#الحلقة_الثالثة_عشرون
#للكاتبة_ريم_محمد
#لايك_كونت
نحاح:. عدي قوليها. مش خايفه منك
مسكّت تلفوني. وهذا نتصل به يجي لاخته متهجمه علّيا في شقتي
ساره:: سوسه وشيطانه. طلعت من شقتها خوفا ترن علي عماد
رنده: تتنازلي عينها. انتي روحي ياحنه بكرا فاجئي زوجك فكيتي الجبس ودايره جو. وبعد يروق. احكيله بطريقتك
ساره:مفهاش طريقه وسيم حصله بروحه اوووف
~<~>
ساره::مشيت للشقه وهوا مش قاعد. رتبتها وجهزت الجو
الساعه 7رنيت عليه
وسيم: كنت في العمل. رنت علّيا.
ساره::حبيبي امتي جاي تاخدني
وسيم::توا جايك وتي روحك
ساره::باهي قبل تجي مر علي الشقه في داري في لبسه تبيك تجيبها. تبيها رنده
وسيم:ضروري خليها بكرا
ساره::لالا ضروري تزعل البنت بعدها
وسيم ::خلاص تمام ماشي هي
ساره:: لبست فستان ابيض. ظهره عريان. ومصكر الرقبه كم شيفون واسع رسمة السمكة طووووووويل.
رفعت شعري ومكياجي كان مركز علي العيون.
سمعته فتح الباب. صبيت عند باب دارنا
وسيم::وصلت الشقه و فتحت الشقه صوت موسيقي اغنية. اليسا
الارض شموع. وبالونات تحت كل بالونه اوراق ملونه.
قدمت. ناديت.
ساره. ساره انتي روحتي قعدت انادي ساره. عندك حد.
ساره:: هزيت راسي اااه منك. وسيم.
اها روحت يارومنتك. طلعتله حطيت يدي في وسطي.
انت شنو تفهمش الجو. من بيكون داير هك غيري يعني
وسيم:: طبقت. باب الشقه ورميت مفتاحي علي الصالون
قربت منها. عبيط. تحسيني.
ساره:: باهي ممكن. تسمع الاغنيه برمت نبي نعاود نشغلها.
وسيم:: مسكتها مع يدها برمتها علّيا.
وجذبتها ليا.حبيتها علي خدها وقربت من وذنها. قتلها بالكلام. بصوت هادي.
مكتوبة
ليك إني انا اللي تعيشلها�مكتوبة على اسمك حياتي كلها
�أول ما قلت بحب كانت ليّا انا�مين تستاهلها غيري أو تتقالّها!
مش هكي كانت كلمات الاغنيه
ساره:: بعدت راسي منه. وحطيت يديا علي خده.
وكانت تقول
مكتوبة ليك و آهي كل حاجة ف وقتها
�تكمل حياتك بيّا لما دخلتها�
وسيم: حبيت يديها ومسكتهن
وتقول
. وقت أمّا شافك قلبي شافت عيني فيك
صورة حبيبي اللي ف خيالي رسمتها
ساره: حطيت راسي علي صدره وحكيت كلمات الاغنيه
موعودة بيك تبقى انت بختي وقسمتي
موعودة بيك من قبل ما اتقابل معاك
وسيم:: حضنتها
مشاعري، حبي، حياتي، شوقي ولهفتي
متصدقين مني لإني مصدّقاك
ساره:: مصدقني حبيبي.
وسيم:: اكيدددد. مصدق
لانك نقيه شفافه صافيه.
ساره:: قرصتله خده
تعرف في مياه ساره انت
وسيم:: هههههههههههههههههههههههههههههههههههههههههههههههههههههه
ساره::وسييم. بطل. ضحك. ياسامط. خربت الجو اسكت
وسيم: يابيبي. انتي توا اللي خربتي. الجو. خليني نكمل كلامي بعدين علقي بامياه ساره. ههههه
ساره: هاه خلاص سكتت
المهم انت مصدقني
وسيم:: طبعا. لانك حبيبتي.
تعرفيش اللف والدوران انتي صادقه طيبه ونحس في قلبك كيفي يعرفش الكذب. وتعرفي. اكتشفت حاجه مشتركه بينا
ساره: اممم شنو
وسيم::قلبنا صافي روح الاطفال وبراءتهم طاغيه عَلِينا
ساره:: صح. انا بيبي بككككككل خصوصا معاك نحس روحي بنوته مع بابتها
وسيم:: اممم باهي يابنوتي الحلوه مفش كل سنه وانت طيب ياقطوستي
ساره: كل سنه وانت حبيبي وروحي وعمري. وحياتي.
وسيم:شن السماحه والاناقة هُذِّي. اميره. مراتي ياناس.
ساره: حلوه يعني طالعه
وسيم:: القمر. في ليلة البدر. قاعد قدامي
ساره: ويقولي قطوس مغمض. تي فنان في أختيار الكلمات.
وسيم:: عيونك. يوحلي في الكلام
ساره:: وانت عيوني. يلا تعال طفي شمعتك عشان تتعشا. شوووووف درت بيتزا وكباب اللي تحبه
وسيم: مكنش في داعي اتعبي روحك مرواحتك بدون الجبس والأجواء الحلوه . هُذِّي تكفيني
ساره: تعبك راحه حبيبي
مسكّت يده طفيها
وسيم::طفيها معايا ويارب اخر يوم في عمري وشمعتي في الدنيا تطفئ علي حجرك
سلره:: بعيد السو. عليك ربي يطولي عمرك.
وسيم:: حبيتها علي فمها. انحبك. متمني. كل حياتي معاك
ساره: ربي يخليك ليا. ياكل دنيتي.
برمت مديتله هديته
وسيم:: واو هذين كلهن هدايا. مكلفه روحك ساره. انتي احلي هديه
ساره؛: يلا وسيم افتحهن
وسيم::اصبري بس انا بنشوف الاوراق هذين شنو قبل.
