسي.
عليك قصه.
صبيت لبست. دبشي. وطلعت قتلها.
انا ماشي لعبدو.
ساره:: معلش راجي نبي نعدي انا.
وسيم:: معناها بسرعه. تلقيني في السياره
><|>,>
علاء:: مريت علي صالح. نهدرز معاه ونبيه يجيب ملاك نسلم عليها قبل نسافر
صالح:: ممكن. يقعد اخر مره تشوفها.
علاء::عليش امها تبيش
صالح:: لالا بس امها. بتجوز ومرات. معش تقدر تصرف بدون علم راجلها وهكي
علاء: تجوز. وبنتها
صالح:: المرا تبيش مسكينه في حاله نفسيه تعبانه. مكملتها بكاء هذا رؤوف وباتها غصبوها وزيد علي البخت العريس. شايب كبير. صاح فلوس وغني. غرنهم الفلوس. وباعو بنتهم
محد مدور رايها وشعورها.
علاء:: بس هكي حرام عليهم. يخلو المرا.علي راحتها
صالح:: توجع مسكينه طبعها هادي ديما مظلومه معاهم
لدرجة امي تزن علّيا نتجوزها. انا بس عشان. نريحها من هل الجيزه
علاء:: مش عارف لَيش حسيت بضيق وتنكدت. طلعت من عنده ولعت سيارتي وقعدت نبرم وكلامه عليها يخنق فيا. صوتها في الشاليه وهي تبكي في وذني
منظرها في المحل بين عيوني
تجوز. تجوز وانت مالك ياهبل خلي المرا في حالها هلها ادري بمصلحتها.
لالا حرام هلها يضلمو فيها والظلم حتي لملاك البنت تبي حنان. الاب. مش راجل شايب شابع من ازعاج العيال.
مسكّت تلفوني ورنيت
محبه:: حالتي النفسيه تعبانه حاسه بروحي مرهقه نرقدش الليل. عيوني متورمات من البكاء.
. رن تلفوني رقم مش غريب علّيا. وعيوني يوجعن ركزتش
الو
علاء:اهلين مدام.
محبه:من معايا نعلش
علاء:اه انا علاء.
محبه::اهلين كابتن علاء. كيف حالك
علاء:: محبه كنه صوتك شن في
محبه::تعبانه برد بس. خير كابتن. تبي حاجه
علاء:: حسيتها توزع فيا تبي تصكر
باهي. نبي نسلم علي لوكا اليوم. انا مسافر بعدبكرا ومش جاي الا بعد شهور مطوله غيبتي المره هُذِّي
محبه:: اه حاضر آليوم نشيلها. حوش صالح
علاء:خلاص انا الساعه خمسه نمر عليه
محبه:: ان شاءالله
علاء::مبروك. قالي صالح علي خطبتك
محبه:: انفجرت بكاء.
علاء:اهدي. محبه. عشان خاطري اهدي.
اسمعي انا نصكر توا عشر دقايق ونرن عليك. تقعدي غسلتي وجك وشربتي ميه تمام
محبه::
علاء::صكرت. منها. ودرست في مكان فاضي
رنيت ردت
ها هديتي توا
محبه:: اه.
علاء::لَيش انتي تبيش. يعني الراجل كبير ومش مناسب ولا اصلا رافضه الزواج
محبه:: انا نبيش نتجوز بعد يوسف.
ومحد. حاس بيا. كلهم. مصالح. وانانيين. يبو يفتكو مني بحجة العمر. يجري وهذا كويس وعاقل وحنون. يعطف علي بنتي. وهي تحبه. بس. انا نبيشششش.
علاء؛: باهي. وضحي لباتك. اشرحيله تتحشميش.
محبه:حكيت ودويت. ودرت. اللي في جهدي. بس. هوا امر فرض لا نقاش فيه
تصدق امس. في الليل. فكرت ناخد دوا نسمم روحي ونسمم بنتي. ونلحقو. يوسف ونريح الكل من حملي.
علاء:: رد. بالك. انتي مسلمه هذا كفر وجهل.
محبه تطمني. مش راح اتم هل الجوازه.
محبه:: كيف بسسس كيف
علاء:: نتجوزك انا.
