#رجل_تحت_الحظر
#تابع_الحلقة_الثامنة_عشر
#للكاتبة_ريم_محمد
#لايك_كونت
ساره::عذر من ربي لا صلاة ولا صيام. لين تكمل
وسيم::سبحان الله حتي الصيام
ساره؛؛ههههه حتي الصيام.
وسيم: بس غريبه. اول شهر تتعبي مكنتش ملاحظ الفتره اللي فات
ساره:: حبوب منع الحمل زادن تعبني. توا نسأل سحر. بلكي تغيرهم ليا
وسيم:: اها احسن.
ساره:: بنفتح. النت. عادي
وسيم::افتحي
كساد صاح مليتي
ساره:: شوي.
مو الجو. مصقع ومفش ناس. ملل. نوعاا ما
وسيم:: خلاص العشيه. نطلعو. نشوفو ديار النوم. شن رايك
ساره:: بااااه. هههههه
وسيم:: هههههه
تعالي. عندي. اتكيت. وقعدت. علي صدري.
ساره:: فتحت النت.
كلهم يباركو لرنده. شفت المنشور. فرحت
الخمدددددالله. نجيها ياخيه
وسيم:: شنو. كنك
ساره:: رنده بنت خالتي. خلاص. تغلبت. علي المرض. نجيها.
وسيم؛: باهي. ماشاءالله.
ساره:: قعمزت. رنيت. عليها فايبر
رنده:: الوووووو.
ساره:: الف الف الف الف الف الخمدالله. علي السلامه.
نجك ليا ياريتك جنبي راني. قرصت. شدوقك
رنده:: معش في شدوق عدن. هههههه
ساره::امتي مروحه
رنده:: اسبوعين. ونروح.
ساره:: باهي. تجي بالسلامه.
قالك. وسبم. الحمدالله علي السلامه.
رنده:: سلمي. عليه الله يسلمك قوليله
ساره: وصل.
خالو سمعها
رنده:: اها كلمه احميده. وطاير من الفرحه
ساره:: سكتت
رنده:: ساره. ممكن تمشي بروحك
ساره:: مش داعي. حبي. ههههه
رنده:: اها تبيش يشك فيك
ساره::ايووووواه. نفس ماقلتي. مش داعي صاح
رنده:تمام خلاص اوكي ربي يهنيك.
ساره:: شكرا. ياعمري
~>~>~
وسيم:: تحكي. بالألغاز. كأنك
ساره:: هههه اي الغاز
وسيم:: يعني. هك حسيت.
ساره:تلميحك. مفش منه. وانا حكيت عادي
وسيم:باهي. خلاص انابش فيك بس
ساره:: منابشه سامطه وتلقيح. مش حلو
وسيم:: حبيتها علي خدها اااسف معلش
ساره: معش تعاودها
وسيم::حاضر
باهي. امتي مروحه هي
ساره:: بعد اسبوعين.
وسيم:اها وشن وضعها هي ومحمد
ساره::وسيم شن قلنا توا عاد
وسيم:: كنك ساره نسأل عادي انا
شن وضعهم. بس ومش شور اي شي ثاني.
ساره::منعرفش وميهمنيش. نعرف
وسيم:: باهي. شن رايك انتي لو. عاشو. طبيعي. تزعلي من رنده ولا عادي. ميهمكش
ساره::وسيم انت كنك مصر.تجيب الحديث. هذا
وسيم: نحكو ساره كنك
ساره:: وهذا كلام مستفز منحبش نحكي فيه لو تبي حياتنا. تقعد. حلوه. لووووسمحت معش تجيب سيرته.
وسيم::صبيت.
انتي اللي كنك. سيرة شنو. انا. سألتك. عادي.
لَيش تتهربي. من الاجابه
ساره:: قعدت نبكي.
منتهربش. انا. بس نحسك. مصر. تفتح. الماضي
وسيم: . باهي معلش لو ضايقك الكلام انا اسف
ساره ياعيوني. معلش حقك علّيا. انا اسف.
سارونه. ارفعي راسك. بطلي عناد وارفعي. راسك. قتلك اسف عاد
ساره:: صبيت. نبي نخش الدار. مسكني. وقربني. له
وسيم:: مسكتها وقربتها مني بالقوه
بحتي فيا ومعش تنزلي عيونك.
ارفعي راسك. وبطلي كشوره. انتي يابيبي. خلاص حركات اطفال
نحطلك طيور جنه ولا. نطلعك الدكان. ناخدلك شكولاطه
ساره؛. اوووف. وسيم حول بنخش. الدار
وسيم:: باه نخش معاك
ونراضيك جوا
ساره: حول وسيم انت. تحكي وتقول نبصر. وبجد تزعل فيا
وسبم:: حضنتها
بجد انا اسف سامحيني جاهل مش متعلم ومنعرفش نحكي. معلش
سلره ::حبيته علي صدره معش تقول كلام هذا انت احسسن راجل. في الدنيا
وسيم:: رضت قطوستي
ساره: اها.بس افطن مره ثانبه.
وسيم::من عيوني حاااااضر
~>~>>~
بعد مرور ايام
ساره:: يااه واخيرا كملت
وسيم:: شن رايك. حبيتيها
ساره:: تهبل دافيه والديكور. يهبل.
وسيم:: شفتي المطبخ. صغيرون.
ساره: بكل. صغير. بس المهم الاستقلال.
بس الصاله كبيره. كويسه.
وسيم:: خليتهم يمدو. للجنان. مش. خاطرك. تكلمي صحباتك. اهي تقدري تضيفي براحتك
ساره:: انت راجل. عسسسسسسسل.
بجد. وسبم الشقه تهبل.
وسيم::اللي ناقص. نديرو. بالمهل صاح
ساره:: صاح.
خليني نرتب دبشي. في الدولاب
وسيم:: اها. وانا نعدي نشوف باتي
ساره؛وجيب خبزه. بنقلي دحييي.
وسيم:: ههههه ياعيني راه تجيك عفاف
ساره:: عفاف مين. بلا قرف وابتاع.
