يحيي بقلق : شهاب ، طمنوني ندى عاملة ايه ؟؟؟
سيف بتعجب : يحيي ؟! انت تعرفهم ؟!!
شهاب ووقف ووشه عليه الحزن الشديد : لاقيناها وحالتها وحشة اوي يا يحيي .. واترمى في حضن يحيي وبدا يحيي يهدي فيه ...
يحيي : اهدي يا شهاب الحمدلله اننا لاقيناها ، هتبقي كويسة ان شاء الله اهدي .. اهدي ..
طبطب سيف علي ظهر شهاب : اهدي يا شهاب ان شاء الله هتبقي كويسة ...
شهاب وبعد عن يحيي ومسح وشه بايده : عن اذنكم محتاج ابقي لوحدي كلموني لو في جديد... وسابهم ومشي ..
.........................
في كافيتيريا المستشفي .... سيف طلب اثنين قهوة واخدهم وراح قعد علي الترابيزة مع يحيي ..
سيف : اتفضل يا يحيي ..
يحيي بحزن : متشكر ..
سيف : ها قولي بقى ايه علاقتك بشهاب وطارق وندى ..
يحيي : احنا ولاد عم ..
سيف بتعجب : ولاد عم ؟!! امممممم ، طيب ممكن تحكي لي حوار ندى ده واخواتها ..
يحيي وبيتنهد : اه ، كنا ساكنين في نفس العمارة في شقتين قصاد بعض ، عمي كان متجوز واحدة اجنبية اتعرف عليها في سفرية ليه في مرة اصل هو كان طيار ، كانت ست كويسة وطيبة جدا ، خلف شهاب وطارق واول ما ربنا رزقهم ب ندى معاملته معاها اتغيرت جدا ، عمي بيكره البنات جدا لسه عنده التفكير المتخلف ان البنات عار ، المهم يا سيدي كان بيعامل ندى اسوا معاملة لو اقولك انها كانت عايشة معاه كانها في معتقل كل شوية بابا كان بيدخل يلحق ندى من ايده وهي حالتها صعبة ، وكان بيضربها علي اسباب تافهة جدا ، لدرجة ان بابا في مرة ساله ( انت شاكك ان ندى دي مش بنتك ؟ اصل لو بنتك مش هتعمل فيها كده ) ، وكتير اخواتها وانا واخويا كنا بنلحقها منه ، والدتها كرهت الوضع ده واخدت طارق وشهاب وندى وهربت بيهم علي انجلترا بلدها ، راح عمي طبعا وراها
وعجبته بقي العيشة هناك واستقر واوضاعه اتغيرت خالص بقى يلعب قمار وبيشرب وكلهم كرهوا وجوده ،، ومن سنة تقريبا لاقيت شهاب بيكلمني بيسالني عن عمي رجع شقته ولا لا ، لانهم صحيوا الصبح ومش لقوه هو و ندى ، ولما عملوا تحريات عرفوا ان ابوهم كان بيلعب قمار ومكانش معاه فلوس وخسر ، تخيل باع بنته لراجل من الرجاله اللي خسر قدامهم ..
سيف وعلي وشه علامات التعجب الشديد : باعها ؟!! هي كيلو طماطم ؟!!!
يحيي : اه والله باعها وقاله هجوزهالك بس لازم ننزل مصر ، وبالفعل نزلوا مصر واخدها واختفوا وطبعا قلبنا عليها الدنيا ومش لاقينها ...
سيف : لا حول ولا قوة الا بالله ، انت بتحكي قصة ولا الافلام ...
يحيي : حاجة توجع القلب فعلا ... اهي ندى لو فاقت مش عارف هتبقي حالتها ايه ؟!!
سيف بضيق : هتبقي زي سارة ....
يحيي بتفكير : تصدق فكرة ..
سيف : هي ايه ؟!!
يحيي : سارة وندى لازم يبقوا اصحاب ، كل واحدة تقوي التانية ،وخاصة ان سنهم قريب كمان من بعض بس تقوم ندى بالسلامة وربنا يسهل ..
