رجل_تحت_الحظر
#الحلقة_السابعة_وعشرون
#للكاتبة_ريم_محمد
#لايك_كونت
وسيم: امتحان الشهاده بدن وانا في حاله نفسبه. صعبه. ساره مش مقصره. تشرح وتسهر معايا بس خايف. ومرعوب.
~>~~
عصام:: تي عليش مركب علي روحك اسمع. خليك معايا يوم ونعلمك كيف تسحب
وسيم:: فنصت نسحب شنو
عصام ::حشيش نعلمك كيف تغش ياسمح هههههه
وسيم:: لالا غش فكني حرام ومنقدرش
عصام: تي لَيش اتعب في روحك وترهق في عيونك نعلمك كيف اطلع الحجاب بدون ماحد. يشوفك. تي الناس كلها تغش جت عليك اصلا انت الوحيد اللي قاعد تقرا راهو كل الفروخ امتاع الشهاده قاعدين في الشارع
وسيم::وانا مش فرخ يامتعلم انا راجل كبير
عصام: راجل ومفش زيك وفكنا من حسسسك بس يعني انا نوري فيك انك تحرق والفروخ اللي يلعبو توا ينجحو انت اقرا بس الرياضيات. بس الباقي كله كوبي بيست.
وسيم: اقنعني. مكثر دوته وامثاله. خلاني نصكر الكتاب وباهي كيف محد يقدر يشوفني
عصام::شوف مثلا هذا حجاب. نحن وين نحطوه عشان محد يفطن من اللجنه
وسيم:وين نحطه
عصام:: في حزامك
وسيم::تحت السير. قصدك
عصام::تي اي سير. لا حززززامك. يعني تحت البنطلون. تحط فاشه تبرمها علي وسطك وجوا حط الحجابات
وسبم:: وكيف نطلع هذا.
عصام ::اول ماتقعمز ارخي السير وافتح بطمت السروال
وطلع. هك. ورد بالك ترتبك. خليك واثق وجوك سمح.
وسيم:: نهارك انت هك ادير
عصام:: اها ههههههههه حبيبي. خفة اليد مهاره وابداع وفن
احتمال نشترك في أرب قود تالنت
وسيم:: تي حررررام الغش والرسول. عليه الصلاة والسلام قال من غش فليس منا.
وحتي رزقك يقعد. حرام عشان الشهاده اللي مشتغل بيها حرام جت بطريقة غير مشروعه
عصام::اووو حسسستني. جايب بنت بالحرام. كنك. بالجو. وكل الشعب غشاش
وسيم::حررررررررام. لالا انا بنقرا.
عصام:باهي نشريلك الامتحان وراجيني الفجر ندزه لك واحفظ وخش.
وسيم:: لالا هذا حرام اكثر. هُذِّي رشوه استغفر الله. مستحييييل. نديرها انا
عصام::خلاص اقرا. واحرق دمك
ساره: الشاهي. كنكم صوتكم عالي
وسيم::خوك يبيني نغش. تصوري انا اللي حافظ. نص كتاب الله نغش
عصام: اسمعي راجلك هذا فيش جو. هك ثقيل. خليك ان شاءالله تسقط وتجيني تجيني
وسيم:: تي شن انجيك حررررررام ولو. نفشل. مستحيل نغش ربي ونطلع من امة محمد عليه الصلاة والسلام. من غششش فليس منا افهما كويس هُذِّي
عصام:: عليه الصلاة والسلام مدي الشاهي.
ساره:: عصام بطل حناطه كملتها تتحنط. اليوم كنك هكي
تزيد توتر فيه راك
عصام: لا خلاص هاه سكتت . اقرا ووعد معش نحكي
ساره: احسن وأمسك كمل ترجم القطعه وانت ساكت
وسيم:: واعر الانجليزي.
عصام:: غشه ساهل في الغش الانجليزي
ساره::عصااااام
عصام::خلاص سكتنا. عليك ثقيلين ازززح
~<~~
ساره؛: مرن ايام الامتحان. وانا علي اعصابي كل يوم يروح. عنده اخطاء ونقعد نصحح في ورقته ونراجع معاه. يارب. بجد خايفه يسقط. الامتحانات صعبه والطلبه الصغار. يعيطو يبال هوا خاش علي10
قعدت نرتب في اوراقه والكتب.
علي للطاوله. وحطيت. صندوق. تحت الطاوله. الماده اللي يقرأها ونتمم عليها معاه نحطها في الصندوق
توا مش فاضل غير الجفرافيا والرياضيات ويكمل
نجوي:: ساره جو دايرتيه خطرتي علّيا انا زمان هك في الشهاده تحسي الماده اللي تمتحني فيها مش طايقه تشوفيها
ساره:: نقعد نحس في روحي. محليتش فيها. وانها ماده ساقطه فيها نحولها عشان معش ندورها ونركز في يلي بعدها
نحوي:لا متخفيش ربي بنجحه ويفرحك.
ساره:اميييين.
><~~|
وسيم:: نلخبط فيها واجد الجغرافيا معرفتش لانحفظ ولا نفهم
نجوي: ياعيوني. رررركز. معايا. اول حاجه انت تحفظ. الخريطه وهذي ساهله يعني شوف كيف هاه هاه يدك ارخيها.
ساره::يبيش يانجوي تعبني في الجغرافيا. اصلا هوا مصكر راسه مس طايق الماده. صح ولالا
وسبم::. تي بارده نحبهاش. هي والتاريخ. كيف قريتيهن بس
نحوي:: وشن درت التاريخ اليوم قالو ساهل جاكم
وسيم: أسكتي تدويش عليه
ساره:قال لخبط بيجنني الراجل هذا. تي ركزياوسبم
نجوي:: عهههههه ساره تحسسي فيا تحكي وتتعامل. مع ولدها
وسيم:لا وانا تحسيني خايف ونرعش. منها
ساره: وسيم الجغرافيا هيا ركز. معاها خلاص يومين وتكمل وتحكي زي ماتبي.
وسيم:: وتعطيني الدراجه نطلع نلعب في الشارع
ساره::ههههه ياسامط. ركز واقرا
نجوي: ههههههههه عبيط.