وسيم:: هههههه
ساره: رتبت. دبشنا. وقعدت نتمشي في الشقه. فرحانه
رنيت. علي ماما
جميله::عجبك للصالون
ساره:: كل شي سمح. شكرا حبيبتي. وقولي لعصوم شكرا وعماد حتي هوا. وعلاء. ربي يخليكم ليا. وحتي. ووسيم مقصرش. ياماما. جايه شقه. صغيره وسمحه. غير الحمام. . وكبر الصاله. وأثاث. بذوقي كله.
جميله:: ربي يهنيك حبيبتي
توا خلاص انا راح نحكي مع عماد يشغله شن رايك
ساره؛: تمام ياريت.
حميله:: خالك داير حفله لرنده. كبيره. عاد وتي روحك اول مناسبه للعيله تشوفك.
ساره: ضروري نمشي ياماما
جميله:: طبعا. محلاك وانتي مش جايه. هُذِّي اختك
ساره:: ووسيم. يباش ومحمد كيف نشوفه. وآعره ياماما
جميله:: توا مش وقت كلام يسمعك راجلك. تعالي ونحكو.
ساره: حاضر.
صكرت وسرحت. مع روحي. كنك انتي. ر اك متجوزه
ووسيم مايستهلش تضعفي وتفكري في محمد
شن جاب سيرته. لَيش بنجرح وسيم. تي. انا بس خايفه
شعور طبيعي. مش شور المشاعر. والحب
نضت من سرحاني علي بوسه. علي راسي
وسيم::خشيت نحكي وهي مش معايا بكككل
كنك فيش سارحه
ساره:: ااه. في شنو يعني. في مملكتي هك تهبل. الجو دافي والاضاءة. هاديه تعطيك جو. الاسترخاء
وسيم:: باهي والدحي شن يَصير. فيه ياسمحه
ساره: نقلوه ياسموحي. خش حبيبي بس غير. عَلِيما وتيت.
وسيم:: غيرت وطلعت للمطبخ. كانت بارمه. قربت. مسكتها مع وسطها.
شن. مزلتي
ساره: خلاص. نقرض الخيار بس حطيتله خياره في فمه
وسيم::اممم. اخلي. خياره نذوقها في حياتي
ساره: هههههه. يابكاش. كلا انت. مجاملات وكلام. مفش منك اثنين
وسيم:: ههههه
باهي. تبي مساعده.
ساره: ياه. خود المفرش. وفرش.
وسيم: في الدار.
ساره؛:دار شن دوتها في الصاله كنك
وسيم:هههههه تي انابش فيك نذكر. فيك بايام ركن المطبخ. تذكريه
ساره::ييي اسسسكت ايام البهدله. بالي تهجَّم. علّيا ربيع. عشان تحركت حضرتك
وسيم: يالسسسان. شن قلنا.
ساره:: كلام حق حبيبي. كان هذا مزلت. في الدار. المقرفه وعلي سرير. نجاح ومطبخ عفاف وووه. مرار.
وسيم:: وكنها. عفاف. مرت باتي تغلطيش فيها ههههه
ساره: ياعيني. ياحنين
وسيم::هههههههه.
اممم.
ساره::سمح صاح.
وسيم؛؛كنه دحي. كنه سبخه
ساره: قصدك مالح. ترا.
اعع صاح. لَيش مالح
وسيم؛؛. مكثره ملح
ساره:: لا رشه بس
وسيم:: معناها الجبنه. شن نوعها
ساره:: كرفت. حطيت
وسيم::واضحه. الكرفت. مملحه شوي. وملح جت سبخه
ساره:: خلاص سيب توا ندير. اخري
وسيم::لالا توا نأكله حرام ينعزق
كرفت ودحي. يعني قريب 6جنيه. بنبكي حسني.
ساره::هههههه. يابخيل. يجيك الضغط
وسيم :الضغط. ياعمري بيجيني منك. نحن اثنين. عليش الطجين هذا كله. فساد حرام
ساره::نعرفش ندير شويه انا.
اه وسيم بكرا. اول يوم الجامعه.
تشيلني ولا نرن علي عصام
وسيم::لالا توا نشيلك
ساره:: تمام. علي التسعه.
وسيم:: خلاص. توا يمر احمد نحطك ويوصلني المحل
ساره:: وسبم. مزال فاضل. معاك فلوس.
وسيم: عليش. شن تبي
ساره؛:لالا نبيش شي
بس عشان تاخد سياره
وسيم:: عدن في الشقه والمصاريف.
تحملي كم شهر. وان شاءالله ناخد
ساره: خود فلوسي
وسيم:: ساره شن قلنا عاد
ساره:: خلاص اسفه.
><>>
الصبح.
وسبم:: هذالبس تمشي به للجامعه انتي
ساره؛: اه كنه
وسيم:: مش عارف.
نحس السروال ضابط واجد.
ساره:حبيبي رقيقه انا مش باين شي
وسيم؛:ولو. مفصل الجسم هك
علي اقل البسي بلوزه طويله.
ساره::ياااوسيييم
وسيم::يااااساررره عاد. منظرك. قلق. انا اللي راجلك. ولفتي نظري يبال اللي برا.
ساره:: تي من امس منسقتها. شنو. نغيرها.
وسيم:عناد كالعاده
برمت فتحت الدولاب. وطلعت جاكه بيج طويله
البسي هُذِّي
ساره:: لالا طويله. هُذِّي نحبهاش.
وسيم:: نجربوها حبيبي بس.
فتحت الجاكه وحولتها بالغصب وهي تززززن وتعاند
ولبستها الجديده
ساره::اوووف منك تي حريه شخصبه. كل. واحد ومايحب يلبس
وسيم: جبتها للمرايا. هاه شوفي كيف منظرك سمح
وعسسسل. وانيقه
ساره: اعععع شينه. نبيهاش نبيهاش
وسيم:: اووووه احمد يرن وقت عليك هي
ساره:: نبيششش. نمشي خلاص هي طيرت النيه انا غير بالجاكه هذك منيش ماشيه
وسيم:: خديت شنطتها.
ورفعتها. تمشي يعني. تمشي.