مخبه::نعمممم. انت
علاء:: ايوه انا.
محبه:: انت متفهمش قتلك نقتل روحي ولا راجل يمسني غير يوسف. وتقولي نتجوزك. انا غلطانه اللي فتحتلك دلاله وجو حكايا.
علاء:: انا مش استغلالي ولا حقير. وبارد زي ما في عقلك قاعده تحكي علّيا انا. تهمني ملاك. محبه ملاك غاليه. عندي واجد ومتأكد انها مش راح تنسجم.
محبه:: انا نبيش حد. بنتي قادره بروحي نربيها.
علاء:: وهلك مصكرين رأسهم ويجهزو دفعك بعد يومين. والأسبوع اللي بعده تجوزي وتسافري.
محبه:: قتلك الموت ارحم. ليا ولبنتي
علاء:: وانا سامحيني ملاك اهم عندي.
صكرت عليها وريت مشيت لصالح. وقتله كلملي امك
حكيت معاها وقلت اني نبيها من ايام الشاليه وعاجبتني وتبيك تمشي اليوم لباتها وامها وتحكي علّيا. وانا راح نجيب هلي. واللي يبوها حاضر.
><~>~~
ساره:: مشينا حوش عبدو
وسيم:: شن ناخد معايا
ساره::مبيتش نرد عليه
وسيم؛:نحكي انا شن ناخد معانا
ساره:: حكيت بنفتره
اللي تبيه خوده
وسيم:: تأ اوووووف. نزلت الحلواني.
خديت حلو. وركبت مديته لها
ساره؛:خديت العلبه وانا قالبه وجي
وسيم::زيدي كشخي مستفزه
ساره:: إيوا هذا اللي نبيه. نستفزك.
وسيم؛: بحتت فيها من الجنب وكملت طريقي
ساره:: درس السياره
وسيم::انزلي.
ساره::نزلت وهوا منزلش
رديت عليه. وين شقتهم
وسيم: منعرفش مش متبيش. تحكي معايا. خلاص اركبي بروحك دوري. بالشقه
ساره:؛ مكر يعني
وسيم: اطلبي ننزل معاك وامسكي. يدي. ننزل غير هك. دوري بالشقه بروحك
ساره:: اوكي نركب ندور بروحي. خشيت العماره وسيبته
رنيت علي سحر.
طلعت وخشينا الشقه
عبدو: وين وسيم
ساره:: خهههه خوك هذا مطرشق بجد
سحر:: مزال متصالحتو
ساره:: ولا نحكي معاه لو تشوف الهبال اللي داره
عبدو:: اعذريه بصفه عامه نحن الرجاله. غصبنا هبال
وسييم طيب وغضبه هذا ردت فعل للخوف هوا خايف انك مزلتي تحني لمحمد. يعني مزال مش مصدق كل اللي صار معاه
من وسيم المسكين الفقير. المهمش.
لوسيم اللي متجوز. بنت ماشاءالله عليها وعاش. حياة جديده كون اسره وزوجه حبيبه وسيم خايف. يفقدك.يقارن في روحه بمحمد. طبيعي بيغير. يعني احمدي ربك شالك لو راجل ثاني حوش خالك هذا قص عليه هوا صاح ممكن كثر عصبيه وانفعال. بس حتي انتي التمسي العذر. لو تحبيه. وعارفه طيبت قلبه حاولي. تسامحيه
سخر::اهو شكله ركب. افردي وجك وهدرزو. نبوش زعل تي عوينه. عفاف وبنتها
عبدو::سسسسحر
ساره::يي تبو تتعاركو. نروح راه.
عبدو عشان خاطري دير روحك متعرفش بعركة أمس
عبدو:: تمام.
.~<,?,
وسيم: شوفه الدوا اسأل عليه.
عبدو:: كويس هذا. يعني هذا فيتامين. شن دخله بالنوم والمهدي
وسيم::مش عارف قلت بلكي منه لانه هذا الدوا اللي عطاه له الدكتور جديد
عبدو:: لالا هذا فيتامين. ميخوفش انت ممكن تجيبه ليا العياده. نديرو فحص جديد له. ومرات الكبر. الانسان بعد يكبر. يقعد زي الطفل. يحب. النوم.
