#رجل_تحت_الحظر
#الحلقة_العشرون
#للكاتبة_ريم_محمد
#لايك_كونت
ساره::
طلع كسر. وجبسوها ليا.
ساره:: ركبنا في السياره.
وسيم:: نجيب دواك ونجي
ساره::شكرا نجوي. وطلع عندك انسانيه.
نحوي: طح سعدك انتي الواحد ينسترش معاك
ساره:: معلش اسفه. اصلا استغربت يعني من ساعه اختك. حطتني في مشكله كبيره
نجوي::نحاح مشكله شنو
ساره:: نزلن دموعي. تهدد فيا. تبي تخرب بيني وبين وسيم. تبيني. نتنازل. عن حصتي. لعماد. واختك واعره انا خايفه. تديرها اختك ركبتني توتر نفسي. وانا مش بجبروتها
نجوي: ساره وانتي للدرجة هُذِّي تحبيه. انتي ساره. الجميله المغروره تحب وسيييم.
ساره: لَيش مستغربه وسيم محدش يعرف قيمته منكم. وسيم. انسان مفش منه
نجوي: يعني مش تحدي في نجاح ولا ضغط من عماد
ساره:: لو بنتحداها في مية حاجه. بس وسيم. حبيبي. انا منقدرش نعيش بعيده عليه.
نجوي: بس محمد روح. وهوا يستاهلك اكثر من وسبم
ساره:: محمد ماضي. حلو ويشرف .
بس وسيم عيوني اللي نشوف بيها توا
وسيم:: ركبت. حصلته دواك
ساره::وسين معاك فلوس ولا دوا وعباده غاليه
وسيم: معايا تشغليش بالك
ساره:: تسلفت صح
وسيم:: من عبدو توا نردهن له.
ساره:: سكتت.
وسيم::شكرا نجوي
نجوي:: العفو.
وسيم: بس كويس خطر. عليك عبدو. الحقيره هذك . مطول لسانها.
نجوي:: مستفزه تمضغ
وهي منظرها بهل الأصفر والعلكه تقول رقاصه مش ممرضه
ساره::ههههه صاح تشبه لوسي الرقاصه
نحوي::بالزبط. هههههه
وسيم: روحت الحوش
نجوي ::يي ماماتراجي في الجنان ربي يستر
ساره:: مسكّت في وسيم وخشينا
عفاف: روحتي ياحنه كملتي زمزكه.
نجوي::ماما ليل صوت عالي خشي
وسيم:: تي غير قولي سلامات. بس.
ساره:: حبيبي. تعبانه مش جو. صوتها
وسيم: حاضر عندك الحق
خششتها الشقه
ساره:: بنتي مستشفي. اععع
وسيم:: حتي انا. هههه
بس غلطه. ياريت. غيرتلك البجامه. منظرها قلق. هوا يرفع فيها
سلره:: بكل.ستان يلمع عليك فضيحه.
وسيم: مددتها علي السرير.
وصبيت
ساره؛: وين ماشي
وسيم:: جاي نجيب دواك
جبت دواها وخشيت جنبها في الفراش بالشفاء
ساره::امين
وسيم
وسيم::ياعيونه نعم
ساره:: انت مصدقني
وسيم:: قربت. منها. وحطيت راسي علي صدرها
يهمك ساره
ساره: اكيد. يهمني ونص
وسيم: مصدقك ياساره. وانا اسف علي انفعالي بس نظراته هوا ليا. مع. اللي سمعته في للتلفون مع كلمة نجاح. التمن علّيا.
اعذريني. ياساره
ساره:: عذرتك ياقلبي. لاني عارفتك طيب ونيتك صافيه ومجرد انفعال.
وسيم: باهي احكيلي شن صار. غادي انسجمتي. شن قالو الناس عليك.
ساره:: قعدت نحكيله. علي يومي وشن صار وهوا رافع راسه. يسمع فيا
ومبتسم
ساره:: رموشي. كنك مبتسم هك
وسيم:: شي بس فرحان بكلامك. اميرتي. والناس كيف منبهرين بيها
بس كراعك عين واضحه
ساره:: كانشي عين اختك نجاح ههههه
وسيم:: توقعي. حتي هي جفاف ههههه
بس نجوي كويس موقفها اليوم صح
ساره:: اها انا اصلا نجوي قليل مايصير بينا مشاكل.
بس منحبهاش ولا هي تحبّني
وسيم:: قلوب عند بعضها. يعني
ساره:: بالزبط
وسيم:: باهي حتي انتي وسعي بالك شوي. حاولي هاه تصاحبيها. مش داعي كل الحوش أعدائك
ساره:: صاحبها انت قبل وبطل طيابه. راهي كيف اختها
وسيم:: ممكن. بس انا نحس فيها الهون لسانها صاح طويل. بس. اهون من نجاح.
ساره: وسيم نسال عادي
وسيم: اسألي شن حبيبي قولي
ساره::شن الجو. غادي.
وسيم:: اه. تبي تعرفي. تقابلت. معاه وشن صار
ساره:لو حاب تحكي ولو تبيش عادي
وسيم: لانحكي. لان عارفك توا تكلمي خوتك. وتعرفي
واصلا. مصرش حاجه شينه بكل يعني.
هوا واضح مش طايقني. ونوعا ما معذور الراجل.
حديث. بيني وبينه مصرش. يتجاهل. فيا وانا الصراحه. محاولتش. نحكي معاه. بس هذا اللي صار
ساره:اها باهي. الباقي
وسيم: لا الصراحه خالك استقبلني استقبال حلو وولده. علي وخوتك. وأقارب لكم. يعني جو. كان كويس لولا بس توتر. امتاع محمد
ساره:: حبيته علي راسه.
