ذي نبذه. توضيح علي قصتنا الجديده 💔
#رجل_تحت_الحظر
#المقدمه
سارة بنت معروفه انها مغرووه وشايفه نفسها. دلوعة خوتها وامها هي من عائلة مرتاحه ماديا عندها بس ثلاث خوت شباب
عماد. الكبير. وهوا علي علاقة مع نجاح زميلته في الجامعه. هوا تخرج وهي مزالت تقرا مستهتره بقرايتها و ام عماد رافضتها والسبب ساره اللي شايفه نفسها. شايفه نجاح مش ستايل ولا تناسب عيلتهم
علأ شاب امتاع علم واثناء دراسته ينعزل عن العالم وبس يتفرغ لقرايته ولا يهمه شغل ورزق ولا شي المهم ياخد مصروف. يكفيه في دراسته وبس
عصام توأم ساره اصغر يعني اصغر الشباب حنون ومتعلق بامه واجد
علاقته هوا وساره علاقة اصدقاء وسرهم واحد. يتحملش فيها حاجه واللي تبيها ساره يديرها حتي مصير حياته في يدها وهي اللي تقرر من يخطب
الام جميله
انسانه طيبه وحنونه مع عيالها بس علاقتها ببنتها الوحيده اقوا واللي تبيه ساره يتم. يعني ساره مسيطره عليها
بوتهم متوفي صاحب شركة البان ومشتقاتها. وعنده املاك واجد
كل شي باسم الام جميله وعماد يدير في الشركة بتوكيل منها
~<~~
عائلة وسيم
وسيم شاب مش حلو او الاصح الفقر والذل والبهدله واعاقة في يده اليسار خلاته يبان مش حلو. جسمه مليان شوي وطويل
صوته في الغناء جميل امه سوريه من السويد واخده الجنسيه تجوزها باته لما كان مهاجر للسويد وبعدها طلقها وخذا وسيم وجابه بنغازي
وسيم هاااادي. مسالم. خوته ميحبوش يستعرو منه ميحبوش يقولو عندنا اخ اسمه وسيم
مشغلينه يشيل ويجيب طلاباتهم. وبس
مكملش تعليمه يشتغل في محل مواد تجميل عند ولد جيرانهم
عفاف. انسانه مكاره ولئيمه. تحب التسلط. ظالمه وتكره وسيم سببت في كره خوته له. بتصرفاتها
نجاح. حبيبت عماد. بنت لئيمة وخاشه علي طمع جوازها من عماد مش حب بس تخطيط هي وامها للسيطره علي عماد. وفلوسه
ربيع. شاب طايش امتاع بنات وسكير. يروح سكران ياخده وسيم يستر عليه. لين ينوض. بس عمره ما حب خوه بس . يذل فيه ولا ويعيط عليه ديما
الدكتور عبدالرحمن شاب. كويس. يحب وسيم ياخد فيه معاه لاصحابه ويسهر معاه. ديما. يسمع فيه
يحاول يصبي معاه بس عفاف صعبه ولا يهمها حد
نجوي بنت صغيره في العمر. مش فارق معاها حد المهم صحباتها والطلوع.
الاب. السنوسي مقعد. يشوف ومش قادر. يتصرف.
وسيم. مهتم بباته. ويراعي فيه.
<~~~
الحاجه فاطمه. مرت عم وسيم. وتحبه وتعده زي عيالها.
احمد ولد فاطمه ومقرب من وسيم.
رباب. بنت فاطمه. وصديقة وسيم. ديما. تتفكر فيه بالاكل والتحديد ولازم كل سنه. تتفكر عيد ميلاده وتفاجأه
~>~~
رنده. بنت خالة ساره وقريبه منها. سر واحد. ومشروع زوجة عصام. في راس ساره. مكتمه عليه. ولا حتي امها تعلم
رنده يتيمة الام والاب. عايشه بين خالها وام ساره
نعمه صديقة ساره. المقربه تحب عماد من طرف واحد
محمد شاب حليوه وجذاب عاقل واكثر حد يحن علي رنده في حوشهم
هوا يكون ولد خالد خال ساره في نظرات اعجاب بين محمد وساره . بس بدون كلام.
اسماء::مرت خالد. انسانه. مجازيه تعامل في رنده بمجازها. يوم تعطف ويوم تأمر
وباقي الشخصيات راح نتعرفو عليهن من خلاص السرد والحلقات
Reem
~<~~
شنو. رايكن. في المقدمه. من حاسيتن. الرجل اللي. راح يكون. البطل. ومن. البطله.
هي. توقعاتكن 😘😘
#للكاتبه_ريم_محمد
منقولة💖