(Alyanna POV)
Alam na namin ngayon kung paano masisiguro kung si Elysse nga ang nawawalang Lux Princess. Pagbalik namin sa mansyon ni Brylle, nag-plano na kami para doon.
Tungkol dun party na nakita ko sa pangitain, mukhang yun ang Spring Gala ng mga Fabel kung saan invited din kami ni Brylle
Sa school, I confirmed Elysse na pumayag na si Brylle na aattend kami sa party nila kaya laking tuwa ng babaita at nag-skip ng next class namin para personal lang na pasalamatan si Brylle.
Hindi po ako nagseselos ha!
Ngayon, nakaupo na lang ako sa may bench dito sa labas ng building namin kasi presko sa pakiramdam. Hinihintay ko rin ang pagbabalik ni Elysse mula sa paglalandi niya kay Brylle.
At inuulit ko lang, hindi po ako nagseselos!
"Hey!"
"Ay lechong Peryton!" May tumusok kasi sa bewang ko, eh malakas ang kiliti ko dun! Paglingon ko, "Prince Dustin! Ikaw pala!"
"Anong Peryton?"
Yun ang mga isinumpa kong nilalang dun sa Otherworld. Ang hinayupak na parrot-deer hybrid na dahilan ng pagsusuka ko ng dalawang beses! "Ahh, pangalan lang yun ng—parrot?"
"Parrot? Eh bakit lechong Peryton?"
"Um, mahilig kasing kumain ng lechon yung parrot na yun."
"Talaga!" Ang pogi niya talaga! Ang dali lang utuin!
Pero hindi na umi-epek ang kagwapuhan niya. Siguro kasi nalaman kong hindi pala talaga ako in love sa kanya. At hindi ko pa nasasabi sa kanya ang tungkol dun.
"Can I sit here with you?"
"Sure, tabi tayo." Magkatabi na kami ngayon but I sensed awkwardness.
"So, okay ka na ba? Hindi ka na naman nakapasok kahapon. May sakit ka ba kaya minsan bigla ka na lang nawawala?"
"Wala naman! Nagkataon lang na may mahalaga akong pinuntahan kahapon."
"Kasama si Brylle? Kasi wala din siya kahapon."
"Oo, kasama yung amo ko."
Naisip ko bigla ang nangyari saamin nung inatake kami ni Clerion nung isang araw. Hindi na nila maalala ni Elysse ang tungkol dun dahil binura na nga ito ni Brylle.
"Alyanna, nasabi rin saakin ni Elysse, totoo bang makakapunta na kayo ni Brylle sa Spring Gala?"
"Oo."
"So, will you be my date then?" Hindi ako nakasagot agad sa pag-aya niya saakin. "That night, makakarating din ang parents ko. And I'm planning na dun sa party na kita ipapakilala sa kanila. It's okay with you, right?"
Matagal lang akong nakatitig sa kanya. His face is bright and happy that it makes it more difficult for me to tell him the truth.
"Alyanna, you'll be my date, right?"
Pero ayokong magsinungaling sa kanya at lalong-lalo na sa sarili ko. Kapag pinatagal ko pa, baka mas lalo lang kaming masaktan. At yun ang iniiwasan kong mangyari. So here it goes...
"Prince Dustin, alam mo na may gusto ako sayo ever since high school, di ba?" Biglang na-confuse ang mukha niya sa sudden change of topic ko. "Sa totoo lang, palagi akong nananaginip ng gising na kasama at kausap kita tulad ng ganito. At nung time na nalaman ko na pareho pala tayo ng nararamdaman sa isa't isa, sobrang saya ko. It's fairytale dream come true."
Napa-smile siya nang sinabi ko yun. "But Prince Dustin, I don't really believe in fairytales. And now—I still don't."
Sa isang iglap, naglaho ang ngiti ni Prince Dustin. "I don't get what you are trying to say, Alyanna. Meeting me was a fairytale for you, pero bakit hindi ka naniniwala? Hindi ka ba naniniwala sa feelings ko para sayo."
"Naniniwala ako sa feelings mo, Prince Dustin. Kaya nga nasasayangan ako na saakin mo lang ibinibigay yun. I don't deserve what you are giving me. And you don't deserve someone like me."