وسيم::بلكي
سحر::القهوه.
شكرا. كنافه. تهبل
وسيم:: العفو. صحتين.
ساره :: ماشاءالله شقتكم حلوه
عبدو:: بس شقتكم احلي عاد. خصوصا المدخل عاجبني. نبي ناخد زيه
وسيم:: عينك معناها
اصله طاح تكسر
عبدو؛. لالا شن دخل. عيني
ساره:: حشاك ياعبدو. انت تعرف ربي وديما ذاكر الله.
وسيم:: هيي خلينا نطلعو. ونخلو الهوانم. ياخدن راحتهن
عبدو:: تمام نجيبو عشاء الدكتوره عازمتكم علي سندوتشات. مطعم. شفتو الفضيحه
ساره؛:اطلع منها. لا فضيحه ولا شي.
وسيم:: تعجبها هُذِّي عاد شورها التنبله
ساره:: بحتت فيه وقلبت وجي
سحر:: هي عاد بتتفقو عَلِينا دروحكم
.
ساره: بحتت فيه كنها يبحت. هكي هذا
وسيم:: غمزتلها.
ساره:: برمت وجي
عبدو:: لانتفقو لا نتخالفو. هي ياخويا. ننزلو ونخلو التنبالات. يقرمن.
~<~~~~
عبذو:: تعرف موضوع. خدعت عماد وكذب اختك عليه مقلقني خاطري نحكيله. ضلم خوه ووصلت بينهم لمد اليد والطرد.
واختي كذابه.
وسيم:: خليه يستاهل. هذا خداعه واستغفاله لاخته اللعبه اللي دارها عليها اهو قاعد ينخدع ويستغفل.
عبدو::بس حرام
وسيم:المشكله. تحكي موقفك بايخ. يقعدومرات يصدقكش . الموضوع. متشابك
يعني ساره بروحها مقدرتش تحكيله لان. نجاح مسيطره عليه. بكل
عبذو: قولتك. اخته وخافت انا مالي
خطرها عجبتني انك. دزيت ساره للفرح هُذِّي ثقه منك واحترام. لها.
وسيم:: بس مقدرتش نكمل احترامي. في اخر اليوم امس. لبزت كل حاجه
عبدو:: نهارك شن مخرب وامفلم.
وسيم؛:كان الايام. كلهن تمام احترمت رغبتي. ومشت زي ماانا نبي. بس جيت علي اخر ساعات. الفرح خربت كل شي معش قدرت نتحكم في غيرتي
عبدو:: وسيم متقعدش هبل. خفف غيره راك. هك تطفش فيها. تنساش انها بنت جايتك من رفاهيه وعز. وتنساش. انها كان بمقدورها تسيبك وترد لمحمد.
بس هي اختارت العيشه معاك و الباين البنت. تحبك. حرام عليك تنسي كل اللي دراته وادير فيه معاك وتزعلها
وسيم:: هي زعلانه بكل مني شايله انا كثرت عليها وكسرت الشقه. بس صدقني غصبا عني مقدرتش نمسك روحي عقلي قعد. يشيل ويجيب. في افكار. وساوس. نادم اني فكرت فيهن
عبدو:؛باهي ركز مره ثانيه هكي زي ماقتلك اطفش البنت منك لو تقدر تعيش من غيرها. كمل في غيرتك وهبالك
وسيم؛: حياتي بدون ساره يعني انا ميت ومدفون. مستحيل نتخيل. حياتي من غيرها
عبدو:: يبقي راضيها. وتخليهاش ترقد زعلانه منك
وسيم: ان شاءالله خير.
><||
ساره::صراحه وجعتني منه. بس في نفس الوقت. نلوم في روحي ونعذر فيه. لانه موقفه حساس. بس قهرني لما جيته ونبيه يخش يزعل في فراشه طبعه زي الطفل لما يزعل يحرج. ويطنش الاسلوب هذا انا مفروض انديره مرا مش هوا
سخر:ياخيه. هما هك عقولهم صغيره. زي الاطفال يبو مسايره. بس تبي نصيحتي هل. المره. شعفيه. خليه قبل يعيط مره ثانبه. يحسب الف حساب
ساره؛: مفيها يحسب وسيم طبعه هك يتسرع ويكسر. ويعيط ويجي بِعد ساعات يتأسف ويتودد.
