في بيت شاكر اخو ابراهيم متجمع هو واخواته بخصوص مشكلة حسام وسيف واللي بعدها عرفوا حوار خطف سارة ...
سميرة ( والدة حسام ) بعصبية : انا من الاول مكنتش موافقة عالبت دي بس انتي اللي دماغك ناشفة ومبتسمعش الكلام ..
حسام بضيق : بحبها يا ماما انتي ايه مشكلتك ؟
خالته شكرية : بس يا واد بطل هبل هي دي يتحب فيها ايه ؟ وبعدين اتفضل اهي اتخطفت تاني قولي بقي يا تري اللي خطفها ده هيعمل معاها ايه ؟ تقبلها علي نفسك ازاي دي ؟
حسام : مش ذنبها والله هي مخطوفة من بيتها يعني لا بنت مش محترمة ولا ماشية بتتدلع مع حد عشان تكون مطمع للخطف وبعدين ماجد ده ملمسهاش .. دي واحدة اتظلمت اتحطت في مكان مش بتاعها عشان واحد مريض تخيل للحظة انه بيحبها ..
شاكر : انت بتقنعنا بايه ؟؟ البت دي حياتها كلها بلاوي .. تخرج من مشكلة تقع في مصيبة وهتجيب المصايب للعيلة كلها ولازم كمان تسيب البيت ده بسرعة ..
شكرية : ايوة هنكلم ابراهيم البت دي بقت عار علي عليتنا , ده غير انها ممكن تلفت نظر المجرمين دول لبناتنا لا مش هستحمل القلق ده .. حتي الواد كريم بقي كتير بيقعد معاهم انا هتكلم معاه عشان يبعد عنهم وعن مشاكلهم ده حاجة بقت توجع القلب ..
سميرة : اسمع يا ولد انت . البت دي هتسيبها يعني هتسيبها ولو فضلت متمسك بيها لا انت ابني ولا اعرفك ..
حسام وبغضب : مش هسيبها واللي عايزين تعملوه اعملوه .. عن اذنكم .. وسابهم ومشي .
سميرة بحزن : شايفين الواد عامل ازاي وبيرد عليا ازاي ؟
نعمة (مرات شاكر ): يا سميرة حسام شكله بيحبها وصراحة البنت محترمة ومؤدبة وامورة مشكلتها مع المجرم ده غير كده لا غبار عليها وعلي اخواتها ..
شاكر بحدة : اسكتي انتي يا نعمة انتي طيبة ومش عارفة حاجة .. احنا هنروح دلوقتي نطمن علي محمد وخالد ونكلم ابراهيم ونقوله علي رفضنا لوجود البت دي ..
كل ده وشهد سامعة الكلام ,, ومبسوطة لانها ما زالت بتكره سارة رغم مسامحة سارة ليها وخاصة بعد موقف محمد وسارة اللي شافته شهد وحست ان سارة خطر علي حياتهم هي ومحمد ..
فلاش بااااك **
سارة واخواتها كلهم قاعدين ..
سارة : اااي .. ااااه بتوجع اوي .
خالد : مالك يا بت انتي ؟
سارة : في حاجة في رجلي حته زيادة من الظفر بتاع صباع رجلي واجعني اووي ..
محمود : اسمها ودنه يا سارة .
سارة : مش مهم اسمها المهم انها وجعاني ومش عارفة اشيلها ..
خالد : سارة محمد هو اللي ليه في الحاجات دي هيعرف يشليهالك من غير ما يعورك .
سارة : ممكن يا محمد تشوفهالي ؟
محمد : روحي هاتي القصافة وتعالي اشوفهالك .. راحت سارة جابت القصافة وجت جاب محمد مخدة صغيرة حطها علي رجله : سارة ارفعي رجلك علي المخدة دي عشان اشوفها .
وقفت سارة علي رجل واحده ورفعت الرجل الثانية وحطتها علي المخدة اللي علي رجل محمد ,,,
خبط الباب وقام اسلام يفتح وكانت شهد ...
اسلام : اهلا يا شهد اتفضلي ..
شهد بابتسامة وداخلة : ازيك يا اسلام .. عام..... ,, وقفت شهد عن الكلام لما شافت منظر سارة ومحمد ده,,, سارة وبتحاول تسحب رجلها فمحمد سحب رجلها جامد فكانت هتقع فسندت بايدها علي كتف محمد ..
شهد بحدة : انت بتعملوا ايه ؟؟
محمد من غير ما يبصلها : تعالي يا شوشو .. سارة بس في في رجلها ودنة بس رخمه كده وانا بشيلها لها .. عاملة ايه يا حبيبتي تعالي ..