سيف : هي عندها كام سنة؟؟ شكلها صغير خالص ..
يحيي : عندها 20 سنة بس هي جسمها صغير ميديش سنها خالص ..
.....................................
عدت الايام وحالة ندى بدات تتحسن ....
شهاب بفرح : ندوش حبيبي يلا عشان خاطري اخر معلقة ، وحياتي عندك ..
ندى وحطت ايديها علي بوقها : لالالا يا ابيه عشان خاطري شبعت ...
طارق : كلي يا بت انتي بطلي دلع ... يلا بقى عشان ترجعي بيتك وتنوريه من تاني..
شهاب وبيقرب منها معلقة الشوربة وندى بردو مش راضية وحاطة ايديها علي بوقها وبتهز راسها ب (لا) ...
سيف بخبث : علي فكرة انا عندي حل للبنات اللي مش بيسمعوا الكلام .. بدا سيف يشمر اكمامه كانه هيضربها وبيقرب منها ...
ندى : لالالالا خلاص هاكل ، واخدت الطبق كله من شهاب وشربته علي نفس واحد .
سيف بضحك : علي فكرة انا مكنتش هاجي ناحيتك انا كنت بعدل هدومي بس ..
ندى بحزن : انا اتهريت ضرب انت مش متخيل انا كان ممكن اتضرب في اليوم كام مرة وازاي كان بيتعمد يهيني في ضربه ..
طارق وقرب من ندى وبيمسح علي شعرها : انسي بقى يا حبيبتي ، خلاص مات وخلصتي منه ورجعتي لنا تاني ..
ندى : انا خايفة اكون بحلم ، عارفين كام مرة كنت بحلم اني ابقى وسطكم مش هتصدقوا ..
فجاة خبط الاوضة ودخل يحيي ...
يحيي بابتسامة : ندوش حبيبي ، عاملة ايه النهاردة يا حبيبتي ؟!!
ندى : الحمدلله يا ابية بخير ، هم اخواتك مش جايين ولا ايه ؟
يحيي : جايين طبعا انتي مش متخيلة فرحتهم ازاي لما عرفوا انك بخير .. ساعة بالكتير وهتلاقيهم عندك ..
سيف وقام : استاذن انا بقى يا جماعة هروح اطمن علي سارة بقالي يومين مش روحتلها ...حمدلله علي سلامتك يا ندى ..
ندى : الله يسلمك يا ابية سيف ..
يحيي : ايه ده انت انضميت للعائلة امتي ؟!
ندى : من يوم ما انقذني من الزفت اللي كنت متجوزاه ..ربنا يخليكم ليا ..
سيف : يارب .. يلا سلام عليكم ..
الكل : وعليكم السلام ..
...................................
في عربية سيف رن موبايله وكانت سمر ..
سمر : الو ..
سيف : والله كنت لسه هكلمك ..
سمر بضيق : ليه ؟
سيف : هو ايه اللي ليه ؟
سمر : ليه افتكرتني ؟!! كنت خليك ناسيني كده ، مانت خاطب واحدة هبلة وهتسكت .
سيف بضيق : ايه يا سمر الاسلوب ده انتي عارفة اني مش بحب طريقة الكلام دي ، وبعدين يا هبلة انا في شغل مش بلعب يعني ..
سمر بغضب : انا مش هبلة ..
سيف بضحك : انتي اللي قلتي علي نفسك كده مش انا ...
سمر : سيف انت متخيل ان فرحنا بعد بكرة وانا معرفش مكانك من يومين ، انت ناوي تخلع ؟
سيف بضحك : هههههههههه اخلع ههههههههه ،، سمر حبيبتي انتي عاملة زي القرادة بتمسكي في الواحد مش بتتطلعي غير بالدم ..
سمر بغضب : انا قرادة ومش بطلع غير بالدم ماشي يا سيف انا بقى هشرب من دمك ..