سحر:: باهي عارفه العريس حتي هوا يوجع روحت امس قلبي متقطع عليه باين فيه. مرتبك وزعلان. اصلا عروسته. مش له واضح وحده فانص وهك ثقيله
سلره::تمنيته. كمل مع رنده عشان ضميري يقعد متريح. لان متأكده كان راح يتريح ويلاقي من تصبر. عليه وتساعده ينساني. بس هوا اختار. الغلط.
سحر::سموحه رنده. اخلي من العروس
ساره:: عمرك شفتي اغرب من هكي قصه
قصتنا تحير. معش تعرفي من فيها المظلوم و من اللي تتعاطفي معاه ههه
محمد حب عمري الانسان الصادق والوافي
تجوز رنده باتفاق كلنا رضينا به رنده اللي كانت تساعد فينا نتقابلو.
ساره تجوزت. شخص غريب هك. جواز خدعه خلال اشهر. باعت ساره محمد وتعلقت. بوسيم. رنده غلبها شعور الحب وتعلقت بمحمد ونست. ان ممكن الشي هذا يزعل ساره. عصام حبيبي المظلوم تعلق برنده اللي رفضاته
قصه متشابكه.
من المظلوم مش عارفه من اللي تتعاطفي معاه مش عارفه
اصلا تعلقي بوسيم بالسرعه هُذِّي هل. حب ولا تعود مش عارفه
سحر:يي. ساره عليش البكاء ياهبله. كنك
ساره::مضايقه ياسحر. منظر. محمد قطع قلبي
ومنظر وسيم وهوا معصب قطعني زياده.
انا خايفه نقعد حنّيت لمحمد. خايفه نقعد خائنه بالتفكير.
خايفه نقعد غبيه ونودر. روحي وزواجي شن نبي مش عارفه
سحر:: ساره انتي بس متوتره. ضغط عليك. اسلوب وسيم مع خوفك. من محمد يدمر. حياته هروبا من حبك. دايرلك ضغط نفسي.
نصيحه ساره ابعدي. خودي راحه وردي لدراك لمكان تتريحي. لما تنعزلي فيه. شوفي روحك شن تبي حسي. بريافك لشقتك وزوجك. خلي الشعور هذا يسيطر. توا تلاقي روحك بس تفكيرك في وسيم
ساره:: ممكن كلامك صح عندك الخق
~<~>>>
وسيم:: روحت بيها. خشت علي طول للدار. خشيت وراها كانت تلبس
ساره:: جيت بنطلع من الدار مسك يدي
وسيم:: مرايف. علي قطوستي. العنيده
ساره:: مش علي مجازك الرياف.
وسيم::قربت منها
لا علي مجازك لاني متأكد انك مرايفه علي حضن وسيم. لاني عارف أنك تعرفيش ترقدي بعيد عن صدر ونفس وسيم
ساره:: فكيت يده
وهذا اكثر. شي مزعلني ومعصبني. انك عارف وتتهم فيا ومش واثق
وسيم:: غبي ياساره نعرفش نتصرف
ساره:: وانا منبيش نقعد غبيه وعبيطه سيبته وطلعت الخمام
وسيم: قعدت في مكاني نراجي فيها.
ساره::طلعت من الخمام. خشيت الدار كان مقعمز يراجي فيا
خشيت للفراش وعطيته ظهري
وسيم::قربت منها
انحبك
ساره:: حطيت يدي علي وذني
وسيم:: حبيبت قلبي مشيها هل المره انتي قلبك كبير. ووعد اخر مره نتصرف هك
ساره::وخرته بيدي
ديما هذا كلامك ووعود كذابه.
وسيم:: ساره خلاص عاد مش بينا المكر هذا ساره حضن وسيم مرايفتيش عليه
ساره:خلاص عادانت اللي وخر وسيبني في حالي انا مش طايقتك. كلامك الجارح وحركاتك وهبالك. مزالن بين عيوني.
