(Brylle POV)
Inaya akong mag-lunch ni Yana, kaso kasama si Elysse. From what I remember, masama ang ugali ng babaeng yun. "Hello Brylle!" Nagulat ako nang makita ko si Yana sa labas ng room ko. "Lunch na! Tara na sa cafeteria!"
Talagang sinundo pa niya ako dito! "Ayoko ngang sumabay! Bakit ba ang kulit mo?"
"Sige na naman Brylle! Naging mabait na saakin yung tao! Please naman! First friend ko siya!"
Naging mabait lang sa kanya, kaibigan na agad? Inosente talaga 'tong babaeng ito! Mabilis siyang magtiwala kaya palaging inaabuso! "Ano bang ipapakain niyo saakin?" Saka ako napatingin sa hawak niyang box. "Yan ba? Ano yan?"
"Hindi ito! Saakin 'tong cupcakes na 'to!"
"Patingin." Sisilipin ko sana kaso iniiwas niya. "Ang damot mo naman! Pahingi ako! Gusto kong tikman! Mukhang masarap."
"May iba kayo—tayong kakainin for lunch! Wag mo nang pag-interesan 'to! Akin 'to!"
Ang damot talaga! Hindi ko kasalanan na lagi niya akong iniinis at lumalaki ang impurity sa singsing niya. Siya naman kasi, kung minsan ang tigas ng ulo! Ayaw na lang akong sundin agad!
Wala akong nagawa sa pangungulit niya kaya sumunod na lang ako. Tamang-tama dahil gusto ko ring malaman ang tunay na intensyon ni Elysse kung bakit nakikipagkaibigan siya kay Yana.
Kung may masama man siyang plano, malalaman ko agad! At hindi siya makakapagsinungaling saakin.
"Nandito na kami Elysse!"
Nasa isang table siya at may mga pagkain na sa harap niya. Ang laki ng ngiti niyang nang makita kami. "Hi! Buti naman dumating na kayo!"
"Sabi naman sayo mabilis lang kami."
Nang makalapit ako kay Elysse, hindi ako makapaniwala sa naramdaman ko. Totoo ba 'to? Tunay ngang kaibigan na ang turing niya kay Yana? Wala akong maramdamang aura mula sa kanya na nakikipaglokohan lang siya.
"And Brylle! It's good to see you again! Tara, upo ka na dito!"
But more than that, alam ko rin na may hidden agenda pa si Elysse kung bakit niya ito ginagawa. "I made lunch for us, Brylle. Sinigurado ko na magugustuhan mo 'to." And even without my empathic abilities, it's already obvious that she likes me. "Let's eat na!"
Ang gwapo ko talaga. Tsk!
Hindi ko na lang sana papansin at kakainin ko na lang ang hinanda nila, kaso yung babaeng nag-aya saakin, siya pa itong nagpapatagal. "Ikaw Yana? Bakit nakatayo ka pa dyan? Kakain na!" Saka ko tinapik ang katabi kong upuan para dun siya maupo.
"Um, ang totoo kasi Brylle—"
"Excuse me." Napalingon kami sa isa pang dumating! Bakit naman biglang sumulpot pa ang lalaking ito ngayon? Ang Prince Dustin ni Yana.
"You're here na pala, Dustin!"
"Hi!" Bati niya saamin, pero naiwan ang tingin niya kay Yana. "Hi Alyanna."
"Go na Dustin, isama mo na si Alyanna!" Saka siya kinindatan ni Elysse.
Halatang nagkahiyaan naman sina Yana at Dustin. Pero hindi ko gusto kung ano man ang nangyayari ngayon.
"Anong isasama si Yana? Hoy babae," Tukoy ko kay Yana. "Maupo ka na nga! Ikaw ang nag-aya saakin na kumain tayo ng sabay, di ba?"
Pero sumingit si Dustin dahil may iba pa pala silang plano. "Brylle Zaffiro, right?
"Yeah, that's me."
"Gusto ko kasing isama si Alyanna sa ibang kainan. Nagpa-reserve ako ng resto malapit lang dito sa school."
"Ta—talaga!" Gulat naman ang naging reaction ni Yana.
"I knew it!" Comment naman ni Elysse.
"Bakit ginawa mo pa yun, Prince Dustin? Hindi ka na sana nag-abala! Nakakahiya tuloy!"
"No! It's okay! First lunch naman natin together." And he just smiled at her.