"Why are you saying these things? Okay naman tayo di ba? Did I do something wrong kaya mo 'to sinasabi saakin ngayon? Masyado ka bang nadadalian sa decision ko na ipakilala ka sa parents ko? I won't force you if you're not ready so please don't say things like this."
Ngayon ko lang nakita ang ganitong side ni Prince Dustin. Malungkot siya at nagmamakaawa. Ang kapal ng mukha ko na gawin ito sa kanya! But if I don't do this now, kailan pa!
"Walang problema sayo, Prince Dustin. In fact, walang babae ang tatanggi sa isang tulad mo."
"Pero bakit ikaw, parang tinatanggihan mo ako?"
"I'm so sorry." Matagal kaming natahimik. Tinatagan ko na nga lang ang loob ko na tingnan siya sa mata habang sinasabi ang mga salitang yun just so he know that I'm sincerely sorry.
"Why Alyanna? Why all of a sudden?"
"Ang totoo, noon pa man naguluhan na ako sa nararamdaman ko. At ang mali ko, pinabayaan ko pa na manligaw ka saakin. Na umabot sa ganito."
"Pero bakit nga? Anong dahilan? Why are you telling this to me now?"
Napayuko ako. Nag-iipon ng lakas ng loob para aminin na sa kanya ang lahat. At pag-angat ko uli sa ulo ko para tingnan siya sa mga mata niya, "May mahal pala akong iba."
Hindi ko mai-describe ang naging reaction ni Prince Dustin. Umiwas siya ng tingin at parang nangingilid ang luha niya sa mata. Napatayo siya.
"Sino?"
Si Brylle. Pero hindi ko sinagot yun. Hindi ko alam kung paano sasabihin sa kanya.
"Sino siya Alyanna? Sino yung mahal mo?"
Yumuko na lang ako at nag-sorry uli. Hindi ko talaga kayang sabihin na in love ako sa amo ko. Na kay Brylle nga ako talagang may gusto.
Bigla na lang rin akong tinalikuran ni Prince Dustin kasi mukhang alam niya na hindi ko sasagutin ang tanong niya. Pero nung akala kong aalis na siya, hinarap niya ako uli na may ngiti sa mukha—fake smile.
"Okay lang, Alyanna. See you na lang sa party!"
Ganun lang? Ganun lang ang sasabihin niya saakin? "Pero Prince Dustin—"
"I'll just pretend that this conversation never happened." Saka na siya naglakad paalis. Hindi na siya lumingon kahit na tinawag ko pa ng ilang ulit ang pangalan niya.
Nakaka-guilty! Ang sama-sama ko! Dapat nagalit siya saakin pero ang bait niya pa rin! Nakakainis! Nakakainis ako!
"What was that all about, Alyanna?"
Nagulat naman ako sa boses na galing sa likuran ko. Paglingon ko, nakatayo na si Elysse kasama si Brylle at mga ilang hakbang lang ang layo nila. Kailan pa sila nandoon?
Nung lumapit si Elysse, may ibang galit sa mukha niya. Tinulak-tulak pa niya ako. "What the hell was that, Alyanna! After all the effort, you're just dumping Dustin for someone else!" Ibig sabihin, narinig nga nila ang usapan namin ni Prince Dustin! "What's wrong with you, huh? Akala ko ba siya ang gusto mo!"
"I'm sorry Elysse—"
"I can't believe you!" Tapos umiwas na lang ng tingin saakin si Elysse at kay Brylle na lang siya nagpaalam. "I'm going ahead!"
"Sige." Yun lang din ang nasabi ni Brylle sa kanya.
Bago umalis si Elysse, tiningnan niya ako uli ng masama. Tapos saka na siya tumakbo para habulin si Prince Dustin.
* * *
Kaming dalawa na lang ni Brylle ang naiwan. Napaupo na lang uli ako sa bench dahil sa panghihina ko. Tinabihan naman ako ni Brylle at wala lang rin siyang imik.
Pero pagkatingin ko sa mukha niya, nakangiti pa ang mokong! Pang-asar pa na ngiti! "Anong nakakatawa? Nakita mo nang nag-away-away na kami tapos nakangiti ka pa dyan!"
Aba naman! Hindi pa nagbago ang itsura niya! Bukod sa nakakabanas niyang ngiti, nagbuntung-hininga pa siya na parang nakahinga na siya ng maluwag at saka siya sumandal!