:: سيمو. بكرا. ماشي العمل
وسيم: اها. عليش
ساره:: شي. نقعد بروحي. مقعده هك
وسيم:: اممم نحطك عند ماما
ساره:: لالا. ماما بايته حوش خالو
وسيم::باهي توا نعدي ونروح بدري شن رايك
ساره:: امممباه. هههههه
وسيم:: تقدريش تخشي تدوشي صح
ساره:: هأ. منقدرش. ريح روحك.
وسيم:: ههههههه. ربي يصبرني.
ساره:: نعست. انا شكله. دوايا فيه منوم
وسيم:: رفعت راسي. خلاص تريحي
ساره؛: توا انا. نبي حنان
وسيم: هههههه تعالي. خودي حنان ونجاح وعفاف
ساره: وووه منبيش. بلاش منه ههههه
وسيم::رقعدتها علي صدري. تريحي. وخودي. حنان ادم. كويس هك
ساره:: رفعت. راسي نعمش
مش قلنا. نور ومؤيد
وسيم:: ههههه. فيلم ياحبيبتي هذا. شن دخل. عيالنا
ساره: نحسابك غيرت اساميهم. اصلا انا خلاص نبي مؤيد ونور. حبيتهم.
وسيم:: حبيتها علي راسها ربي يرزقنا. بيهم
ساره:: ااا. مين
وسيم::ياعمري. تعبانه شكلك صوتك مرهق
رقدت. ماسكه. فيا زي كل يوم
><~>
محمد:: ركبت تعبان. وهالك.
رنده: ركبت وراه. للدار.
محمد:: دق الباب ايوا
رنده::انا
محمد:شويه بس. نغير.
خشي توا
رنده:: خشيت. شن اخبارك اليوم
محمد:: الخمدالله. كنك انتي عيونك فيهن كلام
رنده:: محمد. انا عندي لك رساله من ساره.
مخمد: هزيت راسي
ساره. ساره
رنده:: بتسمعني ولالا
محمد:: كنها. مدام ساره
رنده: ساره طلبت مني انوصلك
............
محمد:: رددت الايه.
بسم الله الرحمن الرحيم.
وَرَبّك يَخْلُق مَا يَشَاء وَيَخْتَار مَا كَانَ لَهُمْ الْخِيَرَة}
صدق الله العظيم. تنهدت. وطبست راسي
رنده: قعمزت جنبه
احميده. رد بالك تتهور. وتضايق البنت انا عارفه انك. تحبها بجنون. بس. امسك روحك. تقرب من ربي. واطلب منه من ينسيك ساره وسيرتها
محمد: ان شاءالله.
صدقيني رنده انا مستحيل نضرها.
بس اهو. خلوني. نعبر. مزالت ناري شاعله.
والا مايجي يوم تقعد ناري رماد. صح
رنده:: ايوووووواه صح.
ورد بالك تشيل علي ساره رد بالك
محمد:: نقدرش نشيل عليها
هههه امبدري كنت كارها. وكاره سيرتها.
بس شفتها وهي طالعه سلمت
لقيت روحي نرد عادي.
رنده:: ربي يهونها عليك
محمد:: وين بترقدي
رنده: في دار نسرين. داري لقيت امك. قالبتها معيشه.
محمد:: اوووف مو مسكينه علي أساس بتقعدي معايا في داري
رنده:: محمد. انا زعلانه منك. وعاتبه عليك
محمد:: قربت منها
مني انا شن درت
رنده:: لَيش تحكي. لنوران. مش حلوه منك تحكيلها. كنت خليتها زي غيرها
محمد::مش عشان حاجه بس عشان أنها ديما عندنا ومرات تبات معاك في دارك زمان وهك. قلت. نبيها تخلي امي تخف عليك
رنده:: نوران تحبنيش من يومها. زي امك تاخدش علي المظاهر. قدامك
محمذ:لا تهيالك. انتي بطلي حسس وتتوهمي. ان الناس. كلهم يحبوكش
رنده:. سكتت.
محمد:: بس بجد شن رايك فيها نوران. متسمحه. صح
رنده::بحتت فيه زززززين. وخنقتني. العبره
محمذ: حسيتها دمها خفيف. جسمها حلو. ملامحها حلوه. نفس تخصصي امي تحبها. وفاهمه وضعنا ومستحيل. تغير منك.
رنده:: يحكي. ونحس بحاجه تخنق. فيا. عيوني خلاص بيفضحني. صبيت بسرعه
محمد:: وين ماشيه. مزلت نحكي
رنده: بطني. بنخش. الحمام.
تصبح علي خير. طلعت نجري للدار. حطيت راسي علي المخده. وبكيييييييييت.
نسرين::كنك رنده شن في
رنده؛:مسكّت. روحي وكذبت نبيش نقوللها الصدق مهما كان بِنَت خالتها
شي. تمنيت ماما معايا بس.
نسرين:: الله يرحمها. خلاص رنده. اهدي.
رنده:: صبيت. خديت بجامتي حاضر.
طلعت للخمام نبكي
تعبانه مجروحه. تائها. حاسه بغربه حلاص معش ليا. مكان او اي امل
لبست وطلعت.
اسماء؛: صاح الخبر اللي سمعته
رنده:: نوران متكذبش. صح ياعميمه. تطمني. .
اسماء::نصيب. القصه ومحمد من الاول مش متقبلك نصيبه.
