فى بيت حسن جادالله
كان حسن قاعد بيقراه فى المصحف ودخل عليه عمر
عمر :- بابا مش هتاكل
حسن :- صدق بالله العظيم وقال مليش نفس ياابنى
عمر:- مش هينفع كده يا بابا انت من يوم ما حبيبه سابت البيت وانت رافض الاكل وصحتك بقت فى النازل
حسن :- ومش هاكل غير لما ترجع اختك تانى للبيت وفى حضنى
عمر :- انا مش ساكت يا بابا وبدور عليها فى كل حته وانشالله هلاقيها فى اقرب وقت بس علشان خاطرى قوم كل لقمه صغيره
حسن :- مش قادر اكل ومش متعود اكل من حاجه واختك متكولش منها
عمر :- علشان خاطر حبيبه كل لقمه صغيره
حسن :- ماشى
عمر :- هعملك سندوتشات هوا
حسن :- متكترش علشان مش هاكل كتير
عمر :- حاضر وراح عمر عمل سندوتشات واكل حسن واطمن عليه وراح لاوضه
............................................................
فى شركة عز
جاء وقت الانصراف وكل الموظفين بدء بالانصراف ودخلت حبيبه لسيف
حبيبه :- حضرتك تامر بحاجه تانى
سيف :- ليه رايحه فين دلوقتى
حبيبه :- حضرتك ده وقت الانصراف وانا ماشيه
سيف :- لا انتى مش ماشيه غير لما انا اقولك امشى انا لسه عندى شغل ومش ماشى دلوقتى
حبيبه :- وانا مالى بحضرتك ما تمشى وقت ماتمشى
سيف :- لا ما انتى شغاله معايه وانا عندى تصميم هندسى ومحتاجك فيه
حبيبه :- لنفسها اللهى يجيبو ويحطوه عليك يا بعيد وقالت ليه حاضر يا فندم عن اذنك
سيف :- رايحه فين
حبيبه :- طلعه بره حضرتك
سيف :- انتى غبيه مش بتفهمى
حبيبه :- بنفاذ صبر ليه يا استاذ سيف
سيف:- بقولك عندنا شغل يعنى اترزعى هنا علشان نشتغل
حبيبه :- اللهم طولك ياروح وقالت حاضر
وفى الوقت ده دخل كريم
كريم :- ايه ياسيف مش مروح وانتى يا انسه حبيبه
سيف :- لا عندى شغل ومش مروح دلوقتى والانسه قاعده معايه
كريم :- نعممممممممم ده ايه اللى حصل فى الدنيا بقى انت هتسهر فى الشركه ده من امته ما انت طول عمرك بتخلص شغلك فى البيت لا ومع مين مع بنت
سيف :- ما خلصنا بقى يا كريم
كريم :- سيف انا ليا قعده معاك بكره بعد الشغل
سيف :- انشالله يا كريم روح انت بس
كريم :- ماشى يا سيف سلام
سيف :- بص لحبيبه وقلها انتى هتفضلى مبحلقه كده ما تقومى خلينا نخلص اللى ورانا
حبيبه :- اتفضل حضرتك
وبدء الشغل هو وحبيبه
سيف :- ورينى شطرتك بقى عايز تصميم هندسى لكمبود على مساحة الارض دى ونطلع منها مرافق عامه ومولات فى نفس الارض
حبيبه :- ازاى يعنى ده الارض دى يتبنا عليها كمبود بالعافيه ازاى هيطلع منها كمان مولات ومرافق عامه
سيف :- المهندسه الشاطره بس هى اللى تعرف تتطلع تصميم مناسب للارض دى وانتى لو عايزه يبقى ليكى مستقبل فى الهندسه لازم تشغلى دماغك صح
حبيبه :- مسكت قلم وقالت بص بقى ياسيدى وقعدة تشرح لسيف بالرسم على الورقه
سيف :- اعجب بذكاء حبيبه وقعد يبصلها وهى بتشرح
حبيبه :- بس كده يا سيدى ايه رايك
سيف :- ...........................