طلعت قدام. الشقه وهي تزن وتبكي. تبيش تمشي
نزلتها. امشي هي
قعمزت في الجنان. تبكي. وتبيش تمشي
ساره؛: نبيششش نمشي. حول. شن المنظر. هذا. عروس. اول مره نشوفهن يضحكن. عليا
وسيم:: بس هكي ربي راضي عليك ياساره
انتي شن تبي رضا العبد ولا رضا الرب
ردي علّيا من يهمك رضاه
ساره::نبيش نمشي. انا خلاص
وسيم:: باهي. ياساره. خودي المفتاح وخشي. غيري وردي لبستك. نراجي. فيك هي.
بس لازم تعرفي اني مش راضي علي لبستك وزعلان. ومش مسامحك عليها
ساره:: مسكّت المفتاح وخشيت للشقه.
خديت جاكتي وصبيت بنغير. قدام المرايا.
لَيش لا مش شينه. كويسه جايه.
غيرت الكندره وطلعت
وسيم:: كيف صار. كنك ماغيرتي
ساره:: خلاص توا نمشي. هك.
وسيم: صدقيني تهبلي. باهي. مش زعلانه يعني
ساره: معش تستعمل اسلوب الفرض
وسيم:: مره ثانيه. الليل انسقو اللبسه. قبل. الصبح
نحبش. القصير والضابط انا.
ساره:: نزلن دموعي. مو انا.
وسيم:: قطعت عليها
حضنتها
خلاص اسسس. انتي لبسك كويس بس اهو. تاخدي. رايي. تمام
ساره:: تمام.
وسيم تلفونك يرن
وسيم:يي احمد. هي عطلناه
وعلي فكره. رسمة عينك. خففيها ياقطوس. مش محتاجه. راهي
ساره::مدخلكش حتي عيني بتخش. فيها.
وسيم:: شن قلتي عاودي
سلره::قلت. بسرعه وقت. علّيا
وسيم: الكشوره. فكيها
ساره:: عدلت. وجي
هاه كويس هكي
وسيم::هههههههه كويس. نقانك هبله
><~<~>~
وسيم: صباح الخير. كنك مصبيه هنا
نجوي:: صباخ. الخير.
البهيم. خوك. مزل يتمرخا عطلني. كيف صبا من فراشه
وانا عندي. محاضره. .
ساره: تبي نوصلوك ماشبه الجامعه انا
نجوي:: نبيششش. ناقص غير. نمشي معاك
ساره:: فعلا. مش داعي تمشي. راجي لين تيبسي من الشمس.
علي يعبرك
وسيم:: لا مو انا مش قد المقام ينطلعش معايا تتحشم. يشوفوها معايا. وتقول خويا
ساره:: انت نجك ليا. عسسسل.
وسيم:. ههههه
احمد. يبيب طولنا عليه.
بسرعه ساره اطلعي.
نجوي:وووسبم. راجي. راجي. طالعه معاكم
ساره:: كيف صار بتمشي معايا. هههههه
نجوي::اركبي. ومش جو عركه علي لصبح
ساره:: مع اني. هك. جايتني. عليك. خاطري نحرق. دمك بس. يلا. عيب. قدام الراجل.
ركبت
صباح الخير احمد
احمد::صباح الخير. يامرت خويا
ساره:: عطلناك معلش
احمذ:: مفهش تعطيل. خودي راحتك. انا محل. نفتح. علي مهلي
ساره:: ربي يعاونك
نجوي:: معلش. احمد. زرقت معاهم انا
احمد:: خير. نجوي كيف حالك
نجوي :: الحمدالله. كيف حال عميمه ورباب
اخمذ: الحمدالله. رباب تعلمت السواقه.
ساره:: صاح ماشاءالله.
وسيم::هي من قبل. متقعدش في الخوش. يبال تسوق توا
ساره:: خليها. في احلي من الطلوع
وسيم:: طبعا. شورها هُذِّي الطلوع. تحبش الخوش. بكل
نجوي::ومن يحب الحوش. عندها الحق. انتم رجاله تطلعو. في النهايه بكل. حتي قدام الحوش. بس نحن. الطلعه بحسابها. ولو مرتين في الاسبوع. ينفتح موشح
احمد:: انا من الجماعه اللي يلقو. الموشح هههههه نقاني. منحب الطلوع واجد. للمرا
ساره؛:لالا احمد. بعد . عن وسيم. معش ترافقه. تخربلي طبع الراجل
وسيم:: هههههههه. وانا اصلا نقدر. عليك
ياراجل. عندها سكنان. عمري مشفت كيفه. تصدع راسك لين تقوللها. باهي. المهم. اعتقي راسي. نفختيه
ساره:: خزي. مش لدرجة. هههههه
احمذ:: لالا قبل نبيك. تشوفيلي عروسه من طرفك. بس نخاف. تطلع. صداع زيك
سلره:: انوي بسسس. ونجيبلك عروس زي ماانت تبي
عندي في شلتي. اللي تبيه.
وسيم:: هههههه. جوزيه. نعمه.
ساره:: هههههه لالا. مش له بكل.
نجوي:: كيف. نويت. خلاص يااخمد
احمد:: نقولو ان شاءالله.
أمي ورباب. صدعني. اخطب اخطب.
قتلهن. شوفن. اهو وساره توا تشوفلي. ونشوفو النصيب
نجوي:: اها ربي يرزقك. ونفرحو. بيك قريب
ساره:: شكررررا احمد. تعبناك.
احمذ:: مفهاش تعب. قتلك مرت.خويا. يعني اختي .
ساره: وانت خويا وتعز علّيا. بجد
وسيم: هيا ساره وقت عليك
ساره:: نزلت.
وسيم::قربت منها
موفقه ياعيوني
ساره: اجمعين.
وسيم. متعطلش روحك توا نروح مع نعمه
وسيم::خلاص باه. بس لو. تبي رني علّيا. نجيك
ساره: حاضر
وسيم:: رني. علّيا بعد توصلي الشقه باهي
ساره: حاضر. هي وقت خليني نخش
نجوي: هيا. ياساره.
ساره:: قربت منها هيا
غريب يعني. راجيتيني
نجوي: الذوق يقول. جينا مع بعضنا نخشو مع بعضنا
ساره : قعدنا نمشو ونحكو.