Nakita na ngang ang lungkot-lungkot ko tapos siya, hindi man lang apektado! "Ano ba! Inaasar mo ba ako?"
"Hindi."
"Eh bakit nga masaya ka pa dyan?"
"Kasi umamin ka na kay Dustin na ako ang mahal mo."
"Kapal nito! Hindi ko pa sinasabi na ikaw yun."
"Eh sino lang ba kasing lalaki ang malapit sayo? Kanino ka pa nga ba magkakagusto eh wala nang iba kundi ako lang." Ang lakas ng hangin niya! Ang yabang! Sarap hambalusin! "Ganun lang talaga. May kailangang masaktan dahil ang bagal mong naka-realize eh. Basta ang mahalaga, you're free with your real feelings."
"Palibhasa hindi sila ang nagalit sayo. Palibhasa hindi ikaw ang kailangang magsabi sa kanya!"
"Ako pa hinamon mo? Gusto mo sundan ko sila ngayon para sabihin sa kanila na ako yung tinutukoy mo. Kayang-kaya kong sabihin yun ng harapan! Eh ako yung gusto mo, anong magagawa nila!"
"Hay naku! Tumigil ka na nga! Hindi ka naman nakakatulong Brylle."
"Nagkakaganyan ka dahil natatakot ka na magalit rin sayo si Elysse, tama ba? Sinaktan mo kasi ang best friend niya."
"Alam mo naman pala ang dahilan eh."
"But you know, hindi ka naman dapat matakot. Natural lang na magalit sayo si Elysse pero patatawarin ka rin niya." Ang seryoso na ng mukha niya. "She really treats you as a real friend. At di ba nga, sayo niya lang rin sinabi ang tungkol sa sekreto ng pagkatao niya. Kahit si Dustin hindi alam yun."
Kung sa bagay! Ibang level na nga ang friendship namin ng malditang yun.
"Totoo ba yan Brylle? Baka mamaya sinasabi mo lang yan para pampalubag ng loob ko."
"Oo nga." Naku babangasan ko 'tong lalaking 'to eh! "But trust me, maiintindihan niya rin kung bakit binasted mo si Dustin. She'll forgive you because now I realize that Elysse really bears a good heart."
Pagkasabi niya nun, napatitig ako sa kanya. Oo nga pala, magkasama sila kanina eh! "So nakilala mo na agad siya ng lubos nang nag-usap kayo kanina?"
"Ilang beses na kaming nagkausap, Yana. So yeah, I think so!" Ang casual lang ng pagkakasabi niya. "And knowing that she might be the lost Princess, I have to start being nice with her and learn to like her."
"Like her?"
"Yes. Zaffiro serves for White Light Clan, remember? Kung hindi ko siya gugustuhin, then I might be charged with disloyalty."
Hindi ko alam kung ano 'tong nararamdaman ko. Napasimangot na lang ako kaya siya naman ngayon ang tumitig saakin.
"What? Selos ka?"
Ako? Magseselos! "Spell ASA!"
"Spell JEALOUS?"
Powtek! Bakit niya ako binubwiset ngayon! Magwo-walkout na sana ako kaso pinigilan naman niya ako. "Sandali, Yana!" Yung itsura niya talaga, halatang nambubwiset!
"Bakit ba?"
"Here." May inabot siya saaking magandang papel. "Invitation card para sa Spring Gala nina Elysse. Para saating dalawa na ito." Kinuha ko yung card at nandun nga ang pangalan naming dalawa. "Tuloy tayo sa plano."
"Opo. Hindi ko nakakalimutan yun." At binalik ko na sa kanya yung card para makaalis na talaga. Pero uli...
"You're not mad, are you?"
"Hindi ako galit."
"Good. Dahil ako ang date mo dun sa party."
Natigilan ako bigla.
"Inaaya mo ba ako?"
"Kailangan pa ba?"
Sinamaan ko ang tingin ko kay Brylle. Pero hindi niya pinansin yun, iniisip pa niyang nagpapa-cute lang ako sa harap niya kasi bigla niyang kinurot ang pisngi ko.
"I'll take that as yes." Saka siya ngumiti at nauna pang umalis.
Oh siya! Sige na!
Sinong kinilig? Eh di ako! Tama naman siya eh. Of course, the answer is YES!