شوف وركز. معايا ووو
وسيم:: قعدت سهران للفجر نقرا ونحاول. نركز. في الارقام.
وحسيت روحي. مش فاهم.
ساره::خلاص خش تمدد شويه. ريح راسك أرهقت. روحك واجد. اليوم
وسيم:: خايف تاخدني نومه.
ساره:خش بس انا واعيه.
وسيم: تعبتك معايا تحت عيونك اسود تقول انتي تمتحني مش انا
ساره:تعبك راحه حبيبي.بس تريح ساعتين. وانوضك
وسيم: خشيت. للفراش. وحطيت راسي. وعلي طوووول. نووووم نضت علي صوت تلفوني يرن
مسكته. عمتي جموله .
رديت.
جميله؛:صباح الخير هيا خلاص وقت صبي
وسيم::الساعه كم
جنيله:سبعه صبي هي
وسيم:: متعبك معايا. كل يوم منوضك بدري
جميله::وليدي ياهبل مفهاش تعب تمنيتك. قعدت عندي فتره الامتحانات غير انتم. تبوش
وسيم:: خلاص بكرا نكمل. ونجيك. ادعيلي ياعمتي.
جنيله:.داعيتلك حبيبي. ربي يوفقك
وسيم:: طلعت ساره راقده مقعمزه. علي الكنبه. وفِي يدها ورقة تجهز في اسئلة امتحان
حبيتها. علي راسها.
سلره::فتحت عيوني. ساعه كممم
وسيم::سبعه.
ساره:: ييي وقت. بسرعه. خش وتي روحك. عَلِيما حطيت الخليب
وسيم : حاضر. نقانه وقت
خشيت وتيت روحي. وطلعت نفطر
ساره:: اين تقع قارة افريقيا
وسيم::تقع قارة إفريقيا في متوسط الكرة الأرضية حيث تحيط بها القارات الأخرى التي تفصل ما بينها ....
ساره:: صح ماشاءالله
باهي قارة. اوروبا اكبرراالقارات ونسبتها
20,000,000[٦]
وسيم:: غلططططط. تي لا أكبر القارات قارة اسيا.
وهدي مساحة قارة أمريكا الشمالية مش نسبة.
ساره:: ماشاءالله صح
باهي ثاني اكبر قارات
وسيم؛ افريكااااانو. هُذِّي حافظها زي ماقالت نجوي. زي اسمك.
قارة افريقيا تجي في ترتيب الثاني. من حيث المساحه وعدد السكان.
ومساحتها
30,244,000[٥]
ونسبتها
30.07
ساره:: لالا. غلط.
نسبتها
%20.07
وسيم::تماااام 20.
ساره: قعدت نمشي وراه ونسمع ونتطمن. لعند باب الشارع.
وسيم:: خلاص خشي. ياساره
ساره:أدعية الامتحان. اول ماتمسك الورقه
ااه واول ماتطلع رن علّيا سمعت
وسيم:: تي باهي خشي
اه قولي لامك مدزش غداء توا نجيب واتي
ساره: لالا تجيبش شي ولا تدرس في مكان علي طول روح. رياضيات ياوسيم
وسيم:: تمام حاضر خشي خلاص
ساره:: نجك ليا تهبل. طبقت الباب وخشبت.
~<~
ساره:: خشيت انظف في للطاوله. وعقلي معاه
وندعي
رن تلفوني زي كل يوووووم. ماما تطمن
جميله:ها حبيبتي عدا
ساره:اها. ادعيله ياماما
جميله::ندعيله. واصلا توا ينجح توا تشوفي
ساره:يارب.
جميله؛: شن ندير غداه اليوم
ساره:: قبل قالي نجيب من برا
جميله::لالا برا شنو منحبش اكل المطاعم فترة الامتحانات بتعبنه ومرات يجيه مغص ومش وقته
ياره:. هههههه مزلتي نفس تفكير. زمان
حميله: ههههه حسيت روحي رديت لاجواءكم زمان
المهم. توا ندزلك. قلايا وبطاطامقليه وخبزة حوش. والحلو. بسبوسه باهي
سازه::حبيبتي شكرا وسلم أبديك.
تعبناك معانا
جميله: مش غير تعبتيني.ههههه خلاص صكري. وبكرا غداكم عندنا تعالو
ساره: تمام ياعيوني يلا انا نلحق نرقد. قبل يروح
><~~
ساره: خشيت ظلمت الشقه. ورقددددت
وسيم:: طلعت من الامتحان الساعه 11 روحت. خشيت علي باتي.
السنوسي:شن صار معاك
وسيم: اها الخمدالله. كويس جا
فطرت
السنوسي. :اها. فطرتني نجوي.
وسيم اختك ماشاءالله رايحه.حنينه. شن سبب التغير زعمك متفاجأ حسني.
نحوي: جيت بنفتح الدار سمعتهم
وسيم: انت اكيد.
السنوسي:: كيف انا منقدر عليها بكل. لسانها. طويل.
زي امها. وكلمة بكلمة كانت
وسيم:: لما. تعيط وتقل ادبها شن تدير. تدعي عليها ولا تدعي ربي يهديها
السنوسي::ندعي بالهدايه. منقدرش ندعي عليها
وسيم:: خلاص يبقي انت دعيت وربي استجاب.
ربي مجيب الدعوات. ولانسيت ياحويج.
توا انت بدال ماتتسأل وتقعد حاير لا مفروض تشكر. ربي وتحمده
السنوسي:الخمدالله. الخمدالله ربي يهدي نجاح وربيع
وسيم:: لالا هذوما مظنش هههههه استغفر الله
السنوسي: ههههه استغفرالله. ربي يهديهم.
نجوي:: فتحت. الباب. وقربت حبيت راسه .
وربي يخليك لنا ياغالي.
السنوسي:: وبخليك. بنيتي
نجوي:. بحتت في وسيم.
همممم. قارة افريقيا اسيا. واوربا. شن صارفيهن
وسيم:: جانا زي ماقلتي. التركيز علي قارة افريقيا
وكله صح وغلط.