ياعيني. ومن امتي انتي. اصلا تفهمي في الذوق. وعلي اساس. جيتي. باركتي انتي ولاامك علي. حوشي
نحوي::تعرفي. منيش راده. عليك. صبح. ومش ناقصني نتنرفز منك
ساره::يلا يبقي. كل وحده في طريق. وبلا مجاملات كذابه
نجوي:: احسن. برمت مشيت. وهي عدت في طريقها
ساره:: هااااي سناقل
البنّات:: يييي العروووس. عسسسل كيف حالك متسمحه. رايفنا عليك. نجك لنا.
نعمه:: ووو يابنات. بشويه علي البنت عطنها نفس تحكي وقفت تبويس. واحضان
ساره:: عهههه خليهن شن دخلك.
مرايفه عليكن بكككككل
بنت:: توقعنا الدكتور. يخششك.
ساره:: مش دكتور راجلي خوه الدكتور
نعمه::مو. انا من عباطتي قعدت نقول دكتور لخبطت. بينه وبين خوه.
ساره::اهااا اسمعي كويس مره ثانيه
بنت: عادي تفرقش دكتور ولا مهندس. المهم شاب كوبس
ساره: راجلي مزال. يقرا. في معهد.
بنت: نحن استغربنا. علي اساس. تحبي احميده. وفجأه جتنا نعمه. وتوزع في الكروت وقالت فرح ساره.
وانصدمنا في فرحك بنت خالتك. عروس مكياج وتسريحه
وقالت امك هُذِّي مرت. محمد. روحنا بننجنو كيف صار.
ساره:: مفهاش صار. وماصار نصيب
محمد مش نصيبي وخلاص
البنت::نهاره قصدك. خانك مع بنت خالتك. تي. البنت صغيره كانت نشوف فيها عندك
ساره:: لالا. مش خيانه محمد انا وياه انفصلنا. بكل احترام حبينا بعضنا والنصيب. مجمعناش ربي مش كاتبنا لبعضنا لَيش نزعل.
ورندوشه. جوازه منها. كان بطلب مني. انا البنت. مريضه. ومش حال خيانه. مكنش يقدر حد يسافر معاها ويتحمل. علاجها. غير محمد.
البنت:: وراجلك. تحبيه
ساره::أكييد. وسيم مفش منه. حبيبي وربي يخليه ليا
بنت::شفته علي سناب محمد احلي
بنت. ثانيه::لالا راجلها اجمل . ملامح راجل. محمد ملامح. ناعمه. زي البنت
نعمه:: بنات خلاص ارجووووكن. انسن. سيرة محمد. حرام تفتحنها قدّامها البنت تجوزت . وبعدين. يقعد الكلام يوصل لراجلها وتقعد مشكله. اخته في الجامعه تقرا. وبنت عمه ومش ناقصه الحكايه
سلره:: برمت. علي نعمه. بكل مش ناقصه خلينا. نمشو بروحنا نحكو
نعمه:: هيا بروحنا. احكي كنك
ساره: رنده مروحه خلاص الاسبوع الجاي والصراحه مرايفه عليها. وماما. تبيني نمشي.
بس وسيم حسيته. يبينيش نمشي.
نعمه:: شنو يبيكش تمشي. لا عدي وهذا حوش خالك. ريحة امك شنو يقطعك. عليهم.
سلره: نقول لماما. تقنعه
نعمه::لالا ماما شنو. تبي تقوله نضمنها لك تقعمز جنبي وتشوفش محمد. لالا
هوا لازم. يحط فيك الثقه. ويقتنع. انك خلاص طالما. سلمتي روحك له معناها محمد قعد ماضي.
سلره::ربي يستر. وخلاص
نعمه::نجاح شن اخبارها. مهديه حسيتك معش. شكيتي منها
سلره::متجنبتها. مو قتلك. نبي رضا عماد علّيا. عشان الشغل لوسيم
نعمه::اها. وقدم هوا انتساب
ساره::اها قدم. بس نبيك تشوفيلي كتب وأسئلة الامتحانات
نعمه:من عيوني. توا نجيبهن. ونلملك كل المذكرات المهمه.
~<><>~
ساره:: روحت. من الجامعه مع نعمه. كان ربيع قدام الباب
ربيع:: ساره ساره اصبري بنحكي معاك
ساره:مفش بينا كلام وخر. متقربش. مني
ربيع:: انا اسسسف. مكنتش بوعيي. معلش ياساره. سامحيني
ساره:: حول خليني نخش شقتي. وسبم في الطريق. يشوفك. وانت عارف. شن يدير
ربيع:: خلاص. هاه وخرت. بس كل. غرضي نتأسف بس
ساره:: سيبته وخشيت نجري للشقه. صكرتها وقعدت نرعش نبحت. مع الروشن.
تطمنت مفش حد.
دق الباب. نطيت. عيطت
شششششن تبي. قتلك. سيبني في حالي
وسيم:: رشقت المفتاح وخشيت
ساره كنك
ساره: حطيت يدي علي قلبي.
فجعتني
وسيم::كنك من من شن في
ساره::شفت ربيع بس حاول يتأسف بس انا. خفت وخشيت نجري.
وسيم؛: تعرضلك قالك. حاجه
ساره:: لالا. انا بس. خوافه ممكن زياده عن اللزوم
هوا حاول يتأسف بس انا اللي مرعوشه
وسيم:: انا توا خشيت. لعند باتي. مش قاعد
ساره::اها مو كان بيركب سيارته بعد شافني خش
وسيم::اوووووف نقانه يخوف الفرخ هذا
ساره:: بكل. يخوف
وسيم:: باهي. شن العداء
ساره:: توا كيف خشيت.
نديرو شكشوكة.
وسيم:: شكشكي ياحنه. هههه
ساره؛: هههههه خش غير. بس
درت الغداء. وطلعت المفرش. حطيته
وسيم. هيياااا. الغدااااااء
وسيم:: جيبيت. وانتي تعيطي الغدااااااء اللي يسمعك يقول. دايره حاجه كبيره. مصارين. حوت.
ساره:: كول وانت ساكت وكنها شكشوكه. كالسيوم ومفيده
وسيم:: ناكل حتي. هاه.
