(Alyanna POV)
"Dalian mo Yana!"
Harujusko! Ow Em Ji! My ghad! Pinagpawisan ako ng malamig habang pinapanood kung paano labanan ni Brylle yung Warg. Takot na takot ako at nanginginig na ng walang tigil.
Higante nga talaga ang isang Warg. Higit limang beses ang laki nito kung ikukumpara sa isang simpleng lobo. Nanlilisik ang pulang mga mata nito, may matatalas na pangil at nagtataglay ng mga kukong mapanira. Makapanindig-balahibo ang bangis nito.
Sa kabila ng pagiging higante nito, maliksi pa rin ang halimaw. Ngunit hindi rin naman nagpatalo si Brylle sa kanya.
Ngayon ko lang siya nakitang gumamit ng kapangyarihan para lumaban at ipagtanggol ang sarili niya. Nagagawa niyang patumbahin ang halimaw pero sadyang malakas ito at hindi basta-bastang matatalo.
Gusto ko siyang tulungan sa kahit na anong paraan kaya nagpasya na akong bumaba pero sinigawan lang uli ako ni Brylle. "Wag kang bababa!" May shield nang nakaharang sa kanya na pilit namang sinisira ng Warg. "Yung balahibo ng Night Sparrow! Kumuha ka ng balahibo!"
Napatingin ako sa Yosuzume at ngayon ko lang lubos na naintindihan ang lahat. Parang masaya pa ito na inaatake ng Warg si Brylle. Galit ito sa mga lalaki kaya walang humpay pa rin ito sa paghuni na parang nagtatawag pa ng mas maraming halimaw na katulad nun!
Kung hirap na si Brylle sa isang Warg, baka hindi na niya kayanin kapag nadagdagan pa yun!
Kaya nakapag-desisyon na ako. Delikado man pero handa kong isugal ang buhay ko dito. Magalit man si Brylle, itutuloy ko ito. This time, I'll do this to help him.
"Hoy!" Inagaw ko ang atensyon ng Warg. "Hoy Warg!" Nung pangalawang tawag ko, napatingala na ito saakin.
"Tumigil ka Yana!" Galit na isinigaw ni Brylle pero huli na ang lahat. Ako na ang target ngayon ng halimaw dahil pasugod na ito sa punong kinalalagyan ko.
Pinilit na muling agawin ni Brylle ang atensyon ng halimaw, ngunit determinado na itong makuha ako. Binangga niya ang puno kaya nagsimula na itong umuga.
Kumapit ako ng mahigpit sa isang sanga, ngunit nang muling banggain ng Warg ang puno, nabali ito sa kalahati. Tuluyan bumagsak ang puno, kasama ako at kasama rin ang pugad ng Yosuzume.
"Yana!" Apoy na ang ginagamit ni Brylle para saktan ang Warg ngunit hindi nito napatigil ang bangis ng halimaw. Gumapang ako sa dilim at pailalim sa natumbang puno para makaiwas sa matatalim na kuko ng Warg. Wala akong magawa kundi ang sumigaw.
Pero may plano ako. Hindi ko ginawa ito dahil lang sa gusto ko o dahil sadyang tanga lang ako. I have a plan and I have to make it work!
Hinanap ko na yung Yosuzume at nakita ko ito malapit sa kanyang pugad. Hindi na ito makalipad dahil nabalian ito ng pakpak. Buti nga! Siguro nagsisisi na ito ngayon dahil tinawag pa niya yung halimaw na yun.
Ang nakakabwiset lang, wala pa ring natatanggal na balahibo mula sa ibon! Binitbit ko yung Night Sparrow pero dun lang ako nakahawak sa pugad.
"You're such a fool, Yana!" Muling pinigilan ni Brylle ang Warg ngunit sa pagkakataong ito, tinamaan siya ng isang kamay nito at tumalsik siya palayo. Bumangga ang katawan niya sa isang puno at alam kong nasaktan siya dahil hirap na siyang bumangon pagkatapos nun.
Pagkakataon na sana ito para sa halimaw na patayin si Brylle, but I won't let that happen! "Hoy Warg!" Tinawag ko uli ang atensyon ng halimaw and now I'm out in the open.
Napansin kong may namuo nang itim sa crystal ng Bond Ring ko at lumalaki pa ito. Pero wala na akong pakialam sa galit ni Brylle. This plan maybe stupid and suicidal, but I believe this will going to work!
Paglapit saakin ng Warg, dinamba ako ng higante nitong kamay. Dinaganan ako nito sa lupa, at ngayon ay papalapit na ang bunganga nito sa nanghihina kong katawan.
"Yana!"
"Ito na ba ang katapusan ko?" Tanong ko sa sarili ko.
Pero bigla na lang tumigil ang Warg sa pagkilos niya—parang nagtataka. Nang iangat niya ang kamay niya mula sa katawan ko, nakadikit na roon ang wala nang buhay na Night Sparrow.