ساره:: ييي احراج. قبل نبيك قبل نشوفهن بروحك اول ماخشيت
وسيم:: هههه مش امتاع حو. انا بس السنه الجايه عاوديها نقعد حفظت الدرس
خدبت الورقه
مكتوب انحبك
رفعت راسي رديت عليها وانانموت فيك
خديت ورقه ثانيه
نجاوبك علي سؤالك من كم يوم. اهاانا نعشقك.
بحتت فيها.
انتي عشقي وحبي
خديت الورقه الثالثه
تبقي انت اجمل ماحصل
لي
وتبقي انت اجمل. خدعه
وسيم ::حبيتها علي خدها
وانتي احلي قدر
وسيم: مديت خدبت اخر ورقه.
قريتها وقعدت نضحك
اااااااه ياهبله يامجرمه.
ساره:: هههههه. اقرأها حبيبي
وسيم:: احممم.
شكرا نجاح شكرا عماد . شكرا خريف. شكرا جفاف.
هكي الخدع ولا بلاش. ههههه
ساره: بطل ضحك كنك هستيريه اليوم
وسيم:: مبسوط مش عارف كيف نعبر
ساره: قربت منه اااااه يارب دوم عَلِيناو احفظنا ومتفرق بينا
وسيم: امين امين ااااااميييييييين يارب.
مسكّت يدها. نخشو للدار.
ساره؛ ااه
وسيم: مرايفه
ساره: مشتاقه. ولهاااااانه عليك
وسيم:: مش اكثر من ولهي عليك ياساره
نزلت بيها ووووو#####
~<~<>
وسيم:: تعاالي عندي. قديششششششششش رايفت. علي النومه هذ. شفتيني كيف رومنتك.
ساره: رفعت روحي. وجيت علي صدره. انت من يومك حساس ورومنسي
قعدت. نمشي في يدي علي خده ونحاول. نحكي ونستغل هدوؤه
. سومتي. انت تحبّني صاح.
وسيم: تبيش سؤال هُذِّي قتلك فقت الحب انا معاك
ساره::وواثق فيا صاح.
وسيم: اكيددد ثقة عمياء
ساره::لما جا محمد حوش هلي
وسيم: ساره مش وقت كلام في محمد واحمد وجمعه.
خلينا هك رايقيين خليني فرحان بالحظه الحلوه هُذِّي
ساره::بس انا
وسيم:: انتي. تصبي. توكليني جعان. الطاوله تسهف.
ساره:: ابتسمت. حاضر.
رفعت روحي. مسكني مع يدي
وسيم::حبيبه بس.
ساره:: نزلت حبيته علي خده. هيا صبي
~<~>>
ساره:: ليش ركبته هنا التكييف. الممر احسن
وسيم:: هنا خير. يغطي الصاله ويوصل. للدار
امممممم التورته تهبل. امتاع حوش شكلها انتي دايرتها
ساره:: هزيت راسي هأ
نعرفش انا. درتها رنده.
وسيم:: سلم ايديها وليش انتي تعرفيش اديري
سلره::مراتك تعرفش ادير شي.
وسيم::يعني تنباله مراتي
ساره: مش تنباله بس دلوعه.
وسيم::دلوعتي. خلاص. تبدا تتعلم صح
ساره: حاضر. بيبي. تبيش تفتح هديتك
وسيم: شنو هُذِّي هدايا مش هديه
ساره:: اها شوفها بس
وسيم:: سروال تيشرت كندره عطر
حلوه ماشاءلله. ربي يخليك ليا. بس اللون هذا عمري مالبسته
ساره:: وانا نبيك تلبسه
وسيم:هذا يبي شاب ابيض وطرف. بلبول مش شوري
ساره:بالعكس. انت تهبل. بعدين.
انا نحب الموف الفاتح علي الشاب الأسمر. نحسه يفتحه ويجي اجمل من الابيض هك مرطرط
وسيم::هههههههههه. بليده.
باهي مدام. بكرا جمعه
ساره: حطيت راسي علي كتفه.
جمعتك مباركه. مو عارفه
وسيم:: اممم يعني.
شن رايك نتغدو حوش هلي
ساره:: بس ياوسيم. هما يبوناش
وسيم::عارف بس ياقلبي باتي. يفرح بعد يشوفنا ملتمين وبعدين. عبدو جاي متغدي.
ساره: لالا عدي انت انا نبيش. عندي كرامه شنو ناكل عندها
وسيم: خلاص زي ماتحبي. نتغدو في الشقه.
بس توا نخشو. دارنا لاني مزلت مرايف ومشبعتش منك
ساره:: مسكني مع يدي وخشينا. ووووووو######
><~<
الصبح
ساره: حبيته علي خده.
وسيم:
ساره: هههه يقول ساره نومها ثقيل امالا هوا شنو
وسيم وسيم صبي صلاة الظهر قريب
وسيم:: شوية بس عَلِيما درتي الشاهي نصبي
ساره:: عارفتك بترقد. تصبي. هيا.
وسيم: فتحت عيوني
وليش الحسد يوم عطلتي
ساره:: وعشان عطلتك صبي افطر فطره كويسه
هيا صبي
وسيم:: نحس في روحي. مشبعتش نوم. تي رقدنا بعد الفجر شن نوضك توا
ساره: هك. مبسوطه. نوم طاير هي صبي برمت هي صبي
وسيم: مسكّت يدها
تأ منيش مصبي. بترقدي حتي انتي معايا
ساره:: كريت يدي.
تي صبي
وسيم:: كريتها نزلتها علّيا
اسسسسس فيش نقاش
ساره: وسييم. حلاص بجد وقت
وسيم: حبيبه بس
خلاص هي عدي.
ساره:: صبيت.
بسرعه. جعااااااانه نبي نجهز الفطور
وسيم::قعمزت
هذا فطورك. واللي يسمعك نجهز الفطور
يقول نايضه تعجن وتقلي ولا دايره عصيده
وهوا دحي مشيط ومربي وجبته
ساره: تتهزا. عدي كول عند عفاف حبيبي.