ساره::صاح خاطري. في حوت
وسيم: اول مانخلص. نشيلك تتغدي حوت. تمام
ساره:: لالا بلكي غالي.
وسيم:: يغلش عليك شي بعدين يقولو. كويس يقوي. ويعطي نشاط وطاقه.
ساره:: وتحبه عاد انت. هكي ههههه
وسيم::أبب. تخصص هههههه
ساره:: هبل.
صبيت.
وسيم: كملي. كنك
ساره::شبعانه بنخش.نتمدد
وسيم:: تمام عدي تريحي
ساره: غيرت واتكيت.
وسيم؛الله. ريحت الشامبو. مررريحه
ساره:: خلاص الجو حامي قعد.
وسيم:: اتكيت. جنبها. التكييف. حاضر. ناخد واحد صغير. الشهر الجاي بس راح يكون شهر صعب. شويه أكثر. من حاجه بنديروها فيه
ساره:: قربت منه. عادي. تضغطش. علي روحك.
نأجلو حاجه واثنين
وسيم:: نجيها. الحنونه ياربي
لالا كله مهم. تكييف مهم هوا حق راتبي كله
ساره:: خود من عندي وسيم علي الاقل نص. حقه
وسيم:: شكرررا وصدقيني نقدر. ندبرها
ساره:: المهم مش دين
وسبم: ان شاءالله.
احكيلي. شن درتي اليوم
ساره::امممم. البنّات فرحانات. بيا. وكلهم. يبحتو. في صورك. وقالولي راجل. يهبل
وسيم: الصدق.
ساره::وانا نحكي الجد. قالن سمممح وملامح. راجل.
وسيم:: انتي السمحه. واحكيلي شن أخري
ساره: حضرت المحاضره. وروحت
وسبم::واللبسه محد علق عليها
ساره::نعومه عجبتها وقالت سمحه
وسيم::وعاد نعومه. قالت ساره اقتنعت صح
ساره:هههههه صح
حبيبي. السبت. مروحه رنده
وسيم: باهي الحمدالله علي سلامتها
ساره:: رفعت روحي.
نبي نمشي.
وسيم:: بلكي غلط ياساره. ووواعره. علّيا. شايلك حوش
ساره:: حبيته علي فمه.
حووووش خالي وسيم. حبيبي. خلاص هذا ماضي
وانا توا انا مراتك حبيبتك شنوو انت مش واثق فيا
وسيم:: واثق فيك. بس هوا ياساره. شن ضمني. يحاولش يتعرضلك. بيحكي معاك ولا نظراته لك شن شكلهن. راني. راجل. وحقي. نغير علي مراتي حبيبتي زي ماتقولي
ساره::. محمد كويس بكل. ومحترم. وتلقاه خلاص. مسسسحني من راسه. وحاليا بس بنت عمته
وسيم::ساره محاولاته. يوصلك يقولنش انك بنت عمته
ساره::انا منيش متحركه من الصاله. ومنطولش
بعدين وسيم راهو ماما تزعل. تي تبيني. نجيها ونوتي. حاجات. الحفله. راهي زي اختي. رنده
وسيم: بس هوا.
ساره:حاليا زي خويا. وولد خالي.
وسيم:: مش متريح ياساره. هك. نتضايق من سيرتها
ساره::قعدت ندلع عليه.
سومتي. عاد. عشاني.راهو. نزعل وزعلي ششششين وانت عارف
وسيم::ساره عاد. حرام عليك
ساره: هأ قول باهي.
وسيم:: برمت. عليها
باهي. باهي. ######
وسيم:: ااااه. تعالي. قطوستي.
ساره:: قربت
وسيم:: انحبك انحبببببك.
ساره: حبيبي. نمشي. العشيه لماما نوتي معاها
وسيم:: لا هُذِّي تبي . جو بروحها كنتش في العقد. هههههه
ساره::ياسامط
وسيم::
ههههه لا عدي. نحطك ولا يجيك. عصام
ساره::عصام.
وسيم:: تمام.
ساره:: وحوش خالي. نعدي صح
وسيم: عدي ياساره.
ساره: برضاك
وسيم::يهمك رضايا
ساره::اكيد. مش راجلي
وسيم: بس هُذِّي اسمها صلة رحم. وانا منحبش القطع.
خالك وبنت خالتك. وعشان عيون امك. الغاليه عندي نتحملش زعلها
ساره:: مش قتلك انت راجل. عسسسل
وسيم: بس عشان خاطري. لو حاول يحكي معاك قوليلي
ولا قولي لخوتك. لان خلاص يقعد لازم يتوقف عند حده.
ساره::وانا متأكده انه راح يحترم. حياتي. ومستحيل يفكر. يوقفني. محمد متربي. ومش امتاع. الحركات هُذِّي
وسيم: حافظه طبعه كأنك ومش متحمله فيه كلام
ساره:: وووووسييييم. عاد. كنك. انا بس نحكي بحكم تربيتنا كلنا زي بعضنا
وسيم: خلاص باهي عليش الاعصاب
ساره:: انت توتر. فيا بكلامك هذا. تخوف فيا من اللي جاي
وسيم:. خلاص خلاص. اهدي.
عارفه ساعه كم
ساره:: كم
وسيم:: 4:30وقت يجري
رني علي عصام وعدي وغيري جوك. وافرحي ببنت خالتك
وانا واثق. فيك. وغيرتي ممكن زايده. بس هذا كله حب. صدقيني.
ساره : اررررجوك. خليك واثق انك انت حبيبي وعيوني. انت من احتواني. في عز انكساري. وانخداعي. في اقرب شخص ليا. خويا
انت اللي. تحمل. يستر علي غلط. بدون مقابل بدون حتي مايحاسب ولا يحسس
انت. اللي. كان يسمع فيا نبكي ومتضايقه. من اشتياقي. لغيره. وكان يتحمل. ويمسك فيا نبكي علي صدره ويحاول يخفف بدون مايحرجني ويحطني محل تساؤل
انت اللي. حبني في صمت ومحاولش. يبين خلاني علي راحتي.