وسيم:: صبيت.
لا عاد هذا مش زعل هذا قرف وكره.
انتي رديتي حنيتي لمحمد. ومش طايقه صوتي ولمسة يدي.
انتي منقرفه مني. شفتيه حنيتي وندمتي.
تمنيتي روحك انتي مكان العروس حسيتي بالحن. لما شفتي عيونه.
ساره::شفت انت. هك مستحيل تتغير. غيرتك مزعجه.
انت. اسلوبك هذا اهانه ليا وانا منقبلش الاهانه
هذا شك وغباء
انت تجوزتني وعارف كل الماضي. حبيتني. وعارف اني كنت نحب محمد
وسيم::اسسسكتي
ساره::هذا واقع. حبيتني وتقربت. مني كان بينا اتفاق نرد لحياتي. ووقتها انا حره. ونقدر نردله
بس انا سلمت روحي لك
وسيم::هي هذ. ضعفتي. في لحظات ووتوا نادمه.
ساره::بتصرفاتك هُذِّي. اها نادمه. باهي هكي تبي تسمع
وسيم: وانا متقعدش. عندي وحده نادمه وغصبا عنها
ساره:: مش قصة غصبا عنها متفهمش غلط.
وسيم:: كل هذا ومتفهمش. غلط. هزيت راسي وطلعت للجنان
ساره::ياغبيه. انتي الثانبه شن تخرفي
متعرفيش تحكي أسكتي. مش تفترشي. وتزيدي الطين بله اوووف.
وسبم::طلعت قعدت نبرم وافكار شينه تمشي وتجي علّيا
نجوي:: حسيت بحركه في الجنان صبيت شفته باين عليه مضايق. اصلاواضح اللي في الحوش براقبو فيهم. وفرحانين بيلي صاير. بينهم
طلعت. قعمزت جنبه
وسيم::كنك واعيه لعند توا
نجوي:: حركتك في الجنان خوفتني نحسابك ربيع مروح سكران
وسيم:وان شاءالله حضرتك بعد تشوفي ربيع مروح سكران تطلعيله
نجوي::اه عشان نخاف من عياطه وينوض الجيران
وسيم::خليه يعيط لين يطيح دايخ ولا تطلع امك تلمه انتي بنت وخوك مش في وعيه صايع.
رد بالم نسمعك طلعتي مره ثانبه
نجوي::حاضر. بس انت كنك وسيم شن في بينك انت وساره
وسيم:مفش شي. جونا سمح
نجوي::سيمو علي من تي راكم وراكم ناس تبي الشماته. ماما وربيع ونجاح تي من امس اول ماخشينا ربيع قريب يرقص علي انغام عياطك. كنك انت علي شنو تعبط علي البنت علي الفرح
وسيم:: عشان نرن عليها متردش. وكنت متفق معاها نروح بيها قبل هوا يخش
نجوي:: تلفونها كاين في طاوله وهي لاقيه صحباتها وبنات تعرفهن. قعدت تتنقل من طاوله للطاوله. كانت عسسل. وباينه مبسوطه والراحه باينه فيها. فجاءه خش محمد. خش فجاءه بدون مقدمات انا بروحي قعدت ندور في وشاحي
وسيم::وشافها بدون حجاب بفستان عريان. ومكياج صارخ والعقول مليانه ذكريات والقلوب مليانه مشاعر
نجوي::حرام عليك بطل هبال وافكار شينه. انت هكي تظلم فيها وتظلم في روحك. وسيييم حرام عليك البنت. نكدت عليها انا عرفتها رنت عليك وعرفت انك زعلتها من الصاله. اختفت وكرّست في الحمام. الموقف صار غير مقصود منها
هي صبت المسكينه تجري. تبي تمشي طاولتها. بس هوا خش بسرعه رهيبه خاش مش شايف قدّامه. ملحقتش المسكينه توصل وتلاقت معاه في الممر. موقفتش. هربت بسرعه موقف كان غريب ياوسيم اعذرها
وسيم::وانا من يعبرني علي غيرتي من يعذروني علي. خوفي عليها ومنها
نجوي؛: وسيم بطل غباء مراتك في حوشك قاعده. والراجل تجوز. وخلي الذكريات علي قولتك تمتحي بروحها مع الايام والعشره تمتحي. انت امسحها. انت بثقتك فيها اكسبها. ساره بنت طيبه وحنونه. وباين عليها تبيك
وسيم. يوم اللي سعفتها. للمستشفي كراعها.