سابتهم شهد ومشيت ومن غير حتي ما ترد علي محمد ..
محمد بزعيق : انتي يا زفتة اعدلي رجلك مش عارف اقصلك البتاعة دي ..
سارة بضيق : يا اخي انت ايه ؟ عمالة اسحب رجلي عشان شهد ما تضايقش وكل ما اسحبها انت تشدها كنت هقع ,, وهي معجبهاش المنظر فمشيت ..
محمد واتعجب لانه لسه واخد باله ان شهد مش موجودة : ايه ده هي راحت فين ؟!!
خالد : انت لسه فاكر شهد مشيت من بدري وغالبا كده يا معلم في خناقة كبيرة مستنياك ..
محمد ورمى رجل سارة واللي كانت هتقع بس اسلام لحقها ..
محمد بضيق لسارة : كله بسببك يا بتاعة انتي اصبري عليا بس لما ارجعلك وطلع يجري ورا شهد ,,
باااااك ***
شهد بضحكة : واخيرا هخلص منك يا سارة ...
,,,,,,,,,,,,,,,,,,,,,,,,,,,,,,,,,,,,,,,,,,,
عند سارة ,,,
بدات سارة تفوق ومعرفتش تفتح عنيها لان فيه نور شديد متوجه عليها .. حست بألم شديد في ايديها ورجلها وحاولت تحركهم معرفتش لانهم كانوا مربوطين وهي متعلقة في الهوا , بدات ساةرة تأن وتتألم وتحاول تتحرك ووقفت عن الحركة اول ما سمعت صوته ..
عاصم : بتعملي ايه يا شاطرة ؟ بتحاولي تفكي نفسك مثلا ؟
سارة بخوف :انت مين وعايز مني ايه ؟
عاصم : انا مين ؟ دي بسيطة اوي , انا عاصم اخو ماجد اللي انتي قتلتيه ,, عايز منك ايه بقي فده الجزء الاصعب ,, صعب عليكي انتي طبعا ,, (قرب منها بشدة وحست بنفسه قريب منها ) عايز اخليكي تتمني الموت وماتشوفيهوش , عايز اخليكي تشوفي راجل في الشارع تمشي من شارع تاني ,
عايز اخليكي تنامي وتقومي تدعي ربك اني اخف عليكي شوية ,, هكرهك انك تفتحي عيونك وتبداي يوم جديد ..
قاطعته سارة بصوت هادي جدا : س سي.. سيف ..
بعد عنها عاصم وضحك بشدة : بتقولي مين يا حلوة؟؟ سيف ؟!! وضحك تاني بصوت اعلي ..
امممممممممم , طيب بصي بقي , سيف علي المخابرات كلها مش هيلحقوكي مني , عشان بس ما تحاوليش تستنجدي بسي سيف بتاعك ده .. انا اصلا اخدتك من بيتك وبدون ما نتخفي وجبتك هنا ومحدش هيقدر يوصلك , تصدقي كان حاطط لك جهاز تتبع في سلسلتك , شوفتي اتفه من كده , بس انا بقي هعلمه اساليب الجاسوسية بجد وهوريه ازاي يقدر يزرع جهاز تتبع بجد ,, المهم ده مش موضوعنا , تحبي نبدا منين , اصل انا عاملك برنامج محصلش هتتبسطي معايا اووي ,,
سارة بعياط : انا عايزة اروح , ارجوك سيبني اروح .
عاصم بسخرية : يا نونة عايزة تروحي , بصي بقي يا بت انتي الدمعتين اللي كانوا بيقطعوا قلب ماجد وبيطاوعك مش فارقين معايا في حاجة بالعكس انا كل ما هسمع صرختك انا كده هعمل احلي دماغ وهتكيف اوي وياريت صوتك صريخك يعلى كمان وكمان ,, الاول بقي نفكك عشان ابسطك .
شاور عاصم لرجالته انهم يفكوها وبالفعل فكوها ورموها عالارض ,,
( فرق كبير بين معاملة ماجد وعاصم .ماجد مكنش بيخلي حد يلمسها وقتل اتنين من رجالته لانهم لمسوها ,, انا عاصم فشكل ايامه مش هتبقي حلوة معانا خالص...)