نجوي:الخمدالله موفق يارب.
توا مفش غير رياضيات. شور ساره اكيد.
وسيم؛: اها يستر الله. توا نخش نتريح. والعصر نبدا
نجوي:: تمام.
سيمو. نبي نقولك حاجه
وسيم:شنو ياسمحه
نجوي: رمضان الاحد. صيم معانا طبعا .
وسيم: جوجو. وين نصيم. امك مطيقش خلقتي وخلقت مراتي
ورمضان. يبي اللمه والروح الحلوه مش عياط ورمي كلام
انتي تبي تعالي تعشي معانا
نجوي:: اووووف. عليك حوش بارد ومفش حنيه جفاف عاطفي
وسيم: هذا وين حسيتي بجفاف
ههههه
نجوي: يابليد انت ومراتك راهي امي هههههه
وسيم:: ييي مراتي. مرنيتش عليها وتلقيها في نار. يلا تشاو
><,>~
وسيم:: خشيت. الشقه جو يسهف تكييف وظلام. خززززييي . راقده وانا نحسابها تحرق.
غيرت دبشي. وخشيت جنبها كتبت ورقه. ولصقتها. علي ظهري وبرمت. معششششش نندري علي الدنيا
ساره:: الساعه 12 رن تلفوني. شعلت الوناسه. ورديت نعمه وبشرتني. صفيت موادي.
اوووه الخمدالله. هييي. وسيييم مرنش.
حسيت بصوته راقد. برمت راسي شفته
راقد. كنه مرنش طمني. الغبي. يسترالله يقعد. لبز في الاجابات . جيت بنمد يدي انوضه لمست ورقه
قربتها قريتها
بشتي. فكينا من الخربشه راني مروح تعباااان وراقد. اها راني كتبتها وانا واعي نقصد توا قريتيها وانا راقد هههه
المهم. تمام حليت كويس وتمام بكل. واسف مرنيتش. لاني. طلعت مستعجل دايخ.
توا اطلعي وصكري الدار علّيا واشتغلي بهدوووووو.
وجك هي. ميااااوووو
ساره؛: هههههه مجنون. هبل.
طبقت الورقه. وحطيتها في البوم صور الفرح وصكرت الدار عليه وطلعت. نفطر. ونجهز في اسئلة رياضيات.
الساعه 2 رن عصام.
عصام:درست ربيع جنب الباب عطيني ظهره.
مبيتش ننزل من السياره ورنيت علي ساره تطلع
ساره: لبست عباية ووشاح وطلعت.
فتحت الباب وصبيت
جاني
ربيع؛:اووي وين طالعه. خشي جوا
ساره:: مدخلكش. بيا حول وطلعت
ربيع:: قتلك خشي اناااا.
ساره::دفني بالقوة. وخش صكر وراه الباب
قعدت نرعش. حول. عصام برا
عصام:: شفتها كيف خششها. وصوته يعيط عليها. نزلت بسرعه وقعدت نخبط اندق
ربيع: فتحت. اووو عصوم.
عصام:: مسكته مع تيشرته
كنك ادف فيها اه. كيف تكرها هك. من انت. باش تعلي حسك عليها.
ساره؛: سيبه ياعصام مش فاطن راه. زامطها شكله
ربيع: نززززل يدك. ناقص. غير فرخ كيفك. يمسكني. ياوليد. ماما
عصام::فرخ صار تي انا من شهوووور وكبدي مليانه منك. وتوا نوريك الفرخ
دفيته بالقوة. طاح علي الحوض.
ربيع:: رفعت يدي دم.
تعلم علّيا ياولد الكلب
عصام؛: الكلب انت وأشكالك. جرب مره ثانبه عامل اختي هك وشوف التعليم شن شكله. تي الوزاره. كلها نوزعها عليك
ربيع: توزع. عينك يابلبول. طلعت الموس. وقدمت عليه. التعليم. هك
جرحته في يده
عصام : فنصت عيوني. انت طبيعي. لالا انت تتعطا صح
ساره خشي
ساره:: قعدت نعيط. لالا انت روح قبل. توا نخش بس روح
ياعصام
عصام::ساره قتلك خشي انا
مسكته. مدروخ
وانت ياسنكوح. فكيت منه الموس.وحطيته في يده مسكتها هذا حبيبي هك يمسكوه راك ماسكه مقلوب. وجرحته في يده. بالقوه. شفت هك الصح.
يعني يابابا لما تبي تصيع صيع كويس.
ربيع:: أنتتتت. تبي تقتلني بموسي. انا نوريك. هذا امتاعي وانا شاطر. ونعرف نمسكه. توا نوريك. يابلبول
عصام:: اوووو ماشاءالله عليك ولك الفخر. وفعلا هذا موسك وامسسسكه دسه حافظ عليه
عفاف:: شن في ييي. ربيع لَيش الدم. هذا شنو. من من
شن درت لولدي. طح سعدك طح سعدك
ربيع:: من هذا جاي يتهجم علّيا.
عصام:: معلش يا ابله عفاف. بس أنا جاي لاختي هوا طالع يدف فيها. ويعلي في حسه عليها
وجرح. هذا في. يدي هو اللي بدا
عفاف؛:كذاب في نص عينك. جاي تتهجم. عَلِينا ولدي انا ماعنده الليله نكلم عماد. يتصرف معاكم. وحوشي معد تخشه
عصام:: تي موس ولدك ياابله. هاه اسمعي
هذا موس من ياربيع
ربيع:امتاعي. انا.
عصام::شفتي شفتي موسه. ماشاءالله عليه. حافظ عليه ثمين راهو يريح منك. بس علميه كيف يمسكه
عفاف:: طح سعدك انتي وخوك. تستقو علي ولدي لاقيه خوك ضعيف ورقيق. جاي يمد يده عليه
اطلع برا وليلتك من عماد. توا نرن عليه يتصرف معاك.
عصام:: رني. عليه لاني مدرت شي. وحكيتلك تهيالي وولدك اعترف موسه
عفاف:: شن حكيت جاي تتمسخر. وصوتك عالي علي. ولدي.