ياما بكت وحكت عليك. يومها لو تذكر. طايحه كاينه منك بسبب هبالك وعصبيتك. زعلتها وخشت زلقت في الحمام
يومها بعد انا نزلت الصيدليه. قالت انها تحبك وانك غالي عندها لوتبي راهي سيباتك. علي طول وانت. ديما تعيط وتشك بس هي طيبه ترضا بسرعه ومفش بنت مخلصه زيها
تي نجاح دارت هك عشان تقهرها وتوقعت انها تنذل منك بما انها معلش كاذبه عليك كذبه كبيره
او هي تنقرف منك وتجي لهلها مطلقه. بس صار العكس. من اول ماجيتو من الهوتيل. كلنا تفاجأنا خشيتو. عاديين. في غرفه وحده ضحككم. كان مالي الحوش نظراتك انت لها من الاول باين فرحان بيها وهي مش متحمله فيك كلمه.
حرام ياوسيم تخرب علي روحك. حرام تخسرها
وسيم:: هي. شايله مني المره هُذِّي مش طايقه وجي كارهتني. حاسها
نجوي:: هي بس زعلانه منك. ولانك كثرت عياط ولانك سمطتها. تغلط وهي تسامح. ردت. فعلها هل مره. شوي واعره. انت ماتبطلش. ترضيها وآلاما. تحن
~<~>
وسيم:: خشيت الشقه. كانت راقده. خشيت في الفراش جنبها قربت منها مسكّت فيها
ساره:: فطنت به. نزلت يده
وسيم:: خليني مرايف
ساره:: لو نخليك. يقعد نطلع من جنبك
وسيم:: ياساره
ساره::معنديش راس نكثر كلام ليل وتعبانه.
وسيم:: صبيت خديت مخدتي.
مش هكي عاد اقعدي فيها. هي
ساره:: طلع ورديت علي ظهري. قعدت نفكر في كلام سحر. فعلا انا لازم نقعد بروحي. لازم ناخد راحه من ضغطه علّيا ونشوف روحي انا شن نبي
صبيت. طلعت جنبه قعمزت
وسيم
وسيم: قربت مسكّت يدها ياعيون وروح وسيم حبيبي انا اسف وحقك علّيا
ساره:: وسيم انا نبي نمشي نبات يومين عند. هلي.
وسيم:: فتحت عيوني بصدمه
ساره: تأ. وسيم. متبحتش فيا هك.
من الاحسن نبعدو كم يوم. انت متوتر وانا شايله منك
وسيم؛: انتي خلاص مليتي مني. نادمه وتبي الفكه مني تبي تعدي معش تردي.
ساره:: شفت انت هك تفسر وتحكم من راسك
صبيت.
ياريت الفتره اللي انا عند هلي. تفكر كويس بأول يوم قتلك نحبك. ياريت تفكر كويس. اني كيف معاك مخلصه.
كيف نحاول نرضيك. كيف نرقد طول الليل في حظنك كيف ماتقدرش نبعد عليك. كيف منتحملش فيك شي
انا منستهلش. تحسسني. اني خائنه. اسلوبك. غلط ويزعل. وبصراحه. هل المره شايله منك.
~<~>>>>>
محمذ:: مرن يومين وهي قالبه وجها. اليوم. ماشيين متغديين عند هلي
محمد:شن اللبسه هُذِّي غيريها.
نور:: محمد كنك لبسه عاديه.
محمد:. تي ضابطه يانور السروال ملفت بكل وليش حاطه عرم الوان في وجك مش هكي عاد
نور::محمد. عاد خليني علي راحتي ساد نكد. زفتي واحراجك ليا تبي تكمل نكد ونعدي عيوني مورمات بكاء.