ربي يرزقك بغيره وهوا نفس الشي
رنده:: امين. تصبحي علي خير
اسما:: مش داعي خالك يعرف لين اتمو. رسمي
رنده:هزيت راسي وخشيت الدار
~<,<,~<~>
نجاح؛:: تحكي جد ياماما.
عفاف؛:صوتهم. يتهارجو. بعدها طاحت وشالها المستشفي
نجاح:: خليها احسن.
عفاف: واختك الزمزاكه عدت معاهم
نجاح::هاااه الحماره عليش ماشيه
عفاف:: قالت وجعها المنظر.
نجاح؛: نهارها مني. الغبيه يي ماما خلاص عماد جا بنصكر
~><>
وسيم:: مرقدتش الليل وانا نحاسب في روحي.
تصرفاتي غلط. انا حمار. مش هكي مفروض نتصرف. كثرت عليها مسكينه. مفروض مسكّت نفسي
بعدين. حول الغيره علي جنب.
اعذره. الراجل. حرموه من حبيبته. وجاي انت تنزل فيها قدّامه. تي هي نقانها واعره. ربي يعينه.
هزيت راسي. اوووي وسيم ركز. مراتك اللي تحكي عليها.
ساره حبي انا وبسس حسيت بيها تهلوس وهي راقده.
ساره:: ااه ااممم ااه
وسيم: حبيبي كنك
ساره؛: انا مش كذابه. نجاح لفعه. بعدي. مني. امممم
وسيم::. تحلم مسكينه.
حضنتها ززززين. انا اسف. يانور عيوني كله مني
بس شن اندير. خفت تضعفي خفتك تضيعي مني.
انا شنو قدام المهندس محمد. وعيلته. انا شنو. ولاشي.
بس انا راجل عند غيريه راجل. مايرضاش. ينذل انا راجل يحب باخلاص ونيه نظيفه.
ههههه عنجد رقدتها. تكشخ وهي راقده.
قعدت طول الليل نراقب في تكشيخها وملامح وجها وتعبيراتها. ومره مره تقول كلمه نضحك عليها.
خداني النوم وانا مكسد عليها
~<~<~>
الصبح
وسيم::نضت بسرعه. حسيت روحي متأخر
سرو حبي. نوضي ياساره نفطرك وتخشي الخمام. قبل. نطلع
ساااااررررره.
ياربي شن النوم الثقيل هذا.
ساره صبي. تي صبي بنطلع وقت عليا.
ساره :: هممم كنك مزعج شن تبي
وسبم:: مزعج عينك. تي نبي نساعدك تخشي الحمام وتصلي قبل نطلع
ساره:: اها. صح.
باهي صباح الخير
وسيم:: واخيرا. ركزت
صباح الخير. ياخميره.
اسندي علّيا وصبي هي
ساره: شالني للحمام. وغسلت وجي. ساعدني نتوضا.
وصليت
وسيم:: نحطك في الصاله علي التلفزيون خير
ساره::
اه احسن
وسيم: هي تمددي. تمام متريحه هك
ساره::اها شكرا
وسيم:: حطيتلها سفره جنبها وادويتها
أبدي بالحليب عشان الكالسيوم ويساعد في لم كسرك
تمام وهذا. قهوتك. وفطورك
ساره:: تمام عدي. متشغلش. بالك بيا
وسيم: اي حاجه رني علّيا. اوكي.
ساره:: شاشتي مكسوره كيف نرن
وسيم: ييي صح. باهي خلي تلفوني معاك. وتوا نرن عليك من رقم العمل. ومدي تلفونك. نصلحه وانا مروح
ساره:: تمام احسن عشان نكسد علّي النت
وسيم:: يلا باي.
~<~>
ساره:: قعدت نتفرج علي التلفزيون.
.
وفتحت النت. وقلق مليت
وسيم: وصلت للعمل. خشيت مكتبي.
عصام مجش كالعاده. رنيت عليه
ميردش. اكيد ساهر. ورقد متأخر
بديت نشتغل. وننزل. نمر علي العمال.
عماد:: كيف. عصام مجش
وسيم:: اها. كان نوضته معاك
عماد::غريب داره مصكره بالمفتاح وسيارته مش قاعده
وسيم::ممكن مر علي جامعته
باهي. انا معرفتش. ندير هُذِّي ياعماد
عناد:: اممم. شوف. هُذِّي. هك وتركز كويس في طلبات. يعني
عندك. علبة الحليب. تحتاج. من هُذِّي. كذا. وهذي
كذا. مش يطلبو. توقع. وتعطيهم. لالا انا في ننتج مية صندوق مثلا.
خلاص تقعد حاسب. كل صندوق كم فيه عبوة والعبوة كم تحتاج وهكي. فهمت
مرات يطلبو. فوق المعدل. ويطلعوه يبيعو. برا.
ولازم تقعد شديد شوي معاهم طيابتك وسيم فوتها هنا. يلقوك طيب يودروك. سمعت
وسيم:: تمام فهمت عليك. بس مسؤولية هُذِّي ياعماد
عماد::وانت قدها.