حبيبه :- استاذ سيف انت معايه
سيف :- ها ا.ا.اه معاكى
حبيبه :- بقول لحضرتك ايه رأيك فى التصميم المبدأى
سيف :- رغم ان هو معجب جدآ بالتصميم قال مش بطال كان ممكن يتعمل احسن من كده
حبيبه :- بغيظ اوكيه ادينى اسبوع واكون مخلصه التصميم والشكل النهائى للكمبود
سيف :- كتير اسبوع هديكى لاخر الاسبوع ده
حبيبه :- يعنى كمان تلت ايام قليل اوى مش هلحق
سيف :- ليه مش هتكونى فاضيه ووراكى حاجه مهمه يعنى والله انا قولت اللى عندى أخر الاسبوع الجاى يكون عندى التصميم واعملى حسابك مش انتى الوحدك بتعملى التصميم ده معاكى اتنين تنين والتصميم الاحسن هو ده اللى هيتاخد وهنبدء الشغل عليه
حبيبه :- اوكى وانا على اخر الاسبوع هيكون التصميم جاهز
سيف :- معتقدش انك هتخلصى بس لما نشوف
حبيبه :- طب ممكن حضرتك نمشى علشان الوقت اتأخر اوى
سيف :- انتى ليه محسسانى انك عمرك ماخرجتى فى الوقت ده مع انك شغلك الاساسى بيبدأ بليل
حبيبه :- ياربى انت ايه مش بتزهق انت ايه خلاك اخد الفكره دى عنى
سيف :- من اللى شفته بعنيه وسمعته بودنى
حبيبه :- انت رسمت صوره ليا وصدقتها ورسمت حوار فى دماغك واقنعت نفسك بى مع انك لو بصيت على الصوره من اتجاه تانى ممكن تشفها اوضح وبمعنى تانى غير اللى اخده عليه اول مره ولو فسرت الكلام بطريقه تانيه هتفهمو صح بس احنا كبنأدمين مش بنقتنع غير اللى فى دماغنا وبس حتى لو كان غلط
سيف :- خلصتى محضرتك
حبيبه :- من غير ما تسمعنى كلام زى السم اسمحلى امشى
سيف :- اتفضلى امشى
حبيبه :- اول ما قال كده قامت خرجت من المكتب وحمدت ربنا ان هى مشت من قدام وشه وقالت يارب صبرنى ده لسه اول يوم ومش طيقه امال بقى الايام الجايه دى هعمل ايه
سيف :- انتى
حبيبه :- بصتله وقالت افندم
سيف :- ممكن تخلصى علشان اقفل باب الشركه
حبيبه :- حاضر واخدت شنطتها وخرجت من باب الشركه
سيف :- قفل باب الشركه وركب عربيته ومشى
حبيبه :- بنأدم قليل الذوق ده حتى مقلهاش بالكدب تعالى اوصلك
ووقفت تاكسى وراحت على البيت
............................................................
فى الصعيد كانت حوريه قاعده على الكنبه وبتكلم امها
حوريه :- البنت دى بسبع ارواح كل ما احاول اخلص منها بتتمسك فى الدنيا اكتر
ام حوريه :- ماخلاص يا بنتى انسى الماضى وبنتك ملهاش ذنب فى اللى حصل زمان
حوريه :- ملهاش ذنب ازاى ده هى دى سبب تعستى من يوم ما تحطت فى بطنى
ام حوريه :- وهى كان ايه ذنبها كل ذنبها ان جت من ام طايشه واب لعبى مش بتاع مسؤليه
حوريه :- لو مكنتش اتحطت فى بطنى كان زمانى عايشه معاه متهنيا بفلوسه واملاكه
ام حوريه :- دى اردت ربنا ان بنتك تيجى الدنيا هى مذنبهاش حاجه كفايه ان هى من صغرها وانتى عمرك ما حسستيها بحنان الام ولا خلتيها تشوف يوم حلو معاكى
حوريه :- ومش هرتاح غير لما تموت وارتاح من غلطت عمرى دى
ام حوريه :- والله يا بنتى اللى خلاكى ام ظلمك
............................................................