لكن الكلام مع خوك. عماد يتفاهم معاك.
توا هي هي اطلع برا برررا
ساره:. جاي لاخته. مخشش حوشك باش تقولي اطلع برا. تعال خش ياعصام
عفاف::وانا قلت يطلع. ياساره والا نطلعك معاه
ساره::اطلعي من هذا حوشي. زي ماهو حوشك. ولا تحبي. نرنو علي عماد. ويحكم.
عصام:: تي فوتي. وخشي شقتك. ربي يعينك عيلة مسطوله
تعالي. خودي السفره
عفاف: خش. انت قدامي الله بفضح بيك خش.
ربيع::تي حوووولي. دفيش
ساره:: خششاته. منظرهم يضحك
عصام:.بجد الله يعينك. هذا شنو. ههههه
ساره::ههههههه. عنجد موسي انا
. عصام: خلاص بسرعه فريره علي شقتك
ساره:: حبيته علي خده. باي. وخشيت نجري نضحك
><~|.
روحت. لقيت عماد. كيف واصل
عماد: كنها يدك مجروح
عصام:: اها. تعال بس قبل تركب نعطيك العلم لانك توا تركب تلاقي موشح وكلام مصرش بكل
عماد: شن في
عصام؛ عديت نشيل لساره. غداها و .....
ياراجل. يخدر. ومدروش. يديه يرعشن ومرخي.
عماذ:: ليا فتره شاك فيه لاحظت وسألتها قالت لالا.هوا طبعه.هك من هوا صغير هُذِّي طبيعته
مسكينه. متعرفش. يحسابوه هك
عصام:: معقوله. تي خوه دكتور. يشقا بخوه مفروض
عماد:: عبدو شغل ليل نهار يمر عليهم قليل وأنظني مايتلاقو
عصام: المهم انت عارف المدمن شنو ركز. في حاجتك راهو. يسرقك ولا شي حاجه
عماد:: لا فاطن حتي انا متخفش قالت شغله. مبيتش. عاد. عند الرزق. خط حمر. بس وسيم ماشاءالله عليه حسني فاقده الايام هُذِّي وهوا اجازه
عصام:مفش مقارنه فرق كبير. اصلا .
عماد:: حمو. بكل. شن قعدنا هنا خليني . نركب نتغدا
عصام:: شن اخبار علاء
عماد:نندريش عليه اخباره. عندك
عصام:: وليش ماتعرف اخباره وترد عليه.
لَيش موقف التحويل عليه معقوله ياعماد. هكي خوك تديرله
عماد:: وهوا هكي يدير لخوه.
عصام::ياراجل. مفش منه الكلام اللي صار الراجل حلف حتي علي المصحف
عماذ:: ولو يحلف علي ايش ماني طايقه.
الفلوس. توا نحوله. غير معش يتصل. عارفه علي مصلحته يرن
عصام::حرام عليك. تي من جدك هك مفكر. تي خوك يرن. مرايف. شن دخل الفلوس.
عماد::لا دخل خلاص انا راكب. وأنهي الموضوع معايا
><~~
نجاح:: اهلا. بحبيب القلب. نور حوشه.
عماد:: حياتي منور بصاحبته
تعباااان. غداكم واتي
نجاح: اها واتي. عميمه دايره. قلايا. اللي يحبها غلايا انا
عماد:: اوو. وانتي شن درتي
نجلح::. انا ساعدتها. وجهزنا غداء ساره. وشاله لها عصومي
عماد::اوكي. تمام اخر يوم بكرا في امتحانه
نجاح:اها ربي يوفقه.
هي انا نعدي نوتي السفره وانت الحقني
طلعت من الشقه ومشيت المطبخ
جميله:: نجاح شن اديري لا مش هك يابنتي تخربي المفرش
نجاح:نقص في الخبزه. شن فيها مايخرب.
حميله:: لا يخرب تجرحيه. عاد امس كيف شريته
نجاح:ييي عميمه. انشرط. اسسسفه
حميله:: هذا ثالث مفرش يتشرط. وتقولي اسفه انتي شنو. معندكش عقل. الواحد ينبهوه مره خلاص. مش هكي عاد تقول شغل مكر.
نجاح:: لَيش ياعميمه انا جايه نساعد فيك هكي تهزبي
جميله::هذا خراب بيوت وين ألمساعده. اطلعي. توا نقص بروحي. اطلعي. درهتي كبدي عليك. كنه معفنه. طحت فيها
عماد:. كنه صوتكم عالي شن في نجاح كنك تبكي
نجاح:: رميت الموس ومشيت. شقتي
جميله؛: سلم امك اللي رباتك هك تعاملي الكبير يامؤدبه
عماد::امي. كنك شايطه شن في. كنك معاها
جميله::مكني شي. بس شوف المفرش تتعمد تشرطه. وانا نطلع نشري وخايفه علي خشب الطاوله وهي هك. تدهس مكررر. تجرح في الطاوله وتشرط فيه. تعبتني تبيش تفهم. وتجي تقولي ييي عميمه. تشرُط تزيد تعصب فيا
طول اليوم تترقد وتلفونات. وتجي اخر اليوم. تدير حاجه تنرفز.
عماذ::انتي اللي كنك. ياامي. هذا كله علي مفرش. خلاص تمام بعدين نجيبلك عشرين مفرش. مش مفرش مكرمش.
ماني عارف كنك معاها وانتي مانك طايقتها. مهما ادير المسكينه مش طايقتها. تي فوق عملك فيها نروح ماتحكي. شي. بروحك. تفضحي في روحك ركززززي حرام عليك
حميله:: طح سعدك انا هكي
تي شن تبي تقولك. وهي انا مانشوف فيها الا لما هي تنوي ادير مشكله طول اليوم في حوشها. تكذبش عليك ماتساعد فيا بكل
عماد: لالا انتي. رسمي. كارهتها من يوم. طلع علاء وانتي حاطه عليها وواضح في وجك
جميله؛طبعا مش طايقتها تتبلا عاي وليدي. بس بيها بكل عمري. ما جرحتها ولا زعلتها نحاول نمشي عشانك.