سلمتك وامنتك علي اختي. دلوعتي. نبيش نأمنك علي شغلي
هي ماشي مكتبي. كمل شغلك
وسيم: عماد خطرها ساره طاحت امس
عماد:: طاحت. بسم الله كنها وكيف حالها توا
وسيم:: كراعها كسر طاحت في الحمام. بعد روحنا امس
عماد:: ومن معاها توا
وسيم: خليتها. واعيه متخفش كويسه توا هي
عماذ:: كان قتلي حطيتلها نجاح. ساعدتها
وسيم::زرتني الضحكه. لالا
كويسه توا. بعدين نجاح مو حمل. وين تقدر عليها
عماد: اها. باهي خلاص امالا انت طولش. شويه وروح
~<~~
رنده:: صباح الخير
جميله:: صباح الورد ياعروسه
رنده:: قعمزت. اخخخخ منك انتي تمليش تلميح وكلام
جميله:: انا توا. بنفضالك انتي وياه وبطلو. لعب عيال.
محمد::صباح الخير
جميله:: كنك طالع قالب وتقول فيها فوق نفسك
شن درتلك. انا كاره تبحت فيا
محمد:: مدرتيش شي ياعمتي من جدك. تسألي شن درتي
رنده:: فنصت فيه
محمد حلاص
محمد؛:اعوذ بالله
قربت منها معلش انا اسف.
جميله:: نصيب يامحمد. ارضا به
محمد:: ان شاءالله. ان شاءالله
حميله:واهي مراتك سمحه ومتربيه و
محمد:: وتطلعي منها انتي وباتي. ساد تدخل. خلاص
رنده؛: انهي اليوم. ياريت
محمد: ماشي حتي انا توا
جميله:: تعال هنا ينهي شنو.
انتم شن تديرو يامهابيل
محمد::شن اندير. انا وياها متفقين انتم اطلعو منها
رنده انتي طالق.
تمام ياعمتي. هذا اتفقنا عليه
رنده: قالها بطريقه استهتار وانتقام. منهم. جتني. زي الكف
نزلت راسي. وبدن دموعي. ينززززززلن يتساقطن. معش قدرت نمسك روحي
حميله:: يامجنون. شن درت. انت لبزت
محمد: قربت منها.
رنده كنك. لَيش البكاء مش حكينا
رنده:: هزيت راسي. صح. اتفقنا. اتفقنا. انا بس مضايقه بروحي.
ركبت نجري. للدار.
تبكيش يارنده متبكيششششش.
صاح نحن اتفقنا.
محمد:: قعدت مصبي مصدوم من ردت فعلها. ركبت تجرررري. وسيبتني.
اسماء:: وقت علي مكتبك. اطلع شن تراجي
محمذ: تي البنت. ركبت نجري. ندق علي الباب
رنده افتحي. نبي نحكي معاك
رنده: حاولت نبين. روحي قويه ولا هامني. تطاهرت بالانشغال.
لحظظظظظه. خمسسسه فتحت الباب ايوووا.
محمد؛: علي طول تحجبتي علّيا. راهو. طلقه وشرعا. نقدر. نردك. بكلمه
رنده؛: هههههه لعبه هي قعدت لا خلاص واخيرا هم وانزاح من صدري اوووف مزال بس ردت فعل خالي
محمد:: رنده يعني مش زعلانه مني. بكيتك. خوفتني عليك
رنده: بكيت. من الضغوط علّيا محمد. بس
محمد:: باهي كنك تلبسي طالعه
رنده:اها بنمشي حوش خالتي عنديش نيه نشوف خالو. خليه. يهدا قبل
محمد:: تمام اللي يريحك. انا ماشي العمل ونحاول ننهي الاجراءات. اليوم عشان. يسكتو. كلهم
رنده: ياريت
~>~>
جميله: خسارتك يامحمد خسرت جوهره. من بين ايديك
اسماء:: عدي حبيبي. وقت عليك وباتك تشيلش همه انا نحكي معاه
محمد:: طلعت. جوي مخنوق. ركبت سيارتي وقعدت نبررررم لقيت روحي ماشي لمحكمة الجنوب. وناااااااهي كل شي.
~>~>~
اسماء::جميله. اطلعي منها. ولدي. كبير وعارف مصلحته
جميله:: يبقي حتي انتي واختك. سيبنه وهوا يعرف مصلحته
اسما: انا مدخلنيش ولا نغصبه علي حاجه هوا يقرر بروحه.
جميله: ذنب البنت في رقبتك. يتيمه. ومعندها حد شن صار لو. لميتيها. في حوشك متربيه تحت عينك. لَيش هل الحقد عليها
اسما: خوديها انتي. لواحد من عيالك
جميله: ناخدها لَيش لا. تكمل العده ونجوزها. ولا نخلي ملطشه للناس تنهش فيها
~<~>
رنده:: خويله نقدر نقعد عندك
جميله: تعالي حبيبتي حوشك هذا ومتخفيش. هوا الخسران
رنده::وليش يخسر. انا اصلا مقتنعه ان هذا الصح
حميله:: تكذبي علي من يابنتي. راني نحس بيك من عيونك
خال ام يارنده.
رنده:: ياريته ماما حيه. ياريت بابا حي.
ام. فاقدتها انا ياخالتي. مفش قادر يعوض مكانها
حميله:: نزلن دموعي.
هكي يارنده. توا. قعدت انا مش امك.
رنده:: انتي غاليه عندي. بس الام غيرررر. غيرررر
جميله:: من اليوم تقعدي عندي. من اليوم. مكانك عندي. وخالد يملح. صبي هاتي كل دبشك
رنده:: صبيت. لميت حاجتي. وطلعنا
~>|~
جميله:: نعممم. وامتي صار.
عماد::قال وسيم أمس الليل
رنده:: توا شيلنا. ياعماد
عماذ:وين محمد كنك جايبه دبش هذا
جميله::طلقها
عماد:: حقيرر. وووووكلب حسابه معايا.