انتهى اليوم والكل نام ليبدء صباح جديد فى بعض الصدمات على ابطلنا
استيقظت حبيبه وفتحت عنيها بتثاقل وقامت من على سريرها لتنظر على ورقة التصاميم بفخر وقالت
حبيبه :- لما نشوف يا استاذ سيف هتقول ايه على التصميم بتاعى ده انا هبهرك ومش هخليك تعرف تتطلع عيب فيه ويارب تموت بغيظك
ودخلت حمامها اخدت شاورها واتوضة وطلعت لبست هدومها وادة فرضها وخرجت من باب الشقه وطلعت على اول الشارع ووقفت تاكسى وراحت على الشركه
............................................................
فى قصر عزالدين
كان الكل صحى من نومهم وقعدين على السفره وبيفطرو وسمعو صوت الباب بيخبط
عزالدين :- سعديه مين على الباب
الداده سعديه :- جت تجرى وقالت ده البوليس جاين عايزين الست ديمه
سيف :- ديمه اختى
وقام كلهم يجرو على الباب
عزالدين :- ايوه حضرتك انا ابقى ابوها
الظابط :- بنت حضرتك متهمه بقضية قتل المدعو عصام عبد الفتاح فى شقته
سيف :- ايه اللى انت بتقوله ده اكيد فى حاجه غلط وانا ايه هيودى اختى هناك فى شقته وليه هتقتلو
الظابط :- والله الاجابه دى هتعرفوها فى القسم ممكن تيجى معانا الانسه ديمه عزالدين
أدهم :- استحاله هسمح لاخوتى تروح معاك القسم
الظابط :- والله ده غصب عنك احنا بنشوف شغلنا وممكن تخلى الانسه تيجى معانا بدون شوشره
عزالدين :- سعديه روحى خبطى على ديمه وخليها تنزل ضرورى
سعديه :- حاضر يا استاذ عز وطلعت تجرى تنده على ديمه وشويه نزلت وقالت
ديمه :- فى ايه يا بابا ودول عايزين ايه
سيف :- انتى تعرفى حد بأسم عصام عبدالفتاح
ديمه :- ارتبكت وقالت ا.ا.اه ده دكتور عندنا فى الجامعه
الظابط :- امر العسكرى يقبض على ديمه
ديمه :- ايه ده اوعى ايدك من عليه انت واخدنى ورايح فين بابا الحقنى هما واخدنى على فين
الظابط :- اهدى يا انسه وامشى معانا من غير شوشره
ديمه :- ابيه انت هتسبهم يخدونى طب انت يا أدهم
أدهم :- لو سمحت ممكن بس اقولها كلمه
الظابط :- اتفضل
أدهم :- انا عايزك تجوبى بصراحه انتى كان فى حاجه بينك وبين اللى اسمه عصام ده
ديمه :- بدموع ايوه
أدهم :- ضرب اخته بالقلم وقال ليه تعملى كده
سيف :- مسك اخوه أدهم وقال مش وقته يا أدهم الكلام ده خلينا نتصرف الاول ونشوف هنعمل ايه فى المصيبه دى
ديمه :- ابيه سيف اوعو تتخلو عنى انا معملتش حاجه والله
الظابط :- خدها يا عسكرى
واخدها العسكرى على البوكس ومشى بيها على القسم
عزالدين مسك قلبه ووقع على الارض
سيف :- بابا بابا وبص لادهم وقال اطلب الاسعاف بسرعه
أدهم :- جرى وطلب الاسعاف وبعد شويه جت الاسعاف وشالة عزالدين
سيف :- روح انت مع بابا وهطمن عليه كل شويه وانا هروح لأختك القسم
وركب ادهم الاسعاف مع ابوه ومشيت عربية الاسعاف وركب سيف عربيته وراح على القسم
............................................................