وسيم::اه غير نطلب ماما عفاف. تقولي. من عيوني. ياوليدي. اطلب اللي في خاطرك
ساره:هههههههههههه. بكل. عليك مرا عسل
تبي كرواسون. حبيبي
وسيم:: شنو تبي شنو
ساره:كرواسون. كرواسون. كنك
وسيم: شن يطلع هذا بسلامته
ساره:: في حد يعرفش
الكرواسون. هذا
وسيم: اهااااااااا. تي قولي بريوش. عليش وكاوكا
ساره:: ههههههههههه.
ياسامط. تبي ولالا.
وسيم: لالا شكرا. الدايت يامدام ساد امس كليت حلو واجد
ساره: قهوه بس
وسيم: اهو نحاول نحرق. صبيت
شنو جلابيتي واتيه
ساره::جلابيتك. اااه مش عارفه
وسيم:: كيف مش عارفه.
ساره:: توا نشوفها. صبيت
تبي برمة تحديد
وسيم::باهي بسرعه. عَلِيما مشيت لباتي. نغيرله
><~>>>
نجوي:صباح الخير
وسيم:صباخ الورد.
خشيت علي باتي. لقيته واعي ورايق
صباح الخير يااغلي الغوالي. هي نوتيلك فطورك شويه
السنوسي: صباح الرضا. فطرت. ياغالي.فطرتني نجيوه
وسيم: انتي فطرتيه.
نجوي : اها بس غيرله. وشيله معاك الجامع يصلي. ويغير جو
وسيم: تمام.
نجوي:: خليك توا نجيبلك. عدته
><~>>
وسيم: كملت لباتي
نجوي. انا فرحان لتغيرك. فرحان بجد
نجوي:: اهو. شن درتلي انت عشان. نكرهك ونستعر منك.
انا احتك لحمك ودمك. قسيت عليك ونفرت منك
وساره اللي جايه تعرفكش ولا عمرها حكت معاك
بعد عاشت معاك. حست بيك وحباتك. ييي قديش كنت عميا
وسيم: انتي مش عاجبتني نحس فيك ديما عيونك يدمعن
نجوي :: مفش شي. خلاص وقت عليك عدي. البس للصلاة
وسيم:: يي وقت.
نجوي:: متغديين عندنا
وسيم:: خاطري بس مليش مكان وغير مرحب بينا
نجوي:حوش باتك وغصبا عن اي حد. مرحب بيك
وسيم:بنت الناس. متتحملش اهانات وتجريح ومكايد.
يلا عطري الحاج عَلِيما لبست
><~>~~
محمذ:: نعم ياامي
اسماء:: اسمع اتفقت انا وخالتك الخطبه الجمعه توا باتك يكلم راجلها. ويدفعو. وبعد العيد الصغير. علي طول نديرو الفرح
محمد:: تمام. كويس
اسما: محمد كلم البنت شوفها. خليها تنسق شقتها شوفها شن تبي اتفق معاها.
محمد:حاضر.
خالد:: محمد. نحس فيك مش فرحان.
محمد:: لا بالعكس. فرحان. ياباتي. ادعيلي ربي يسعدني بس
><~>
رنده:: فتحت تلفوني. جني مسجات عررررررم
حسام: ردي يارنده حرام عليك. انا اسف مش قصدي.
يارنده انا تعبت. ردي علّيا
رنده::ييي يرن شن عرفه فتحته
رديت ايوا
حسام::واخيرا. يارنده عاد نشفتي ريقي يومين. بهدلتيني
رنده: وليش ينشف مش ملزوم ترن حسام.
حسام:: لا زعلانه مني مزلتي.
شن اندير عشان نرضيك
رنده: تديرش شي. سيبني في حالي
حسام: نقدرش لان حالي قعد مربوط بحالك
حلوه صح ههههه
رنده::هههه حسام. راح تتعب معايا انا نبيش نتجوز ولا ننخطب
حسام:: ولا انا تصدقي. ههههه
يارنده. انا شاريك. وحكيت عليك حتي لهلي.
رنده؛:قلت مطلقه
حسام:: قلت بس قلت مقريه فاتحه كانت بس
رنده::شفت. خفت تقول. كانت مسافره معاه. يعني. طبيعي هلك بيرفضو.
حسام:: توا يعرفو. ويوافقو. المهم نضمن. موافقتك انتي
رنده::حسام. بنصكر. عصام يبيني. نجهزله دبشه.
حسام:: عصام هذا الثاني ركزي. متكثريش دلاله معاه.
رنده:: لَيش. عصام خويا. وصديقي. لَيش مركز عليه
حسام::بس هوا ينظرلك حبيبه. وكان ناوي. ياخدك لولا جوازك من محمد
رنده::شن عرفك
حسام: علاء حكالي. مره
رنده:: اها. بس. انت ركز انك ملكش حق. تحكي علي تصرفاتي او. تنصح.
حسام::يي خلاص بتزعل اخري خلاص نبصر. انا اااااااسسسف.
~>~>>~
وسيم: روحت من الجمعه. بنت الشقه. شياط. ساره شن في كنه الشقه ضباب
ساره:: حبي. المكرونه شششاطت
وسيم:: حبيييي انتي. عبيطه. في حد يطيب مكرونه. علي راس. كبير وطنجره صغيره
ساره:: شن تاكل. توا انا اسفه جمعه وتبي تتغدا. كله مني حماره
وسيم: وغبيه
سيبتها وخشيت الدار نحول في دبشي.
ساره: جيت وراه انت زعلت. صاح. وسيم توا نرن علي ماما ادز. ولا توا نحاول نطيب اخري.
وسيم:: لبست. شرت. وتيشرت. وطلعت وسيبتها تحكي
ساره:: سيبني وطلع. طلعت وراه
وسسسسيم. بطل طروح التجاهل. خلاص أزعل اطربق ااااااانفلق علي يعبرك
وسيم: خشيت المطبخ. وفتحت الثلاجه. طلعت بصل وطماطم.
ساره: شن ادير. تلبزش انا نضفت. شن تبي وانا نديرلك. اووووف انا اكره حاجه عندي راجل يخش المطبخ. تي بطل شن ادير. زفرت المطبخ. اععع
وسيم:: سكنت وانا مخليها تحرق. وتعيط.
برمت. عليها بالموس
حصرتها عند الحوض.