انت الامان وسيم. مفش راحل. يدير. اللي انت درته. لو راجل. ثاني. يقولي. قولي لهلك يدبرو شقه
بس انت سعيت. وطلعت فلوس. حلمك فلوس اللي تلم فيهن عشان بس محاوله تشوف بيها امك. ودارتلي اخلي شقه
انت فوق كل هذا. غالي عند امي. وانا ماما نوثق. في نظرتها ماما. عندها نظره لكل شي. هذا أكثر شي يخليني نحبك
خليك واثق اني . مسلمتش روحي ولغيت فكرة الانفصال. غير لاني. نبي نكمل حياتي. معاك
وسيم::.وانتي حبيبتي ونور عيوني. وكله مش بجميل. ياساره. مزلت فيها. لو حسيتك. مش متقبلتني. مزلت فيها. نقولك عدي. ونتمنالك الخير.
ساره:: اسسسسكت وبطل. كلام هبل
وسيم انا انحبك وصدقني شعوري. بديت واثقه منه.
وسيم: رفعت. راسي ساره
ساره: اها انحبك ونمووووت فيك انت مش بس زوجي
انا لما. نسلم روحي مش بس مجرد وأجب شرعي ولا نخاف من ربي. انا اللي نرايف انا اللي. انابش. انا منقدرش نعيش بدونك. انا نحب تنفتح سيرتك. نحب. نشكرك ونحكي عليك.
وسيم:: ساره. صدقيني. عمرك ماتندمي علي كلامك هذا لاني من قلبي مخلص. انتي. نسيتيني حتي امي والبحث عليها. انتي قعدتي كل دنيتي. ربي يخليك ليا ولا يحرمنا من بعضنا
ساره:: امممممميييييييين.
باهي مش وقت عليك انت. خش قبلي
وسيم:: تؤ نخشو. مع بعضنا. تعالي.
ساره:. هههههه. لالا نبيش
وسيم:: غير هياااا. بطلي حشششم
ساره::ههههه. مثلجه. الميه قعدت كاشه في بعضي
وسبم:: ههههه صيف خلاص. تحملي.
ساره:: لالا نتحملش انا نحبها دافيه
وسيم: هكي شنو
ساره:تمام. رفعت راسي تمام
وسيم:: عيونك تحت الميه زي القزاز يلمعن. ويبرقن
ساره:: ورموشك. دكن لونهن. وقعدن ملياااانات ميه.
رفعت يدي ومسحتهن
وسيم:: مسكّت يدها وحبيتها.
قعدت سارح في عيونها
ساره: قعدت نعمش. خلاص. وسيم. ههههه
وسيم:: بجد عيونك بحرررررر
ساره:: برمت خدبت. الصابون. وقعدت نمرر علي جسمه.
وسيم::برمت. هاتي دوري.
ساره؛:ييي وجي. مش باليفه. واعره. ياسااامط.
وسيم:: تي بطلي مد يد
ساره: وخر قبل. نفخت. الرغوه عليه
وسيم؛: قرصتلها خشمها
بسوووايه علّيا.
ساره؛: صاح بشويه. علّيا.
عفاف:: قلت ادب وووقاحه. شنو. هذا. معش في حشم.
ساره؛: جمدنا
وسيم:: اشرت علي الروشن. مردود
ساره: عليك فضيحه.
وسيم:: مديت يدي صكرته
ساره:: عفاف وعزق كلامها.
وسيم:: تي هي وسخه. مفروض. تسكت عليش التنبيه. بصوت عالي
ساره:: بنطلع. انا. أصلا. وقت. حلاص.
طلعت. لبست المنشف.
هيا وسيم وقت. عليك.
طلعت الدار انشف في شعري ونرن علي عصام
لقيت. مكالمات من نجوي شن تبي هُذِّي
فتتها.
رنيت علي عصام. وأتفقت معاه. يجيني
وسيم: ساره. انا وقت علّيا. حلاص بنطلع
نجيك ولا يروحو بيك
ساره: لالا انت تعالي.
وسيم:: تمام. يلا باي
><~>~
جميله:: نجاح مدي الحفاظه هُذِّي
نجاح:: حاضر. ااااخخ
سلره: لالا. شنو ترفعيها. نسيتي ياماما أنها حامل في ولي العهد حبيب عميمه. هاتي يانوجا
عماد: احلي عميمه.
ساره:: ييي ياعماد. ولدك هذا طول معش جا. متشووووقه نشوفه. نسخت بابا اكيد.
نجاح:: حقيره. وتلعب معايا. منكش قدي ياكلبه
ساره:: بحتت فبها. وحاستها تاكل في روحها. ابتسمت وخطمت قدّامها. خشيت المطبخ
نجاح:: انا نبي نمشي حوش صاحبتي وقت علّيا . هذين مزالن توا يشيلهن عصام
عماد:: توا نشوفهن لو مطولات نطلعو
خشبت للمطبخ
ساره:: وصلها. مسكينه صدقتك نحن مزلنا. ماما تبيلها توتي
عماذ :: خلاص نوصلها ونرد عليكن اصلا امي حكت معايا ونبي نحكي معاك
ساره: تمام. نراجو. فيك
><~>|
حميله:: ووووه منك انتي ممثله. طح سعدك. المرا. عيونها بيطلعن.
ساره:: اللي زيها تبيش الا هك. شغل لؤوم. هي اسلوبها هك قدام عماد ملاك واللي تحب هله والطيبه وساره. الحقيره اللي تكرهها
جميله:: انا وصيت عماد. علي وسيم وقالي توا يحكي معاه بجو. ميتحسسش اصلا حتي عصام. بيدا معاه. همت الاثنين يمسكو. معاه علي اساس محتاجهم وخايف ينسرق وهك
ساره:: ايوووا. هكي. كويس بكككل
ومراته عادي قلبتاش
جميله:: مراته شن بتقول. توظفش خويا. مش حلوه في حقها. هي مكنتش. متصوره. ان نحن نتقبلو وسيم هك
ساره::كانت متوقعه. انا. نهج بسرعه من حوش هلها ووسيم وانك انتي وخوتي تاخدوني. وتهينوه. تكبر الفضيحه. بعد كذبتها
او بالاصح متوقعه نقعد مع وسيم الضعيف الدرويش ونقعد خدامه. عند امها بس سبحان الله كل اللي خططتله. فشل. وقعد وسيم ثاني. او الاصح انا تغيرت وقعدت ساره ثانيه
جميله:: انتي متربيه وتربيتي فيك مرحتش هباء
انتي. عرفتي تحكمي عقلك. وعرفتي. ان هذا نصيبك.