رنده::وين ماشي عماد. انا اللي طلبت الطلاق ودرت نكد نبي الطلاق نبيش ياعماد
عماد:: اوووف
باهي كلمي عصام. نبيه
جميله:: في العمل اكيد
عماد::لالا مجش للعمل. وتلفونه مقفل
جميله:: وداره مصكره. وين طالع هذا. اصلا غريبه رنش علّيا مش عوايده. يناعليا يقعد صايره معاه حاجه
علاء:: السلام عليكم. خيرات رنوشه
جميله::خوك دوره بإعلاء اسأل عليه اصحابه مختفي من الصبح
علاء:انا الفجر. سمعته طلع بس بعدها رقدت
عناد:: وين عدا من الفجر. هدا. اوووف مزال مقفل.
علاء: سالته وقال يصلي الفجر
جميله: يناعليا انا. حي علّيا وليدي. وينك ياعصومي.
~>~~>
>>~>>~
عصام::الساعه 4
الله عليك نومه. هذا الشغل الصح
صبيت. فتخت داري صوت حركه في المطبخ.
جمووووله. روحتي.
جميله: طلعت نجري انادي. عصام. عصام.
شفته يرفع في سرواله. ويعمش
. انت كنتتت راقد. قصدك
عصام:اهااا نومه سمحه صكرت داري عشان محد يزعجني عليك نومه مريحه
عماد: تي وسيارتك وين
عصام:: الشارع اللي ورانا. عشان محد يدورني.
علاء:. قصدك الفجر طلعت حطيتها هههههه موسع بالك ياراجل
عصام:: كنكم انفجعتو علّيا. قصدكم
رنده::فجعتنا خويله كملتها. يناعليا عصومي
عصام:: تي كبرت ياامي خلاص معش ترعشي علّيا هك
تي حتي عصومي. طيور الجنه كبر. وقالو. خطب
علاء:: هههههههه عدي خش الحمام. صحصح شكلك تهترس
عماد::لا وين يمشي. تعال هن. نهارك ياكلب
عصام:: تمدش يدك. حول. ياامي قوليله
جميله؛: نقوله. صح.
سلحت الشبشب وطلقته فيه
عصام:: طبست. جا في نجاح
معش قدرت نمسك روحي.
عهههههههههههههههههههههه. وووووواك. هههههههه.
عماذ:: نجاح. وين جاك تحسي في حاجه.
نجاح:: اااااه. في خدي جا ووواعره
عماد:: نسيت روحي ساهله حبيبي مش قصدها امي.
جميله:: يناعليا. نبيهاش لك مش قصدي نبيها في الفرخ.
نجاح:: توجع بكل
جميله:: عدي يارنده بسرعه ثلج
رنده:: باه خشيت نجري جبته
جميله::تخافيش مش راح تعلم. يناعليا منبيهاش لك اسفه
نجاح: خلاص حصل خير.
عماذ:: تعالي دارك.
عصام:: احمممم. ااااااااحممممم.
عماد:: تي حل عني ترا
علاء:: ااااااحمممم. اااااحمممم.
راهو حتي جموله رعشت وصاحبت ضغط
عماد:: طلقتها. وجيت لامي. ترعشيش روحك ساهله.
جميله:. نبيهاش لها ياعماد
عصام:. يلا شكرا نوجا. نصبولك في الطحنات
نجاح:: عماد انا في الشقه
علاء: هههههه واطي ياخويا
عصام:: عنجد وجه ماسك شدوقها ويبوس. لاحشم لا جعره.
علاء طرشق خوك. كملها يمسح علي خدها
مبسش ياكذاب
عصام: لا شفته. عطاها وحده وفطن.
ناعليا. انااا بوووسه بسته علي خده. وخشيت المطبخ
علاء:: حطيت يدي علي خدي
شن المطرشق هذا
خشيت وراه
جميله؛:وتي روحك. ياعلاء. نبو نمشو.
عصام::توا قايله. خليها العشيه. عرساااان يقيلو
جميله:: انت تعشق الكلام السخيف
عصام::انا كلت حاجه سخيفه لاسامح الله
حركتلها حاجبي. انتي اللي عقلك. امممممم ياجمول
علاء:: ههههه. انت هك ديما رايق تي انا اول ماانوض. نتعارك مع روحي
عصام:: هذا انت بس انا غيركم. انا آنَسان مرح
وين فطوري
جميله: فنصت
عصام:: اسف غدايا
جميله؛: عصام. اطلع برا
عصام:: سندوتش بس
رنده::غير هيا نبو نمشو مشغوله عليها
عصام::كنها في حاجه
جميله::اختك انكسرت كراعها
عصام::اووو. معقوله. توا نشيلكم انا
علاء::توا نمشي انا وياك معاهم. ونروحو. تمام
عصام:: رنده نسكافي. عَلِيما وتيت روحي
خطرها انتي وين راجلك. النكدي. راميك عَلِينا
رنده:: طلقني ههههههه
علاء:: دارها الكلب.
عصام:؛. منكش زعلانه صح
رنده:: تطمن. رنده قووووويه ومش فارق. معاها اصلا
عصام:: تعجبيني.
خلاص وتن روحكن
~<~>~
محمد:: روحت معايا اوراق الطلاق. سبحان الله الاجراءات ساهله.