تبي تسكتي ولا نشرحك زي هل الدجاجه
ساره:: وخر. هاااي الموس ينقذ علّيا مزفر
وسيم:: ترا هنا نقط. نزلت. حبيتها علي كتفها
ساره: زعلان عشان شاط
وسيم:: قلنا حبيبتي علي ناااااااار هاديه. تذكري
ساره:: اها نتذكر.
هات توا نساعدك.
وسيم:: شبعت معش نبي.
ساره:: لالا لازم وجبه
وسيم: انتي وجبتي.
ساره:: سيمو. ناااار.
وسيم ؛:: برمت. فلتت مني.
ساره:: يلا ياشاب كمل المكرونه.
وسيم: باهي باه. مصيري ماسكك ياقطوسه
~>~>~~
وسيم:: ساره. رنت رباب تبينا نجو. نهدرزو
ساره:: عليش شن المناسبه
وسيم:: اكيد عيد ميلادي زي كل سنه تحتفل بِه
ساره:: قبل اوكي بس توا في من يحتفلك به صح ولالا
وسيم: ههههه. صح ومش صح
صح اوكي عيدي. احتفلت به حبي وعيوني وجوه غير. وفرحته. غير ررر وهذا اكيد بس مش صح.
ان حتي الاخت تحتفل بعيد خوها.
ساره::تمنياتي يكون عيد خوها
وسيم:: تبيش نمشو. خلاص عادي نكلم. ونعتذر. عندكش مشكله بس انا عنديش الا هل الحوش اللي نعتبره حوش هلي. ونبي علاقتك بيهم قويه
ساره:: لا نعدو نمشي معاك خير ماتكلمك بروحك ونعرفش شن يَصير من وررايا
وسيم:: ايووووا ياواعر انت هههههه
ساره:: حوووووول.
وسبم: حوووول. بطلي جعونه. نحول
ساره::هأ هذا لساني وانا هك. وانت ت ب ي ت ح ول
وسيم:: م ن ي ش م ح و ل هاه
ساره:: وسييييييم عاد
وسيم: لا هكي مات رسمي وسيم. تعالي هنا
><~>~~
رباب : شن رايك.
وسيم:: تي خطيره شكرا. بجذ خاطري فيها
ساره:: تهبل حبيبتي. ومبروك. وسيم. حلوه
وسيم:: الله يبارك فيك. شكرا.
بس ماشيات معايا ولا قلق
اخمد. :: عجبنكش. نغيرها لك هذا ذوقها انا محبيتهاش الصراحه
رباب:: بالعكس عسسسل طالع وماشيه مع خشمه. هك مبينته واقف وسمح
ساره:: رقالي. وبان عليا.
اخمد:: اوووو. ساره عصبت حي عليك يارباب.
ساره: لا. لَيش بنعصب بطل تركيب. ههههه
احمد:: مفهاش تركيب. تغيري ولا شنو. واضح عليك معصبه.
وسيم:: بطل حناطه خلاص احمد
رباب: ههههه اطلع منها ياسامط.
تعالي ساره
ساره::صبيت معاها
رباب:: راه يطلع صاح تغيري مني. تبيش تبحتي فيك كأنك
ساره::بصراحه. انا صداقتك واهتمامك بِه بس انتي. مكثره. يعني شنو نجيه وحبيبي وعسسل.
رباب:: زي احمد ياهبله
ساره: وين نندري توا زمان يخوف
رباب؛: ههههههه. ولا عمري فكرت فيه هذا خويا ويعز علّيا. وسيم. عسسسل. عشان هوبا. ونجيه لانه خويا
وحبيبي لانه خويا
خلاص وعد نمسك لساني
ساره::تزعليش مني. بس حطي روحك مكاني. بنت عم راجلك تتغزل فيه
رباب:: نعرفها من نيتها ياساره نركز. ولو واضح عليها تعزه. نصاحبها. وتقعد اختي حتي انا
ساره انا معنديش الا احمد خويا ووسيم خويا الثاني.
وعنديش خوات وخاطري تقعدي اختي وتبطلي رسميات.
لَيش مثلا تعبرو. هذا حوش. هله. ساره زمان وسيم. يتغدا معانا. ويمر. في اي وقت. توا. قعد متقيد. بيك وقليل جيه
خلينا عيله. واعتبري ماما عمتك بدال عفاف اللي ماتنفع
ساره:: حاضر. وبجد انا نتريح عندكم وخلاص وعد. ديما عندكم
~<|~|
وسيم: بطلي غيره ياهبله بانت عليك
ساره:: اسكت انت.
خايله علّيا.
وسيم:: تي يابنت بطلي غيره.
ساره:: يعني عادي. انت فرحان بكلامها
وسيم؛:اه عادي زي اختي
ساره؛:خلاص. حتي انا عادي. يقولي
وسيم:: فنصت. هاااي
ساره:يقولي علي ولد خالي كنك
وسيم: هزيت راسي مجنونه رسمي. وصبيت
~<~~|
ساره:: كل مانحاول نحكيله. يسكتني. واسم نجاح يقولي وراه نكد. خلينا مبسوطين مش وقت كلام
نجاح تستفز فيا. تتصل. تسأل امتي ناويه تحكي لعماد وتوقعي.
وانا كل مكالمه عركه معاها
وسيم:: ساره. كنك تسرحي رايحه. واحد
ساره:نفكر. في امتحاني بس قرب
وسيم: يي حتي انا نحس في الرياضيات بكل صعبه مش راح نقدر عليها
ساره:: لالا ساهله. انت بس افهم الطريقه وكله حله زي بعضه
وسيم:: باهي. هُذِّي كيف ترا
ساره:: طبست نحل. فيها جاني مسج
نحاح ارتبكت.