سيف : ليه كده بس ده انا غلبان ؟ وبعدين انتي كل ده وماشربتيش من دمي ؟؟ ايه يا بت الفواتير اللي انتي بعتهالي دي كلها ؟
سمر بضحك : ايه يعني مش عروسة وليا مصاريف وبعدين دي حاجات بسيطة ..
سيف : مصاريف ؟!!وحاجات بسيطه ؟!! مش بسيطة للي بيدفع ، فستان فرح هيتلبس ساعتين يا مفترية ب عشر الاف جنيه ليييييييييييييييه ؟!! صحيح طالما لاقيتي الحمار اللي هيدفع ..
سمر : كل واحد ادري بنفسه ..
سيف بغضب : نعم قصدك ايه ؟
سمر : قصدي اني بحبك وبموت فيك ..
سيف : يخربيت ام التثبيت ، ماشي يا ستي ، عروسة وهعديها لكن والله بعد الجواز ..
قاطعته سمر : هااااااا ؟!!
سيف بضحك : هعديها بردو يا قرادة قلبي ..
سمر : لو فاضي يوم الخميس تعالى عشان فرحنا ..
سيف بضحك : هشوف جدول مواعيدي حاضر . يلا بقى غوري رغاية رغي .. سلام يا حبي .
سمر بحب : سلام يا روحي ..
.............................
في بيت ابراهيم .......................
سارة قاعدة في اوضتها علي سريرها وحاطة سماعات الموبايل في ودنها واندمجت معاها وقعدت تغني .... وكانت اغنية لعمرو دياب
سارة: وصوتك لما تتكلم في حنية
بتاخد روحي من روحي لدنيا بعيد
بحس براحة واطمن وبعنيا
بشوف الحاجة وانا جنبك جمالها يزيد
................................
مُعِدُّي النَّاسِ بإحساساك
وَبِالْرِّقَّةِ اللَّيَّ جَوَّة عَيْنَيْكَ
وَعَيْني عَلَيكَ يا روح قلبَي مغمضهاش
................................
قُدِرَتْ خلَاصُ تُغَيِّرِنَّي
واحلى مَا فِيَا كَانَ فِي هَوَاكَ
حَيَّاتِيُّ معاك لِآخِرِ يَوْمِ لَاَزِمِ تتعاش
................................
حبيبي انت بالدنيا ومالي عنيا فين ما بكون
واحلى من كده قلبي مايتمناش
دخلت حياتي حبيتها ولونها باجمل لون
وكل ايامي من قبلك ما بحسبهاش
................................
دخل خالد عليها وهي مندمجة واول ما شافته اتفزعت ....
سارة وحدفته بالمخدة : هتفضل طول عمرك رخم كده ، فزعتني مش تخبط ..
خالد : اخبط ؟!! انا عملت مزيكا حسب الله علي الباب ، بس الست كوكب الشرق كانت في عالم اخر ..
سارة : هههههه كوكب الشرق مرة واحدة ؟!!
خالد : انتي صوتك جميل جدااا ، انا اول مرة اعرف ..
سارة : يمكن عشان انا اول مرة اغني ..
خالد : لا بجد صوتك رائع يا فنانة ..
سارة : انت هتعملهم عليا ، عشان يعني انت في معهد موسيقي هتشتغلني يا فاشل ..
خالد وقف وبغضب : مين ده اللي فاشل ، طيب انا هوريكي ، ومسك سارة من هدومها ووقفها وحط ايده علي رجلها من ورا وشالها علي كتفه ،، انا هعلقك اصبري عليا ..
سارة بصريخ : لالالا يا خالد نزلني ، انا اسفة خلاص ، ابوس ايدك خلاص ، اسفة اسفة ، يا بابا يا ماماااااااا الحقوني ..
خالد : محدش هينجدك مني هتتعلقي النهاردة .. وفعلا علقها خالد من هدومها في شماعة الباب اللي ثواني والشماعة اتكسرت وسارة وقعت ..
سارة : اااااااااه ، ( قامت سارة وبغضب وبتضرب برجليها في الارض ) والله لاقول لبابا عليك ..يا باباااااااااااا ..