"You should go na, guys! Ako nang bahala dito!" Ang laki rin ng ngiti ni Elysse habang tinulak na paalis sina Yana at Dustin.
Wala na akong nagawa kundi panoorin na lang si Yana na umalis kasama ang crush niya. Plano ito ni Elysse. Pero sinang-ayunan ni Yana?
Nang kaming dalawa na lang ni Elysse ang naiwan, "Alam mo bang crush ni Alyanna si Dustin?"
"Alam ko."
"Alam mo bang si Dustin, type din si Alyanna?"
"Alam ko din."
"You knew?"
"They wouldn't go out together if they didn't like each other." Nung enrollment pa nga lang, alam ko nang may espesyal na nararamdaman si Dustin sa kanya. And he actually thought that it was fate why they're schoolmates again.
"You know, Dustin is so pihikan! Kaya nga I'm surprised na gusto niya nga si Alyanna. Kung sa bagay, maganda rin naman si Alyanna." Tinanguan ko lang siya. Ang dami pa niyang dinaldal pero tahimik lang ako.
Iniisip ko pa rin ang ginawa saakin ng katulong ko. Dahil sa suot niyang Lux Amulet, hindi ko na mabasa ang emosyon niya. Kung alam ko lang sana, hindi na ako pumayag dito sa plano niya. Lintek na babae, mananagot saakin yun.
"Oops! Am I too talkative?" Nahihiyang tanong ni Elysse, isang simpleng ngiti naman ang tinugon ko. "Ang mabuti pa, kumain na tayo."
Yana and Dustin share the same feelings for each other. They both like each other—eh ano 'tong iniisip ko?
* * *
(Alyanna POV)
Naglalakad na kami pareho ni Prince Dustin papunta sa car park. Kinakabahan ako at kinokontrol ko rin ang kilig ko. "Prince Dustin, tungkol dito sa cupcakes—sabi kasi ni Elysse para saakin 'to. Para saakin nga ba 'to?"
Natigil siya bigla sa paglalakad. Tapos napahawak siya sa batok niya na para bang nahihiya. "Yeah, sorry."
"Bakit ka nagso-sorry?"
"Because I lied. Got scared. Para sayo talaga yung cupcake pero nahihiya akong ibigay sayo kasi baka lang magtaka ka—kung bakit kita binigyan ng cupcake."
"Ah oo nga. Bakit mo nga ba ako binigyan ng cupcake?"
"Because I like you, too." Diretsahan na niya ngayon nasabi. Hindi na nautal, basta nasabi na niya. "I mean, Elysse told me that you like me. And I was really glad because I like you too."
At ang tagal naming nakatayo lang at magkatitigan. Hinintay ko munang mag-100% ang loading sa utak ko. Totoo ba yung narinig ko? Totoo ba yung sinabi ni Prince Dustin.
"There! Finally, I said it." Tapos napatakip siya ng mukha niya gamit lang ng isang kamay niya. "I like you ever since high school kaso hindi naman ako marunong manligaw."
"Ligaw? Manliligaw ka? Agad?"
"If it's okay with you? This is the first time I did this kaya pagpasensyahan mo na kung ganito ako. It's so unmanly of me to never had the guts to do something about it before but I'm ready now."
"For real ba yan, Prince Dustin?" Huminga muna ako ng malalim at kinumpirma ko ang sinabi niya uli. "You like me too? Gusto mong manligaw? Walang halong kyeme yan?"
"What's 'kyeme'?"
"Parang walang halong joke?"
"No, I'm not good at joking." Tapos nginitian niya ako. Yung ngiti na palaging dahilan kung bakit ako natutulala. "I really do like you, Alyanna Rohan."
Kung ano man ang sinabi ni Elysse, grabe ang impluwensya niya kay Prince Dustin! Grabe, dinaig pa niya ang totoong fairy godmother sa bilis ng magic powers niya na paglapitin kami ng prinsipe ko!
Huminga ako uli ng mas malalim pa. Pero hindi ko na napigilan ang malaking ngiti sa mga labi ko. Idagdag pa natin na sobrang pink na siguro ng mukha ko sa mga oras na ito.
Ow my Prince Dustin! Heto na! Heto na ang katuparan ng mga pangarap ko!
Parang sunud-sunod na talaga ang swerte sa buhay ko. Pwede na nga akong maniwala sa fairytale! I just got free from my evil relatives and now the Prince Charming is telling me he loves me! Ay LIKE lang pala! Pero ganun na din yun!