شن صار معاك
ساره دزيتلها. حلي عن وجي وقتلك بعدك نعطيك قرش
وسيم:: تي كنك. وجك تغير تحسي في حاجه
ساره:: لالا. بس تعبانه. حلها زي. ماوريتك وبعدين نشوفها
وسيم:: رايحه غريبه تسرح. واجد. وديما مضايقه. انظر شن صاير معاها تبيش تحكي
~<~~>
بعد مرور يومين
ساره:: مقدرتش نحكي يارنده جونا سمح. وهوا مبسوط. وبدا يقرا. ويسهر. للفجر علي القرايه ينوض للعمل يعني
مقدرتش نحكي نخاف نشوش عليه
رنده: يبقي. احكي لعماد. ديري حل تقعديش غبيه
ساره;: عماذ يكذبني. ويبدا حاط علّيا. اصلا احتمال. يصدقها
رنده: يبقي احكي لعلاء قبل يسافر.
خليه يدير. حل مرات تخاف. من راجل.
ساره: زعمك
رنده:: هوا هذ
قاعد في داره تعالي نحكوله
علاء: كنكن شن عندكن كلام
ساره:: علاء. انا لازم نحكيلك. وواثقه. انك راح تفهم علّيا
علاء: شن في كنك تعصري في يديك
رنده: قعمزتها. ترعش لان نجاح تهدد فيها.
احكي ياساره.
ساره:: حكيتله كل حاجه. حتي كذبها. علي شرفي. كل شي حكيته.
علاء: هذا كله ياساره. وساكته. تي. هُذِّي تبي. حد يوقفها عند حدها لالا تي هُذِّي معش لها مكان بينا
سلره:: لالا علاء. قعمز. ووطي صوتك. انا بس نبيك تاخد منها الصور
علاء؛: حولي. ترا. انا ناخد روحها مش. صور. فتحت الدار. وطلعت أنادي عليها
نجاااااح. انتي ياخرا اللي اسمك نحاح
نجاح: عماد كان. مش قاعد. جاني صوته زي عماد طلعت
علاء:: تعالي هنا. مدي تلفونك.
نحاح: عليش. وبعدين انت كيف تحكي معايا هك
علاء:: نحكي معاك لاني نبي نربيك. نبي نعلمك كيف تستفزي وتهددي. اختي. نبي نقص لسانك. قبل تحكي علي شرف اختي.
ساره: علاء. مش هكي. اهدا
علاء:: انا منهداش. لين تلم دبشها وتطلع من حياتنا انا بعد يجي. عماد نقوله. كل شي. خليه يتصرف. مع الحيوانه اللي خششها بينا
نجاح:: ااااااايييي يابابا. لم لسانك واعرف مع من تحكي.
راني ساكته بمجازي محترمه انك سلفي. وعم ولدي.
ساكته لان. عياطك هذا. منخدش عليه. لانك عيل. وفرخ.
علاء: فرخ عينك يابنت الكلب.
نحاح :: هاااااه. تضربني كف ياعلاء. تمد يدك علّيا
علاء: تستاهلي قص رقبه مش كف.
انا كبدي غل عليك والكف شويه فيك. مدي الصور بالطيب خير ما ندهسك تحت كرعيا
نجاح:: ماشي ياعلاء. صور منيش عاطيه والكف راح تندم عليه
علاء:: تعالي. هنا وين ماشيه
نجاح: خشيت شقتي وطبقت الباب رنيت علي عماد. نبكي
عماد: اهدي انا مش فاهم شي.
نجاح: قتلك ساره وعلاء. متهجمين علّيا. وعلاء ضربني كف معلم في وجي. تعال خود حقي ولا نلم دبشي ونمشي لهلي. ياخدوه
عماد:: تي شن. في.
باهي اهدي. بطلي عياط اني جاي في الطريق
علاء:: رنيت عليه. رد يعيط. في وجي. ياكلب انت شن داير. لمراتي. قعد يحلف ويتوعد. فيا
ساره: ياربي. طينتها انت هك لبزت الدنيا
علاء::تي يروح معش فيها لازم. يفطن الحمار. يدل في راسه وخلاص الله يكرهه في الحب اللي يخلي الراجل. أعمي واطرش هك
رنده: صوته جا. حي عَلِينا
علاء:: حولن وخشن الدار انا توا نحكي معاه نفهمه
عماذ:: ركبت. بسرعه.
نجاح:: سمعت سيارته. جهزت روحي. جنب الباب. نعيط
ااااايييي. بطنييييي. بطنييييي. أييييييي. لحق. ياعماد. أه. ياعماد. ألحقني.
علاء:: اسمعن فيها كذابه
عماد:: ركبت علي الدروج. انت شن داير ياحيوان. كيف تمد يدك عليها كيف. تمد يدك علي مراتي.
ساره:: لالا عماد. تمدش يدك. افهم. خوك. مش غلطان هي نرفزاته.
عماد:: حولي. ياساره. خليني نعلمه كيف يمد يده عليها
ساره:: انفتح الباب. وطلعت تزحف تعيط.
عماد:: طلقته ونزلت عليها. كنك شن في
نجاح:: بطني شكلي اجهاض.
عماد:: صبي معايا. صبي مسكتها وخششتها الشقه
تمددي تريحي. ولا شن رايك نمشو الدكتور نعدو لعبدو يشوفك
نجاح:: شيلني لدكتورتي ماسكه توا
عناد: لبستها. ونزلتها
علاء:: كانت تعيط. وباين علي وجها المرض خفت.
رنده:: يي يارب مايصير للعيل حاجه يقلبها عليك
ساره::ربي يستر. ربي يستر
عصام: السلام عليكم جبنالكم معانا. سندوتشات سماح
جميله:تي كنكم شن في.
علاء:: خشيت داري. وصكرت الدار. رميت روحي علي الفراش. ربي يستر. ينزل العيل تقعد في وجي وهذا حمار. يكرهني
ساره: اللي صار.
حكيت لعلاء. .....وهوا عصب وعدا تعارك معاها. واهانته مد يده عليها و..
جميله؛: وووه. شنو. يمد. يده علي مرت خوه كبيره. هُذِّي. غلطان.
علاء انت يامتهور.
علاء:: امي اللي فيا مكفيني مش ناقصك.