محمد:: حبيبتي. من جاب سيرة النكد. والبكاء. يانور انا منحبش هكي مراتي تطلع عشان خاطري حبيبتي غيريها
نور:: اوووف
امباهي توا نغيرها بس عشان تعرف اني مش كيفك مكار
انا عشان خاطرك تنازلت. مش كيفك مستخسر فيا رحله.
محمد:: انتي اللي مكاره. يومين ممنوع حتي بوسه
نوران:: رد اعتباري وكرامتي قبل اي شي.
~>~>>~
رنده:: يومين مجش. حاسه بنار. فيا. غيره ولا رياف مش عارفه
محمد:: خشيت ندور عليها
اسماء::نجيهم ياربي ماشاءالله.
محمد: امي رنده وين
اسما: مش عارفه توا كانت هنا
نسرين:توا نكلمها
محمد::لالا خليك. نبي نفاجأها انا
نور:. وين راكب خليهم توا يكلموها
محمد: نركب بروحي مش محتاج حد يناديلي عليها.
ركبت. دقيت الدار
رنده:: دق الباب ومعاه زادن دقات قلبي
قعدت ساكته وماسكه دمعتي.
محمد:رندوش. غلاتي. وينك راقده ولاشنو
اوووي رندوش
رنده:: رديت بصوت مخنوق.
شوي محمد نلبس حجابي
فتحت الباب
محمد:: ميلت راسي.
مرررررايف
رنده:: نزلت دمعتي
ناريتك. رنيت سألت
محمد:: باهي تصدقي اني معنديش شحن تلفون جديد. ونسيت شحنه في حوش الراجل.
رنده:: حجج واعذار
مخمد:: عيب رنده مش احمبده اللي يكذب
رنده: خايفه تتغير عليا
محمد؛نتغير علي الدنيا كلها الا عليك. رد بالك. تقولي هل التخاريف مره ثانيه
رنده:: اثبتلي.
وطلعني بعدين نشرو ايس رول
محمد::ههههههه. عليك إثبات. يالئيمه. بتستغليني
رتده:: يحكو. عليه واجد يسهف
محمد::خلاص بعد الغداء نطلعو.
غير امسحي دموعكً الغاليه عندي
رنده:: هزيت راسي حاضر وين العروس
وشن جوها معاك
محمذ: قاعده تحت.
رنده:: كنك
محمد::دلوووووعه وحصله. ههههخهه
رنده: حي عليك تسمعك
محمد::يي. ههههه بعدك موعرها. هي تعالي ننزلو
رنده:: نزلت سلمت عليها كانت. تحاول تفرد وجها بس باين انها مش طايقه. وجي. تجامل بس.
محمد:. تي خطرها. يوم الفرح شن دايره في وجك يافرخه.
انتي وياها
نسرين؛: طح سعدك وانت مركز.
رنده:.تي انا مش دايره واجد بطل كذب
محمد:: لا دايرات. عارفتني نكره البنت تلبز. وياما نبهتكن
رنده:: يلا يوم وعدا مشيها مشيها
محمد:: ههههه نمشي عينك. توا ندورلك عقاب.
نسرين::غير شوف بس صور هذين خديتهن لك. حلوات
نور: مادي شوف انت تهبل طالع
محمد:: ترا جد. حلو طالع
نور؛: تجنن.
محمد::لا بس انتي طالعه احلي مني صح رنده
رنده:انتم الاثنين حلوين.
نور:: عيونك الحلوه
محمد:: بنطلع اناورنده. تطلعي معانا.
نور::اااها نبييي
محمد؛:تي بطلي دلع ياهبله
نور؛::ااهههههه. انت عارفني دلوعه قالك حد. تخطبني
محمد:: بختي. ههههه
رنده:: كانو يزنو. ويتغازلو كانت اذير. في طروح وكل سوي تحط يدها علي كتفه وهوا رائق ومبسوط وكأنه عاجبه الجو. كانو. مسسستفزين. لدرجة الغيره بانت علّيا
محمد::هي صبايا. وتن روحكن
رنده::لالا انا تعبانه نبيش نمشي
محمد::تي كنك مو انتي تبي
رنده::تذكرت. عندي. امتحان. مهم لازم نبدا نقرا
~<~>~~~
بعد مرور يومين
#يتبع...