عاصم : خفوا النور ده عشان تشوفني , عشان لما تنام تبقي تحلم بيا ,, ( خففوا قوة النور وبدات سارة تفتح عيونها وشافت عاصم ,,( نسخة من ماجد , تخيلته سارة انه شخص شكله مقزز كبير في السن واتفاجئت بشاب في سن الثلاثين وسيم جدا نظرات الشر في عيونه وابتسامة الخبث في ملامحه ),,
عاصم : حمدلله علي السلامة .. بصي حواليكي مفيش غير صحراء ,, عايزة تصوتي صوتي ,, عايزة تجري الصحراء قدامك واسعة ,, لكن انا قدرك هنا وفي كل حتة ,,
سارة وفعلا بدات تجري بكل سرعتها , عاصم متابعها وبيمشي وراها ببطئ وحاطط ايده في جيبه وعلي وشه ابتسامة سخرية ,, سارة وتعبت ومش شايفة حاجة غير ضوء القمر اللي منور طريقها بس , جت تمشي شافت عيون بتلمع قدامها واترعبت من الكائن ده اللي من الظلمة مش محددة هو ايه ,,,
عاصم بسخرية : ها هترجعيلي ولا هتروحي ناحية الديب ده ؟
سارة اتفزعت وبتبص لعاصم واترددت للحظات ,, وبعدين مشيت ناحية الحيوان المفترس وقالت : لو قتلني هيبقي اكيد ارحم منك عليا ,,
عاصم : وقلت لك اني مش هنولهالك ,, ( طلع عاصم مسدسه وبطلقة قتل الديب اللي كان علي وشك الهجوم علي سارة ) ,, ساة استسلمي للامر الواقع موتك علي ايدي انا ,, بس انا هموتك بالبطئ ..
وقرب عاصم من سارة وهو بيقلع هدومه وبيرميها عالارض : تعالي نبدا البرنامج بتاع النهاردة ....
,,,,,,,,,,,,,,,,,,,,,,,,,,,,,,,,,,,,,,,,,,,,,,
في المستشفي ....
وصل اخوات ابراهيم علي المستشفي وكان ابراهيم وسهير قاعدين ومعاهم كمال اللي عرف الموضوع من ابراهيم بالصدفة ... وسيف واقف بعيد وبيتكلم في التليفون ..
فلاش باك **
كمال : ازيك يا ابراهيم يابني عامل ايه ؟
ابراهيم بصوت مكسور : الحمدلله تمام ..
كمال : ابراهيم هم الولاد كويسين ؟ بكلمهم كلهم وموبايلاتهم مقفولة ..
ابراهيم : لا يا باشا للاسف ,, حكي ابراهيم اللي حصل لكمال ..
كمال بألم : حرااام اللي بيحصل ده كده كتير ,, يارب رجعها بالسلامة ,, قولي انت في مستشفي ايه ؟
ابراهيم : احنا في مستشفي *********
كمال : انا جاي حالا ولو امينة كلمت مراتك متقولهاش الضغط عندها هيعلى وممكن تروح فيها ...
ابراهيم : حاضر متقلقش .. مع السلامة ..
باااك **
شاكر : السلام عليكم .
ابراهيم وكمال : وعليكم السلام ..
سميرة : طمني علي الولاد يا ابراهيم هم كويسين دلوقتي ؟
ابراهيم بحزن : الحمدلله كلهم بخير .. اسلام اللي اتصاب جامد بس الحمدلله هو كويس دلوقتي ,, وكلهم واخدين مهدئ ونايمين ..
شاكر : احنا مش بنسال علي اسلام ,, احنا بنسال علي اولادنا .. محمد وخالد ..
ابراهيم بتعجب : واسلام وسارة ومحمود دول ايه مش ولادنا ؟ انتوا كنتوا من يومين معاهم زي الفل ؟؟
شكرية : ابراهيم بعد اللي حصل احنا مش عايزين العيال دي في البيت تاني وصراحة وجود ....
قاطعه ابراهيم بحدة : بصوا بقي بيتي وانا مش هخرج منه والعيال دول امانة ابوهم وامانته في رقبتي , عايزين تقطعوا علاقاتكم بيا انا شخصيا انا موافق .. بس ابعدوا عن اليتامى دول لان اللي فيهم مكفيهم وده اخر كلام عندي واللي هيفتح معايا الموضوع ده تاني هيخسرني بجد ,, مش كفاية اللي عملتوه في الايتام اللي قبل كده جم وباسوا ايديكم ورجليكم واترجوكم تدوهم ورثهم اتبليتوا عليهم ولبستوا امهم مصيبة وطلعتوا عليها اشاعة بانها ست مش كويسة .. كانوا شباب زي الورد رميتوا اخواتكم في الشارع عشان الورث مش هترموا ولاد اخوكم ,, بجد انا مش عايز اتكلم معاكم ولا طايق ابص في وشكم ,,, وسابهم ابراهيم ومشي ...
