(Author's POV)
Pinamumunuan nina King Hollace at Queen Alisia ang pinakamalakas at makapangyarihang angkan noon sa Otherworld. Sila ang 17th generation ng White Light Clan o mas kilala bilang mga Otherworlders na may dugong Lux.
Sa tradition ng angkan nila, ang magiging anak ng Hari at Reyna ang siyang susunod na tagapagmana ng Lux Amulet. Ang kwintas na ito ang pinakatatagong yaman ng angkan na may kakayahang tawagin ang legendary Luxurian Being.
Noong panahon na yun, si King Hollace lang ang may kakayahang gamitin ang buong lakas ng Lux Amulet. Ngunit sa oras na ipanganak na ang una nilang anak na lalaki ni Queen Alisia, malilipat na sa magiging sanggol nila ang buong karapatan sa kwintas.
Bagama't magagamit ng kahit na sino ang ilan sa mga natatanging kakayahan ng Lux Amulet, tanging ang kasalukuyang tagapagmana lang ang makakagamit ng buong kapangyarihan na taglay nito.
Bukod doon, sinasabing ang kapangyarihan ng Lux Amulet at ang buhay ng tagapagmana ay kunektado at iisa lamang. Sa oras naman na mawala sa tabi ng tagapagmana ang Lux Amulet, maaring ikapahamak niya ito.
Nang manganak na si Queen Alisia ng isang batang babae, kasabay nun ang panibagong linya ng kapangyarihan para sa White Light Clan.
Ang bagong prinsesa ang siya na ngayong pinakamalakas sa buong angkan sapagkat nasa kamay na nito ang buong kontrol sa sagradong amulet. At sa pagtungtong nito sa tamang gulang, magagawa na rin niyang tawagin ang makapangyarihang Luxurian Being.
Sa pagsasaya ng lahat sa kanilang bagong tagapagmana, hindi na nila napaghandaan ang nagbabadyang problema na kahaharapin ng buong angkan.
Si Allina, isang mortal na kinupkop noon ng pamilya at malapit na tagapaglingkod ng Reyna ang siyang naatasang magbantay sa prinsesa at sa amulet. Lingid sa kanilang kaalaman, si Allina rin pala ang gagawa ng kataksilan.
Isang gabi, ninakaw niya ang pinakamahalagang yaman ng Lux at ginamit ang kapangyarihan nito para magtago sa mundo ng mga mortal. Sabay na naglaho noon ang Lux Amulet at ang Lux Princess.
Nagkagulo ang buong White Light Clan at hindi naiwasan ang pagsisisihan sa pagitan ng limang pamilyang bumubuo sa angkan. Nawala na ang tagapagmana, naglaho pa ang amulet. Ibig sabihin pa nito, walang sino mang may kakayahan nang makalapit sa Luxurian Being.
Nagkalamat ang samahan ng mga pamilyang bumubuo sa angkan. At ang tanging paraan para magsama-sama uli sila ay kung mahahanap na ang nawawalang Lux Princess at Lux Amulet.
* * *
(Alyanna POV)
"Kung ganun, dahilan ng pagkakawatak-watak nila ang Mama ko?" Nagulat ako na malaman na ganun nga ang kwento sa likod ng kwintas na ito. "Hindi—hindi magagawa yun ng Mama ko! Wala akong maisip na dahilan, Brylle! Mabait ang Mama ko!"
"Maraming angkan at ibang nilalang ang gustong magpabagsak sa White Light Clan. Dala na rin siguro ng inggit sa kapangyarihang taglay nila. Kung ano man ang dahilan ng Mama mo, siguro may personal siyang galit sa Lux. Wala ka bang naaalala na baka may nasabi siya sayo noon?"
Nag-isip ako ng malalim at sa totoo lang, may ilan ngang alaala sa utak ko kung saan nagku-kwento saakin ang Mama ko tungkol sa isang prinsesa. Pero medyo malabo at matagal nang panahon yun kaya hindi ko na masyadong maalala.
"Paano ka nagkaroon ng ganitong libro? At bakit ganun na lang karami ang nalalaman mo tungkol sa kanila?"
Si Vander naman ang sumagot sa tanong kong yun, "Dahil ang pamilya Zaffiro ay ang dating Oracle Family ng Auserwalt!"