خالد بضحك وبيطلع لها لسانه وبيغيظها : ههههههههههه ، عشان تقولي لي يا فاشل تاني ..
سارة بغضب : يا باباااااااااااا ، ( وراحت سارة لاوضة ابراهيم وخبطت ودخلت ) يا بابا خالد علقني ..
سهير بضحك : هههههههههههه ازاي علقك ؟
سارة : علقني في شماعة الباب ..
خالد بضحك : واهي الغلبانة مستحملتش واتكسرت ، اصلك بغلة يا تخينة ..
سارة وبتضربه : يا بابا خليه يسكت بقي ، يا رخم يا رخم يا رخم ..
ابراهيم وقلع شبشبه ورماه عليهم هم الاثنين : يلا يا جزم من هنا مش عارف اشتغل ( جري سارة وخالد بره الاوضة ) ..
سهير : ههههههههه اهدي يا حاج مالك ؟
ابراهيم : ايه شغل العيال اللي هم فيه ده ؟
سهير : انت شفت منهم حاجة دول علطول كده تحس ان عمرهم العقلي متوقف عند 6 سنين ..
ابراهيم : انا خايف علي سارة من خالد ...
سهير : ليه بقي ؟!
ابراهيم بقلق : الواد بطل سهر وخروج وبقى يقضي الوقت كله مع سارة تفتكري يكون بيحبها وعشان كده معترض علي وجود حسام في حياتها .
سهير : لا استني يا ابراهيم ، حب خالد لسارة حب اخوي من الدرجة الاولي انت جاي بعد 4 سنين تقول كده ، ثانيا محمد وخالد رافضين حسام واظن انا وانت عارفين ليه ؟ موضوع قضية الاداب ومعترضين عليه ، امال لو عرفوا انه اعتدي علي واحدة واخواتها خلوه كتب علي اختهم ورجع طلقها ..
ابراهيم : بس بس ، لحد من العيال يسمعك ، وبعدين ده كان جنون شباب والواد تاب هنعلق له المشانق ..
سهير : لا مش هعلق له المشانق بس مش هرمي له بنتي ، انا كمان معترضة علي الخطوبة دي ..
ابراهيم : ما تقلقيش ، ربنا يحفظها ان شاء الله ....
...................
يوم فرح سيف ...............
ابراهيم اصر ان سيف يبقى معاهم في اليوم ده باعتبار سيف زي اولاده ......وفعلا بات سيف معاهم ليلة فرحه ...
يوم الفرح الظهر ... قاعدين اسلام ومحمود وخالد بيلعبوا كوتشينه ...
خالد : انا هقوم انادي البت سارة دي مش عايزة تخرج من اوضتها خليها تيجي تلعب معانا وهنخرجها من القوقعة دي ... وايه رايكم نلعب الشايب ونخليه يطلع معاها ونحكم عليها احكام ونطلع عينيها
اسلام بضحك : ياريت ، يمكن تخرج من النكد اللي هي فيه ده ..
راح خالد ينادي سارة وفي الاول رفضت ..
خالد : خلاص تعالي لما اعلقك تاني ..
سارة بضحك : لالالا خلاص جايه امشي .
راحت سارة معاه وخرجت تلعب معاهم ..ولعبوا الشايب وفعلا كلهم اتفقوا عليها وغشوها وطلع الشايب معاها في الاخر .. وكل واحد بدا يقول حكمه ..
محمد : انا هكتفي بمكوتي اسبوع ..
سارة : نعاااام ، اكوي لك ليه ما تودي للمكوجي ..
محمد : ماليش دعوة ده حكم .
محمود : انا عايز قهوة .
سارة ومالت عليه : حبيبي يا حودة ..
اسلام : انا معنديش حكم ..
سارة : لااااا ده انت اللي حبيبي بجد يا سمسم .
خالد بخبث : انا عندي حكم ، انا عايز مسدس سيف ..
سارة بصدمة : مين ؟!!!