رغم. انك عشانها. كاره خوك.
عماد:: شفتي هُذِّي نيتك. اقعدي. فيها انتي وغداك. طيرتي النيه
جميله:.عماد. عماد.
عصام:: كنكم شن في كنك تبكي شن صاير
حميله:: خوك. الغبي. هذا بيجنني. وهي ترعش. يناعليا
عصام:. حتي انتي كان فتي وخلاص لازم تعيطي عليها مانك عارفه وجيجها
جميله:: تعبت. كل يوم نفس التصرفات. هي متعمده. تقهرني. هك
عصام:: حلاص توا نطلع الطاوله هُذِّي للمطبخ تحت ونشريلك. بلاستك. وخليها المجنونه. تشرُط وتجرح. ههههه
ولا تزعلي روحك
جميله:: عدا زعلان مبش يتغدا. وهوا عيونه القلايا بالخبرة. الخوش
عصام:: امي فوتيه. توا يطلعو. ياخدو. انتي بس تعالي تريحي توا نحط انا ونتغدو في الجنان شن رايك
جنيله: ياريت هنا مغمومه
~<~~
عصام: حطيت. ونزلنا ومتوقعها توا تطلع وتنزل زي طروحها ديما بعد تسمعنا نزلنا
عماد:: خلاص حتي انتي خلينا نعزلو هنا كنك ماتطيبي.
نحاح: انا نحب العيله ونحب اللمه. هما لَيش مصرين. يوزعونا. هي مش طايقتني. من يوم حكيت علّيا وهنا يكرهني. كانت تتمناك تجوز. نعمه. ووانقهرن بعد خديتني. تشوف فيهم بروحك عَلِيما اندير. ماهي طايقه وجي
عماد:: يانجاح. وسعي بالك. والا مايجي يوم وتنسجمن عشاني تحملي. وتخففي اختلاط وتجاهلي. اي حاجه مش داعي تبكي. وحركة رميت الموس قلق راهو
نجاح:يي مفطنتش. من الاعصاب. بدون وعي يناعليا مش قصدي خليني نطلع نتأسف
عماد ؛:فوتي كل يومين تتأسفي. خليها بالجو
نجاح::لا متجيش هُذِّي زي امي وحتي انت غلط عليت حسك. تعال ننزلو. ولا كان شي صار
~<~~
ساره:: خشيت الخوش. وحطيت الغداء. خلاص انوضه. وقت
وسيم. صبي الساعه3
وسيم: خليني مزال بدري
ساره::تي صبي. خلاص. عاد رقدت واجد
وسيم:ساره ناعس وهالك خليني شويه
ساره:: ياحبيبي. وقت. خلاص صبي. عليما
وسيم:: عَلِيماتغديت وصليت وشربت شاهي وهدرزت شويه ومريت علي باتك يقعد خلاص هذكا هو.
ساره:: نسمع فيه ونهز في راسي
صح شطور حفظ النغمه اليوميه. صبي هي
وسيم: كريتها عندي.
باهي نزيدو لحن اليوم مرايف. راني
ساره:: تؤتؤ. اعتصااااام حتي تخلص امتحان. ههههه
وسيم:: تي حرام. هكي
ساره:: وسيم بطل. قلنا ممنوع هي صبي
وسبم:: بس هكي. تشغلي في بالي اكثر. راهو. ريحيني خير
ساره::تؤ خلاص.صبي
وسيم: مكاره رايحه
سازه::بكرا نرد طيبه غير صبي هي
وسيم:: خزي بارده فيكش جو
ساره:. بكرا ندفي روحي ههههه
وسيم:: تي كنك سامطه
ساره:: جيت بننطق بس جا علّيا. ووووو####
ساره:: هكي كسرت القانون
رسيم:: هكي نقرا مركز.
ساره:: مركز. صار. معناها تبطل تحرش بيا
وسيم:ههههه عجبتني تحرش. لالا خلاص نغض بصري اليوم حتي هي ريااااااضياااات
ساره::يناعليا. قديش شايله همها خلاص صبي نبدو
وسيم: ااااخ. تكسلت.
صبي انتي قبل.
سلره:: لا صبي انت قبل
وسيم:: لا انتي. ولاحابه القعده
ساره:: هههه شكلي. تحسني عاجبني الجو
رسيم: حبيبت قلبي. اااه
ساره:: خلاص نصبو. مع بعضنا شن رايك
وسبم:: الاسبوع الجاي. معش في هل الدلع يقعد. فلنسارع الوقت ههههه
ساره:: الاحد قالو رمضان
وسيم:ان شاءالله. نطلعو ناخدو بكرا تموين
ساره:: نصيمو. بروحنا كساد
وسيم؛؛. انا من قبل حوش عمي الاغلب.
ساره:: خلاص نصيمو معاهم.
وسيم؛؛ تفرح رباب وعمتي
ساره: خلاص مره معاهم ومره عند هلي
وسيم: ومرات في شقتنا. نقسمو الايام
ساره: تمام.
: خطرها. . حي مش. عصام. جاني. وو......
وسيم؛: الحيوان كيف. يدفك. هك. ليلته سوده. المرندي
ساره:: فوته وسبم.
وسيم:: توا نفوته. باه تووووووا نفوته
. . مشيت . غادي. وتعاركت معاه. ونبهته. يسيب. ساره في حالها
وطبعا كالعاده تعاركت. مع عفاف ولزتني. هههه
~>~,
رنده:: اوووف محاضرات. اليوم للعصر. تعبت ومليت.
حسام::وليش هل الحرق الدم تقري. آخرتك حوش وراجل توكليه ههههه
رنده::هييي نهارك. حسام. قرايتي اهم نعنك ماكليت
حسام::اوووو يعني اقتنعتي. انا الراجل اللي بتوكليه
رنده::اممم. مقلتش انا هك بصفه عامه نحكي
حسام؛؛اها بصفه عامه ههههه
باهي. انا مروح. الاسبوع. الجاي حجزت خلاص
رنده::صاخ. احسن تصيم مع هلك
حسام؛: الجاي معاك يارب
رنده: مصرررر تربش.