شهد : بابا انا عايزة ادخل لمحمد ..
شاكر بضيق : تعالي يلا ..
ورحوا كلهم لمحمد وخالد عشان يطمنوا عليهم ,,
,,,,,,,,,,,,,,,,,,,,,,,,,,,,,,,,,,,,,,,,
سيف بحدة : يعني ايه يا آسر ؟؟ اخر مكان وصلتوا ليه ايه ؟
آسر : وصلنا لمكان مهجور زي كوخ كده وفي صحراء مشينا في الصحراء جوه مسافة كبيرة ومفيش فايدة ومالقيناش حاجة ..
سيف : يعني استعوض ربنا في سارة ..
آسر : اهدي بس يا سيف ,, انا طلبت قوة عشان تنزل تمشط المكان كله ويبقي معاهم خبراء في الاماكن دي عشان مايضيعوش جوه الصحراء , وان شاء الله هنلاقيها ,, المشكلة دلوقتي بقي , شوفي لي انت وتابع موضوع دخلوا وخرجوا والكاميرات مش راصدة اي حركة من باب لا من سكان البيت ولا حد غريب , دول دخلوا وخرجوا من مكان تاني لازم تشوف مداخل البيت ومخارجه تاني كويس ,
سيف بضيق : مداخل ومخارج ايه يا آسر هو طيارة ,, ده بيت ليه مدخل واحد , ولو استعملوا السطح بردو هيخرجوا ازاي بسارة ,, اااااه انا دماغي هتشت خلاص ,,
آسر : سيف حضرة اللواء عايزك تيجي له حالا في مكتبه ..
سيف وبيتنهد وبيمسح علي وشه : هي كانت ناقصة , حاضر مسافة الطريق وهكون عندكم ...
,,,,,,,,,,,,,,,,,,,,,,,,,,,,,,,,
نرجع تاني لسارة ,,,,,,,
بعد مرور ساعة , من اسوا اللحظات اللي مرت بسارة ,, كانت سارة واقعة في الارض علي جسمها جروح كتيرة بسبب اعتداء عاصم الوحشي عليها ومش اكتفي بس بكده ,, بدا عاصم في ضربها ..
عاصم وماسك في ايده حزامه وبيضربها وسط صرخات سارة : انتي اللي قتلتيه ,, انا هموتك , انا هسيبك بينك وبين الموت شعرة وهعالجك وارجع اعذبك تاني , هوريكي ايام سودة ,,
سارة بصريخ وبتحط ايديها علي راسها وبتحاول تحمي نفسها : اااااااه ,, هموت ,, ااااااااااه ,, الحقوني ,, اااااااااه
عاصم : ومستمر في ضربها : سمعيني صرختك كمان وكمان ,,,,,
استمرت سارة في صريخها لحد ما بدا صوتها يختفي واغمى عليها ,, سابها عاصم دقايق ..
وفوقها بصاعق كهرباء .. فاقت سارة وصرخاتها بتعلى اكتر واكتر ,,
عاصم : ها كفاية كده النهاردة ونكمل بكرة ؟؟ ولا تحبي تروحي ؟
سارة وجسمها بينزف من كل حتة وفقدت قدرتها علي الحركة تماما وبصوت ضعيف : م . م .. ماما .
عاصم بضحكة : ما تقلقيش هتروحيلها قريب ,, بس مش ماما مرات عمك ,, امك اللي بجد ,, الحاجة الوحيدة العدلة اللي عملها ماجد وهو قتله ليهم ,, مش عارف كان عقله فين لما حب واحده *** زيك ..
سارة : انا ا س اسفة ..
عاصم : معرفهاش الكلمة دي ,, وكل واحد كان سبب في اذيتي واذية امي واخويا مش هرحمه ,,
واولهم انتي ....
عاصم بيشاور للمساعد بتاعه : خدوها وزي ما هي كده ارموها قدام المستشفي الي فيها اخواتها
المساعد : طيب نلبسها هدوم تانية ؟؟
عاصم بحدة : انت غبي ولا مابتسمعش , انا قلت زي ما هي كده ,,
وسابهم عاصم ومشي ..... وسارة بتبكي بصمت ,, وده اللي هيبقي رفيقها الفترة اللي جايه ...
,,,,,,,,,,,,,,,,,,,,,,,,,,,,,,,,,