"We cannot touch a Night Sparrow 'cause if we do that, we'll be cursed to have severe night-blindness." Yun ang sabi ni Brylle.
At nang madikit ang kamay ng Warg sa Yosuzume, gumana na ang sumpa ng pagkabulag ngayong gabi.
Napangiti na din ako dahil sa wakas, nagkalat na ang balahibo sa lupa kaya dali ko itong pinulot. Kumuha ako ng higit pa sa isa at inirolyo ko ang damit ko para hindi ito mahulog. Pinilit ko nang tumayo para makalayo pero hindi ko na magawa dahil masakit ang buong katawan ko.
To my relief, nakalapit na saakin si Brylle at binuhat ako. Duguan ang braso niya pero parang wala lang sa kanya. This is the best time na tumakas habang nagwawala ang Warg dahil wala na itong makita.
"Brylle, I'm sorry." Sorry dahil halata sa mukha niya ang pag-aalala.
"Let's go." Habang buhat niya ako, nagliwanag na ang lupang tinatapakan niya. We're inside a magical circle and it's a portal to travel back to the Mortal World.
* * *
Masaya akong nakabalik na kami sa Mortal World. Nakahinga ako ng maluwag dahil wala na kami sa Atrum Forest at wala na rin ang Warg. Buhat pa rin ako ni Brylle at nagmamadali siyang naglakad pabalik sa mansyon.
"Brylle—"
"Shut up Yana!"
"Ito na yung—" Napapikit ako sa biglang kirot na naramdaman ko. Pero masaya pa rin ako sa kumikintab na balahibo na hawak ko. "Ito na yung balahibo, Brylle."
Tiningnan lang ako ni Brylle pero hindi siya umimik. Galit siya. Galit na galit dahil kalahati na ng crystal sa singsing ko, kulay itim na.
Pagdating namin sa mansyon, dahan-dahan akong inihiga ni Brylle sa sofa. Saka siya natumba sa sahig. Pareho kaming masama ang pakiramdam, pero mas pagod siya. "Vander!" Nagawa pa niyang sumigaw pero napapikit siyang humawak sa tagiliran niya.
"Master Brylle... Master ko!" Hindi na magkanda-ugaga si Vander nang makita niya ang kalagayan namin. Nakita niya rin akong sugatan kaya mas lalong hindi niya alam kung sino ang unang tutulungan. "Warg attack! Warg attack! Warg attack!" Natatarantang sigaw nito.
"Oo..." Sabay naman naming sinagot.
"Gamutin mo na muna si Yana." Utos ni Brylle, sabay turo sa bandang tyan ko dahil may malalim na sugat nga ako doon.
"Hindi! Mas malubha ang sugat mo sa braso. Maraming dugo pa ang nawala sayo. Siya na ang unahin mo, Vander."
"Wag ka na ngang makipagtalo!"
"Ikaw ang manahimik!"
"Lalo mo akong ginagalit!"
"Mas pagod ka!"
"Tama na, tama na, tama na!" Pigil saamin ni Vander. "Dactyls! Tatawag ako ng Dactyls!" Tapos biglang nawala sa paningin namin si Vander. Ano ang mga Dactyls?
Nanahimik na lang kami pareho. Pero nang tingnan ko si Brylle, halatang hirap na hirap na siya. Nagtitiis pa siyang nakasandal lang sa upuang hinihigaan ko.
"Brylle..."
"What were you thinking?" Ramdam ko ang galit sa boses niya. "Di ba sabi ko sayo—"
"I'm still alive. We're both alive. At dahil sa ginawa ko, nakuha natin ang kailangan mo."
"And you think I'll let you risk your life just to get this?" Kinuha ni Brylle ang mga balahibo ng Yosuzume at padabog na ipinatong ito sa side table. "The next time na gumawa ka pa ng ganung katangahan, siguraduhin mong wala ako sa paligid na nag-aalala na baka mapano ka!"
Natahimik ako bigla sa sinabi niya. At medyo na-touch. "Kung hindi ko naman ginawa yun, ikaw ang mas masasaktan. Kailangan na kitang tulungan!"
"Sinabi ko bang tulungan mo ako?"
"OO! Kaya mo nga ako dinala sa lugar na yun di ba? Mas lalong ayokong may mangyaring masama sayo Brylle dahil—" Napatigil ako sa sasabihin ko.
Dumating na kasi si Vander at may mga kasama siyang mga nilalang na halos kasing laki lang ng mga daliri ko sa kamay. Sila na siguro ang tinatawag na mga Dactyls.
"Healing magicians ang mga Dactyls, Yana. Mayamaya lang, aayos na uli ang pakiramdam niyo." Tapos pinaupo ni Vander si Brylle sa isa pang upuan para mas maging kumportable ang pwesto niya.
Sabay-sabay nang nagsikilusan ang grupo ng mga Dactyls para gamutin kami ni Brylle. Mayamaya rin, bumigat na ang mga mata ako at nakatulog ako.