وصدقيني. الراجل. كويس. وكويس بككل ياساره. ومش كل حاجه مظاهر. ونشوف. كلام الناس. الاهم راحة البال.
ساره:: بس وسيم ياماما بصعوبه وافق نمشي. حوش خالي. ونحس فيه بكل. متحسس. من محمد.
جنيله:: حقه. ووسيم طيب. ميقدرش يكثر. عليك.
عطيه. فتره. ويهدأ. وبلكي ينسي كل حاجه
ساره:: انا خايفه من محمد. بصراحه أصلا مش قادره نشوفه. خايفه
حميله:: امشي وانتي متوكله علي الله ومحمد خليه علّيا. اصلا شن الهبال اللي يقول فيه. لعلاء
ناوي يطلق. رنده طلاق شنو. حرام عليه
ساره::ابتسمت
معقوله. مزال مخلص وانا
حميله؛:انتي صح. ومعش تفكري. تقارني
هوا بس مش شايف رنده زوجه. او الاصح رنده. بنت. شرت كرامتها. وحفظت روحها. كان ببمقدورها. تخليه في النهايه. زوجها وبس
حتي من غير الحب اللي انتم تحكو عليه
المعني. انه كان ممكن يعيش حياته لو. تجوز. مرا شاطره. لعوب. تجيبه للطريق تجيبه بس رنده غشيمه. وهبله وكنت نشوف في لبسها قدّامه. وتوا راح تشوفيه اسماء مش حتخليه في حاله. وتوا تجوزه. قاعده. بنت اختها. الثقيله. تزازي. بيها. ومجت. غير علي راس. المسكينه رنده
ساره:: تعرفي ياماما.
انا مش راح نزعل. لو. محمد كمل مع رنده.
لو هي تقدر تتقبل عادي. انا مش راح نزعل. يعني لَيش الانانيه انا نعيش حياتي وهي. تتوقف. ومن اصلا بيصدق. قصتها. واعمامها وكيف راح يديرو فيها. والكلام. راح يزيد عليها مطلقه صغيره. وسمحه.
جميله:: مش قتلك. تربيتي معدتش هباء
هي حس عماد جا خلينا ننزلو. وقت. توا مرت خالك. تعطينا لسان. هههههه
ساره:: انتي باينه عندهم صح.
جميله:: اها نوتي معاها خالد معتمد عليا. الا هي تشتغل بدون نيه مش طايقه البنت. هُذِّي كان تسمع بسيرة الطلاق. تدير. فرح.
ساره:: مرا لئيمه خزي
~<~<~
وسبم:: عادي يااحمد. ولا انا غلطان طلقتها تمشي
احمد ::بالعكس. انت صح خليها تمشي وخليك مطمن.
اصلا. كلامها. صح هذا حوش خالها. متقدرش تمنعها منه
بعدين واضح ساره. تبيك. وانت توا زوجها. محمد هذا ماضي. متخدش ياوسيم علي روحك. انك ساره. اول حب
الناس. كلها يَصير. ها القصص عندهم. حب داخل العيله
ينتهي بدون زواج. وتستمر العلاقات. باحترام
تي نعرف واحد كان. خاطب. بنت عمه. ومصرش نصيب وهوا تجوز وهي تجوزت. والعلاقات. عاديه. بينهم
اهم شي. الاحترام. والعلاقات. تقعد سطحيه انا معاك معش زي دلاله زمان.
وسبم:: ريحتني الله يريحك.
خطرها. انت من امتي بتخطب
احمد:: لا توا قررت. كنك
وسيم:: اخمد لو. انت. تبي نجوي اختي. جرب دز. امك واخطبها. مدخلكش بيا انا
احمد:: ونجيب نسخت عفاف عندي ونبهدل امي واختي
وسيم:: هي واعره صاح وجالطه.
بس بصراحه فيها الهون عليهن. عندها. مواقف حقانيه. شوي
احمد:: لالا شكلك. بتريح ساره. تورطني فيها. حل عن راسي هههههه
وسبم: علي اساس اصلا عفاف توافق تعطيها لك. تي هُذِّي ترسم. علي كبير. حاجه هك هبره. زي عماد
اخمد:: صقع عليها انا. توا ساره تشوفلي وعدتني. عاد
وسيم:: ترن عمرها. طويل
صبيت رديت عليها. تمام جاي وتي روحك
خلاص احمد مروح انا وبكرا. نمر ناخد السياره باهي
اخمد::تمام. احسن شيلها انت وروح بيها انت. وخلي امرك طبيعي قدّامه وكانك متعرفش شي
وسيم:: تمام هوا هك.
~<~>>>
عماد::شنو. وسيم. نبيك انت وعصام معايا. نحس في اختلاسات. وجو قلق بروحي.
وسيم:: بس ياعماد انا معنديش. شهاده
عصام:: ومش كل الوظائف يبن شهادات. تسمعش بالواسطه انت. بعدين انا كيفك. خاش بالثانويه نعتبر. ونقرا ونشتغل. وانت نفس الشي كمل السنه. واشتغل والسنه الجايه توا تخش معهد. وتكمل. وتلاقي روحك. اكتسبت خبره وشهاده. حتي يوم تقرر تشتغل برا. يقعد في ملفك. خبرة. وشهاده من المصنع عندنا وانت عارف كيف اسمه معروف.
وسيم: مش عارف الصراحه عرض حلو. بس الناس
علاء::اي ناس. وانت ولا نحن مدورين حد
تي اللي يحط وذنه للناس يتعب ومايدير شي علي حاله
بعدين. انت خونا. وفوق هذا كله تشتغل. وتاخد في راتب.
يعني. شن اللي بيحكو. فيه ياهبل.