خشيت كان باتي وامي. وعلي
علي:: شفته. كريته. وطلعته الجنان
انت شن داير. صاح طلقت رنده
محمد؛: رفعت الاوراق. اها
علي:: رسميا خلاص. شن دررررت يامتخلف حررررام. ليششش
محمد: قتلكم انا وياها خوت
علي : وتوا. خوها قصدك لا ياباشا. توا. انت طليقها رضيت ولا مارضيت انت طليقها
ونظرة الناس لك ولها.مطلقين
محمد:: احسن. حل ياعلي صدقني. التأجيل مش في صالحها هي
وبعدين انا تعمدت نطلق ثاني يوم مرواحتنا عشان نثبت للناس اني. كنت مجرد رابط شرعي للسفر. بس
علي : محمد انت مجنون. وبتودر روحك. مبررات تحط فيهن غبيه. محد مدور اي مبرر.
مخمد:: باتي عرف
علي: ناقم عليك. وامي تحاول تهدي فيه بس بدون فائده
محمد:: حول. خليني نخش.
علي؛:مش وقتك خليه يهدا
محمد: حول. معش فيها. خوف
خشيت.
خالد:. شن. درت يامغضوب شن درت
محمد: هذا الصح ياباتي صدقني هذا الصح
خالد: ردها. مزلت فيها. ردها
محمد:: منبيش نردها. مش بالغصب. الزواج. انت السبب. في كل اللي صار. معانا. انا ورنده طول عمرنا خوت. سببت حسس بين العائلات جنيت علي ساره. وعليا
مزلت تبيني نسكت ونظلم روحي. لالا سامحني. انا معش. بنخلي روحي لعبه عندك
خالد:: اسسسسكت. انت حمار مش عارف مصلحتك
محمد: منيش ساكت. ومصلحتي انا ادرا بيها. انا شريت شقه برا. وبنعيش حياتي بكيفي. معش نبي حد يتدخل فيا.
خالد:: اطلع برا معناها. اطلع برا ومعش نبي نشوف وجك. برااا
اسماء:: مش هك. ياخالد. تعوذ من الشيطان. اهدا. انا توا نمشي نردها له. توا نجيبها ومحمد عاقل. توا يردها وين يلاقي خير من رنده
محمد:: منبيششش قلت انا.
اسماء؛: لالا غصبا عنك.
اهدا. بس ياخالد اهد
خالد: نمشي انا ويام نردوها سمعتي
اسما::حاااضر. غير أهدا صحتك
~<~>
محمد: انتي تقولي كنك مو كنتي معايا
اسما:حبيبي رنده أصلا مش راح توافق متخفش انت. بس مد. اوراق الطلاق
~>~>
حسام:: روحت. بنغازي. وعلي طول رنيت عليها
رنده:: رقم غريب من زعمك
رديت
حسام: مفش الحمدالله علي السلامه
رنده:من معايا
حسام:: حسام. معاك رنده كيف حالك
رنده:: اه اهلا
حسام:: انا في بنغازي من أمس روحت نفس طيارتك كانن عيوني عليك كنتي تهبلي
رنده::لوسمحت راهو نصكر
حسام::باهي خلاص اسف
المهم شن صار مع محمد
رنده؛: طلقني
حسام:: بالسرعه هُذِّي. كنه هذا
رنده: خنقتني العبره وقعدت نبكي
حسام: رندوشه. لَيش البكاء مش انتي تبي.
رنذه: فطنت لروحي. اها. نبي بس. وجعتني روحي بس
حسام:ولايستاهل ثلاث شهور. ونعوضك. نلف بيك الدنيا. ونعيشك احلي عيشه
رنده:انا نبيش نتجوز معلش
حسام::لَيش رنده كنك انا شاريك
رنده:: ارجوك نبيش موضوع الزواج.
حسام::اوووكي تمام باهي ممكن نقعدو اصداقاء لين. يجي الوقت اللي تحسي اني ممكن. نكون. زوجك. ووعد. مستحيل نتجاوز. حدودي صديق وبس
رنده: تمام بس اكيد علاء يعرفش
حسام:اكيد. باش. يعزقني مع الطياره بعدها. هههههه
رنده::عهههه
~<~<|
ساره::رقدت خدا في عيني النوم.
وسيم:: خديت. غداء. وروحت. فتحت الشقه كانت. راقده
حطيت الاكياس.
ساره انا جيت
ساره: فتحت عيوني.
وسيم:: طولتي صاح
ساره::ساعه كم.
وسيم:: واحد. شنو توا كويسه
ساره::احسن بس مليت نبي نتحرك
وسيم::توا. نجيبك. قيلات تمام يساعدنك
ساره:باه.
شن صار في تلفوني.
وسيم: امسكي. صلحته لك . الثالثه بعمره توا تجي. هههههه
سار:: الثالثه. وسيم يشريلي
وسيم:غير اعبي. ههههه
شنو. حبيبي. نحط تاكلي ولا شبعانه
ساره: عادي. انت شنو
وسيم:جعان.
هي نغير. ونجيك.
خشيت. غيرت. وجيتها. تبي الحمام
ساره: اها. ونبي نغير. البجامه
وسيم: مسكتها مع وسطها ومشيتها
ساره:: حطيت راسي علي صدره. اممممممم. ريحتك. تجننننننننن.
وسيم: بطلي. تخربشي. فيا ياهبله
ساره: ههههههه.
خشيت توضيت. وطلعت صليت وانا مقعمزه
وسيم: شن تبي نطلعلك
ساره: علي ذوقك اي حاجه المهم مش سروال
وسيم: امممم تمام. لقيته
هذا حلو. مريح
ساره:: شن قصتك انت مع اللون الازرق. تحبه
وسيم: زي حبي لك. لوني المفضل
ساره:: شكرا. تمام خلاص نقدر نكمل
وسيم:: باب دق كأنه غريب من بيدق عَلِينا
ساره:: شوف من. بلكي عبدو مخطم
وسيم:: تمام رديت الدار وطلعت.