وصلت ديمه القسم وقعدة تعيط
العسكرى :- ماتبطلى صداع بقى من ساعة ما جيتى وانتى مش مبطله عياط
ديمه :- هو انا هنا ليه حد يعرفنى
العسكرى :- اخرسى يا بت وانتى دلوقتى هتخشى لعمر باشا وهو هيعرفك
وفى الوقت ده جه عمر والعسكرى اداه التحيه
عمر :- دخل المتهمه
العسكرى :- تمام يا فندم
ودخل عمر وقعد على مكتبه
ودخلت ديمه ووقفت قصاده وهى بتعيط
عمر :- اتفضلى اقعدى يا انسه
ديمه :- قعدة وبتعيط
عمر :- ممكن تهدى شويه علشان نبدء التحقيق
ديمه :- بدموع تحقيق فى ايه هو عصام مقدم فيه شكوه
عمر :- عصام عبدالفتاح اتقتل فى شقته بالسكينه
ديمه :- ايه مقتول واغمى عليها
عمر :- قام وقعد يخبط على وشها ويقول يا انسه وديمه مغمى عليها ومبترودش مسك كوباية الميه وقعد يرشش على وشها ميه
ديمه :- حركة راسها امممم
عمر :- يا انسه فوقى
ديمه:- مسكت راسها وقعدة تعيط
عمر :- قعد تانى على مكتبه ونده على العسكرى وامره يجيب واحد ليمون
وشويه وجه العسكرى وحط كوباية الليمون قدام ديمه وطلع
عمر :- اتفضلى اشربى ده علشان تهدى شويه ونبدء التحقيق
ديمه :- بدموع طب انتو جيبنى هنا ليه
وهتحققو معايه ليه
عمر :- اشربى بس الاول الليمون علشان تهدى وانا هفهمك
ديمه :- شربت الليمون وقعدة تدعك فى ايديها
عمر :- ها هديتى علشان نبدء
ديمه :- هزت راسها بمعنى اه
عمر :- بسم الله اسمك وسنك ومحل اقامتك
ديمه :- ديمه عزالدين إبراهيم
السن. 20 سنه
محل الاقامه الاسكندريه
عمر :- وظفتك
ديمه :- طالبه فى كلية الطب
عمر :- ما علاقتك بالمجنى عليه عصام عبدالفتاح
ديمه :- دكتورى فى الجامعه
عمر :- بس ولا كان فى علاقه شخصيه
ديمه :- .....................
عمر :- يا انسه جوبى بصراحه هل يوجد علاقه شخصيه بينك وبين القتيل
ديمه :- بدموع كنا بنحب بعض
عمر :- طب لما انتى بتحبيه قتلتيه ليه
ديمه :- بدموع لالالا مقتلتهوش
عمر :- امال تفسرى بأيه وجودك ساعة الحادث وبصماتك اللى على اداة الجريمه
ديمه :- معرفش معرفش انا مقتلتش حد
عمر :- الانكار مش هيفيدك اعترفى قتلتى المجنى عليه ليه
ديمه :- انا مقتلتهوش انا فعلا كنت عنده امبارح بس مشيت وهو حى
عمر :- وتسمى ايه وجود فيديوهات ليكى مخله بالاداب معاه
ديمه :- قعدة تلطم هو انتو لاقتوهم يا نصبتى السوده يافضحتى وقعدة تعيط
عمر :- مش كده يا انسه اهدى شويه
ديمه :- منك لله يا عصام اذتنى فى حياتك وفضحتنى بعد مماتك ربنا يولع فيك فى نار جهنم يارب
عمر :- وعلشان كده قتلتيه علشان كان بيهددك بالفيديوهات دى
ديمه:- مقتلتهوش مقتلتش حد صدقنى
عمر :- بس انتى عندك دافع للانتقام
منه علشان تقتليه
ديمه :- منكرش ان كنت ناويه اقتله بس هو كتفنى ووقع منى السكينه فى الارض ورمانى قدام الباب
عمر :- بس البصمات اللى على السكينه بصماتك انتى يعنى انتى اللى اخر واحده مسكه السكينه وده يدل على انك انتى اللى قتلتيه
ديمه :- لا محصلش السكينه كانت وقعه فى الارض وهو بيرمينى قدام الباب
عمر :- بص للمحرر وقال اكتب ياابنى وقد قررنا نحنو وكيل نيابه اول عمر حسن جادالله بحبس المتهمه اربع ايام على ذمة التحقيق على مراعاة التجديد لحين انتهاء التحقيق
ومد ايده بالمحضر وقال امضى هنا على اقوالك
ديمه :- اخدت القلم وهى ايديها بتترعش ومضت وسابت القلم
عمر :- نده على العسكرى وامره ياخد ديمه
ديمه :- لو سمحت ممكن محدش من اهلى يعرفو بموضوع الفيديوهات دى علشان ممكن بابا يروح فيها
عمر :- للاسف يا انسه المحامى هيشوف المحضر اللى انتى ماضيتى عليه واكيد هيعرف ويعرف اهلك
ديمه :- ماشى وبصت للعسكرى وقالت يلا
وهى ماشيه مع العسكرى قابلت اخوها سيف ومعا المحامى
ديمه :- ابيه وبتترمى عليه علشان تحضنه
سيف :- منعها وقال بالنسبه ليا اختى ماتت بس هفضل وراكى لحد ما اطلعك من هنا مش علشانك علشان اسم العيله بس وسبها ومشى
ديمه :- بدموع يارب انت عارف ان انا مظلومه ومش معايه غيرك يارب
ومشى العسكرى بيها وحطها فى الحجز
............................................................