جميله:شنو تمد يدك عليها. متجيش عيب وغلط
علاء:عصبتني. استفزتني
جميله:: يَصير للعيل. حاجه خوك. يقلبها. عَلِينا
وانتي ياهبله لَيش قلتيلي انا. نتصرف نحكي معاها ولا نمسك وسيم نفهمه انتي مغلطيش لَيش الدس والخوف لَيش تخلي فيها تمسك عليك حاجه
ساره:: ماما انتي خوافه. وتخافي من عماد ودايره حساب لمراته مهمها صار. متحبيش تكثري عليها
عصام::اهدي ياامي وعلاء عنده الحق انتي وساره غلطانات. عارفات نواياها وساكتات.
كيف تسمحي. مجرد تذكر. كلمة تتنازلي عن حق وتمشيها. لها. مفروض يومها جيتي وحكيتي مفروض مسكتي عماد وحكيتي. متقعديش هبله للدرجة. هدي. نعرفك قوية الشخصيه مخوفه الحوش. مصير. الكبير والصغير. في يدك كنك انهزيتي
ساره:: غصبا عني. غصبا عني. منقدرش.
خوك متحكمه. فيه وهي تكره. وسيم زوجي. اللي مستقبله ومستقبلي. متوقف. علي هل العمل.
فتره معينه. لين يلم روحه يدير راس مال. ويقعد عنده خبره.
فتره لعند انا نقدر. نطالب بحقي. بدون زعل ولا حسس
جميله: اهدي. والصور توا نخليها تمسحهن
عصام: خليهن عندها الصور انا توا نحكي مع راجلك انتي مش شورك متخفيش. لو حب. يصدق تمام. دار. طروح. وغيره وعفن. يقعد. مزلنا فيها. اشري راحتك وقوليله. مع السلامه
ساره: لالا. شنو مع السلامه. ماما هدا. يعرفش يحكي. تخليش يكلمه. انا. توا نحكي معاه. خلاص اليوم نقوله.
انتم دخلكش. رن تلفوني وسيم
وسيم:ساره انا قدام الباب. عنديش نيه ننزل ميت تعب.
اطلعي. بسرعه
سلره: هديت. عصام. ونزلت
فتخت للسياره. ركبت.
اهلا
وسيم: طولتي.
ساره: ندور في وشاحي
وسيم:في حاجه ناقصه
ساره::لالا
قعدت مرتبكه. ونحاول نمهد الموضوع
وسيم: تي كنك. تفترشي شن في
ساره:: تنهدت شي.
وسيم:: توا نعرف كنك. بطريقتي.
ساره:: ابتسمت. وبرمت وجي
وسيم:: لالا انتي مش طبيعيه رسمي.
خشينا الشقه.
ساره: وسيم. بنحكي معاك.
وسيم::
خليني. نغير. وناخد بنادول. لان رااااااسي . بينفجر
بعدها نحكو
ساره::وخرت. تمام
وسيم: خشيت الحمام. تدوشت. وطلعت. فيش عشاء
ساره: تبي سندوتش ولا خفيف
وسيم: نبيش نشوي ونبي حاجه خفيف جيبي زبادي وخلاص مع اني ميت جوع
ساره: ياروحي شكلك هلكان. ياوسيم معش ترهق روحك. عندك. مكتب خليك فيه. لَيش طول. اليوم مصبي
وسيم: هك نفسيتي تتريحش الا وانا نشرف وندقق. صدق عماد. يسرقو فيه مسكين.
ساره: علي راحتك.
خشيت للمطبخ. جهزت عشاء
وسيم: اوووو. هكي بلكي واجد
ساره: باين تعبان ومش كويس. الحرمان.
كول سلطة فواكه وزبادي. وطرف توست. وتوا نديرو شاهي. عشان تتريح
وسيم: حبيتها علي يدها سلم ايديك.
ساره: شن درت انا مفش اسهل منها ههههه
وسيم: يكفي انك بس فكرتي فيا ومهنتش عليك نرقد جعان
ساره: انت طيب واجد. ونيه. بككككل.
وسيم:عبيط يعني. درويش زي ماتقول عفاف
ساره::لالا. حشاك. انت عسسل. وطيباتك. هُذِّي حلوه.
انا بس مستغربه في شخصيتك كل شي تشكرعليه وتفرح به معندكش طلبات شوف كم ليا. نحرق في الطبخ ونمرطز
وانت متحمل.
وسيم: لان كفايه عندي زوجة زيك هوا انا كنت نحلم تي انتي. بالنسبه ليا زي الحلم لالا انتي زي مسابقة اليانصيب هك فجأه. كأني قعدت مليونير. انت جوهره. حلم كنت مستحيل نفكر فيه اونحلمه
ساره:: خنقتني العبره وصبيت
وسيم::ساره كنك شن قلت انا.
ساره: شي. بس. كلامك. اثر. فيا بس
وسيم:ههههه كلامي ديما نعاود فيه. مفروض حفظتيه
ساره: اهو. بنخش الحمام
خشيت الخمام. شن نصرف كيف نحكيله
نخلي عصام يحكي. بس هكي مش راح يفهم وراح يقول. يستر علي اخته. نحكيله انا مش عاطيني. فرصه
ششششن اندير
وسيم: تعشيت. واتكيت. نتفرج.
من كثر التعب. لقيت روحي راقد
ساره: خلاص نطلع نحكي. واللي بيصير يَصير.
طلعت. لقيته يده طايحه وراقد الإرهاق. في ملامحه
ساره::وسيم صبي للدار
وسيم: واعي واعي بنصبي نقرا
ساره:: ياحبيبي واضح تعبان خلي القرايه بكرا. صبي
وسبم:: نقاني تعبان بكل ونحس في يدي. أجهدتها اليوم
ساره: خش تمدد. توا ندلكها لك.
وسيم: حطيت راسي. علي المخده
ساره؛ مسكّت يده. ندلك فيها.
وسبم: عندك محاضره بكرا
سلره:: عندي بس نبيش نمشي.
وسيم:: لَيش الغياب عدي عوضي إيام كسرتك
ساره:: نبي نعدي حوش. هلي. الجو متوتر. غادي
وسبم؛: كنكم
ساره:: علاء. تعارك. مع نجاح وضربها كف
وسبم:: نطيت شنوووووو كف عليش يمد في يده عليها
شن. سايبه يمد يده. وانتي كنك ماتحكي. من بدري
ساره: اهدا. هي استفزاته. قالتله كلام. عصب
وسيم؛:ولو ايششش يمدش يده.