فتحت. نجوي
استغربت.
نجوي :: شن اخبار ساره اليوم
وسيم: فرحت.
خشي نجوي خشي
نجوي: خشيت.
ماشاءالله. تهبل الشقه
وسيم:شكرا. تبي ساره
نجوي: اها
وسيم: تعاللي. قاعده في الدار.
نجوي:: خشيت معاه
ساره:: فتح الدار. خش ومفطنتلهاش وراه
من حبيبي
وسيم:فنصت فيها
اا نجوي جايه تبيك
ساره: ابتسمت. اهلين.
نجوي::كيف حالك توا
ساره:الخمدالله. كويسه.
نحوي:: باهي الخمدالله. ماشاءالله داركم حلوه.
ساره:: هذا. قدري مش دار. اختك المستعملة اللي تعايري فيا بيها.
نجوي:: نقولك حاجه. المستعمل. وخساره فيك. برمت. بنطلع
وسيم: نحوي. اصبري خليك.
ساره امسكيها
ساره:: نجوووووي اصبررري نبيك في حاجه
نجوي:صبيت. نعم شن تبي
ساره:: خليك تغدي معانا
نحوي:: لاشكرا انا بس قلت نتطمن عليك
ساره:: شن غداكم ههههههً
نحوي::طبيخه بطاطا
ساره:: ووسيم جايب سندوتشات وبيتزا. اين احسسسن.
هههههه
وسيم:: خلاص توا تقعد. قعمزي. توا نجيبهن.
ساره: خلاص قعمزي
ونسكت معش نزعلك.
نجوي؛:ايوا احترمي ضيفك
ساره:: مش لما تحترمي انتي وامك ضيوفكم قبل
نحوي::شن قلنا هههههه
ساره: ههههههه مشيها
وسيم: ساره. كيف يشتغل المكروييف
ساره:: البطمه اللي فوق. اضغط عليها
نجوي: تعال شن داير من حوسه انت عدي توا نسخن انا
وسيم: حبيتها علي راسها شكرا
نجوي:: دمعت. عفوا.
وسيم:: نجوي كنك شن صاير معاك
نجوي؛::شي.شي خلاص عدي تريح
وسيم:: طلعت جنب ساره
خودي دواك
ساره: قتله بصوت واطي
حبيبي نبي الحمام.
وسيم: هي صبي
مسكتها وشلتها
نجوي: منظرهم يهبل. وهوا ماسكها ويرعش عليها
نسمع فيه يساعد فيها. سبحان الله وسيم. لقا من يقوله حبيبي.
حطيت السفره وقعمزت
وسيم: تريحي ايوووا بشويه
نجوي:: تعديت معاهم وهما يتنابشو. وجوهم حلو. باين عليهم منسجمين. يعني كل اللي صار كان سبب في قربهم
وسيم:: يي خطرها ساره
جايه رباب وعمتي فاطمه.
ساره:: ييي وسيم توا تقول ماعندي شي نحطه
وسيم: شن تبي نطلع نجيب
ساره؛:منعرفش. شن نحط
نجوي:: عدي للجود جيب نوعين حلو. وجيت. مكسرات.
وعصير.
ساره:: تمام باه كويس هك
وسيم:: نحوي لو تقدري تقعدي معاها تضيفي
نحوي: تمام حاضر.
وسيم؛: شكرا. نجوي. بجد. شكرررا ووواجد
ساره:: رن تلفوني
سحر.
تبي تجي قالت.
نجوي: خلاص عدي انت وانا خليني نبرم علي الحوش ونبخره
وسيم:: تمام.
><~>
ساره:: قعدت مستغربه فيها. ولعت المكنسه. ولمعت. وبرمت علي الحمام وبخرت الحوش
نحوي:: خلاص انا توا نعدي. نغير ونجي باهي
ساره: شكرا نجوي. موقفك هذا مش راح ننساه لك
نجوي: ادعيلي. بس. ربي يفرجها علّيا
ساره:: كنك نجوي في حاجه صايره معاك
نجوي:: لالا مفش شي.
ساره:: بس عيونك. يقولن ان في حاجه
نجوي:: مفش شي.
الباب يدق. اكيد وسيم رد
مشيت فتحت الباب
جميله:: اهلين حبيبتي كيف حالك
نجوي:: اهلين تفضلو.
ساره ::ماما حبيبتي.
جميله: ياعمري. كيف صار معاك. كنك ياسويره.
رنده:. حياتي. عيونه. هُذِّي امس كلهم انبهرو. بيك
ساره:: زعمك.
عصام: نخشووو
رنده:.اصبر. شويه
نحوي :خشيت نجري دارها.
رنده:: خشوووو
علاء:: غلاتي. الف الف لاباس. ياعمري الخمدالله علي السلامه
ساره:: الله يسلمك حبيبي
عصام:: تصدددقي كان قلبي حاسس شعور التوأم سيطر. علّيا مقدرتش نرقد نفكر فيك
رنده؛: اسكت ياكذاب. عيونه منفخات هُذِّي النوضه
ساره: شكرا علي الاحساس. ههههه
عصام:: بس رقدتي جت بفايده
تي امي تصوبلك. علي نجاح تصويبه لين الشبشب شلططط علي وجها
هههههه
ساره::اسس ياحمار اختها جوا
عصام:: حي علي امه.