"Auserwalt?"
"Yun ang First Family ng Lux! Di ba nga may limang pamilya ang bumubuo sa White Light Clan? Sila ang Auserwalt, Aersseys, Terrashaw, Glaciever at Flemwall! At ang Lux Princess ay isang Auserwalt!"
Nahilo ako sa dami ng impormasyong nalalaman ko. Pero kahit ang dami na nun, pilit ko pa rin itong iniintindi.
Napatingin naman saakin si Brylle at sa suot kong kwintas. "Ngayong nahanap ko na ang Lux Amulet, may responsibilidad akong ibalik ang kwintas sa tunay na nagmamay-ari nito. Kailangang maibalik yan sa Lux Princess."
Seryoso si Brylle. Ngunit mahinahon niya akong pinaliwanagan.
"Wag mo nang dagdagan ang kasalanang ginawa ng Mama mo, Yana. May pagkakataon ka pang itama ang mga pagkakamali niya."
"Pero paano naman kayo nakasigurado na buhay pa nga ang Prinsesa?"
"Dahil nariyan pa ang Lux Amulet. Kapag namatay ang nagmamay-ari nito nang wala pang bagong kapalit, maglalaho rin ito."
Ang hirap namang tanggapin na ang bagay na pinahahalagahan ko ay hindi pala talaga saakin.
"Ngayong labing walong taon na din ang Prinsesa, lalabas na ang pagiging dugong Lux niya. At sa oras na hindi pa rin napapasakanya ang Lux Amulet, may mga kalaban ang White Light Clan na maari siyang pagtangkaan. Nasa panganib ang buhay niya."
"Ano? Kung ganun hindi pa natatapos ang problema doon?"
"Oo. May iba't ibang masasamang angkan din ang nagbunyi nang magkagulo ang White Light Clan dahil sa pagkawala ng Prinsesa. Nabawasan ang pwersa ng angkan. Pero alam ng mga kalaban na maari pa ring magbalik ang lost Princess dala ang amulet at malaking banta yun para sa kanila."
Ang dami ko nang nalalaman hindi lang tungkol sa Otherworld kundi sa magulong labanan ng mga angkan doon.
Napahawak ako ng mahigpit sa pendant ng kwintas na suot ko. Huminga ako ng malalim at ipinikit ko ang mga mata ko para bigyan ang sarili ko ng pagkakataon na mag-isip.
Hindi pa rin ako makapaniwala na may kuneksyon ang Mama ko sa Otherworld at sa White Light Clan. Hindi ko rin maintindihan kung bakit ginawa niya ang bagay na yun. Pero habang suot ko ito, dala ko ang kasalanang ginawa ng Mama ko.
At ang mas mahirap isipin doon, habang suot ko ito, isang buhay ang nalalagay sa panganib.
"Wag kang mag-alala Brylle, naiintindihan ko na. Sa oras na mahanap na ang Lux Princess, ibabalik ko ito sa kanya." Parang nabunutan ng tinik si Brylle. At sa tingin ko naman din, wala na nga akong karapatang angkinin ang isang bagay na hindi ko naman talaga pagmamay-ari. "Pero, pabayaan mo muna akong suotin 'to habang hindi pa siya nakikita."
Tumayo siya sa kinauupuan niya at nakangiti siya saakin. Alam kong tama ang desisyong ito dahil napakagaan sa pakiramdam. Ayoko rin namang gumawa ng kasalanan, hindi yata kakayanin ng kunsensya ko. "Pero Brylle, paano niyo naman hahanapin ang Prinsesa?"
"Hahanapin natin ang taong pinaka-makakatulong saatin."
"Sino?"
Nagkatinginan sina Brylle at Vander nang tanungin ko yun at sabay nilang sinagot ang tanong ko. "Si Master Lorcan!"
"Si Lolo na nagdala saakin dito?"
"Alam mo Yana, si Master Lorcan ay kabilang sa White Light Clan. Myembro siya ng Fifth Family ng Lux, ang Flemwall."
"Pero paano niyo siya hahanapin? Eh di ba sabi niyo, hindi niyo na siya mahagilap?" Napaisip din sila pareho. "Unless kung kukuha kayo uli ng balahibo ng Yosuzume dun sa Atrum Forest para ipambayad kay Sorceress Louhi."