وين تلفوني. نكلمها. وعماد شن دار. تقوليش سكتله
ساره: عليش تكلم فيها ليل. بعدين. مظني تعرف رقمك وتقول رقم غريب نردش عليه
كنك انت. توا متعاطف. معاها نسيت. هي سبب. كل شي
وسيم: ولو. هُذِّي اختي. وكرامتها من كرامتي.
مش عشان نحبك وهلك طيبيين معايا يعني. نسكت علي إهانة اختي
ساره: عيطت عليه. اي اخت. ركزززز. هُذِّي عدوة شيطانه مش اخت. هُذِّي. جباره. تكرهك وتكرهني.
علاء مد يده عليها عشاني وعشانك. لانهاتهدد فيا تبي تفتن بينا
والا نتنازل عن حقي. من وورث بابا.
وسيم؛؛ عليش تهدد فيك شن ماسكه عليك مش اول مره. نحس بينكن كلام نحس فيها كأنك. تبنيش نشوفها شن ماسكه عليك
رفعت يدي بالقوة. حسيتها. ااااه. اخخخخ اممم
ساره؛؛وسيم كنك شن تحس
وسيم: ثلج. ياساره. يدي. تسطر.
ساره: تمام. صبيت. خديت كيس وحطيت الثلج فيه
وسيم:: ااااخخخ ديما هك. لما نشتغل عليها واجد لازم أتعبني.
ساره::وليش الثلج
وسيم:نحس فيه يهدي فيها ويسكن الالم
ساره:: مرات مش كويس. عدي دكتور تسكتش عليها
وسيم: كملي. شن في بينك وبينها.احكي وانا فاهم وواعي متقدرش تفتن
ساره:: مفش شي صدقني انت بس تريح توا
واضح تتألم
وسيم:: صبيت. عصبت بصوت عالي
مدخلكششششش بيا توا بنعرف. شن ماسكه. عليك نجاح
ساره:: لما محمد جا وصبينا حكينا
وسيم::عرفتها. فيها الزفت هذك كملي
ساره: نعرفش نحكي وانت هك معصب. وماشي جاي فوق راسي
وسيم:: احكييي. قتلك.
ساره:: مش راح تفهم علّيا هك. مش راح تفهم
وسيم: هاه. قعمزت. اهخخ.
ساره:: وسيم انت تتوجع مش وقت كلام
وسيم: لا انا نرن عليها. نفهم
ساره:لالا خلاص نحكي انا
لما جا محمد وشافني. صبينا نحكو. زي ماقتلك
نجاح. صورتنا من فوق
وسيم:: باه صورتكم. لَيش خايفه وتهدد فيك
ساره:: الصور خدتهن بطريقة. مستفزه
وسيم:: نحكي معاها وماسك اعصابي ضاغط علي سنوني
كييييف بطريقة مستفزه
ساره:انا طحت محمد حاول يرفعني
وصوره نحكي معاه هوا كان يهزب بيده وهي لقطت الصوره كأنه يده علي خدي
وسيم؛: نعمممممم يرفعك وكأنه كأنه يده علي خدك. كيف تجي هُذِّي. مش جاهل راني مش عبيط.
وين الصور. وين الصور.
ساره: امتسحن هي مسحتهن.
وسيم: كيف تمسحهن. انتي بتلعبي علّيا ولاشن دوتك.
وين الصور ياساره
ساره:: هي حذفتهن. صدقني. هي حذفتهن ملحقتش. نصورهن
وسيم:. كلام مش مقنع كلام مايتصدقش.
انتي لك ايام متغيره. تسرحي واجد. وتبكي ديما مخنوقه ومضايقه شن وراك ياساره. حنيتي. للحبيب الاول.
ولا زعلانه خطب. وسيبك.
اسمعيني. هن يابنت الناس.
انا عندي تاخدي دبشك وتمشي. توا حوش هلك. تقوليلي خلاص معش نبي عشرتك . ولا انك تقعدي مغصوبه. وتفكيرك وعقلك وقلبك مع غيري
قوليلي معش نبيك وعدي نحترمك ونحاول ننساك بالطيب
ولا انك تخونيني وتمثلي علّيا جو. نقدرش نرقد برونك وكلامك الفاضي الخيانه عندي ولو بالتفكير هنا. راح تشوفي وسيم ثاني.
ساره:: انت شن تخرف وسيم عيب كلامك ويزعل. راهو
كلامك كبير. ويدل علي انك مش واثق فيا
شنو خيانه. ووعدي
هكي نظرتك فيا هكي شكك فيا انت هكي شايفني
تمام وسيم. انا زي ماانت تبي تفكر. فكر. بس اعرف انك ظلمتني ظلمت وحده حباتك. وكان واضح عليها
تعلقها بيك مش تمثيل. ولا طروح
طلعت من الدار للصاله
وسيم::قعدت نبرم في الدار. شن شكل الصور اللي مخلفاتها. شن. عندك يانجاح.
بحتت في الساعه ليل قصه نقدرش نرن.
اتكيت علي فراشي. يدي الثانيه مش وقتها بكل. اخخخخخ
ساره::طلعت للصاله. نبكي مصدومه في كلامه.
رنيت علي رنده. نبي نسال شن صار
رنده::قالت قالو. حمل مهدد. وعماد. تعارك هوا وعلاء ومد يده عليه. وامك ترعش. مسكينه.
ساره: يناعليا الحقيره. وووواطيه
رنده خليك معاها. انا الصبح نجي.
رنده:: انتي شن صار معاك
سلره: قعدت نبكي ونحكيلها.
وسيم: نسمع فيها تحكي بصوت واطي. صبيت. قربت من الباب سمعت اسمه. سيطر. علّيا الشيطان والغضب. معش شفت شي ولا سمعت قدامي. كأني. شخص يقود فيا. طلعت بسررررررعه. صبيت. فوقها.