نجوي: نسمع. فيهم ياناعليا يانجاح. شن دايره اخري هههههه
ساره:: رنده خشي عطيها وشاح مسكينه حصلت تبي تطلع
~>~>
نجوي: لبست وشاح وطلعت. نجري مطبسه. راسي
عفاف: شن دوتك انتي مع هذوم. كنك طايحه عليهم.
نجوي::مانبي شي. ياماما مانبي شي. بس اهو عيب المرا طاحت. بدال ماانتي ادزي غداء وتمري عليهم. جايه تهزبي فيا.
عفاف:.ومن أمتي هل الحنيه.اللي نازله عليهم.
نجوي: ماما خليني براحتي ومدخلكش بيا.
اه وراهو عات عمي جايين. وهلها وناس يجوها. من الذوق انتي تمشي
عفاف:.لالا انتي يابنت مش طبيعيه. كنك. سحراتك ولا شنو
نجوي: اووووف. انا نعدي نوتي روحي خيرلي
|>><><>>
جميله:: غريبه شن ادير. عندك
ساره:: بروحي مستغربه. من أمس مشت معايا
واليوم جتني وبرمت علي الشقه. وزي ماشفتن
رنده:فكك منها. راه يقعد وراها حاجه
ساره: لا واخده. حذري.
المهم احكولي شن قصة. نجاح والشلطططط. ههههه
عصام؛:انا نحكيلك.
هذا ياستي ههههه.........
ساره: تعالي هن ياجموله. امووووووواه وسلم ايديك مسحتي كبدي
جميله:أسكتي ياناعليا عليك رعشه وبصراحه وجعتني. جتها فجأه
ساره:: تريحي لو تعرفو امس شن تبي مني
علاء:: شن تبي
ساره؛: قالت اتنازلي عن حقك لعماد
علاء:نعمممم. تحكي من جدك ولا تبصري. تي نهارها. انا نشلطها جديات
عصام:: من جدها ياساره تحكي. ولا تبصر. وليش تتنازلي شن دخل امها
جميله:: قرصتها لالا تبصر ههه تخايل تقولها
ساره:فطنت لماما تبيني نسكت
اها نبصر ههههه.
وسيم:: فتحت الشقه سمعت دوه. ناديت
ساره .
ساره: خش هلي تعال
عصام:: خش. ابن عمها. تعال.
كنك ماترن علياوتقول.
وسيم: وفي حد حصلك تلفونك مقفل
عصام ::اها صح نسييت
وسيم:: معش تنسي ههههه
انستونا.انستونا. مرحبتين بيكم
جميله:. الله يأنسك حبيبي. حمدالله علي سلامتها
وسيم:: الله يسلمك.
ساره:وسيم. هُذِّي رنده بنت خالتي
وسيم: مديت يدي اهلين رنده حمدالله علي سلامتك
رنده:الله يسلمك. كيف حالك
وسيم:الخمدالله.
ااه. ساره هذين اللي وصيتي عليهن نحطهن. في المطبخ
ساره: اها حطهن
علاء: باهي هيا عصام نحن. هيا
عصام:خلينا. مش متغدي انا
صبي ديري لخوك. حاجه اول مره نخش حوشكم
جميله:: اسكت طح سعدك ووين تصبي مسكينه كنك
وسيم؛: تعال ياسيدي. عازمك انا. شيلنا. لكافي وعلي حسابي.
عصام:: يلا توزيعه محترمه.
وسيم::ههههه لالا. مش هكي.
ساره:: لاهكي. ههههه بالعربي جاياتني صبايا
عصام:: اها قلتها توزيعه. هههه هيا ياعلاء.
وسيم: تي بطل سماطه. مش قصدي
علاء:فوته. يتحنط.
عصام:: تي غير هيا. مش بتعزمني
وانتي. قصدك جاياتك صبايا بتاخدي جو زلوف ههههه
ساره:هههههه اطلع ياسامط
><~>|
رنده: تعالي غيري
ساره:.خششتني نغير.
محمد عرف بكراعي
رنده::لالا
ساره:: كنك رنده
رنده::محمد طلقني
ساره::الخبر. صدمني. عيطت عيطه عااااليه
هاااااااااااااا
رنده::وطي صوتك
ساره:وليش المتخلف. ليششش. كنه أنجن. مش لدرجة علي طول.
رنده:: فكيني منه ومن سيرته. ترا.
ساره:: رنده تبي نحكي معاه. حرام هكي
رنده:: تحكي. معاه. لالا رد بالك. تخربي علي روحك وانا اصلا معش نبيه.
محمد كسرني ياساره. قاعد. يتصرف. بدون وعيي.
ساره::بروحك قلتيها بدون وعي. مصيره يفهم. انتي اصبري عليه
رنده: ساره غيري الموضوع. وخلينا فيك شن صار معاك
ساره:: وسيم غيرته واعره وخايفه. منه
رنده::متخفيش. ونصيحه يملح محمد معش تمشي غاذي. ولا تحطي روحك في اي موقف اسسي حياتك مع زوجك. وربي يسعدكم
ساره:: ان شاءالله وانتي ربي يرزقك بيلي خير منه
صوت الباب. انظر من جا
><~|
جميله اهلين تفضلي.
سخر: اهلين. انتي ام ساره
جنيله::. اها كيف حالك.
سحر ::الخمدالله. حمدالله علي سلامتها
جنيله::الله يسلمك.
ساره: سحوره اهلين.
سخر::حبيبتي الحمدالله علي السلامه
#يتبع...