فى الشركة عز
وصلت حبيبه ودخلت الشركه وطلعت سألت السكرتير على سيف
حبيبه :- صباح الخير
السكرتير :- صباح النور
حبيبه :- استاذ سيف جه
السكرتير :- لا لسه استاذ كريم بس هو اللى جه
حبيبه :- لنفسها احسن برضه وقالت ماشى طب استاذ أدهم جه
السكرتير :- محدش جه النهارده من عيلة عز خالص
حبيبه :- ماشى وقعدة على الكرسى
............................................................
فى المستشفى عند عزالدين
خرج الدكتور من اوضة عزالدين وجرى عليه أدهم
أدهم :- خير يا دكتور بابا عامل ايه
الدكتور:- بداية ذابحه صدريه
أدهم :- بصدمه ايه طب هو دلوقتى عامل ايه دلوقتى
الدكتور :- مكدبش عليك هى حالته خطره جدآ ادعيلو ربنا يعدى عليه الساعات الجايه بخير والخطر يزول
آدهم :- بحزن شكرآ يا دكتور
ومشى الدكتور وقعد ادهم فى الارض وقعد يعيط
ومسك تليفونه واتصل على سيف
سيف :- ايه يا ادهم بابا عمل ايه
أدهم :- بدموع بابا تعبان اوى يا سيف والساعات الجايه فيها خطر عليه
سيف :- ماشى يا ادهم اجمد وخليك جمبه وانا داخل انا والمحامى للظابط
أدهم :- ماشى يا سيف مع السلامه
وقفل آدهم معاه وقعد يعيط
............................................................
فى القسم عند عمر
خبط العسكرى على الباب ودخل بلغه بوجود اخو المتهمه والمحامى تبعها
عمر :- اذن ليهم بالدخول
ودخل سيف والمحامى وقعدو على الكرسين اللى قصاد المكتب
المحامى :- انا المحامى باسم فاروق حاضر مع المتهمه ديمه عزالدين وده الاستاذ سيف عزالدين اخو المتهمه
عمر :- اهلا بحضرتكم
باسم :- ممكن بعض أذن حضرتك اطلع على ملف القضيه
عمر :- طبعآ اتفضل دى صوره من ملف القضيه
باسم :- شكرآ لحضرتك
عمر :- العفو
سيف :- ممكن بعد اذنك محدش يهين اختى ولا يجى جمبها وتقعد هنا معززه مكرمه
عمر :- والله حضرتك هى مش قعده فى فندق دى قعده فى قسم ودى متهمه فى قضية قتل
سيف :- انت مش عارف دى بنت مين
عمر :- والله لو بنت الرئيس نفسه المعامله كلها واحده وطول ما هى متهمه يبقى تتعامل كمتهمه مش بنت فولان
سيف :- انت الطريقه اللى بتتكلم بيها معايه هتخسرك شغلك ده انا سيف عزالدين
عمر :- اللى عندك اعمله واتفضل من غير مطرود علشان اشوف شغلى
سيف :- والله لادفعك تمن طريقتك دى غالى اوى وبكره تشوف وخرج من المكتب ومعاه المحامى
وركب عربيته وراح على الشركه
............................................................