حسام؛:: ههههههه
رنده:: انا صايمه الاغلب. حوش خالي. احمبده. وعلي ونسرين. يبوني
حسام:: خليك حوش. خالتك خير
رنده:: لالا غادي جونا سمح. بعدين. اخر رمضان لاحميده مش متجوز. نبي نختمو ذكرياتنا
خسام:: عشان خاطري خليك حوش. خالتك
رنده::عشان خاطري. طلع محمد من راسك. لان لو تبيني نوافق عليك لازم تكون. متقبِّل محمد. وعارف تعلقي وعلاقتي فيه. وهوا نفس الشي قال لمراته.
حسام: لا طبعا انا يعز علّيا محمد يكفي صبا معاك فتره علاجك. هُذِّي تبيش توصيه انا وياه اصحاب راح نقعدو
رنده::يي خلاص عصومي جا بنروح باي
><~>|~
بعد مرور ايام.
الاحد اول ايام شهر رمضان
محمد:: رنده. حرام عليك عذذذذاب هذا
رنده:: بروحي حاسه به العذاب اسسسمع. صوتها.
علي:الطاسه عرقانه . وتبكي قاعده
نسرين ::هههههه يامطرشقين شن اديرو
رنده:: نبحتو في الميه. حموووو. عطشانين
محمد:: تي انا الغبي امس متسحر تن بالهريسه. والعطش بيقتلني
علي:لا انا امس الفجر. نحقق مع واحد نشف ريقي . حمار وراسه مصكر. اذن الفجر. ولحقتش. نشرب.
رنده: شوووف ياعليوه. بتنزل دمعه. تششششش
هههههه
محمد:: بطلي تصبي ياغبيه تلخبطي في مشاعرنا
صاير فيها جو.
رنده وعلي :: انا بتقطع من جويااااااا. ههههههه
محمد:: ونسيت طعم الفرحه وانتي يا رنده مش فاكراني غير بالنار والجرح
رنده:: هههههه.
تذكرو. زمان. اول يوم معانا ساره وعلاء وعماد وعصومي
محمد:: الوضع تغير . اللي صار سبب حسس
رنده:: يلا ربي يرد يجمعنا زي زمان.
علي:: ررررنده وقفي لعب بالميه. عاد
محمد::بجد هكي تحريك مشاعر بطلي لعب .
نسرين:مشاعرك حوش. خالتك غادي. ههههه.
محمد:أسكتي أيييييب.
علي :: تي خطرها يانوسا امك امس تحكيلي علي بنت عمها نبيش راني اقارب
رنده:حي عليك مو قلت باهي
نسرين:علي انت علي اساس اوكي وماما مسكتها لك
علي:هكي. بالجو. قلت بس توا طارت نيتي عنديش راس نتجوز اقارب وجيهت امك. بالذات نبيش
محمد:: المعني علّيا كأنه
رنده؛:هههههه بس صاح صدق حتي انا منحبش جواز الاقارب
نسرين::احمممم كنتي عادي شن غير رايك وغمزتلها
رنده:: فنصت فيها.
محمد::كنكن
رنده:: تتحنط. اختك .
نسرين::باهي اخميده. تبي تخش الزفه.سمعت
محمد::نور شكتلك صاح
هيساكنه وانا نبيش
رنده:: خش فيها جو حرام تكسفهاش
علي:: ماني عارف يامحمد شن خبطك علي راسك مفش الا نور تاخدها.
محمد::غير جيب زي مراتي.
رنده:: سمحه وعسوله ربي يهنيك.
علي: تتهنا ياسيدي
انا نعدي نقعمز في الشارع عَلِيما اذن
><~~
محمد:: طلعت وراه
لك فتره مش عاجبني كنك
علي::شي. هك وجيج العمل
محمد:: عليوه. شن عندك احكي
علي:: قتلك شي.
انت اللي. شن دوتك. حاسك مزالت ماانسجمت مع نور. أمس نسمع فيك تهزب
محمد: شن انقولك
معش فهمتها. مرات نقول انا سامط. وبارد ونضلم فيها ومرات نحس. هي تحب تعاند. وتسمعش كلامي.
وانا صح وهي غلط
ياراجل تايه بكل
علي:معناها الإسراع في الفرح. مش حل هذا غلط. انت تبيلك تتعرف عليها وتتعلق بيها اكثر
محمد:لالا نبي خلاص نتجوز ونلها
علي:: تلها في شنو كنك اذاكان احلي مرحله الخطبه مش منسجم كيف بس تجوز. وحياتك بعدين بتكون
محمد::لا امي قالت بعد الجواز توا يتغير. الوضع وخالتي نفس الكلام وحتي نور تقولي. انا حاسه روحي نضعف قدامك. وهكي يعني
علي:: امي قالت. هُذِّي نصيحه تخدش عليها لان. امي. تودرك
وهكي يعني.هذا موضوع بروحه.
بديت تفتح معاها في مواضيع. الفرح وهكي يعني ههههههه
محمد::سخيف اسكت.
علي:: حتي انا قلت شكلك بديت هكي يعني. هههههه
الله اكبرررر
كلمة حق اول يوم رمضان. معناها هكي يعني.
محمد:: خش يجري خشيت وراه بليد نهارك
خالد::كنكم تجارو. كيف العيال.
رنده:حبيتها. عيال. هههههه
علي:لا خلاص كبرنا هكي يعني ههههه
محمد؛:صكر فمك. هكي يعني هههههه
علي::
رندوش. تميراااااتي وين
رنده:: امسك. يُجنن ذوقه
محمد: التمر حلاوته طبيعي شنو نوتيلا. ومرطزه امتاعكم
رنده:: خليك في حالك ياشايب. تمر ساده. كول
خالد::باهي باه رنده. علي من قصدك انا الشايب
علي: ههههههههه
محمد: ريت ياباتي بنتك. تتهزا
رنده: خلودي. تمره بروحه حلوه وسكككككرررره
حبيبي ياخالو
خالد:: هههههه. لسان. ييي قديش كنت مرايف عليك. وعلي لسانك
رنده: ربي يخليك ليا بروحي مقدرتش نصيم بعيده عليك
اسماء:: حلاص عدي ابدي في السفره انا بنخش نصلي
محمد: وهي متصليش يعني.