عماذ:: شوف روحك وأحسبها. ورد علّيا
~<~~
وسيم::شن رايك
ساره:: تبيش ررررراي. وافق طبعا.
بعدين حبيبي انت مش قتلي مستعد اندير اي حاجه عشانك. خلاص. وافق. وسيم. وبدل. راتب. اللي تاخد اكثر منه لان الوظيفه تختلف صاح.
وبعدين. مش ناوي تقعد بابا ولاشنو. خلينا. نستقرو. متسهفه نبي تحول المانع.
وسيم:: والناس ياساره الناس
ساره:: ينفلقوووووو. ملناش فيهم. بعدين اي ناس تبي تحكي علي موظف.
انت. تشتغل. وعماد يبيك. عشان انت ثقه. وهوا بروحه. تعب. يبي عيون معاه. تحرص. علي الرزق. يبي شخص ثقه. ياكلش الحرام
وسيم: نصلي استخاره قبل. هكي نعرفش. نعطي جواب
سلره:: صلي. وفعلا. بدون استخاره. مفش. اطمئنان.
وسيم:: باهي. عاد عروسه وحفله شن بتلبسي ياسمحه
ساره:: اممممم
نعرفش. فستان هذا ولا. هذا
وسيم:: الأحمر حلو. ترا. قيسي
ساره:: طلعت لبست. وخشيت. شنوووو
وسيم:: اعتمديه. باربي. اصليه. هههههه
ساره؛: نرفع شعري ولا انزله
وسيم:: ارفعيه. مش ناقص. عيون.
ساره:: يعني هكي. شينه
وسيم:: سمحه في كل الاحوال
بس طبعا زي مااتفقنا من الصاله تتحركيش ولو تحركتي بالحجاب والخمار.
ساره:: حاااضر.
امرك. ياجوزي
وسيم:: حطيت راسي علي كتفها
عدي عدي غيري راهو.
ساره:: هربت منه. نهارك بعدها. شعري. موتيته . ههههههه
~<~~~
رنده:: صكرت الشنط. وتيت روحي.
محمد:: خلاص. بكرا في بنغازي. رايفتي اكيد
رنده:: وهما زعمك رايفو علّيا عندي حد يراف علّيا
محمد::وباتي وخالتك ونسرين وعلي وعماد. وساره. وعصام وين عدو. كلهم. يراجو. فيك
رنده:: هزيت راسي. ان شاءالله.
محمد: رنده. متشيليش هم. امي انا توا نحكي معاها. متجيش شورك وتخف عليك.
رنده:: هزيت راسي. نحس في روحي مخنوقه. بعد قرب موعد العوده. زدت خفت. خلاص. بيطلقني. وكل واحد. يمشي في طريق
محمد:: رنده. انا علي اول ما نكمل اجراءات. الطلاق. نطلع. في شقة. برا. صاحبي. شافلي وحده وعلي طول راح نتمم فيها. خودي راحتك. وعيشي حياتك. وديري التقرير. اللي تبي اديريه. وانا خوك. الكبير. واي حاجه. تعالي. عندي وانا ناخدلك حقك.
متفكريش في شي توا غير. قرايتك. وركزي. في مستقبلك
نبيك. محاميه. شاطره.
رنده:: وانت محمد. عيش حياتك. متوقفش الدنيا عند ساره تمناهلها. الخير. و. رد لشغلك وكمل نص دينك وفرحنا. تجوز. راك خلاص معش صغير.
محمد:: اكيد. الخياة. بتمشي. وانا راجل. منوقفش حياتي علي. وحده متستاهلش
رنده: لامحمد مش هكي ساره حرام تظلمها
محمد:: خلاص. غيري السيره
وانا مش راح نقول لباتي علي الطلاق لين ننهي. انتي عارفه كيف راح. يضغط. علينا
رنده؛: صح. هكي احسن. صبيت.
خلاص. ليل. ورانا نوضه بدري
محمد:: رنده
رنده: نعم
محمد:: قربت. منها حضنتها رد. بالك تزعلي ولا تشيلي علّيا
وصدقيني انتي تستاهلي واحد. خير. مني.
انا لو بس نشوفك. بغير. نظرة الاخت اللي لعبتها وشلتها وجبتها للمدرسه وكنت نقري فيها. راني كنت اكيد حبيتك وتمنيتك شريكت حياتي بس. مش قادر. يارنده. مش مستوعبها اصلا. بس بنطلب منك طلب. متجوزيش الا. برضايا. انا اللي. نشوفه ونفحصه. ونتأكد منه يستاهل. السمحه رنده ولالا. والاهم. يقعد صاحبي غصبا عنه. ويتعود. في. اي لحظه نرن وندق الحوش ونجي
نجيك
رنده:: اكيد انت خويا حبيبي. واصلا. اللي ياخدني لازم يفهم. انك. كل دنيتي. وان. وجودك في حياتي مهم. انت. بس متجوزش. وتتغير. علّيا. نموت محمد بعدها. مليش غيرك انا. صدر. حنون
محمد:: نزلن دموعي وحضنتها زززززززززززين
رنده:: مسكّت. فيه.
ومسكت دموعي. يااااه ماادفي. صدرك حبيبي. انحبك ياحمار. افهم انا مش اختك.
محمد:: بعدتها.
تحسيه وداع غريب صاح. وانا مروح معاك. ههههه
رنده:: ممكن. الخوف من المجتمع والناس وكلامهم. يسببن. في حسس ومعش نقعدو زي قبل
محمد:: مدخلناش بحد. خلاص هي خشي ارقدي ياسمحه.
~<~>~
ساره:: الصبح كله. وانا مرعوبه. خايفه. مرتبكه. نحاول مانبينش. بسسس خلاص. معش فيا
كيف نشوفه. كيف نسلم عليه
مرعوبه ومش فاهمه اللي يَصير.
معايا
وسيم:: مخنوق. ونحاول روحي طبيعي ومش مركز. حاس بيها. تبرم حايسه. حاس بيها. مرتبكه وجسمها. يرعش
نبيش نكثر. كلام ونضغط عليها
. كفايه. خوف ياوسيم. لو كثرت البنت. تطفش منك.
وتمل منك
ساره::
#يتبع...