فى شركة عز
كانت حبيبه قعده على الكرسى ومسكه مجله فى ايديها وبتقراه فيها وفى الوقت ده وصل سيف
سيف :- تحبى نجبلك حاجه سقعه تشربيها بالمره علشان الخدمه تعجب سعدك
حبيبه :- وقفت استاذ سيف
سيف :- انتى جايه تترفهى ولا تشتغلى يا هانم
حبيبه :- حضرتك هعمل ايه ما انا مستنيه حضرتك علشان تقولى اعمل ايه
سيف :- اتفضلى يا هانم قدامى
ومشيت حبيبه مع سيف على المكتب
............................................................
فى الزنزانه عند ديمه كانت قعده وضمه رجليها لصدرها وعماله تعيط جت عليها واحده من المساجين اسمها محروسه
محروسه :- مالك يا قمر بتعيطى ليه
ديمه :- خافت وضمت رجليها اكتر
محروسه :- انتى يا بت مش بكلمك ردى عليا شبه الناس
ديمه :- .....................
جت عليها واحده تانيه اسمها سيده
سيده :- ردى يا بت على الرايسه وضربتها على كتفها
ديمه :- ابعدو عنى محدش ليه دعوه بى
محروسه :- شدتها ووقفتها وقالت انتى بتكلمى مين كده يابت
ديمه :- زقتها وقالت اوعى كده انتى مالك بيه سبينى فى حالى
سيده :- انتى اتجنيتى ده انتى يومك اسوده وقعدة هى ومحروسه تضرب فيهابالايد فى وشها وبالرجل فى بطنها لحد ما اغمى عليها ونزل منها نزيف
سيده :- يانهار اسود ياريسه شكل البت ماتت
محروسه :- ملناش دعوه احنا نقول قعدة تخبط راسها فى الحيطه لحد ما اغمى عليها
سيده :- احسن ما حد يفتن علينا من المساجين
محروسه :- لا متخفيش كلو بيخاف منى وعارفين لو حد اتكلم ايه هيحصلهم اهم حاجه دلوقتى صوتى ونادى على العسكرى
سيده :- حاضر وراحت عند شباك باب الحجز وقالت يالههههههههههههههوى الحق يا شويش انت وهو
العسكرى :- في ايه منك ليها
سيده :- البت اللى انت لسه جايبها قعدة تخبط رسها فى الحيطه لحد ما اغمى عليها
العسكرى :- هروح ابلغ عمر باشا
وراح العسكرى على مكتب عمر
عمر :- خير
العسكرى :- المتهمه اللى لسه جايه دلوقتى قعدة تخبط راسها فى الحيطه لحد ما اغمى عليها
عمر :- قام من على مكتبه ونزل يجرى على الزنزانه وقال للعسكرى افتح الباب
وفتح العسكرى الباب ودخل عمر
عمر :- اوعى يا مره منك ليها
ووطه وجس على رقبتها يتأكد انها عايشه ولا ماتت واتأكد انها لسه عايشه
ووقف وقال ده مش شكل واحده مخبوطه فى الحيطه مين فيكم يا ولاد ال*****ه اللى عمل فيها كده
سيده :- محدش يا باشا عمل فيها حاجه
عمر:- كده ماشى انا عارف مين بنت مره عملت كده وشال ديمه وقال للعسكرى المره اللى اسمها سيده واللى اسمها محروسه عايزهم متوضبين النهارده
العسكرى :- اوامرك يا باشا
ومشى عمر بديمه وراح على مكتبه واتصل على الدكتور
وجه الدكتور وكشف على ديمه وقال
الدكتور :- المدام كانت حامل بس اتعرضت لاعتداء نزل الجنين
عمر :- بصدمه حامل وقال طب هى ليه ما فقتش
الدكتور:- هى نزفت كتير ومحتاجه تتنقل على المستشفى حالا.
عمر:- عمل اذن ليها بخروجها للمستشفى وجة الاسعاف ونقلتها للمستشفى
............................................................
بقلمى (دودو محمد)