خالد : سيف نايم جوه ،،وهو لما بينام بيحط مسدسه جنبه،، انا عايزك تدخلي تجيبي لي مسدسه من جنبه ..
سارة : انت اكيد بتهرج صح ؟
خالد بمكر : لا ، وماليش فيه ده حكم ولازم يتنفذ ..
بداوا كلهم يبتسموا ابتسامة خفيفة علي خالد ومكره ..
سارة : يالهوي عليا ، طيب لازم تعرفوا اني بحبكم واني عشت معاكم احلي سنين ..
محمد بضحك : انتي بتودعينا ..
سارة : اكيد اللي انا هعمله ده نهايته موتي .. قامت سارة وماشية ، يلا اراكم في الجنة ..
ضحكوا كلهم علي منظر سارة ... بدات سارة تتسحب لاوضة محمد اللي نايم فيها سيف ودخلت براحة جدا وشافت مسدس سيف فعلا جنبه علي الكومودينو اللي جنب السرير قربت براحة من المسدس وحطيت ايديها عليه وبتغمض عنيها عشان سيف ميصحاش واول ما مسكته لقت فجاة اللي سحب المسدس من ايديها وسحب صمام الامان بتاع المسدس ومسك سارة من رقبتها ونيمها علي السرير وحاطط المسدس علي راس سارة ...
سارة بصريخ : عااااااااااااااااا ، لا يا ابية ابوس ايدك ده انا سارة ، لالالالالالا ، فوق يا ابية انا سارة ..
سيف بصدمة : انتي غبية يا بت ، انتي بتعملي ايه هنا ؟!! وعايزة ايه من مسدسي ؟
سارة وبتكح بشدة : طيب ابعد ايدك عن رقبتي هتخنق ..( بعد عنها سيف وساب المسدس وسند ظهره علي السرير ) قعدت سارة وبدات تحكي له علي اللي حصل ..
دخل خالد عليهم : كذابة ، انا هقولك هاتي مسدس سيف انا مجنون ؟ انتي اي مصيبة تعمليها عايزة تلبسيها فيا ..
سارة وفتحت بوقها من الصدمة ......
سيف وبيولع سيجارته : تلاقيها كانت عايزة تقتل حد ..
سارة وبتبص لخالد بغضب : اه عايزة ...
سيف : سارة حضرتي فستان عشان الفرح ؟
سارة : يا ابية بلاش انا ، انا مش بخرج تقولي فرح ؟
سيف : انتي مش عايزة تحضري فرحي ؟!!
سارة : لا عايزة ، بس مجبتش حاجة احضر بيها ..
سيف وقام وفتح شنطته اللي فيها بدلته وحاجته وطلع منها شنطه كبيرة : خدي ده فستان جابته سمر ليكي معايا بقاله اسبوع وانا نسيت اديهولك ..
سارة بفرحة : ده ليا انا ؟!! ربنا يخليكم ليا ..
سيف : ويخليكي ليا .. يلا انا هقوم اخد دش بقى واروح للحلاق عشان اجهز ..
خالد : ايوة بقى يا عريس ، احنا ازاي قاعدين ساكتين كده لازم نعمل لك حفلة ... قام خالد وفتح اللاب بتاعه ووصله بالسماعات وشغل اغاني عليها وواتجمعوا كلهم وبدا يرقصوا مع سيف ...
..............................
بليل قبل الفرح .......
راح سيف يجيب سمر من البيوتي سنتر ومعاه سارة اللي لبست الفستان اللي جابته سمر واللي كان عبارة عن دانتيل اسود من فوق ومن تحت شيفون سيمون واسع ولبست عليه طرحة سيمون وماحطتش اي مكياج لان سارة مش محتاجة اي مكياج ... دخلت سارة لسمر اللي انبهرت بجمال سمر ...
سارة : الف مبروك يا رورو ايه الجمال ده ..
سمر : الله يبارك فيكي يا سوسو .. حلوة بجد ؟!!
سارة : ما شاء الله جداااا ، بس سؤال هو ابية سيف شاف الفستان ده قبل كده ؟
سمر بقلق : لا ليه ؟ وحش ؟!!