* * *
Nakauwi na ako mula sa paraisong pinanggalingan ko. Naks! Paraiso talaga!
Dinala nga kasi ako ni Prince Dustin sa isang mamahaling restaurant. Ang galing ni Elysse, nahulaan niya agad na gagawin yun ng best friend niya.
Nahiya naman ako pagdating namin dun sa sosyal na kainan, pero pinaramdam niya saakin na hindi dapat. Ang dami rin naming napag-usapan. Lalo na yung mga times na sinayang namin nung high school nang hindi man lang kami nagkikibuan.
Naiinis nga ako kung bakit naubos pa ang oras na kasama ko siya. Pero sabi niya, mauulit pa yun. Mas maraming beses pa naming magagawa yun. At dun ako mas lalong na-excite.
"Hello Vander! I'm home!"
"Yana, Yana, Yana!" Ginawa namin ni Vander ang nakasanayan naming batian sa tuwing nagkikita uli. Nagpaikot-ikot kami habang buhat ko siya. "Mukhang masaya ka ngayon ha!"
"Palagi naman akong masaya."
"Hindi! Mukhang mas masaya ka ngayon!"
"Talaga?" Siguro biglang naging blooming ang face ko! Hihi!
"Pero nasaan si Master Brylle? Hindi kayo sabay na umuwi ngayon?"
"Hindi. Wala pa pala siya dito?" Hindi na rin naman nagtagal at dumating na si Brylle. "Oh ayan na pala siya! Halos magkasunod lang tayong dumating, Brylle!"
"Welcome home, Master!" Brylle just patted Vander's head. Pero parang wala sa mood ang amo kong wizard! Hindi niya kasi ako pinansin, ni hindi man lang ngumiti tapos dumiretso pa sa secret room nila.
"Anong problema nun?"
"May nangyari ba kay Master Brylle? Kabaliktaran kayo, Yana."
"Malay ko." Nakakapagtaka naman! Hindi niya kaya nagustuhan ang kinain niyang lunch kanina? Masarap naman siguro yung pinakain sa kanya ni Elysse. Bakit bugnot yung wizard?
Aakyat na lang sana ako sa kwarto ko pero nakakaisang hakbang palang ako sa hagdan, parang nagdilim ang paningin ko kaya napaluhod ako.
"Yana—" Agad namang lumapit saakin si Vander. "May problema ba?"
Tumingin ako kay Vander at parang nagkaroon siya ng kakambal. Dumoble ang paningin ko kaya ipinikit ko na lang ang mga mata ko. "Sumama bigla ang pakiramdam ko." Pero kahit nakapikit, parang umiikot ang paligid ko. "Nahihilo ako, Vander."
Biglang napasigaw sa gilid ko si Vander. Meron kaya siyang napansing problema saakin? "Yung singsing mo, Yana! Pinabayaan mo na yata, tingnan mo oh!" At inilapit niya sa harap ng mukha ko ang Bond Ring na suot ko. "Malaki na yung namuong itim!"
Nawindang naman ako nang makita ko nga ang singsing ko! Hindi pa ito ganun kaitim nung huli ko itong tiningnan! "Paanong—"
Biglang nag-flash sa isip ko ang sinabi saakin ni Vander tungkol sa singsing na ito.
"That's your lifeline. Sa white crystal na yan naka-depende ang buhay mo. Dudumi at magiging kulay itim ang crystal sa tuwing gagalitin o palulungkutin mo Master Brylle. Sa oras na tuluyang maging kulay itim ang crystal, magiging lason ito na papatay sayo."
Kahit na hindi pa tuluyang nagiging itim ang crystal, nakaramdam na ako agad ng panghihina. Ito na siguro yung unti-unting epekto ng spell ni Brylle. "Ano ba kasing ginawa mo Yana? Ikaw nga siguro ang dahilan kung bakit masungit na umuwi ngayon si Master Brylle."
"Ewan ko, Vander. Hindi ko alam." Hindi ko sigurado kung paano ko siya ginalit, pinalungkot o sinaktan. Dahil ba sinet-up ko siya kay Elysse? Pero masyado naman yatang mababaw yun!
"Isa lang ang solusyon ngayon sa panghihina mo, Yana." At alam ko na ang ibig sabihin niya.
"Kailangan kong pasayahin si Brylle." Pero paano?