عدي البسي وتعالو. نصلو. جماعه.
><~,.
عصام:: هيا ياعماد. اذن
عماد:: هي هي. تي خدتني نومه.
كل سنه وأنتم طيبين. ربي يدوم لمُتنا
حميله:: ويرد حبيبي وعيوني بينا قريب
عماد؛؛ مبيتش نرد وشربت. حليبي
عصام؛: نقيم الصلاة
عماد::اها. هي اابدا
امي ونجاح جنب بعضكن
جنيله؛: امباهي. صبي ياحنه
عصام:: ضحكتني. مش طايقه توقف جنبها.
قمت الصلاة. وصلينا
عصام:: اممممم. شربه بالسمن. جمول. الكلسترول يابطه.
فوتيها خير
جميله:: عصام خليني هوا رمضان متفوح. شربته غير بالسمن
عصام:: باهي نص فنجان ياامي
جميله::حاضر
عماد::نوجا. اشربي
نجاح:: نحبهاش هك دهان. واجد هذا مرض موت هذا
جميله::يشيلك يارب
عصام::اخخخخ قصصصف جبها
عماد:امي
نجاح:: الحمدالله شبعت
عماد::لاكولي. وين ماشيه مسكّت يد امي
درتلها بوجي احكي
حميله:: قعمزي كولي انتي صايمه.
عصام::الموت حق مفش زعل عاد ههه
نجاح:: لا انا نخش شقتي خير
عصام::فنص فيا عماد خفت
تي نبصر ياهبله قعمزي. ماتاكليها غير في روحك قعمزي. مش حافظه ثقالتي يعني
نجاح:ههه حافظتك قعمزت
عصام::شن اخبار. ساره اليوم اول رمضان بعيد علينا
عماد: مع عمتي عاد اكيد دايرات جو
جميله::لاه ماهي مع عمتك. عمتك تبيهمش صايمين. حوش عمه عند فاطمه
عماد::معقوله مبعدها يسيب حوش هله ويعدي حوش عمه
عصام:: يجو. عندنا لَيش طابين حوش عمه. هنا نفرحو. بيهم وجو احلي معاهم
نجاح:اختك تبيش ماما عَلِيما تجدت يبوش لين زعلت. وضغطها. رقا قلنا خلاص خليهم علي راحتهم
عماد:لا عيب حتي الناس يسمعو. يضحكو. عليكم انا توا نحكي. مع وسيم
عصام: كم نسبتك في الثانويه نجاح
نجاح: 72%كنك
عصام:: نقانك الا نجاح. مفش رسوب بكل عندك
جميله:صوت قربجه شن في لوطا
عصام:صبيت صاح زعمك ساره جت صوت واضح
علاء::مفاااااجأه
جميله::يناعليا. علوأه. جا صوته. حبيبي. ي
علاء:: ركبت. نجرررري.
جمووووولتي
جميله::ياقلبي. قديش مرايفه عليك
علاء::وهوا مرايف وبينجن. عليك. ياقلبه
جميله::نجك ليا يا. حبيبي. نور عيوني.
علاء: نقدر انا نصيم بعيد. عليك. تي نموت بعدها من الجوع
عصام:: شن المفاجأه هُذِّي ياكابتن. حمدالله علي السلامه. نورتنا.
علاء:: تي نقدرش نشرب شريتي بدون حناطتك انت الليم امتاعي. ههههه
عصام::عنجد الغزل السمح هههههه
علاء:: عماد كل سنه وانت طيب
عماد::نزلت راسي وانت طيب
علاء:. قربت و نزلت عليه . كل سنه وانت طيب عماد
عماد:: تنهدت وانت طيب. وانت طيب.
علاء:: حبيته علي راسه. وصبيت ساكت منزل راسي
كل سنه وانتي طيبه نجاح
نجاح:: وانت طيب علاء. كيف حالك
علاء:: مبيتش نرد و برمت. علي امي. جعاااان. محسوب. في عشاك
جميله :بالزايد. تقول حاسه. هي قعمز نحطلك
علاء:: لا حطيلي في المطبخ. خير
عماد: جيبي. تبسيه هنا ياامي.
علاء؛: حولت جاكتي. وقعمزت
نااااعلياااا. بوريك المخطوفه.
عصام::لالا قالو. دفعو الفديه وردوها. ااااههاااا
عماذ: ثقيل. اززح هههه
علاء: بككككككل هههههه
امي لَيش مش دايره مصارين غريبه اول يوم عادتنا مصارين
عصام:: عشان. توأمي مش قاعدين
علاء:: طلع عندك تؤأم ثاني وانا نندريش ههههه
عصام::تي ساره ووسيم. جموله قعدت متقدرش تاكل. من غيرهم يبال مصارين عيون وسيم
علاء؛: ناعليا من توميتك مرايف عليها.
عصام::الليل اكيد توا تمر.
جميله :أهي ترن. ايوا ماما خبيبتي
كنك تبكي
ساره:: ماما كل سنه وانتي طيبه. تاكلو. قاعدين
جميله؛:اها هههههه
ساره:: اول رمضان بعيد عليك
عصام: عقبال بعادي.
علاء: ههههههههههه. شن قلنا ارررزن
ساره:: ماما هذا صوت علاء صح
علاء:: اقلعت الخطوط الليبيه.
ايوا معاك الكابتن.
ساره:: ييييي. امتي جيييت
علاء:: توا. شن اخبارك. وسبم كيف حاله
ساره: وسيم. مع ولد عمه يتغدو
عماد:: بكرا صيمي حوش عمك سمعتي
ساره:: يبوناش.ياعماد شافتنا عمتك. طالعين كذب ماعزمت
عماد:معقوله
نجاح؛: مستخيل. ياساره. انتم اللي تبوش
ساره:: عليش بنكذب. عدي اسأل نجوي وعبدووسحر كانو حاضرين الموقف
عماد: اوووووكي. تمام. باهي تعالي عندنا
ساره:اكيد. توا نجي. بس حتي هنا جو يهبل. منسجمه
رباب: سسسساره نهارك تعالي الشربه شاطت ياهبله
ساره::ييي. خلاص الشربه هههه
جميله::طح سعدك. عدي يافرخه. تفضحيش بيا . هههههه
علاء:: منسجمه خلوها هوا يحب حوش عمه واجد
مربيينه ويحنو عليه. فيهم الخير
نجاح:: الخمدالله
عناد؛: علاء فكنا عاد
علاء::شن قلت انا هي حصله مراتك.