من تكلمي. مدي للتلفون
ساره: رنده صكري توا.
كنك شن في طالع هائج علّيا
وسيم::فكيت التلفون.
ساره:: رديت. فكيته. منه
انا منسمحلكش. تتعامل معايا هك مرض الشك هذا طلعه من راسك
وسيم::قتلك مديييي. فكيت للتلفون.
فتشته.
ساره:فكه من يدي قعمزت نبكي ونعيط. ليشش هكي. حرام عليك مش مستاهل شك الموضوع. لَيش تصرف هكي
وسيم: لقيت المكالمه لرنده.
فطنت لروحي. اعود بالله من الشيطان الرجيم
سلره اهدي انا بس سمعت اسمه
نزلت عليها حبيبي.ومديت للتلفون. انا غبي شيطان. سيطر. علّيا. انا اسسسف. حقك علّيا.
ساره :: خديت التلفون ورميته بعيد.
انت بتصرفك هذا. طحت من عيني. انت اععععععع. ياوسيم. انت ضعيف الشخصيه. ومش واثق فيا.
حول سيبتي
قعدت نوخر في يديه. سيبني وسيم
خليني. بروحي. معش نبيك. حول حول
وسيم:: ساره اعذريني. انت غامضه. وتبيش تعطيني الصور لَيش تهدد فيك ويتنازل علي حصتك. الا اذا كانت. ماسكه عليك حاجه كبيره. شن شكل الصور ياساره
ساره:: صور مفهنش حاجه بس هي لقطت بطرق غريبه مش عارفه كيف لقطتهن باي تركيز
وسيم::كلام مشششش مقنع ياساره
ساره:: مسكّت يده حبيبي انت مفروض تصدقني.
وسيم:: وخرت مش قادر نصدقك لَيش نعرف الحق وقصة هل الصور.
صبي خشي ارقدي في دارك
ساره:: تخش معايا قبل
وسيم::ساره انا لما نتضايق نحب نقعد بروحي معلش حبيبتي. خليني. اليوم بروحي.
ساره: هزيت راسي. وخشيت
وكملت الليلة علّيا نتقلب وهوا صوته ينفخ ويتقلب
~<~>~
نجاح:: خلاص عماذ توا نخش انت اهدا
عناد:: لالا انا لازم نخش معاك بنتطمن.
نجاح: باهي. شويه. نخش الحمام
عماذ::تمام نوصلك
نجاح::لالا خليك قدام غرفة الدكتوره تطلع الممرضه مد ورقتي. خير ماتاخد وحده ثانبه. دوري
عماد:اه صح. باهي بشويه. امشي
><~>~
عماذ: طولت انرن عليها انتظار. تي من تكلم هُذِّي. في الخمام
نجاح:: كنك حبيبي انتظار شنو نادو علّيا
عماد:اه. لا بس طولتي. انشغلت مع من كنتي تحكي
نجاح:: مع ماما. بس تخفش جبتش سيرة زي ما وصيتني
لاني واثقه انك راح تحفظ كرامتي وتاخد حقي
عماد:: حتي انتي يانوجا معش تجي شوره ولا تستفزيه.
يعني عيب تقولي فرخ وتحكي معاه بصوت عالي
نجاح:: هوا جاي يكذب علّيا ويقولي صور وسيم وساره. تي انا وين بنصورهم. اهو. تلفوني قدامك فتشه لاعندي صور ولا شي بعدين. هما لَيش. خايفين هك. يحسسو فيا ان صاح في حاجه. وخويا مغشوش. ومسكين
عماذ::لالا مفش هل الكلام.
وساره بنتنا محترمه. ومش امتاع هل الوجيج. نزعل راهو منك عيب كلمتك
وعلاء انا نتصرف معاه. متخفيش غير الله يربحك معش نبي احتكاك به. فكينا من مشاكله هوا ايام ومسافر
الممرضه نجاح. السنوسي
نجاح:: زوجي بيخش معايا
عماد:: خشيت
الدكتوره:: انتي متعرضه للإجهاد. والانفعال. وهذا مش كويس. الجنين هكي. مهدد يسقط.
عماد::باهي مفش ادويه ولا اي شي. حتي دخول المستشفي. تحت الرعايه اي شي.
الدكتوره:لالا انتي بس تريحي. ومش داعي الخركه ولا الانفعال. دلعها يااستاذ وخلي نفسيتها. متريحه. لان الاعصاب. تأثر. والحركه. ممنوع. بس في فراشك ولا. المشي بخطوات بسيطه
~>~>
عماد:: خشي نوجا بشويه. ايوووه. بشويه. كان خليتينا نستقرو تحت خير
نجاح: لالا. نحبش الا داري وحمامي. توا نقعد كويسه متخفش.
عماذ:: خلاص تمددي
نجاح:: خدي يوجع فيا متورم. حاسته. كل مايخطر علّيا موقفي وهوا ماد يده علّيا نتكدر. نحس روحي.بلا كرامه. اللي مزلت قاعده.
عماد: شن هل الكلام كرامتك محفوظه ياعمري.
عشاني اهدي
نجاح: مو عشانك تحملت وسكتت. للدرجة. هُذِّي حبك مسيطر. علّيا. مخليني نعفس حتي علي كرامتي.
مع اني متأكده لو خوتي يسمعوها. ساعه مايخلوني عندك.
عماد: سمعت صوته يضحك. ورايق.
نجاح::سمعتهم ولا هامهم. وتقولي. هلي. ونبيك معاهم وحبيهم.وهما يكرهوك ويكرهوني
عماذ:: قعدت. تبكي.
صبيت. بالقوة.
><~>
عصام؛: تي عنجد وجها. مرت خوك. تخطر علّيا هذي. فتون في مسلسل. اوراق المتساقطه.
رنده؛:ههههههه صاح نفس الحركات والاستفزاز وحتي الشبه ههههههه
علاء: عنجد وجك. بكل ياعصام ههههه
وانت. طياح علي المسلسلات. شن شكلها هُذِّي مش شايفها
عصام:: اصبر. توا ندورلك. مشهد لها علي اليوتيو
#يتبع...