Napatingin sila saakin sa nasabi ko. "My golly! Wag naman sanang yun nga ang solusyon niyo! Ayoko nang sumama! Ayoko nang makakita pa ng Warg!"
Bigla namang natawa si Brylle. "Wag kang mag-alala Yana, wala na rin akong planong ipahamak ang mga sarili natin. Hahanap na lang kami ng ibang paraan para mahanap si Master Lorcan."
"Paano nga?"
Pinitik niya bigla ang noo ko. "Hindi mo na kailangan pang malaman ang lahat. Leave that job to us. Ang mahalaga, alagaan mo ang Lux Amulet dahil kung hindi, ako mismo magpaparusa sayo."
Sabi ko nga iaasa ko na nga lang sa kanila.
Pero sana mahanap nila agad ang prinsesa para mabalik ko na sa kanya itong kwintas. Sana hindi pa maging huli ang lahat sa kanya at sa angkan niya.
* * *
Two weeks na rin nang magsimula na ang pasukan sa Villarene Central University. Sabi ni Brylle, wag na daw akong mamroblema at mag-concentrate na lang sa pag-aaral ko.
Nasa demo kitchen kami ngayon at pinagluluto na kami ng culinary instructor namin. Naka-focus lang ako sa ginagawa ko kahit na...
"Hey! Can you please pass the salt?" Sabi ni Elysse. Classmate ko nga kasi siya dahil pareho kaming culinary arts ang course.
Inabot ko naman sa kanya ang hinihingi niya.
"So, are you and Brylle Zaffiro really dating?"
Ay biglang ganun! Direchahan? "Hindi! Hindi noh!" Bakit nga ba niya ako biglang kinakausap ngayon?
"I can still remember what happened nung enrollment. He said that you two are actually connected in some other way. Eh di ba amo mo siya?"
"Amo ko nga siya. At wag mong pinapansin ang pinagsasabi ng taong yun, mahilig gumawa ng kwento yun eh."
"Pero close kayo noh? He's nice to you. Napapansin ko kasi na kasabay ka niya minsan pumasok. At madalas magkausap pa kayo."
"Ahh eh kasi—inuutusan niya lang ako!"
Nang matapos kami sa pagluluto, binigyan naman agad ito ng grade ng instructor namin tapos nag-dismiss ng maaga. Pero sa mga oras na yun, panay lang ang pagkausap saakin ni Elysse Fabel. Siya yung tipong susungitan ako, mamaliitin at hindi papansinin dahil sa estado ko sa buhay.
Kaya nga nakakapagtaka talaga, bakit panay ang daldal niya saakin ngayon?
"Teka nga Elysse, bakit panay ba ang tanong mo tungkol kay Brylle?"
"Oh come on! You don't actually think na masosolo mo siya noh?"
"Masosolo? Sino? Si Brylle?"
"That guy is popular here since high school! A lot of girls like him." Nanlaki lang ang mata ko nang sabihin yun ni Elysse. "And I'm one of those girls."
Si Elysse na buhay prinsesa, maganda, matalino at "Di ba boyfriend mo na si Prince Dustin?"
"Wait? What? Dustin? My boyfriend?" She rolled her eyes at me. "Duh! We're not dating! Our families are friends and we are best friends!"
"Best friends? Talaga? Hindi nga? Sa ganda mong yan? At sa gwapong yun ni Prince Dustin?"
Nagtataka siyang nakatingin saakin at maya-maya ay biglang natawa. Parang may kung anong tumatakbo sa isip niya. "Could it be that you like Dustin?"
Natameme ako sa tanong niya. "I can't find any reason why you're so thrilled to know na hindi ko siya boyfriend. And to think na ikaw lang, of all people, ang tumatawag sa kanya ng 'PRINCE' Dustin."
Bigla akong napayuko—oo na! May gusto nga ako kay Prince Dustin. There's no denying it. I'm dreaming since high school na siya nga ang prinsipe ng buhay ko. At ngayong nalaman kong hindi pala niya prinsesa si Elysse, syempre masaya ako!
"I knew it. If you like him, I can help you."
"Talaga? Sigurado ka?"
"Just promise me you'll help me with Brylle too." Then she smiled at me for the first time. "Then we can be friends. Payag ka ba dun, Alyanna?"