عماد:: باهي. شن اخبارك
علاء:مرايف عليك ياسمح. ايوا أضحك عماد وصدقني انا مجيتش شورها
عماد:: ممكن نصكرو الموضوع هذا
رمضان ومش جو عرايك
علاء: يعني مثبت اني درتها
عماد:: الخمدالله. انا ماشي نوتي روحي. التراويح وتو ارواحكم
عصام:فوته معش تفتح الموضوع.
علاء::مو واخد علّيا فكره قلق.
جنيله:: كلام خوك صاح. وأنت فتره ومسافر. مش داعي تتعاركو. هوا رايح. راس مصكر. ومايتحاكا
علاء: حاضر
>>~~
عماد:: ليشش يبوش ساره معاهم. معقوله هكي امك. تشوفها. وتعزمش عليها
نجاح:: ياعماد ماما. تبيها بس ساره شايفه نفسها. وانت بروحك شايف. معايا انا كيف يبال امي.
عناد؛: شايفها كويسه معاك. مش شايف. شي منها. بس. حركت امك. هُذِّي مش حلوه. وبالناقص. من عشاها معاهم اختي. قدرها عالي وقدرها من قدري. عشا حوش هلك مانيش ماشي بكرا. سمعتي
نجاح::اوووووف. نهارك مني. ياساره. رايحه تلعبي تديري في طروح. ومش علّيا يمشن.
~<~~~>
ساره:: وتيت. بيتزا ونوع حلو وطلعنا بنعدو حوش احمد
عبدو:: معقوله متعشيين غادي. ومسيب حوش هلك عيب
وسيم:: في حد عزم ورحب وانا رفضت
غادي يبونا. وساره تبي.
نجوي:: خشيت نجري لماما نتجدا فيها تطلع تعزم علبهم. بس هزبت ولزتني
طلعت عزمت عليهم.
وسيم: نجوي نيتك واصله. ومعلش. علي الهزيبه اللي حصلتيها بسببنا الليل. نراجيك تجي تسحري. معانا انتي وباتي باهي
نحوي:؛هزيت راسي وخشبت
><~
سلره:: وسيم كنك نحس فيك عرقان ومضايق
وسيم:: واعره. تصيم بعيد عن خوتك وباتك ولمتهم في رمضان.
بس شن بنقول الله لايسامحك ياعفاف ربي ينتقم. منك علي كل اللي درتيه وقاعده اديري فيه فيا
ساره:: مسكّت. يده. دعاء محروق من شخص مظلوم في نهار رمضان. صدقني. نهايتها شينه.
وسيم::درست. سيارتي.
رمضاني احلي مع مراتي حبيبتي. هُذِّي دنيتي كلها.
ساره:: وانا رمضاني احلي مع زوجي حبيبي.
بس الصراحه نحسه ناقص من غير هلي
وسيم؛:الليل نمرو نعيدو. باهي
ساره:: تمام
><~|
رباب. نجك ليا غلاتي احلي حاجه درتوها.
ساره::غير تمليش منا
فاطمه: عيب هل الكلمه. ياساره نزعل
ساره: كل سنه وانتي طيبه ياعميمه
وسيم: كل سنه وانتي طيبه رمضانك مبارك ياغاليه
فاطمه::مبارك بيكم. حبايبي.
احمد:: شنو جايه العصر. عدي عدي ياحنه. ساعدي في المطبخ.
ساره: غير عيد. وقول رمضانك مبارك
اخمد:: هههههه تحسيني. خاش بالقوة.
رمضانك مبارك. كنت راقد. وصوتكم أزعجني
وسيم: يعرفش يجامل. بكل شي. عيب المرا
احمد:: اطلع منها. شن جايبه يامرت خويا
ساره:: تشيز كيك
احمد: لالا هكي. خلوها تخش تتريح. مدلعتني
ساره؛ تحبه.
رباب::عيونه. وانا نعرفش نديره
فاطمه:خلاص كل يوم علي ساره
ساره:. حاضر. كل يوم بطعم شن رايك. نخش نتريح
احمد:: الا ساره لا احد يتعبها. خشي ياساره التلفزيون والريموت علي حسابك
وسيم:: اااااه. الحسسساب. معش تجيبو. سيرته
ساره: هههههه
رباب:: يستر الله. الطلبه. يعيطو منه
وسيم: واعر بكل جا
ساره:بس هوا حل
وسيم:: تي واعر. لبزت واجد
ساره::بس حليت.
انا متأكده. توا تصفي بمجموع.
فاطمه : هيا يابنات. نكملو. وقت المغرب
~<~>~>
وسبم:: الله الله. مراتي تقرض. تعلمي منها صغيره وتقرض
رباب:: شن تقرض في سلاطه. يافالح. انا درت لماما المصارين بروحي.
ساره:كنك ياروبي. معايا مو ساعدتك
رباب:: زادت ميه بس هههههه
ساره::وسيم. تعال نبيك
وسيم::هممم.
ساره:: لف وشاحي طاح
وسيم::خديت الطرف ولفيته. تمام هكي
ساره: تمام عدي تريح. انت عالقه من امس
وسيم:: نص ساعه ونوضيني
ساره::حاضر. عدي بس
رباب : منسجم. حبيبي
ساره:: رفعت عيوني
رباب: وووه عيونك يخوفن. خلاص اسفه
سحبت الكلمه.
منسجم. خيي
ساره: هههههه. انابش راهو. توا بجد مش قصدي غيره
رباب: بس عيونك رعشني قطوس. ت
#يتبع...