سارة : لا هو جميل جدا ، بس عريان شوية . يعني ممكن يتضايق ..
سمر : ربنا يستر ... ماما قالت لي كده بس انا اللي صممت عليه .
خرجت سارة لسيف ونادته يدخل لسمر ... دخل سيف واول ما شاف سمر ..
سيف بفزع: يا نهار ابوكي اسود ، ايه اللي انتي عاملاه ده ؟!!
سمر وبتستخبى ورا سارة : ايه في ايه ؟
سارة : انتي بتستخبي ورايا انا ؟!! ده بقلم يطيرنا احنا الاثنين ..
سيف بغضب : سمر ايه اللي انتي لابساه ده فين بقيت الفستان ؟!! اكيد ليه جاكيت صح ؟
سمر ومستخبية في سارة وبصوت واطي : لا مالوش ..
سيف وبيقرب من سمر : هو يوم مش فايت انا عارف .. قلعت سمر جزمتها وبتجري من سيف ... تعالي هنا بطلي شغل العيال ده ..
سمر بخوف وبتجري : سيف حبيبي اهدي عشان خاطري ، يا ماماااااا الحقيني ..
جت منيرة : في ايه يا سيف ؟
سيف : طنط انتي ازاي سمحتي لسمر تلبس كده ؟!
منيرة : والله يابني غلبت معاها ومش بتسمع الكلام ..
سمر : كده يا ماما بتبعيني ...
جت واحدة من عاملات البيوتي سنتر : يا استاذ اهدي احنا ممكن نوفر لها جاكيت نفس شكل الفستان ..
سيف : يبقي ياريت ..
سمر : بس انا مش عايزة جاكيت ..
سيف : تبقي جنيتي علي نفسك (وبيقلع سيف حزامه )..
سمر وجريت عليه ومسكت ايده : خلاص يا حبيبي انت قفوش كده ليه ، ( بتبص سمر للعاملة ) خلاص هاتيه بسرعة ..
مسكها سيف من ودنها : حسابنا بعدين علي الفستان ده ، في بيتنا ها ..
سمر : اي اي اي ، خلاص حرمت ...
بداوا كلهم يتحركوا علي القاعة .. وكتبوا الكتاب واول ما خلصوا قرب سيف من سمر وباسها من راسها واخدها في حضنه وشالها ورجلها مابقتش لامسه الارض .. وكانت ليلة الكل فيها سعيد ، كلهم كانوا محتاجين يوم زي ده لتغيير نفسيتهم ..
خلص اليوم بسلام ، وصل سمر وسيف عند عمارتهم نزلت سمر وسيف من العربية وبيودعوا اهلهم .. سلمت سارة علي سيف وسمر وتمنت لهم حياة سعيدة وسيف عرفها انه هيطمن عليها بالتليفون كل شوية ..
سمر : سيفو حبيبي ،، شيلني ..
سيف : بس كده من عيوني يا عيون سيفو .. وطى سيف لمستوى ركبتها ومسكها ورفعها علي كتفه وبقى وشها لظهره ورجلها علي صدره ..
سمر بصريخ : سيف مش كده ، انتي شايل جاموسة ؟؟
سيف بضحك : لا معزة ، اهو ده اللي عندي يلا وبطلي غلبة ..
سمر وسندت بكوعها علي ظهر سيف وحطت ايديها علي خدها : يلا يا قدري ...
..........................
عدى يومين سافر سيف وسمر شهر العسل بتاعهم ... عمل اسلام وياسمين حفلة خطوبة صغيرة في بيت ابراهيم ... وكان الكل فرحان بشدة ...
.........................
في بيت ابراهيم ، علي الغدا ..
خالد : بقولكم يا شباب المعهد عندنا عامل رحلة لشرم ايه رايكم نطلع ؟
اسلام : والله فكرة ، كام يوم ؟
خالد : 4 ايام 3 ليالي ، نطلع احنا الاربعة ..
سهير : وسارة ؟!
خالد : الرحلة كلها شباب يا ماما مش هينفع تيجي معانا ، ممكن لما ترجع ناخدها ونطلع بيها اي مكان تاني ..
ابراهيم : بلاش عشان مش تسيبوا سارة لوحدها .
سارة : لا يا بابا خليهم يروحوا يغيروا جو ، ولما يرجعوا نبقي نسافر كلنا اسكندرية ولا حاجة ..
ابراهيم : براحتكم ..
خالد بفرح : يعيش بابا ... ايدك بقي علي 1000 جنيه للفرد يعني عايزين 4000 جنيه واربعة زيهم للمصاريف ..
ابراهيم : نعم يا اخويا ، انا كفاية عليا فلوس الرحلة كل واحد يشيل مصاريفه ..
محمد : ونهون عليك يا حج هيما ، انا موظف غلبان انا ومحمود يعني مرتباتنا ضعيفة ، واسلام وخالد لسه طلبة مش معاهم فلوس وشحاتين ..
سهير : خلاص انا هديكم مصاريفكم ..
سارة : وانا هقر عليكم ..
.........................
طلعوا الشباب الرحلة وفضلت سارة في البيت لوحدها وده كان مضايقها جدا .... عزم شاكر اخواته كلهم علي الغدا في يوم ....
ابراهيم بيتكلم في التليفون مع سيف ...
سيف : مفيش انسب من كده وقت عشان حضرتك تعمل اللي اتفقنا عليه .
ابراهيم : انا خايف اوي يا سيف .
سيف : لا ما تقلقش بس حضرتك خليك متابعها .. بس اتاكد انه لوحده ..
ابراهيم : ربنا يستر .. يلا سلام .
سيف : هتابع حضرتك بالتليفون سلام ..
قفل ابراهيم الخط وكلم شاكر : الو ايوة يا شاكر .
شاكر : ايوة يا ابراهيم فينك اخواتك كلهم هنا ..
ابراهيم : لسه جاي من الشغل هغير واطلع ، بقولك سميرة عندك ؟
شاكر : اه ، والواد حسام قال هياخد دش وطالع .
ابراهيم : طيب تمام عشر دقايق كده وطالع .. سلام .
شاكر : سلام .
قفل ابراهيم الخط .
سهير : بردو مصر عاللي في دماغك .
ابراهيم : اه ويارب يخلف ظني .. سااااارة ..
سارة وجت وخبطت علي الباب ودخلت : نعم يا بابا ..
ابراهيم وامد ايده بظرف ابيض : خدي يا سارة الظرف ده طلعيه لعمتك سميرة قولي لها بابا بيقولك ده ايراد الارض .
سارة : حاضر يا بابا .. اخدت سارة الظرف ولبست اسدالها وطلعت لعمتها سميرة وقابلت كريم علي السلم ..
كريم: رايحة فين يا سارة ؟
سارة : مطلعة الظرف ده لعمتو سميرة .
كريم : ماشي ..
خبطت سارة علي بيت عمتها سميرة ووقف كريم استناها .. فتح حسام .
حسام : سارة ازيك ؟
سارة : الحمدلله ، حسام عمتو هنا ؟!
حسام وسكت لحظات : اه ، اه هنا ... تعالي اتفضلي .
دخلت سارة ، ودخلت كريم شقته وقفل الباب ..
سارة : هي فين يا حسام ؟!
حسام : جوة اقعدي هنا ( وشاور لها علي الصالون ) هناديها وجاي ...
قعدت سارة ودخل حسام جوه غاب دقيقتين وخرج ..
حسام : ماما كانت بتصلي معلش ، بتقولك تعالي لانها مش قادرة تقوم ..
سارة بتردد : حاااضر ...
دخلت سارة وحسام وراها واول ما دخلت اوضة عمتها لاقت حسام كتف ايديها من وراها وحط ايده علي بوقها ..
حسام : واخيررررررررا .........
توقعاتكم ايه ؟!
استنوني الفصل القادم ...